ميلسنا 2013

[mischocolat]

تسلميلي واايد والله

باخذ بگل نصايحج ^_^

يزاج الله خير والله يوفقج بحياتج ��

العفو حبيبتي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المندوسيه]

السلام عليكم مس شوكليت انا عندي كلف فويهي من الحمل من سنتين استعملت الرتن ايه ويا الدو كين أبدا ما قشر ويهي ورحت مستشفى الإيراني عطوني كريم تركيب خف شويه وعقب رد الكلف مره ثانيه الجبن ناويه استعمل منتجات سوسكن للتبيض شوري علي أخذهم ولا لا

[mischocolat]

السلام عليكم مس شوكليت انا عندي كلف فويهي من الحمل من سنتين استعملت الرتن ايه ويا الدو كين أبدا ما قشر ويهي ورحت مستشفى الإيراني عطوني كريم تركيب خف شويه وعقب رد الكلف مره ثانيه الجبن ناويه استعمل منتجات سوسكن للتبيض شوري علي أخذهم ولا لا

عليكم السلام
للأسف اختي الكلف ما يخوز بالكريمات الا نسبه بسيطه جدا ما تتعدى ال15 الى 25 % ويبقى موجود الا لو استخدمتي له الديرميلان مثلا بيخوز لكن لازم تختارين وقت الجو يكون بارد عسب تاخذين النتيجه الممتازه (2500 الى 3000 درهم )
مجموعة سوسكين ممتازه بس ما راح تخوز لج الكلف

[يارب عونك00]

السلام عليكم
شحالكم ؟؟؟

خواتي حبيت استفسر شورايكم في فير اند لافلي

انا سمعت وايد يمدحونه

ونصهم يقولون مب زين !

فماعرف شو الحين

[عروس يديدة~]

السلام عليكم
انا ادرس فالجامعه بس ما اهتم بايدي وصايره سمرة

سمعت وحده هنيه تقول سبع سنوات من التخرج وما فادها شيء

فكيف اتلاحق واهتم شو اسوي

شكرا مقدما

[{ الحب يكبر }]

مشكورة فديتج مس شوكليت يزاج ربي كل خير دومج تساعدين البنات ماتقصرين الغالية
مرة شفت لج رد بس نسيت مااحفظة ورمستج عنه يصك المسامات المفتوحة هي عبارة عن خلطة
فيها لبان عربي ومر على مااعتقد احطيهن في ماي وامسح ويهي بقطنة انا اكتب لج اللي اتذكره بس ماادري
هي جيه الخلطة او لا ؟
ياليت لو تساعديني بالخلطة لاني خذيت الاغراض وبغيت اسويها ويزاج ربي كل خير

وعندي سوال ثاني شو تنصحيني انا بشرتي دهنية وساعات لمن المسها احس جاني غاسلة ويهي بزيت
وايد متضايجة من هالشي واتوقع هالشي مسبب لي مشاكل بويهي روؤس سوداء ومسامات مفتوحة بخدودي
فاتمنى تنصحيني بكريم او اي شي يساعدني لان اللي حولي حتى اقرب الناس لي ريلي يعلقون ع ويهي
وخاصة المسامات المفتوحة

[mischocolat]

مشكورة فديتج مس شوكليت يزاج ربي كل خير دومج تساعدين البنات ماتقصرين الغالية
مرة شفت لج رد بس نسيت مااحفظة ورمستج عنه يصك المسامات المفتوحة هي عبارة عن خلطة
فيها لبان عربي ومر على مااعتقد احطيهن في ماي وامسح ويهي بقطنة انا اكتب لج اللي اتذكره بس ماادري
هي جيه الخلطة او لا ؟
ياليت لو تساعديني بالخلطة لاني خذيت الاغراض وبغيت اسويها ويزاج ربي كل خير

وعندي سوال ثاني شو تنصحيني انا بشرتي دهنية وساعات لمن المسها احس جاني غاسلة ويهي بزيت
وايد متضايجة من هالشي واتوقع هالشي مسبب لي مشاكل بويهي روؤس سوداء ومسامات مفتوحة بخدودي
فاتمنى تنصحيني بكريم او اي شي يساعدني لان اللي حولي حتى اقرب الناس لي ريلي يعلقون ع ويهي
وخاصة المسامات المفتوحة

العفو فديتج كلج ذوق ..... ياليت يكون هذا راي الاغلبيه واحسب الاجر عند ربي

وصفة اللبان والمر صح مثل ما كتبتيها بس حطي في بالج كل 4 ايام تجددينها يعني تسوين كميه جديده (سوي كميه بسيطه )

بالنسبه للزيوت اللي في الجلد محتاجه شوية سيطره عليها ...تعرفين ما نقدر نوقف افراز الدهون للأبد بس كل اللي نسويه نستخدم منتجات فعاليتها كبيره عشان تخفف من الافراز .....وانا بعد مثلج اتمنى يخترعون شي يوقف الدهون بدون مضار على المدى البعيد ولين هاك اليوم ايي مالنا الا نستخدم ماركات معروفه لهالشي

انتي شو روتينج المعتاد ؟؟؟؟شو الماركات اللي تستخدمينها ؟؟؟وكم مره باليوم ؟؟؟شو جدولج الاسبوعي؟؟؟؟

[dnyailwalah]

شو خلطه المر واللبان
عندي المكونات

انا مرات احط مر بروحه عويهي بس مع كريم اولاي لان المر يخلي ويهي مترصصص ويعورني تقولين حد ماطني ومسويه شد ههههههههههههههههه

حته انا ويهي مره تقولين جلكسي ذايب ههههههههههههههههههه بس مافيني حبوب ولامسامات حمدالله

[mischocolat]

شو خلطه المر واللبان
عندي المكونات



هالتونيك للبشره الدهنيه او اللي فيها حبوب ومسامات او العرضه للتلوث بسرعه
نخلط المكونات الثلاث وندهن منها كل يوم بدل التونر اللي عقب غسول الويه
يخفف الدهون
يجفف الحبوب
يقلص المسام
يشد البشره
يحارب تلوث البشره


انا مرات احط مر بروحه عويهي بس مع كريم اولاي لان المر يخلي ويهي مترصصص ويعورني تقولين حد ماطني ومسويه شد ههههههههههههههههه

حته انا ويهي مره تقولين جلكسي ذايب ههههههههههههههههههه بس مافيني حبوب ولامسامات حمدالله



يعني تستخدمينه عشان الدهون في البشره ؟؟؟؟

[mischocolat]

مر+لبان عربي+ماي ورد

[{ الحب يكبر }]

مشكورة فديتج ربي يحفظج ويسسسسسسعدج
بخصوص اسئلتج بختصر عليج انا يتني عقدة من الكريمات لمن احطي كريم احس بدهن وايد
واتضايج فتركت كل شي وصرت اسوي خلطات لاني احس صج تنشف ويهي واحس بنعومة ونظافة

فصرت اغسل ويهي بصابون الغار واستخدم بشكل كبير الاسكينول الشفايف نفس الماي قبل كنت استخدم
اللي باليمون .. وصرت استخدم خلطات اعتمد بشكل كبير على السدر احس صج ينشف ويهي
وقبل ماارقد ساعات امسح يويهي بفازلين شوي وسلامتج الغالية

[mischocolat]

مشكورة فديتج ربي يحفظج ويسسسسسسعدج
بخصوص اسئلتج بختصر عليج انا يتني عقدة من الكريمات لمن احطي كريم احس بدهن وايد
واتضايج فتركت كل شي وصرت اسوي خلطات لاني احس صج تنشف ويهي واحس بنعومة ونظافة

فصرت اغسل ويهي بصابون الغار واستخدم بشكل كبير الاسكينول الشفايف نفس الماي قبل كنت استخدم
اللي باليمون .. وصرت استخدم خلطات اعتمد بشكل كبير على السدر احس صج ينشف ويهي
وقبل ماارقد ساعات امسح يويهي بفازلين شوي وسلامتج الغالية

العفو حبيبتي
انتي بشرتج دهنيه فما ينفعها صيغة الكريم لازم تستخدمين صيغة اللوشن عشان تكون اخف على بشرتج وما تزيد الدهون
اذا تحسين بشترج وايد وايد دهنيه جربي منتجات اكسفولياك بالصيدليه صدق تنفع للدهون بزياده في البشره وعندهم مرطبات واشيا وايد من نفس الماركه
وقفي الفازلين حبيبتي لان ما منه اي فايده ابدا ابدا خصوصا ان بشرتج دهنيه
الفازلين مجرد طبقه بتروليه تشكل حاجز على البشره يمنع تبخر الماء منها...وهالشي طبعا يحافظ على احتباس الماء داخل البشره الجافه بالتالي ما تجف بسرعه فقط فقط يعني لا فوائد ترطيب ولا اي شي ثاني

[ماما سلطان]

وايد ممتاز ونتايجه مرضيه بدرجه كبيره
ما اعرف انتي بأي اماره بس كوزمسيرج يسوونه ب 2500 درهم وسعاد لطفي ب 3000 درهم وابو شريعه ب 4000درهم

بس بغيت اعرف شو فوائد ها النوع من التقشير؟ انا أبي علاج لتوحيد لون البشرة



هالانواع من التقشير للبشره اللي فيها اثار حروق او كلف عميق يعني حالات صعبه
توحيد لون البشره يبدا بالكريمات اول وبالتدريج عقب يعني لا تلجئين للعلاجات القويه من البدايه

[um suhail]

مرحباااا مس جوكلت عندي أثار جروح على ريلي من فوق من النعال الله يعزج مب طايعه تخوز ... شو أحسن كريم لمحو الاثار القديمه لو سمحتي

مرحبتين كبااااااااااار
شوفي هالكريم اشهر علاج لهالحالات بس يطول يعني عادي شهرين عشان تبتدين تشوفين نتيجه وطبعا كلما كان الاثر سطحي كلما شفتي نتيجه اسرع

[Mn9o0oriah]

حــلو هالمـيلس ..

وانا عندي كم سؤال ..

انا عرسي قريب ان شاءالله وابا اسوي فيشل بس ماعرف ولا مره جربت اسوي وبشرتي دهنيه وين احسن مكان اسوي فيه صالون او عياده في دبي او الشارقه ..

وابا ماسكات لويهي

وشكراً مقدمـاً ..


عفوا
بنات الشارجه ودبي ...الفزعه

بالنسبه للماسكات لازم تنتظمين عليها 3 مرات بالاسبوع عشان توازن الافرازات يعني بتخف عليج وايد بس ماراح تختفي للأبد
انا حبيت ماسكات ذافيس شوب اللي بالكيوي مثلا اعصر عليه شوي ليمون عشان يجفف لي الدهون أكثر
عندج بعد كيس صغير ينباع بالقريه اليمنيه ماسك للبشره رهيب جدا تكلمت عنه في موضوع تجارب وبس
مشاركه رقم 75 على هالرابط
http://forum.uaewomen.net/showthread...7#post41014257