ميلسنا 2013

[mischocolat]

مس قلتي امسح قصدج بالقطن ولا اوزعه على ويهي
سوال ثاني لازم احط كريم مرطب لاني ابدل الكريم بزيت اللوز المر شو تنصحيني ماركة كريم مرطب للويه بشرتي جافه مشكورة مس وسوري على كثرت الاسئله

هي فديتج التونر نستخدمه بالقطن واحسن شي القطن الشرايح المدوره احسن عن الكور عشان ما يشرب كميه زياده من التونر وفي الاخير القطنه بتنعق
الكريم يتغلغل في البشره احسن من الزيوت في العموم لكن هالشي حسب نوع بشرتج
الدهنيه يناسبها اللوشن والعاديه والجافه يناسبها الكريم
كم عمرج ام السديس ؟؟؟؟اذا فوق ال30 انصحج بالماركات اللي تكون غنيه بالكولاجين او الهيالوريك اسيد والريتينول(خصوصا لو بشرتج تعاني من مشاكل مثل البقع او التجاعيد )
اذا تحت ال30 انصحج بالمنتجات اللي تكون مغذيه ومرطبه اكثر

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

[ام السديس]

عمري 27 مشكورة مس ما كنت اعرف هالشغلات الله يكتب كل كلمة تكتبيها نصحيه للبنات في ميزان حسناتج

[mischocolat]

عمري 27 مشكورة مس ما كنت اعرف هالشغلات الله يكتب كل كلمة تكتبيها نصحيه للبنات في ميزان حسناتج

العفو حبيبتي وشكرا ع الدعوه الطيبه مثلج

[هموم2010]

مس انا كنت استخدم التونر والحليب مرة باليوم بس الصبح ما كنت احط الكريم المرطب شكلي كنت اسوي غلط
سوال ثاني لازم استخدم الكريم المرطب نفس ماركة التونر والحليب

[mischocolat]

مس انا كنت استخدم التونر والحليب مرة باليوم بس الصبح ما كنت احط الكريم المرطب شكلي كنت اسوي غلط
سوال ثاني لازم استخدم الكريم المرطب نفس ماركة التونر والحليب

تنظيف البشره سواء بالحليب المنظف للبشره الجافه او بالرغوه للبشره الدهنيه مرتين باليوم (في حالات خاصه جدا ممكن يكون 3 مرات )
اذا بشرتج جافه لازم لازم تستخدمين كريم مرطب عشان تتجنبين التجاعيد المبكره وعشان تريحين بشرتج
مب شرط المرطب اليومي يكون من نفس الماركه بس طبعا يفضل هالشي عشان تكون مكونات المنتجات اللي تستخدمينها كلها وحده ومافيها تضارب ممكن يحسس بشرتج او يتعارضون مع بعض
يعني ممكن المرطب من ماركه غير وفيه ماده ما تنسجم مع ماده موجوده بالحليب المنظف او التونر بالتالي تضرين بشرتج

[ЗђσσĐί ♥]

مرحبااااا مس..

مس بخصوص لوشن احماض الفواكة طبعا مــا حصلت ماركة جلايكوليكس بعد مــا اتصلت بـ كذا صيدلية..
فأخذت لوشن من ماركة neostrata 15 aha body lotion plus



مس شرآيج بهالماركة؟ هل منتجاتهم ممتازة؟؟

و ثاااانكيووووو ^^

[mischocolat]

مرحبااااا مس..

مس بخصوص لوشن احماض الفواكة طبعا مــا حصلت ماركة جلايكوليكس بعد مــا اتصلت بـ كذا صيدلية..
فأخذت لوشن من ماركة neostrata 15 aha body lotion plus



مس شرآيج بهالماركة؟ هل منتجاتهم ممتازة؟؟

و ثاااانكيووووو ^^

مرحبا
الماركه نص نص يعني مب كل شي عندهم اوكي
اللي في الصوره مرطب للجسم ما انصحج فيه لان نيفيا الازرق بالجمعيات احسن عنه

[مبتسمةمتفائلة]

صباح الخير من بد الخلايق له صباح الخير
صباح ٍ يجلي عماس الظلام و يكشف انوراه
صباح الحب و الأشواق و الأشجان و التقدير
يصبّح به على نسمة غلاه و نفحة ازهاره

[mischocolat]

صباحكم نور وسرور

[هموم2010]

مس انا اخذت الحليب والتونر ماركة لوريال شو رايج بالماركة لوريال ولا تنصحيني اغير الماركة لاني بشرتي جافة وحساسة وصار على خدودي جفاف وقشور

[mischocolat]

مس انا اخذت الحليب والتونر ماركة لوريال شو رايج بالماركة لوريال ولا تنصحيني اغير الماركة لاني بشرتي جافة وحساسة وصار على خدودي جفاف وقشور

لا طبعا ما بقولج شي ثاني لان لوريال ماركه خفيفه وما تحسس البشره وتعطيها طراوه عجيبه بصراحه
واكيد انتي تعرفين ان لوريال هي نفسها لانكوم

[بنـوته دلوعه]

السلام عليكم

شحالكم عساكم بخير

حبيت اخذ رايكم بطريقة اهتمامي بجسمي

تقريبا من شهر امربيه ومول ما اهتميت بعمري لانه صدق ما كان لي خلق و تعبانه والحين الحمدلله ردلي الحماس و ارتفعت المعنويات

من قبل الحمدلله اهتم بعمري بس كانت عنايه عاديه لانه ما كنت احتاج ذاك الاهتمام المضاعف

احس قلت قصة حياتي وما دخلت بالموضوع

فالحين ببدا

اول شي قلت بستخدم سوالف المقشرات و السنفره اللي هي

شيا سكرب ( shea sugar body scrub )
ملح الحليب
استيفز المشمش
افريكا سبا سولت سكرب ( Africa spa salt scrub )
كريم كاب


طبعا كل بنوع كل يومين بستخدم شي عسب اعوض فترة الشهر و استفيد بسرعه وارد شرات ما كنت و عقب اباعد الفتره بينهم


بالنسبه للخلطات شي وحده ناويه اجربها وابغي اعرف رايكم هل تنفع ومنها فايده

مكوناتها :

زيت جلسرين
ليمون
زيت اللوز المر
كريم جلوسليد
فيتامين سي الفوار

و ان شاء الله معاهم بسوي خيمة السونا

والترطيب عقب ها كله

فشو رايكم بنات بهالاشياء

و شو رايج مس جوكلت

اتحسين اللي اسويه صح

وثانگس مقدما

[mischocolat]

هلا حبيبتي
الحمدلله ع السلامه وربي يبرك لج باللي عطاج
انتي مب محتاجه لكل انواع السنفره هاي ...حددي نوع واحد واشتغلي فيه3 مرات بالاسبوع عشان تستفيدين عدل منها
المكونات اللي حطيتيها متى بتستخدمينها ؟؟؟؟بعد خيمة الساونا واللا شو ؟؟؟؟
والصابون شو بتستخدمين ؟؟؟؟

[بنـوته دلوعه]

هلا حبيبتي
الحمدلله ع السلامه وربي يبرك لج باللي عطاج
انتي مب محتاجه لكل انواع السنفره هاي ...حددي نوع واحد واشتغلي فيه3 مرات بالاسبوع عشان تستفيدين عدل منها
المكونات اللي حطيتيها متى بتستخدمينها ؟؟؟؟بعد خيمة الساونا واللا شو ؟؟؟؟
والصابون شو بتستخدمين ؟؟؟؟

الله يسلمج يارب

برايج اي مقشر فيهم احسن شي !؟

بالنسبه للخيمه ما ادري والله بس ناويه الخلطه كل يوم استخدمها بس الخيمه كل يومين بعد الخلطه

والصابونه بستخدم البابايا

اتحسين اللي اسويه صح

[mischocolat]

الله يسلمج يارب

برايج اي مقشر فيهم احسن شي !؟

بالنسبه للخيمه ما ادري والله بس ناويه الخلطه كل يوم استخدمها بس الخيمه كل يومين بعد الخلطه

والصابونه بستخدم البابايا

اتحسين اللي اسويه صح

السكراب اللي بالشيا وايد زين ثبتيه
الخلطه هاي مجرد ترطيب ويمكن تنفع في توحيد اللون من عقب السكراب
الخيمه مره بالاسبوعين فقط ولاتزيدين عشان ما تجففين جسمج
صابونة البابايا ممتازه ويا الجلد الدهني او اللي فيه حبوب او اللي فيه بقع غير جيه استخدمي صابونه فيها نسبة ترطيب عشان ما تجفف البشره