ميلسنا 2013

[mischocolat]

السلام عليكم



مرحبا بكل من دخل الميلس وشرفنا بحضوره



سواء حضر







أو

بدو







يا مرحبا ترحيبة البدو لسهيل *** واعداد ما هبت سحايب مطرها
يا مرحبا يا ريحة الورد والهيل *** لا هبت النسمة وتطاير عطرها





ميلس يديد وسنه يديده ...ان شاءالله يكون فيه فايده للجميع
اتريا منكم : كلمه ...تجربه ...نصيحه ...سؤال ... نكته... لعبه
اللي يخطر في بالكم
المهم التواصل ويا بعض

وانا بابدا بفنيان الهيف



كيوت صح؟؟؟؟

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حكآية عشق]

مبروووك افتتاح الميلس
وان شاء الله تعم فييه الفايده وبنفس وقت المتعه والتواصل

[ابتســــــم]

صبولي القهوه انا جيييت
ــــــــــــــــــــــــــــــــــــــــــــــــــ ــــــ

[بروود أعصاب]

مبروووك افتتاح الميلس
وان شاء الله تعم فييه الفايده وبنفس وقت المتعه والتواصل

ان شاء الله يارب
وهاي نكته عيبتني
أثنين محششين فوق برج العرب، واحد منهم قال: لو أطيح كم يبيلي وأصقع الأرض؟
قال الثاني: ثلاث أيام..
-
قال: ظنك أموت ؟
قال: شي طبيعي ثلاث أيام لا أكل ولا شرب!!

[malakmaroc]

مبروك عليكم المليس وان شاء الله ينور ويهكم وينعم اجسامك ويجعلكم احلى واحلى

ويارب يبيض وجونها يوم تسود وجوه وتبيض وجوه

بتابع وياكم ان شاء الله بكل شي جديد بعالم تجميل وبشيل توقيع ههههه

[امل السورية]

مبرررررررررررروك

[محد يسواي]

مبروك على الافتتاح شئ يستأهل انه يتجدد بالفعل ...،

عندي كذا سؤال وهالمرة مطولة

السؤال الأول
ممممم في موضوع مشترياتكم حطيتي مس شوكلت من صيدلية بوتس فيتامين سي إذا ما عليج أمر اتخبريني عن فوائده وهل ينفع لجميع أنواع البشرة وكيف الاستخدام؟

السؤال الثاني
تظهر لي كمن حبة صغيرة ع جفوني هي مب عبارة عن حب شباب نوع ثاني أتكون صغيره وبيضه يعني ما تتواجد إلا ع الجفون السفلية مممم مرة قريت فالمنتدى أن من السهر بس أنا ماسهر واحتار ماعرف شو أحطي ع منطقة الجفون أنا من فترة قمت استخدم كريم فيتامين إيه اللي من بوتس ومن فترة امسح ويهي بكلينكس ديتول وحولين عيوني كنت افكر يمكن الكريم ما ناسبني ولا المفروض ما مسح ويهي بمناديل ديتول للعلم بشرتي مختلطة فهل هالشي سبب لي الحبوب ؟


السؤال الثالث
مرة ذكرتي انج تستخدمين كريم مرطب بواقي الشمس قبل لا تلبسين قفاز واحيده كان بعامل وقاية 15 من بوتس سؤالي هو عادي نقدر انحط واقي الشمي لليدين بعامل وقاية اقل عن 20دامنا نلبس قفاز اثناء السياقة. لان ألويه ما نقدر انحطي صح؟

وهيه قريت مرة معلومة أن واقي الشمس يتم مفعوله ساعتين وان كل ساعتين أنرد
انحطي من واقي الشمس صح ها لمعلومة ؟

وآخر شئ مرة حطيتي صورة أدوية حبوب فيتامين الأظافر والشعر والثاني كان كالسيوم مع نوع من الفيتامين سؤال نقدر نأخذه بدون وصفة طبية وتنفع حق اللي يعاني من تساقط الشعر؟


اسمحيلي إذا كلامي ما كان مفهوم أو أسئلة مكررة

[mischocolat]

محد يسواي
مرحبا وسهلا حبيبتي

1 فيتامين سي يصفي البشره من البقع وبعد يعطيها نضاره واللي بالصوره في موضوع المشتريات من ماركة سوسكين يستخدم مرتين باليوم لكل أنواع البشره بتلاحظين البشره تمتصه بسرعه وما يترك اثر دهني ابدا

2 مناديل ديتول ما انصح بها للويه لانها قويه زياده عن الزوم ومب كل أنواع البشره تستحملها
اذا بشرتج دهنيه وحابه تمسحين المكياج بمناديل انصحج بمناديل TEA TREE OIL من ذا بودي شوب بس بعد بدون مسح العيون بها
امسحي عيونج بشرايح من سيفورا او مزيل مكياج العيون من لانكوم عشان تضمنيني الازاله الكامله بدون ضرر
بالنسبه للحبوب ممكن تكون ردة فعل عكسيه من مناديل ديتول وممكن تكون من شي ثاني الاحسن تشوفين دكتور

3 كريم الحمايه اللي تستخدمينه حق ويهج حطي منه حق ايديج بعد لان اليد تحترق من الشمس اسرع من باقي الجسم وكذلك الانف والاذن
اذا اللي موجود عندج 15 استخدميه مب مشكله لكن اذا بتشترين اخذي من 20 وطالع احسن لان الجو خلاص رجع يحر ورجعت الشمس قويه خاصه
لو كنتي تسوقين بالنهار وسالفة كل ساعتين صحيحه

4 الحبوب اللي ذكرتيها بدون وصفه طبيه عادي تاخذينها من الصيدليه ولو ما حصلتي من نفس النوع بالنسبه لحبوب الشعر دوري الحبوب اللي يكون
مكتوب عليها غنيه بالبيوتين

اسئلتج واضحه ومرتبه ماشاءالله عليج

[ليندااااا]

مبررررررروك التجمع
وأحلى شي المقدمة

[mischocolat]

شكرا عزيزتي وحياج ويانا بالميلس

[فراولة_]

مرحباااا


يحبي للميالس الحريميه وهالسوالف الي فيها هههه
وخاصه اذا مس شوكليت الحلووه معاكم
صايره مهمله بعمري انا
وان شاء الله ارجع اهتم !!

بس تعبانه نفسيتي من الحبوب الي تطلع بويهي
ماخليت شي ماجربته وعالجت ولافاد
: (

[mischocolat]

أنا اللي ياحبي للفراوله



ما أقدر اهمل نفسي للأسف احس ممكن اتيني حكه هههههههههه

[dlolla]

مرحبا عسولات
اريد اسالكم سؤال بخصوص موضوع مضايقني
انا الحمدالله جسمي اوكي شويه ضعيفونه بس ماشي حالي
متزوجه
ماعندي اطفال
احب اعتني بحسمي وبشعري بس مشكلي ماعندي التزامي
عني استمر عالخلطه او ع نظام شهر شهرين واترك وادور على غيرها
وهكذا
من اكثر من 7 سنين وانا ع هذا الحال
علموني طريقه اقدر بيها استمر عالوصفه 3 او 6 اشهر
لانو اغلب الاعشاب والاشياء الطبيعيه تحتاج وقت وصبر

[وردة الجاردينيا]

مشكوره اختيه ع هالموضوع وايد لا هنتي

بالنسبه للاخت مجد يسواي بخصوص الحبه الي تطلع ع الجفن لازم تزورين الدكتور

[mischocolat]

مرحبا عسولات
اريد اسالكم سؤال بخصوص موضوع مضايقني
انا الحمدالله جسمي اوكي شويه ضعيفونه بس ماشي حالي
متزوجه
ماعندي اطفال
احب اعتني بحسمي وبشعري بس مشكلي ماعندي التزامي
عني استمر عالخلطه او ع نظام شهر شهرين واترك وادور على غيرها
وهكذا
من اكثر من 7 سنين وانا ع هذا الحال
علموني طريقه اقدر بيها استمر عالوصفه 3 او 6 اشهر
لانو اغلب الاعشاب والاشياء الطبيعيه تحتاج وقت وصبر

احسن حل انج تستمرين شهر وتغيرين اسبوع واحد ..وترجعين شهر وتغيرين اسبوع
انا اسوي جيه يوم امل