هل هناك رجل بلا ماضي؟؟

[فخر البلوش]

السلام علييييييييييييييكم و الرحمه
الموضوع واضح من عنوانه
سؤالي هل فعلا في ريال بلا ماضي ؟؟؟
بصراحه انا ع يقين ان الريال مجرد مايتزوج ينسى ماضيه كله من مغامرات مره او حلوه ((اقصد المغامرات العاطفيه و الغراميات))
انا مافكرت اساال ريلي عن ماضيه
لان الرسووووووول عليه الصلاة والسلام قال((كل أمتي معافى إلا المجاهرين، ))
و اناماحب انبش ف الماااضي
المهم
انا ماسالت ريلي بس مره مع السوالف قالي انه ماله ماضي و لاعمره جرب يرمس بنت او يحبها
و لما يسالني ربيعاتي اذا كان له ماضي اقوللهن لا
كلهن يقووووووووولن مافي ريال بلا ماااااضي وريلي يجذب عليه واني مقصه .....الخ
حبيت نتناقش ف هالموضوووووووووووووووووووع شوووووووووووووي
و اعرف شو راي البنات ف هالموضوع

هل فعلا لايوجد رجل بلاماضي ؟؟
هل فعلا ان الرجل ينسى كل علاقاته بعد الزواج ؟؟
هل فعلا ان بعض الرجال يبحثوون عن عشيقه بعد الزواج؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نقطة تحول]

باختي الله يخليج لريلج ويخليه لج بس ما شاء الله عليه رزين لانه لو قال لج ان عنده ماضي اكيد بتذكرينه في ماضينه والا تبتحاولين تسألينه عن اي شي فاحسن شي سواه انه سد الباب اللي ممكن اييب المشاكل وقال لج ان ما له ماضي ويمكن صح هو انسان ما جرب قبل ولا عرف قبلج بس لا تحاولين تنبشين وراه لانج بتعبين نفسج وبتعبين ريلج
ولو كان عنده ماضي في النهاية هو خذج انتي يعني انتي المستقبل والمستقبل دايما يكون للامام مب ورا
العني الشيطان ولا تفتحين هالباب

والسموحة ع الاطالة

استغفر الله العظيم من كل ذنب عظيم

[جودي79]

الكلمة شوي عامة اختي

يعني حسب الماضي اللي تقصدينه،،، لو قصدك يطلع مع بنات ويرمسهم وقصص غرام فاكيد في رياييل من غير هالماضي بس اعتقد قلائل لان في هذا الزمان اصبح من الصعب ان الريال يصون نفسه بس لو قصدك ماضي زي انه حب بنت مثلاً وكان يبي يخطبها وماصار نصيب فأعتقد ان كل الرياييل مروا بهالتجربة .. يعني يوم كان مراهق مثلاً ممكن أعجب بواحدة بس هو ودينه واخلاقه في شباب يطلعون معاها وهذا حرام وفي شباب تكتم الحب وفي شباب تلمح بس ممكن بعد مايكبر الريال يتغير تفكيره في زوجة المستقبل وبيكونوا هذول البنات ماضي

نصيحتي لك اختي لاتخبري ربيعاتك لو ريلك عنده ماضي او لا... لأن بيقولولك جذي عسب يقنعوك ان ريلك مب متميز عن رياييلهم بس من داخل يتمنون لو عندهم ريال من غير ماضي... صدقي ريلك وممكن فعلاً مايكون عنده ماضي بس رأيي لاتشاركي الناس في هالأشياء

ه

[شهرزاد123]

بصراحه في رياييل بلا ماضي و اولهم اخو ريلي عمره ما عرف اي بنت الا حرمته بعد ما ملج عليها

[منان]

صدق في شباب مالهم ماضي..

وشو الغلط يعني ..

ولا لازم يكون لهم ماضي..

ترا كل مكان في زين وفيه الشين..

والحمدلله ان ريلج من خيرين

والفال لريلي يوم ايي يكون خيّر بعد

[قصص]

لو الرياييل يتقون الله ويخافون ويبعدون عن المعاصي

جان ما ناقشنا هالمواضيع نحنا كأنها اشياء عاديه

ومفروض زوجاتهم يكونون ماضيهم وحاضرهم

وشكرا لج

موضوع حلو

[Fouz]

الصراحه انا كنت ماخذه فكره انه محد له ماضي
بس تفاجأت في الدوام تقريبا 2 بعدهم صغار في السن يعني 20 و 24 تقريبا مالهم اي ماضي وما فعمرهم كلمو وحده او حاولوو يكلمون وحده مع انه في هالعمر مرجح هالشي
الله يسعدهم ويوفقهم في حياتهم لانهم ما لعبو في بنات الناس ولا تجرؤو حتى

[Om 7aMda]

الرياييل لهم مغامرات واشيا ما تنسى ... بس مب كل الرياييل عندهم هالخرابيط
يعني الريال اذا كانوا ربعه سيده بيمشي سيده ولا بيرمس ولا بيغازل
بس اذا ربعه عادي عندهم هو اكيد بيتأجر وبيشوف هالشي عادي ...


بالنسبة لريلي كانت له مغامرات ويا ربعه بس سوالف الحريم لا ,, لأن ربعه ما شاء الله عليهم
عيال ناس ومتربين ويعرفون الصح من الغلط وكل واحد منهم يعين ربيعه عالخير
وحتى انهم التزموا مع بعض ......

[حزن قلبي]

هي في وايديين ما كلموا بنات، مب كل الراييل نفس الشي، يمكن واحد يكلم، و الثاني يطلع ويا بنات ، و الثالث مول ما له خص بالبنات بس يجوف افلام اباحية، وغيره و غيره و غيره.
الخلاصة اكيد فيه شباب ما عرفوا غير حريمهم، خاصة اذا اتزوج و هو صغير يعني من 19 إلى 24

[نور حياتي]

صدق في شباب مالهم ماضي..

وشو الغلط يعني ..

ولا لازم يكون لهم ماضي..

ترا كل مكان في زين وفيه الشين..

والحمدلله ان ريلج من خيرين

والفال لريلي يوم ايي يكون خيّر بعد

[السكوت ارح]

ووحتى لو كان شي ماضي انتي المفروض ماتفكرين بهلموضوع ولو انا بداله وعندي لاسمح الله ماضي مابقوله لزوجتي ياحبيبتي لان في من الماضي يخلرب بيوووت فانتي بعدي احسن وما عليج من حد هسوالف اتيب المشاكل

والله يبعد المشاكل عن الجميع

[أحلى غراام]

طبيعي بيقولج ماله ماضي


خلاص هذا شي وانتهى يمكن مايبى يرمس فيه أو يمكن صدق ماله ماضي

على العموم لاتيلسين وايد تفكرين في هالموضووووع أهم شي انج انتي عنده الحين وبس

[شفافة الشوق]

الشباب او سواء البنااات


يمكن لهم ماضي ( و ماضي عن ماضي يختلف طبعا )


و حد منهم ما عرف هذا الطرييج .. الا مع زوجته

و في بعضهم لما يتزوجون .. يجربوون هالطريج و بعضهم لا ..

و الريال مستحيل يتكلم عن ماضيه اصلااااا ( شي نادر ان الريال يقول حق حرمته كل شي ) لانه يعرف انه بتصير مشاكل

يمكن يقول لها اذا كانو متفاهمين و يعرفوون انه هذا شي ماضي و انتهى ..

و الحمدلله على كل حااااااااال

و ما انصحج تسألينه ..

لانهم وااااايد اللى سألوا يندموون انهم اسألو عن هالشي

و انتي الحين كل شي في حياته

و الله يخليكم لبعض