ماضي وعدى

[الريماني]

ماضي وعدى وانقفل للزمن باب
وش جايبك والحب بيدك قتلته
ان قلت ناسي بقول انت كذاب
أسأل حنيني يوم رحت وجهلته
رحت ونبت زرع القصايد على الكتاب
والجرح مدري كيف منك احتملته
ماكني الاضيف والدمع ترحاب
ليتك وصلت بحالتي ماوصلته
وش رجعك لاتقولي هالشوق غلاب
عذرك اذا هذا ترى ماقبلته
لن السهر عشعش على روس الاهداب
و ثقل الالم من فوق الامتان شلته
تركتني مطعون ملتاع منصاب
اكرمتني بالصد وانواع الاتعاب
طيب انا هو في شي بخلته
كانت سوالفنا بضلعي لها اطناب
وليل الغلا لاجيت قمت وشعلته
لبستك ايام الوله عطر وثياب
تدري وش أصعب شي مابين الاحباب
انه يهون بناظرك من جعلته
واحد ويسوى كل ربعك والاقراب
والمستحيل الصعب لأجله فعلته
لا تقول لي حنيت والحب ماغاب
الحب قبل تروح بيدك قتلته.....

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي