اكل البيبي

[Asscia]

السلام عليكم

حبايبي ولدي عمره 10 شهور وفيه فتحه ف الحنك كامل مفتوح وعمليته عقب شهرين

انا اطبخ له عيش مع خضره وروب ومرات خضره مع روب ومرات شوربه بالخضار طبعا كل شي اخلطه بالخلاطه بس ماخففه وايد اخليه شوي ثقيل بس اهم شي مايكون في قطع ولا تطلع من خشمه
ويأكل سريلاك وبسكوت اخليه يمسكه وياكله يعني بدون ماي او حليب وروب بالفواكه وكاستر وكريم كراميل ماشاءالله كل شي بس لازم يكون لين

الحين هو صار ماياكل احسه مل من هالاكلات شو اقدر اسوي له غيرهم ؟؟ يعني شي فرش انا اطبخه مابي يأكل الجاهز وايد ومايقدر يأكل من أكلنا العادي 😢

ف بليز خبروني شو تطبخن لعيالكن ؟؟

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام عنوده]

عزيزتي الله يوفقكم ويقومه بالسلامه من العميليه
عن نفسي اسوي لودي حب الهريس افوره على النار واحطه ملح واخليه نفس الهريس او احط عليه صالونه ياكله
ونقدرين تهرسين له تمر مع طحين محمس وشوي ماي علشان يلين
دعواتي لج بالتوفيق

[Asscia]

عزيزتي الله يوفقكم ويقومه بالسلامه من العميليه
عن نفسي اسوي لودي حب الهريس افوره على النار واحطه ملح واخليه نفس الهريس او احط عليه صالونه ياكله
ونقدرين تهرسين له تمر مع طحين محمس وشوي ماي علشان يلين
دعواتي لج بالتوفيق

امين
مشكوره حبيبتي 🌷

[Ward-uae]

جان وديتيه لدكتور ثاني تطمنين ومتى تسوين العملية ؟
اما عن الاكل ما ادري اذا يناسب حالته لكن عيالي اعطيهم بهذا العمر شوربه دياي واطحنه بالخلاط او كاستر بحليب الاطفال اللي ياخذه او توست مذوب بالحليب اللي يشرب منه او بطاطس مهروس او شوربة عدس لكن اتجنب حليب البقر والاكل المعلب والشوربات الجاهزه عندهم حساسية من المعلب فأسوي لهم كل شي في البيت اطبخ الدياي وماي الدياي اصبه في الشوربه او العيش شرات المكبوس
اذا ولدج تحسيه وايد يرون يمكن الاسنان بتظهر له فأحيانا جيه تحسيه ما يرضى ياكل احط له جل من الصيدليه لكن بحال ولدج اسألي الصيدلي قبل لا تشتريه

[Asscia]

جان وديتيه لدكتور ثاني تطمنين ومتى تسوين العملية ؟
اما عن الاكل ما ادري اذا يناسب حالته لكن عيالي اعطيهم بهذا العمر شوربه دياي واطحنه بالخلاط او كاستر بحليب الاطفال اللي ياخذه او توست مذوب بالحليب اللي يشرب منه او بطاطس مهروس او شوربة عدس لكن اتجنب حليب البقر والاكل المعلب والشوربات الجاهزه عندهم حساسية من المعلب فأسوي لهم كل شي في البيت اطبخ الدياي وماي الدياي اصبه في الشوربه او العيش شرات المكبوس
اذا ولدج تحسيه وايد يرون يمكن الاسنان بتظهر له فأحيانا جيه تحسيه ما يرضى ياكل احط له جل من الصيدليه لكن بحال ولدج اسألي الصيدلي قبل لا تشتريه

الدكاتره كثير شافوه من اول مانولد وتراه شي بسيط ان شاء الله بس من تتسكر الفتحه يصير كل شي تمام ان شاء الله . وعمليته عقب شهرين يوم يكمل سنه ان شاء الله
مشكوره حياتي وبجرب اللي تسوينه

[بريد الذكريات]

الروب والحليب ممنوع قبل سن السنه ﻻن يسبب حساسية اللبان وامراض ﻻن الجهاز الهضمي مايستحمله

[بدوية والنعم]

الأفضل تستشيرين الدكتور

[~شوق~]

الاكل سهل الهضم
عيش
خضار مثل جزر بطاطس كوسه قرع بروكلي
فواكه مثل تفاح كمثرى عصير برتقال مخفف
طبعا مسلوقات ..

والالبان والعسل والحليب فرش والبياض بيض والفول ولحوم بحريه للرضع ممنوعه لين سنه .. هذا لي اعرفه
عشان صحتهم اقراي عنها
لاتستعيلين فيها تجنبا للحساسيه ولانه معدتهم بعدها مب مكتمله كل شي بالتدريج
لاحق ع الاكل
بخصوص حاله ابنج احسن استشاره طبيب
ربي يحفظه لج يارب ومايشوف شر

[Asscia]

الاكل سهل الهضم
عيش
خضار مثل جزر بطاطس كوسه قرع بروكلي
فواكه مثل تفاح كمثرى عصير برتقال مخفف
طبعا مسلوقات ..

والالبان والعسل والحليب فرش والبياض بيض والفول ولحوم بحريه للرضع ممنوعه لين سنه .. هذا لي اعرفه
عشان صحتهم اقراي عنها
لاتستعيلين فيها تجنبا للحساسيه ولانه معدتهم بعدها مب مكتمله كل شي بالتدريج
لاحق ع الاكل
بخصوص حاله ابنج احسن استشاره طبيب
ربي يحفظه لج يارب ومايشوف شر

مشكوره 🌷🌷

[Ward-uae]

الدكاتره كثير شافوه من اول مانولد وتراه شي بسيط ان شاء الله بس من تتسكر الفتحه يصير كل شي تمام ان شاء الله . وعمليته عقب شهرين يوم يكمل سنه ان شاء الله
مشكوره حياتي وبجرب اللي تسوينه

اضن تقصدين شفة الارنبه بس غريبة اجلتي العملية للسنة ؟ يقوم بالسلامه وطمنيني عليه

[meko]

انا ما انصحج فالروب ولا حب الهريس لانه ثقيل على معده الطفل وممنوع لين يكمل السنة انا عن نفسي اسوي حق بنوتي عيش ابيض اهرسه شوي مش وايد و دياي او سمج عادي لانها 10 شهور ولازم تتعود على اكل البيت و تقدرين تعطينه الفواكة كل انواع الفواكة بس مادري عن الفرولة اذا يتحسس منه والا لا و الخضرا جزر و كوسا و بطاط حلو مع العيش وحوالي ما ادخلين ملح للطفل نهائيا ولا سكر حراام معدة الطفل حساسه واايد عندج حق العشى معكرونة بيضة من دون اي إضافات لا صوص ولا غيره والريوق بعد كورنفلكس مع حليب حلو يغذى الطفل خليه يذوب وعطيه البيبي حلو مكوناته مفيدة والله يشافيه فديته

[Asscia]

اضن تقصدين شفة الارنبه بس غريبة اجلتي العملية للسنة ؟ يقوم بالسلامه وطمنيني عليه

الله يسلمج
هيه شفه ارنبيه وشق في الحنك
وسوينا عملية الشفه من كان عمره 3 شهور وبس باقي الحنك الحين مايسوونها قبل سنه عشان يكتمل نمو عضلات الفك والوجه اعتقد

[Asscia]

انا ما انصحج فالروب ولا حب الهريس لانه ثقيل على معده الطفل وممنوع لين يكمل السنة انا عن نفسي اسوي حق بنوتي عيش ابيض اهرسه شوي مش وايد و دياي او سمج عادي لانها 10 شهور ولازم تتعود على اكل البيت و تقدرين تعطينه الفواكة كل انواع الفواكة بس مادري عن الفرولة اذا يتحسس منه والا لا و الخضرا جزر و كوسا و بطاط حلو مع العيش وحوالي ما ادخلين ملح للطفل نهائيا ولا سكر حراام معدة الطفل حساسه واايد عندج حق العشى معكرونة بيضة من دون اي إضافات لا صوص ولا غيره والريوق بعد كورنفلكس مع حليب حلو يغذى الطفل خليه يذوب وعطيه البيبي حلو مكوناته مفيدة والله يشافيه فديته

مشكووره 🌹
بس شفيه الروب ؟ ولدي ياكله عادي