الأربعين و بعد الاربعين .. كيف تهتمين بنفسج ؟

[Cobon]

السلام عليكم


الموضوع فقط عن الجسم و كيف ترجعين جسمج و تخلينه احلى او حلو او افضل من قبل
سوالفنا و ثرثرتنا فقط عن جسم المراة في الاربعين و كيف تنزل وزنها
و كيف تشيل كرشة الولادة ؟


ما نبغي سوالف جانبية و خرابيط



خبرونا شو تسووون في الاربعين بالنسبة للرشاقة و الصحة ؟
طريقة الاكل ؟
هل في اكلات خاصة تنزل الوزن بدون ما تأثر ع الرضاعة ؟
شو نوع المشدات اللي تستخدمونها ؟
تستخدمون اجهزة رياضية معينة ؟ اشوف كذا حامل شارية جهاز مشي لعقب الاربعين
كيف نرجع البطن شرات قبل ؟؟ حصى او مطارة او تربطون
هل اتيبون مدربة رياضة للبيت ؟
اتييبون وحدة تسوي مساج معين لترتيب الجسم و تكسير الدهون في فترة الاربعين ؟


حياكم يا حوامل و مربيات

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سلامة الهاملي]

انا بعدني فاول شهور حملي و الحمد للي ها ثالث حملي الله يتممه على خير ..
فحملي الاول .. كنت البس مشد و امشي كل يوم فالليل نص ساعه .. بس طبعا مع البيبي ها شي مب مضمون و اما يعطونا فرصة راحه و لا رياضه.. و اصلا اهتمامج فالطفل بحد ذاته رياضه ههه.. للامانه استمريت شهر امشي و ما اتذكر كيف كنت بس مع الوفت راحت كرشة الاربعين..

ف حملي الثاني .. و لا تحركت من مكاني بس اعتمد عالمشد كل الاعتماد لان جسمي الحمد لله ما يتأثر شي من بالحمل الا الكرشة.. ف اشتريت مشد عادي من الصيدليه فيه شي او ماده حراريه بس ما احس فيها يعني بس الصيدلانيه جي قالت المهم خذته و تميت لابستنه ليل نهار فرقادي حتى ما افصخه الا وقت الغسيل اللي هو يوميا طبعا عشان العرق .. و طبعا جو المواليد ممنوع مكيف فيساعد اكثر .. و ماشي اسبوعين او اسبوعين ونص اقسم بالله انمسحت الكرشه من الوجود .. المشد من الاشياء اللي فعلا اثق فيها مهما كانت نوعيته .. من شفت فيديو هالهبله اللي تملك اصغر خصر و جربت فعلا شي رهيب لا ينكر ..
و الحين ها الحمل الثالث و فالشهر الرابع بس ضعفي نفس ماهو بعدني ما بديت اكل عن عشرة انفار .. بالتوفيق لي و لكم

و لكل حامل عليج بدهن جسمج يوميا وقت النوم بزيت زيتون دافي ها بعد ما يبدا البطن يكبر و تبدا التشققات ادهني كل جسمج حتى ويهج و ريلج و خلج بدون لبس و تمي اتفركي لين يمتص جسمج الزيت و ينشف و عقب البسي بجامة تكونين ما تستخدمينها الا للزيت لان بيسوي ريحة حتى بعد الغسل يعني اي بجامه مستغنيه عنها استخدميها .. و بتدعون لي ..

[Lady Reem]

حلوو الموضوع بنستفيد من تجارب الخوات
انا اول حمل لي ، حاطه ف بالي اسوي سلة خاطة بمستحضرات العناية عقب كل شور
لان فيه مناطق اسودت مثل الرقبة
وبالنسبة للوزن سمعت ان الرضاعة تنزل الوزن وشرب الماي

[Lady Reem]

المشد عقب الربى بكم ينلبس ؟

[Cobon]

للرفع

[elshog 87]

انا بعدني فاول شهور حملي و الحمد للي ها ثالث حملي الله يتممه على خير ..
فحملي الاول .. كنت البس مشد و امشي كل يوم فالليل نص ساعه .. بس طبعا مع البيبي ها شي مب مضمون و اما يعطونا فرصة راحه و لا رياضه.. و اصلا اهتمامج فالطفل بحد ذاته رياضه ههه.. للامانه استمريت شهر امشي و ما اتذكر كيف كنت بس مع الوفت راحت كرشة الاربعين..



ف حملي الثاني .. و لا تحركت من مكاني بس اعتمد عالمشد كل الاعتماد لان جسمي الحمد لله ما يتأثر شي من بالحمل الا الكرشة.. ف اشتريت مشد عادي من الصيدليه فيه شي او ماده حراريه بس ما احس فيها يعني بس الصيدلانيه جي قالت المهم خذته و تميت لابستنه ليل نهار فرقادي حتى ما افصخه الا وقت الغسيل اللي هو يوميا طبعا عشان العرق .. و طبعا جو المواليد ممنوع مكيف فيساعد اكثر .. و ماشي اسبوعين او اسبوعين ونص اقسم بالله انمسحت الكرشه من الوجود .. المشد من الاشياء اللي فعلا اثق فيها مهما كانت نوعيته .. من شفت فيديو هالهبله اللي تملك اصغر خصر و جربت فعلا شي رهيب لا ينكر ..
و الحين ها الحمل الثالث و فالشهر الرابع بس ضعفي نفس ماهو بعدني ما بديت اكل عن عشرة انفار .. بالتوفيق لي و لكم

و لكل حامل عليج بدهن جسمج يوميا وقت النوم بزيت زيتون دافي ها بعد ما يبدا البطن يكبر و تبدا التشققات ادهني كل جسمج حتى ويهج و ريلج و خلج بدون لبس و تمي اتفركي لين يمتص جسمج الزيت و ينشف و عقب البسي بجامة تكونين ما تستخدمينها الا للزيت لان بيسوي ريحة حتى بعد الغسل يعني اي بجامه مستغنيه عنها استخدميها .. و بتدعون لي ..

تسملين اختي على هالنصايح المفيدة

يعني مب شرط اخذ مشد كيم خخخخ خبلتنا هالكيم والله

- - - Updated - - -

حلوو الموضوع بنستفيد من تجارب الخوات
انا اول حمل لي ، حاطه ف بالي اسوي سلة خاطة بمستحضرات العناية عقب كل شور
لان فيه مناطق اسودت مثل الرقبة
وبالنسبة للوزن سمعت ان الرضاعة تنزل الوزن وشرب الماي

ايوااا هذا اللي ابي اعرفه شو اسوي بالنسبه للاماكن اللي اغمجت
والله كارهه عمري يوم اشوفني في المنظره

[elshog 87]

السلام عليكم


الموضوع فقط عن الجسم و كيف ترجعين جسمج و تخلينه احلى او حلو او افضل من قبل
سوالفنا و ثرثرتنا فقط عن جسم المراة في الاربعين و كيف تنزل وزنها
و كيف تشيل كرشة الولادة ؟


ما نبغي سوالف جانبية و خرابيط



خبرونا شو تسووون في الاربعين بالنسبة للرشاقة و الصحة ؟
طريقة الاكل ؟
هل في اكلات خاصة تنزل الوزن بدون ما تأثر ع الرضاعة ؟
شو نوع المشدات اللي تستخدمونها ؟
تستخدمون اجهزة رياضية معينة ؟ اشوف كذا حامل شارية جهاز مشي لعقب الاربعين
كيف نرجع البطن شرات قبل ؟؟ حصى او مطارة او تربطون
هل اتيبون مدربة رياضة للبيت ؟
اتييبون وحدة تسوي مساج معين لترتيب الجسم و تكسير الدهون في فترة الاربعين ؟


حياكم يا حوامل و مربيات

تسلمين كبون ع الطرح المميز فعلا محتاجين نصايح نحن الحريم

شو عن المسح و هل صدق يفيد ؟؟

انا جربته في بجري و ما لقيت الا الويع

[mahhani]

نحتاج اراء مجربات (":
انا اللي اعرفه انه الاغلبيه يلبسون المشد بعد الولاده ،،
والكرشه تحتاج وقت الين ماتخف بس لازم نهتم فيها والا بعدين بتترهل ومابتختفي ،،
والتمارين الرياضيج مهمه ،، عالاقل اللي ما تقدر تسوي رياضه او تروح الجم
تسوي تمرين البطن المعتاد ،، انا صراحه احاتي بطني اكثر شي ،، احس الوزن ينزل بس الكرشه
ماتروح بسرعه ولازم نبتعد عن الاشياء الدهنيه قدر الامكان عسب تختفي الكرشه ،،
عن المناطق السوده للحين ماعرف شو لازم نسوي بس اللي اعرفه اعتقد الحمام المغربي ممكن يشلهم
وتقشير الجسم بين فتره وفتره وممكن التشقير بعد يبيض ،، ..

ان شاء الله يفيدونا اللي عندهم خبره ،،

[غرورعبدالله]

حلووو الموضوع

خواتي بالنسبه للي تربي بقيصريه شو الحل

[mahhani]

حلووو الموضوع

خواتي بالنسبه للي تربي بقيصريه شو الحل

اذا ع الببطن احس بقيصريه شوي اصعب لانه جرح العمليه يحتاج يلتأم ،، بس من يتحسن عندج
ترومين تراجعين وتشوفين متى تقدرين تسوين رياضه اذا حابه ،،
وبس اذا ع الخلطات وهالسوالف ماعتقد يخرب عليج وتمشين ع نظام اكل معين او اكل مناسب مايزيد والوزن
وتشربين سوائل وايده ،،

[Cobon]

للرفع

[Cobon]

ابببببببببببببببببب

[Cobon]

---------------------------

[احتاجك..]

ابببببببببببب
سبحان الله وبحمده

[çϋтê мéмë]

احاتي نفس الموضوع لانه اول بيبي

اللي اعرفه الرضاعه الطبيعه تحرق سعرات و تضعف
و نكثر سوائل و الالياف من خضار و اكل صحي
و الحركه لو مشي سريع نص ساعه يوميا مع لبس مشد ،
المشد خذته من مرتينتي دستنيشن ع اساس انه البست سيلر وكل الاجنيات ياخذن منه حق الكرشه عقب الولاده
وشفت عندهم مشد كآنه اندوير حق اللي بتربي قصيري ، في مكان العمليه مسوين ماده يخلي الجرح جاف مايتآثر بالعرق وجي

ماعندي فكره عن اللي تمسح عقب الولاده ياليت اللي مجربه تفيدنا ؟؟