تبا تلفونها

[خياطة]

الغلاااا من تجربتي مع الخدم :
الخدامة مافي احسن من انج تعطينها الحرية المعقولة لدرجة انها توصل مرحلة ماعد تهمها هالامور
القصد انج لو بتحرمينها من الفون راح تزيد المشكلة يوم عن يوم لو تحرمينها من شي راح تصير تبغيه و بقوة
رأيي الشخصي ، عطيها الفون و خاصة معاها عيال ، أنا خدامتي من 6 سنوات معاها الفون و عمري ما شليته عنها
مؤخرا زخيتها تكلم هنود تعرفت عليهم فالفندق اللي سكننا فيه شليت عنها الفون يومين و رديت لها اياه ونبهتها قلت لها انتي بعدج عذراء تبينهم يقصون عليج
وعقب قلت لها هذيله يبون بس جسمج و بيفرونج فرة الكلاب وانتي بكرامة خافت و اصطلبت بس كنت اكلمها بهدوووء عرفتي وبينت لها أني أحب لها الخير
سمعت كلامي وصارت تفر التلفون في كل مكان ويوم حد يتصل أقولها جيبي أشوف منو ، تراويني انه اهلها وبس .
صح هي مش معرسة ولا عندها عيال بس بعد يحبون يكون عندهم فون أراقبها وبس وعادي مرات أقولها جيبي الفون حطيه هني ، بس انا اصلا عشان باص المدارس يدق عليها .
بالنسبة للبس ما احرمها ما تحب اليونيفورم ولا تحب الجلابيات و اخليها على راحتها طبعا ا اجبرها على شي .
أحس انه كل ما تحبين الخدامة من قلبج و تعاملينها أوكيه و تبتسمين لها بصدق تحس بهالشي بس لا تعاندينها عشان ما تعاندج .
مب غلط تحطين قوانين خاصة فبيتج لكن تخلينها نوعا ما مطابقة قانون معظم البيوت عشان اذا يت تقارن تحصل نفسها متساوية مع باقي الخدم
وحبذا لو قانونج أفضل وفيه ليونة راح تحس انه هي لها أفضلية عن غيرها وصدقيني تمشي الامور .
هذا إذا انتي حابة انه تم عندج الخدامة فترة طويلة و ما تحبين تبدلين الخدم ، إذا كنتي من النوع اللي ما يتحمل غيريها وجربي غيرها .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ليندااااا]

هالحركات مال اندونيسيات
مثل ما قالت وحده من الخوات اطبعي صور عيالها كل فترة وحطيلها اياهن
صدقيني الموبايل مصيبة مع الخدامة

[yummy mommy]

شخصيا ما أنصح بالتلفون للخادمة ولكن ما أحرمها لو بغت تتصل ﻷهلها اعطيها تلفوني ..

الله يعينج ويسخر لج خادمتج وتطيعج في بيتج يارب

[مالتيزرس]

بعطيج تجربني:

انا مروا علي فبيتي 3 خدم اندنوسيات، اول و ثاني وحدة كانوا اهل للثقة و كانوا دايما مركزات و مخلصات فعملهم بعد مرور 3 اشهر تقريبا من شغلهم فبيتي أنا نفسي عطيتهم تلفون من عندي عسب اطمن على بناتي بس البطاقة تكون مدفوعة الاجر و انا احول لهم رصيد كل فترة، و هم صراحة ابدا ما حنوا علي و لا اعترضوا على اي شي.

اما الثالثة اللي ما لها الا 4 اشهر ، اول ما عطيتها الفون اشوفها متصلة عدة اماكن و لما واجهتها تكذب و تحلف ايمانا بالله انها ما اتصلت لحد معن الادلة كلها كانت ضدها، عاد انا الحين مول ما اثق فيها لا و بعد قبل كمن يوم خليتها تتصل بأهلها بعد الاتصال تمت تصيح واااااايد تقول لي ان ولدها الصغير وااايد مريض بلاعيمه ملتهبة ، مترقد في المستشفى و بيسون له عمليه عشان يشلونها ، لا و بعد عشان يشلون بلاعيمه لازم يقصون رقبته!!!!!!!!!!!!!!!!!!

عاد ان عرفت ان كذابة يعني البلاعيم من زمان امي وهي تنشل بدون عملية،،، و هم لين الحين يقصون رقبة الولد عسب عملية بسيطة .

فانت يا عزيزتي شوفي بشكارتج من اي نوعية و قرري.

حشى اعوذ ببالله مرة وحدة بيقصون رقبته تضرب فال ع ولدها
الله المستعان

[مالتيزرس]

الغلاااا من تجربتي مع الخدم :
الخدامة مافي احسن من انج تعطينها الحرية المعقولة لدرجة انها توصل مرحلة ماعد تهمها هالامور
القصد انج لو بتحرمينها من الفون راح تزيد المشكلة يوم عن يوم لو تحرمينها من شي راح تصير تبغيه و بقوة
رأيي الشخصي ، عطيها الفون و خاصة معاها عيال ، أنا خدامتي من 6 سنوات معاها الفون و عمري ما شليته عنها
مؤخرا زخيتها تكلم هنود تعرفت عليهم فالفندق اللي سكننا فيه شليت عنها الفون يومين و رديت لها اياه ونبهتها قلت لها انتي بعدج عذراء تبينهم يقصون عليج
وعقب قلت لها هذيله يبون بس جسمج و بيفرونج فرة الكلاب وانتي بكرامة خافت و اصطلبت بس كنت اكلمها بهدوووء عرفتي وبينت لها أني أحب لها الخير
سمعت كلامي وصارت تفر التلفون في كل مكان ويوم حد يتصل أقولها جيبي أشوف منو ، تراويني انه اهلها وبس .
صح هي مش معرسة ولا عندها عيال بس بعد يحبون يكون عندهم فون أراقبها وبس وعادي مرات أقولها جيبي الفون حطيه هني ، بس انا اصلا عشان باص المدارس يدق عليها .
بالنسبة للبس ما احرمها ما تحب اليونيفورم ولا تحب الجلابيات و اخليها على راحتها طبعا ا اجبرها على شي .
أحس انه كل ما تحبين الخدامة من قلبج و تعاملينها أوكيه و تبتسمين لها بصدق تحس بهالشي بس لا تعاندينها عشان ما تعاندج .
مب غلط تحطين قوانين خاصة فبيتج لكن تخلينها نوعا ما مطابقة قانون معظم البيوت عشان اذا يت تقارن تحصل نفسها متساوية مع باقي الخدم
وحبذا لو قانونج أفضل وفيه ليونة راح تحس انه هي لها أفضلية عن غيرها وصدقيني تمشي الامور .
هذا إذا انتي حابة انه تم عندج الخدامة فترة طويلة و ما تحبين تبدلين الخدم ، إذا كنتي من النوع اللي ما يتحمل غيريها وجربي غيرها .

يزاج الله خير ختية ع طرحج التجربة ماقصرتي غلاية
ع فكرة أحب ردودج أحسها راقية

[munamoor]

عاد ان عرفت ان كذابة يعني البلاعيم من زمان امي وهي تنشل بدون عملية،،، و هم لين الحين يقصون رقبة الولد عسب عملية بسيطة .

فانت يا عزيزتي شوفي بشكارتج من اي نوعية و قرري.

ختيه في اندونيسيا عملياتهم مب شرات الدول
العربية لاأجهزة و لا شياته

[اغلى مواليفي]

عطيها التيلفون بس حدديلها الوقت مثلا تشله الساعه 4 العصر و 9 المسا ترده عليج
البشكاره الي تبا تشرد ولا الي عندها سوالف بتيلفون او بدون تيلفون بتسوي مصايبها
وهي انسانه اكيد تبا تتواصل مع اهلها وعيالها . منو ماعنده تيلفون الحين بس انتي حطي ضوابطج وشروطج ولازم تلتزم فيها
مثلا حددي وسائل الاتصال وامنعي الفيس بوك و الواتس اب وممنوع تحط رمز سري فالتيلفون وبين فتره وفتره فتشي التيلفون لو اداومين وخايفه

[صاحبة السمو85]

هلا الغاليه ..انا طبعا ضد التلفونات للشغالات ..الا في حال كانت اهل للثقه ..وانا من كلامها ما حسيتها اهل للثقه ...وهي يايه تشتغل مب يايه سياحه

,,,مب معناته انها تنحبس ..لا ...طلعوها وياكم لبعض الاماكن

وعن اهلها خليها تتصل لهم ..من تلفون الخاص يكون لاهلها بسسس ويكون عندج طبعا..والله انا شغلتنا كانت تتصل لاهلها وتقول اختي ههههه وهي مب اختها بعدين عرفت ...

بس عندي لج فكره جربيها كم من يوم عطيها فون وشوفي بتهمل الامور وشغلها وهل بتم كل شوي تتصل...اذا من هالنوع ماينفع لها فون ....


انا يوم يت شغلتنا قالت: بدي تلفون وجيه هي اثيوبيه بس كانت قبل في لبنان ....وتمت تحن وتقول كل الشغالات عندهن فونات انا بدي وتهز اكتافها هههه

لين قعدتها يوم وقلت لها شوفي كل بيت وله قوانينه واسلوبه فالتعامل ..نحنا ماراح نحرمج من انج تكلمين اهلج وتطمنين عليها بس يكون لج فون خاص مافيه وماعندنا

..وماتزعلي اوك انتهى الموضوع ..وابتسمت وانتهت السالفه واقتنعت


بس فالمقابل شغالة وحده وتعرف يابت لها تلفون وجوفيها مول ماتيوده الا في الاسبوع يمكن مره ..وما شاء الله عليها قايمه فالبيت ...

وكل وحده عن الثانيه اكيد تختلف شوفي وسوي لها تجارب والله يعينج ان شاء الله


فالنهايه اسال الله ان يكفينا شرهن ان شاء الله ....

[ام احلى بنات]

ختيه في اندونيسيا عملياتهم مب شرات الدول
العربية لاأجهزة و لا شياته

انا بعد في البداية فكرت بنفس الطريقة.
بس بعدين سألت بشاكير بيت الوالدة، اكدوا لي ان حتى في اندنوسيا ما يشلون اللوز بقطع الرقبة و ان في مستشفيات العاصمة في اجهزة طبية حديثة شرات اللي عدنا.

و على فكرة مونامور اللوز من زمان حتى فبلادنا ما تطلع بعملية ،احيذ الوالدة كانت تخبرنا ان زمان يوم حد لوزه ملتهبة و محتاجة استئصال يقوم شخص وهو الادرى و الاعلم بلف خيط قوي بطرف اصبعاه السبابة والوساطى ويدخلها الى موقع اللوز و بعدين ينزعها بطريقة احترافية.

[غزالة AD]

يعتمد على الخدامة وشخصيتها..تراهم بشر..الناس انواع والخدامات بعد انواع..
انا ايب حق خداماتي تلفونات..بس اقولهم انه هالشي لازم ما يأثر على شغلهم. ولازم ما يتكلمون جدامي ابدا. ولازم يردون علي من اول مرة. انا وايد ارحمهم اكيد عندهم اهل وعيال يشتاقولهم ويبون يجوفونهم. واللي تبا تخترب تراها بتخترب بالفون ولا غيره. واذا ما عطيتيها تلفون بطلعه من وراج. خداماتي عندهم واتساب وفيس بوك ويدشون اليوتيوب مرات ويجوفون مسلسلات بلغتهم. واكيد كل شي بحدود وضمن المعقول.

[غلاك]

أختي اذا مشتاقة لاهلها خل تشتريلها بطاقة و تتكلم من تلفون البيت

عادي وايد بيوت لين الحينه يمنعون الموبيلات عن الشغالات

و الشغالات متفهمين ويعرفون ان في بعض البيوت يمنعون هالشي

وعن الصور سويلها طباعة للصور وعطيها لها

اما اصرارها على التلفون مش طبيعي

لان في المكاتب يفهمونهم ويعرفون هالشي

بالنسبة لي انها اتييب التلفون بالدس و من تحت لتحت وهي خايفة ومرعوبة

ولا اني اصرح لها فيه

لانه معظم البلاوي و الجرائم التلفون يسهل عليهم هالشي

ناهيك عن التصوير بغرض يفضحون اهل البيت

او يصورون اليهال علشان السحور

مستحيل اوافق على التلفون عند شغالة

لكن بالمقابل اخليهم يتكلمون من تلفون البيت بالبطايق المدفوعة متى ما بغوا أو احتاجوا

[مالتيزرس]

اشكر كل اخت أبدت رايها سواء بالموافقة أو غيره ..
طبعا انا اعرف انا نحن فزمن التطور وكل واحد مايخلا من التلفون ..وهيه انسانه ولها الحق ..عسب جيه طرحت المشكلة أبا رايكن المجربات
أنا اول مايت عندي شريت الها بطاقة من بيزاتي وخلصت البطاقة وعقب ياني اتصال من زوجها وخليتها تكلمه من رصيد ريلي ..
وعقب قلت الها اول ما تستلمين راتبج اشتري لج بطاقة هاي مال الامارات وخذي لج رصيد ..
وبجوف عاد اذا أثر ع شغلها وقامت تلف وتدور بشلها المكتب قبل لايخلص ضمانها من دون ما أشاورها ..
مافيني ع الصدعة وعوار الراس ..
شو الراي ؟زين جيه وللا

[munamoor]

اشكر كل اخت أبدت رايها سواء بالموافقة أو غيره ..
طبعا انا اعرف انا نحن فزمن التطور وكل واحد مايخلا من التلفون ..وهيه انسانه ولها الحق ..عسب جيه طرحت المشكلة أبا رايكن المجربات
أنا اول مايت عندي شريت الها بطاقة من بيزاتي وخلصت البطاقة وعقب ياني اتصال من زوجها وخليتها تكلمه من رصيد ريلي ..
وعقب قلت الها اول ما تستلمين راتبج اشتري لج بطاقة هاي مال الامارات وخذي لج رصيد ..
وبجوف عاد اذا أثر ع شغلها وقامت تلف وتدور بشلها المكتب قبل لايخلص ضمانها من دون ما أشاورها ..
مافيني ع الصدعة وعوار الراس ..
شو الراي ؟زين جيه وللا

شوفي غناتيه ،،، اذا إنتي خايفة انها تستخدم الفون
بشي ثاني ،،، مثل مغازل و التعرف و جذا لا تعطينها الفون
وديها المكتب و خلي راعي المكتب يرمسها ان ما شي
فون و اذا تبغي ترمس عيالها تأخذ لها شهريا خمسين درهم
رصيد من بيزاتها ،،، و تتصل من فونج او فون بو عيالج
وكان الله غفورا رحيما

[حبي 123]

انا ما عاطي تلفونات بس اخليهم يشترون رصيد وانا اللى ادق لها الأرقام لتأكد ما تتصل لحد داخل الامارات

سوي مثلي وبترتاحين من الصدعه

[sa7el]

لا حبيبتي اللي تقول لج عطيها الموبايل،، لا تسمعينهم،، اذا شردت حتى في الشرطة يقولون لج ليش تعطينها الموبايل؟؟
الوبايل او تليفون عطيها مرة في الاسبوع تكلم اهلها ولو تعطينها على برنامج سكايب احسن بالمرة تشوفهم وبس وطبعي صورهم وعطيها
ولا تكونين طيبة زيادة لانها بتبدا تدلع وتتشرط وتتامر بعد،، رمسيها بقوة وعطيها كلمة وحدة وبس خلاص،، قولي لها تراني بوديج المكتب وهناك هم يعرفون يتصرفون معاج،، قولي لها انتي ياية سياحة وللا شغل،، ما تبين شغل عشان تساعدين اهلح وعيالج؟؟؟ عيل اشتغلي كملي هالسنتين وانا ما بقصر معاج،، غير جي قولي لي من الحين عشام اردج المكتب

اللي عندها موبايل سيري شوفي تليفونها ولستتة الارقام هالطول والصور وغيره من برامج التوصل الاجتماعي، ،على اساس هي خدامة مب راعية عقارات ،،،