تبا تلفونها

[مالتيزرس]

خواتي من اسبوعين يايبتلي شغالة وخذو عنها التلفون فالمكتب ..والحين هيه متضايجة اقولها بلاج اتقولي انا مشتاقة لعيالي وابا اجوف صورهم أونه ..قلت الها اوكيه بعطيج متى مابغيتي التلفون عسب اتجوفي صورهم قالت لي بعد تريد اتدخل بطاقة مال التلفون الصغيرة عسب اتطرش رسايل حقهم وحق اهلها لانه البطاقة بو عشرين بسرعة تخلص ..فقالت عسب اقتصد بطرش رسايل بس .قلت لها وقت حايتج بعطيج اياه ..احسها تزن علي اريد الجوال واريد الجوال كلت فوادي ..
واونه تقولي انتو ماتحاوطون وايد فالسعودية اونه وايد يطلعونهم ويجوفون ربعهم وأنا ساكنة فشقة وأهلي فامارة وانا فامارة يعني ماحد يدش علينا ..احسني ابلشت ابها ..شكلي برجعها المكتب اذا طفرت بي
كيف اتصرف الحين اعطيها ولا لا

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملاآك قلبكـ،،]

قوليلها ماشي فون
طبعي صور عيالها وعلقيهم عندها
والطلعات قوليلها انتي يايه تشتغلين مب تتكشتين

لا تعطينها ويه وايد
بتركب فوق راسج عقب

[ام راشـد]

شكلها اندونيسية ولا

[التورمالين]

الله ييعينج عليها لا ادلعينها وايد ، صدق والله ياييه تشتغل ولا ياييه سياحه

[التورمالين]

خلها تركز في شغلها أحسن

[banota.a7]

عزيزتي مالي حق بس هي انسانه ومن حقها تتكلم وتشوف الناس لو طلعتي طلعيها وعطيها الفون ...

تخيلي انتي لو تداومين ودوامج منعوا الفون اظن بتودرين الدوام لو انه 7 ساعات فما بالج بدوام السنتين ...

واللى تبا تغلط بتغلط وبطلع الفون من تحت الارض ...

ارحموهن الله يرحمكم ...

[أم عيالها]

ليش انتي وايد قاسين عليها إرحميها اكيد مشتاقه لعيالها. هاتيلها موبايلها . إذا انتي ما تبين يكون الموبايل معاها خليه عندج وقت ما هي تبا عطيها. ارْحموا مَنْ في الأرض يرحمكم من في السماء".

[لولو12]

والله مافيه شي يخرب البشاكير غير التلفون لا تكون الخدامة مسترجعه ؟ لأن خدامة امي قالت نفس الكلام اونه احنا وايد نطلع ف السعودية ورحلات ما ايلسون ف مكان وأحد ونفس قصة التلفون كل يوم تحن أبا تلفون أريد اتكلم ويوم شبعت قالت انا بس يشتغل عندكم سنة وعقب سفروني ياسلام دافعين 16 وآخر شي بس تبا تشتغل سنة ورديناها المكتب

[Om hamada]

يااختي والله نفس كلام بشكارتي وتمتتتتت تزززززززن علي لين جبت لها تلفون واخرتها ما خربها الا هو كله تنسى اول لما كان ماشي معاها تلفون كانت وايد مركزة بالشغل وتنتبه على كل شي بس عقب صارت كله سرحانة وتنسى كل شي !!! ماادري شو اقول لج بس هذي لان عندها عيال وتبا تشوف صورهم الواحد يوجعه ضميره عليها خذي تلفونها وخليه عندج وقت ماحبت تشوفهم او تطرش لهم مسجات عطيها ياه بس يكون عقب ما تخلص شغلها وترجعه لج انتي تحتفظين فيه جيه بيكون احسن اعتقد

[munamoor]

أنا خدامتي عندها فون
وفعلت لها الواتس اب و تشوف عيالها بالفيس بوگ
و عادي تكلمهم و ما شي أحسن عنها اللهم لگ الحمد
يا أختيه خليها تشوف اهلها و صور عيالها بالفون
و الامور طيبة بإذن الله

[امراه]

اندونيسيه شكلها وهاي طبيعتهن كلهن جي

[مالتيزرس]

هيه هي اندونيسية ..
خواتي انا ماحرمتها من عيالها اللي يقولن لي ارحموهن ..قلت الها بعطيج وقت ماتبينه وتشتاقي لعيالج ..
مش 24 ساعة عندها ترا بلادي وايد يسون وويختربن ووويواعدن ..
أنا فاهمة احساسها لكن مش عارفة نيتها لانها يديدة

[munamoor]

قولي لها عندج الفون مثلا من الساعة الفلانية للساعة
الفلانية تستخدمينه ،،، بالنسبة لي الفون عند خدامتي ٢٤
ساعة ما جد حرمتها منه،،، بعد بشر شراتنا
حطي نفسج مكانها ،،، ترضين ياخذون فونج منج و يقولون لج
بس يوم بتشوفون عيالج بنعطيج ...
و بعدين شي وايدات يختربن بدون فون .... خدامة اماية ما عندها فون
بس يوم كانت تطلع عند الزبالة و انتي بكرامة كانت تكلم الريال مال البلدية
و شردت وياه

[ام احلى بنات]

السلام عليكم خواتي،،،

اختي مالتيزرس الخدم انواع، منها الصادقة اللي تأمنين تعطينها الفون و منها اللي ما تصدق و تتم تتصل مني و مناك بسبب او بدون سبب.

أنا دايما اتعامل مع مكتب واحد من فترة طويلة، صاحب المكتب له في هذا المجال اكثر من عشرين سنة و يتكلم اندنوسي بلبل، بس هو نفسه نصحني ان كل المشاكل تكون من ورا التلفونات.

فنصيحتي لج، انت جربيها الأول و شوفيها هل هي اهل للثقة او لا، و لا تعطينها تلفونها اشتريي لها تلفون بسيط من عندج عشان تكون عينها مسكورة و ترومين تاخذين و تشيكين ع التلفون بصورة يومية، و حولي لها كل صور عيالها ، لكن اذا شفتي ان الموضوع فيه مشاكل اخذي عنها التلفون كدرس لها و بعدين ردي لها بس على فترات متقطعة.

هذا اللي انا اسويه و الحمدلله الموضوع ماشي وياي.

[ام احلى بنات]

بعطيج تجربني:

انا مروا علي فبيتي 3 خدم اندنوسيات، اول و ثاني وحدة كانوا اهل للثقة و كانوا دايما مركزات و مخلصات فعملهم بعد مرور 3 اشهر تقريبا من شغلهم فبيتي أنا نفسي عطيتهم تلفون من عندي عسب اطمن على بناتي بس البطاقة تكون مدفوعة الاجر و انا احول لهم رصيد كل فترة، و هم صراحة ابدا ما حنوا علي و لا اعترضوا على اي شي.

اما الثالثة اللي ما لها الا 4 اشهر ، اول ما عطيتها الفون اشوفها متصلة عدة اماكن و لما واجهتها تكذب و تحلف ايمانا بالله انها ما اتصلت لحد معن الادلة كلها كانت ضدها، عاد انا الحين مول ما اثق فيها لا و بعد قبل كمن يوم خليتها تتصل بأهلها بعد الاتصال تمت تصيح واااااايد تقول لي ان ولدها الصغير وااايد مريض بلاعيمه ملتهبة ، مترقد في المستشفى و بيسون له عمليه عشان يشلونها ، لا و بعد عشان يشلون بلاعيمه لازم يقصون رقبته!!!!!!!!!!!!!!!!!!

عاد ان عرفت ان كذابة يعني البلاعيم من زمان امي وهي تنشل بدون عملية،،، و هم لين الحين يقصون رقبة الولد عسب عملية بسيطة .

فانت يا عزيزتي شوفي بشكارتج من اي نوعية و قرري.