الي في قلبي على لساني

**الأصالة** · 2014-06-16, 10:06

صبحكم الله بالنور والسرور

بدخل فالموضوع دايركت... الحين انا من النوع الي يوم اضايق من حد لااااازم اقوله في ويهه ما اصارخ ولا اضارب ولاشي بس اقول اني مضايقة لان صار منك كذا وكذا وكذا..... في ناس يعجبها وفي ناس لا

ريلي من النوع الي ما يحب ان اطلع له الي في قلبي ( اذا كنت مضايقة منه ومن تصرفاته وياي) بصراحه هالموضوع متعبني نفسياا انا افضل ان اقول الي في خاطري احس براحه فضيعه واحس اني مب شاله في خاطري عليه

من فترة وتصرفات ريلي مب عاجبتني واذا كلمته وصارحته ما يعجبه ويقولي صكري الموضوع ما بتكلم في شي...

احس نفسي مخنوقة ومتضايقة.. وانا لما اكون مضايقة الهم يبين فيني بسرعه والكل يسألني بالذات أمي مرات اسكت ومرات لا .. وبصراحه لما افضفض ويا امي ارتاح وامي مب من النوع الي اذا خبرتها بمشاكلي ويا ريلي بتحرضني عليه والا بتتضارب وياه لااا ابدااا

الحين انا كيف اتصرف .. السكوت يقتلني .. وريلي يقولي الي بيني وبينج ما لازم حد يعرفه انا فعلا احاول كثر ما اقدر بس في اشياء احس لازم ما ينسكت عنها ولازم اهله والا اهلي يوقفون وياي ضد تصرفاته الغلط...

شو اسوي واايد مضايق فيني الموضوع وابا حل

المزيد من آخر المواضيع من نفس القسم:

**طاغية الأنوثة** · 2014-06-16, 10:15

فديتج فعلاً المصارحه تريح الواحد وتبعد عنه الهم والغم وتخلي القلب صافي زين شو رايج يا حلوه دام ما يحب المصارحه تعاليله بأسلوب حلو يعني العصريات جهزي كيكه وسولفي وياه وضحكوا ودخلي الكلام اللي تبين تقوليه بأسلوب سلسل من ضمن حواراتكم
لو جربتي حبيبتي هالأسلوب وما نفع مالج إلا الدعاء وتشتكي لرب العالمين وهو بيكون قريب سميع وأكيد ما بيردج الغالية وتذكري دايماً كل ماكانت صلتج بربج قوية بتنفتح لج أبواب الخير و الفرج

**ورقة ناعمة** · 2014-06-16, 10:18

الغالية اذا مشكله عادية وترومين تحلينها بنفسج حاولي تصلحين مشاكلكم ويا بعض او حتى بطريقتج لان المرأءة امهر وادرى بمشكلتها

غير الاطراف الثانية اللي بتدخل بالموضوع بس مجرد ماتسمع عنوان المشكلة نصيحة اذا تحاولين تحلين مشاكلج بروحج حليها

واذا ريلج حاولتي معاه وكرر نفس الغلط فلج الحق تكلمين الاهل ويشوفون حل معاه ,,, والوالدة لو شو ماكانت قريبة منج

المفروض ماتخبرينها شو اللي يصير بينكم الا اذا حسيتي انج متضايقة من موضوع معين وحابة رايج لانها الاقرب لج

والله يسعدج يارب

**Cobon** · 2014-06-16, 10:22

كثرة نقل السوالف و المشاكل الزوجية سواء لأهلج او اهل ريلج
تزيد الطين بلة ،
اصلا اهلج بيحطون عليه اكثر و اكثر و بتكرهينه اكثر
بتكرهين ريلج اكثر و اكثر من كثر ما تشتكين وبتتعودين انج تفضفضين و اطلعين اللي في خاطرج

طريقتج غلط و خلاص زوجج تعود على فضفضاتج
مب ع كل تكه تزعلين و تفضفضين
حاولي تخفيفين من ها الشي
و عوضيه بطريقة ثانية اطلعي امشي ع البحر مع ربيعاتج و اهلج
انسي الموضوع .. تناسي تناسي الموضوع

لازم ما تخبرين اي حد بمشاكلج الزوجية الا في حالة
يوم يمد ايده و يضربج او يطلقج ثاني و ثالث طلقة ( بعيد الشر عنج و عنا بس انا اعطيج مثال حتى اول طلقة تكون رجعية وما تخبرين اي شخص كان)
حتى في الخيانات تحلين المسألة مرة و مرتين و ثلاث لين ما تطفرين عقب تخبرين " ريال حكيم و عاااقل و متعلم و فاهم و دبلوماسي و عنده اسلوب"

شوفي الفرق !!!
مب تخبرين كل اهلج و اهله !!

ما شاء الله انتي عاقل و فاهمة حاولي تتغيرين
نصيحة مني
ترى بيتج بيخترب و عقب بتندمين يوم ما ينفع الندم ؟

**الفدعانية** · 2014-06-16, 14:09

انا قبل ما كنت اتكلم مع امي عن مشاكلي مع ريلي بس بعدين شفت السالفة زادت عن حدها عرف اني ما احب افضفض واشكي صار عنده عادي يزعلني ويقول انتي طيبة ماتزعلين بس عاد مو على حساب كرامتي ....الحين من يوم ما صرت افضفض حق امي ولا اختي ارتحت نفسياً

**افناان** · 2014-06-16, 14:28

لا تطلعين اسرارج بيتج برع ابدا ابدا
لا لصديقة ولا لحبيبة
الا لشخص متخصص و في حاله استعصت المشكله و تفاقمت مب ع اي مشكله !!

**غرووب 22** · 2014-06-16, 15:28

استغفر الله العظيم الذي لا إله إلا هو الحي القيوم وأتوب إليه

**رورو الصغيرة** · 2014-06-16, 15:36

اذا كانت مشاكلك روتنية وبسيطة ما في داعي للأنفجار وطلعي اللي بخاطرك وجه زوجك صلي ركعتين لله وحلي مشاكلك بهدؤ وبطرق ثانية

لكن لو المشاكل كبيرة من حقك تحكي مع زوجك ويسمعك بس الآهم الآسلوب جربي تغيري طريقتك يمكن تكوني عنيفة وحادة هنا أبنك لن يتحمل كيف الزوجك

مشاكل الحياة الزوجية تحتاج لذكاء وتعقل مش كلها تنفع فيها الموجهة المباشرة

الله يصلح حالك ويسعدك

**حلم منتظر** · 2014-06-16, 17:21

سبحااان الله نفس حالتي بالضبظ
مع الكل مااعرف اتعامل مع حد وقلبي شايل عليه
لين اطلع اللي بقلبي
بس اذا صار شي بيني وبين ريلي مااخبر امي
نهائيا ممكن اربيعتي المقربة من باب الفضفضة
او تشوف لي حل
انت حاولي ماتزعلين وايد لان الرياييل يملون بسرعة
خلي زعلج للشي اللي صج يضايق
ولو فيه شي زعلج شوي ازعلي بعتاب خفيف
ودلع ، وربي يوفقج

**~شوق~** · 2014-06-16, 18:22

يمكن طريقتك او وقت المصارحه مب مناسبين

الله يعينج ويشرح لج صدرج

اللهم اشرح لها صدرها ويسر لها امرها..

سبحان الله وبحمده سبحان الله العظيم

**الأصالة** · 2014-06-17, 08:13

المشاركة الأصلية كتبت بواسطة طاغية الأنوثة

فديتج فعلاً المصارحه تريح الواحد وتبعد عنه الهم والغم وتخلي القلب صافي زين شو رايج يا حلوه دام ما يحب المصارحه تعاليله بأسلوب حلو يعني العصريات جهزي كيكه وسولفي وياه وضحكوا ودخلي الكلام اللي تبين تقوليه بأسلوب سلسل من ضمن حواراتكم
لو جربتي حبيبتي هالأسلوب وما نفع مالج إلا الدعاء وتشتكي لرب العالمين وهو بيكون قريب سميع وأكيد ما بيردج الغالية وتذكري دايماً كل ماكانت صلتج بربج قوية بتنفتح لج أبواب الخير و الفرج

يزاج الله خير اختي كلامج صحيح وان شاء الله بطبق هالطريقة الحلوه .. الي شكلي صدق ما جربت اني اسويها و لامره..

(وتذكري دايماً كل ماكانت صلتج بربج قوية بتنفتح لج أبواب ) ما اتعرفين هالجمله البسيطه كيف خلتني افكر واغير راي في امور وايد كنت افكر فيها واحاتيها

يزاج الله الجنة

**الأصالة** · 2014-06-17, 08:17

المشاركة الأصلية كتبت بواسطة ورقة ناعمة

الغالية اذا مشكله عادية وترومين تحلينها بنفسج حاولي تصلحين مشاكلكم ويا بعض او حتى بطريقتج لان المرأءة امهر وادرى بمشكلتها

غير الاطراف الثانية اللي بتدخل بالموضوع بس مجرد ماتسمع عنوان المشكلة نصيحة اذا تحاولين تحلين مشاكلج بروحج حليها

واذا ريلج حاولتي معاه وكرر نفس الغلط فلج الحق تكلمين الاهل ويشوفون حل معاه ,,, والوالدة لو شو ماكانت قريبة منج

المفروض ماتخبرينها شو اللي يصير بينكم الا اذا حسيتي انج متضايقة من موضوع معين وحابة رايج لانها الاقرب لج

والله يسعدج يارب

يزاج الله خير ورقة ناعمه

كلامج صح وعين العقل
صدقيني انا اقول الاشياء الكبيرة وااايد وامي اتحاول اتصبرني كثر ما تقدر وتنصحني
الله يهديه بس

**الأصالة** · 2014-06-17, 08:21

المشاركة الأصلية كتبت بواسطة Cobon

كثرة نقل السوالف و المشاكل الزوجية سواء لأهلج او اهل ريلج
تزيد الطين بلة ،
اصلا اهلج بيحطون عليه اكثر و اكثر و بتكرهينه اكثر
بتكرهين ريلج اكثر و اكثر من كثر ما تشتكين وبتتعودين انج تفضفضين و اطلعين اللي في خاطرج

طريقتج غلط و خلاص زوجج تعود على فضفضاتج
مب ع كل تكه تزعلين و تفضفضين
حاولي تخفيفين من ها الشي
و عوضيه بطريقة ثانية اطلعي امشي ع البحر مع ربيعاتج و اهلج
انسي الموضوع .. تناسي تناسي الموضوع

لازم ما تخبرين اي حد بمشاكلج الزوجية الا في حالة
يوم يمد ايده و يضربج او يطلقج ثاني و ثالث طلقة ( بعيد الشر عنج و عنا بس انا اعطيج مثال حتى اول طلقة تكون رجعية وما تخبرين اي شخص كان)
حتى في الخيانات تحلين المسألة مرة و مرتين و ثلاث لين ما تطفرين عقب تخبرين " ريال حكيم و عاااقل و متعلم و فاهم و دبلوماسي و عنده اسلوب"

شوفي الفرق !!!
مب تخبرين كل اهلج و اهله !!

ما شاء الله انتي عاقل و فاهمة حاولي تتغيرين
نصيحة مني
ترى بيتج بيخترب و عقب بتندمين يوم ما ينفع الندم ؟

انا وياج حبيبتي cobon الوحده مب كل كبيرة وصغيرة اتقولها حق اهلها والا اهله .. انا بعد من النوع الي ما يحب يقول كل خصوصيات للغير.. بس اذا المشكلة كبيرة وااايد واحس نفسي عاجزه عن حلها اول شي اسوي استشير ناس فاهمه فالموضوع يمكن ممكن مصلحين اسريين والا مشايخ

يزاج الله خير ع النصيحة وفعلا بيتي اذا اخترب محد بيفيدني

**الأصالة** · 2014-06-17, 08:23

المشاركة الأصلية كتبت بواسطة الفدعانية

انا قبل ما كنت اتكلم مع امي عن مشاكلي مع ريلي بس بعدين شفت السالفة زادت عن حدها عرف اني ما احب افضفض واشكي صار عنده عادي يزعلني ويقول انتي طيبة ماتزعلين بس عاد مو على حساب كرامتي ....الحين من يوم ما صرت افضفض حق امي ولا اختي ارتحت نفسياً

صح الوحده يوم تفضفض عند امها والا اختها على الاقل نفسيتها ترتاح اتحس ان في حد بيسمعها وبيخفف عليها حتا اذا ما حل مشكلتها .. الله يصبرنا ويعينا

**الأصالة** · 2014-06-17, 08:28

المشاركة الأصلية كتبت بواسطة افناان

لا تطلعين اسرارج بيتج برع ابدا ابدا
لا لصديقة ولا لحبيبة
الا لشخص متخصص و في حاله استعصت المشكله و تفاقمت مب ع اي مشكله !!

شكرا ع المرور يزاج الله خير
بس لين متى الوحده بتسكت اذا ريلها اتمادى في الغلط؟

المشاركة الأصلية كتبت بواسطة غرووب 22

استغفر الله العظيم الذي لا إله إلا هو الحي القيوم وأتوب إليه

استغفرالله العظيم واتوب اليه

المشاركة الأصلية كتبت بواسطة رورو الصغيرة

اذا كانت مشاكلك روتنية وبسيطة ما في داعي للأنفجار وطلعي اللي بخاطرك وجه زوجك صلي ركعتين لله وحلي مشاكلك بهدؤ وبطرق ثانية

لكن لو المشاكل كبيرة من حقك تحكي مع زوجك ويسمعك بس الآهم الآسلوب جربي تغيري طريقتك يمكن تكوني عنيفة وحادة هنا أبنك لن يتحمل كيف الزوجك

مشاكل الحياة الزوجية تحتاج لذكاء وتعقل مش كلها تنفع فيها الموجهة المباشرة

الله يصلح حالك ويسعدك

اللهم اميين وشكرا اختي

الموضوع: الي في قلبي على لساني

أدوات الموضوع

عرض

الي في قلبي على لساني

المزيد من آخر المواضيع من نفس القسم:

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

رد: الي في قلبي على لساني

المواضيع المتشابهه

مشاوي مشاوي لحقي الكميه محدوده

مشاوي ,,,,,,مشاوي ,,,,لحقي

طآر قلبي .. من ضولعي يتبعه !! قلبي .. اللي كلمآ يلقآه ضآأع ..!!

سيدات المنتدى قلبي يتألم ...........قلبي وجعني..............عيني تأذت....والله حرام

ذبحني قلبي الساكت..متى قلبي عليه يبوحـ