انا فبيت وريلي فبيت

[sole3eya]

هلا خواتي حبيت افضفض واخذ رايكم انا مع عيالي فبيت هلي وريلي عايش فبيت هله وعادي عايبتنه العيشه ينام وينش علا كيفه بس محرد زياره يزورني فبيت هلي يلعب مع عياله ويرد السالفه انه بخيل مايبا يطلع من بيت هله حتا وهو معرس عايشه فغرفه وحمام وماقلنا شي صبرت بالعكس سنين لكن انفجرت وشليت اغراضي انا وعيالي ويوم رحت عنه ماترجاني عادي حتا يقول لي تمي 6 شهور لين ما ادور بيت مب فيوم وليله يعطوني واون ماعنده بدل سكن منو هالزمن ماعنده لازم اكون رتبتي عاليه يقول لي كسول ومعتمد علا هلي لان مدلعيني انا وعيالي فالاكل والطلعات وصدق بدو هلي ينزعجون من عيالي يكسرون ويوصخون الاثاث حتا اني اكل ببلاش احس بديت اثقل عليهم مهما ابواحد رحب بك بعد لازم ايي يوم ويتصدع خاصه ان الوالدين كيار فالسن وودي يكون عندي بيت بروحي مستقل عن هله لان كله مشاكل وياي ومب راغبيني ومتقبليني كزوجه ابنهم فانا طلعت بكرامتي من غير المشاكل وللنغزات والتلفونات والسب اللي توصلني وشفت مافي فايده شكيت له كمن مره طبعا ماياخذ حقي لان انا هاديه ومسالمه ولا يدافع عني شخصيه ريلي ضعيفه مله يقول لي خلج احسن عنهم وطاف سوي لكن ماقدرت كلمته فون وقلت له شرطي بيت بروحي والا مابرجع وعادي تخيلو ايي يلعب ويا عياله ولازم نصك الباب ومن غير الازعاج وخواتي لازم يلبسون شيل ومحد ياخذ راحته فكيف اقنعه لان زوجي يفكر فالفلوس وبس مستخسر يبا حتا يسكن عند باباته يوم قلت له قال تبين اعيش بعيد عن هلي استغربت حتا نا يوم عرست تري عشت بعيد عنهم واخاف والله وكله اوسوس انه يخوني الا شو الحين يسوي وللا وين راح ماعرف شي عنه ينش الدوام بروحه ويرقد ولا اعرف شي عنه ولا حتا مسجات والا يتصل طاف بش يتصل علوم لليهال بيي عندهم وعقب يطلع ولا اعرف شي عنه وعادي عنده بس اعرف متا رقد ونش من الواتساب اشوف اخر ظهور له لكن انا مب مرتاحه متشتته احس وصراحه ماقدر اتنازل عن شرطي لاسباب وايد تعور القلب شو الحل ساعدوني اخاف اكلها فالنهايه وهو بدي يتعود علا بعدي عنه عادي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رورو الصغيرة]

للأسف الشديد مشكلتك صعبة أنت المتضررة بكل الحالات لو قلنا تنازلي ورجعي بيت أهل زوجك التعب موجود

واذا قلنا أبقي ببيت أهلك هذا موا زوج ولا حياة مستقرة

ولو قلنا أشتكي بالمحكمة ما يندري شو بيكون رده فعل زوجك ولا سمح الله تصلوا للطلاق

ما امامك حل غير ترجعي لبيت أهل زوجك لآن هذا الوضع الآصح حتي تكون مسؤلية عيالك ونفسك أمام زوجك وحاولي تجنب المشاكل

خاصة مشاكلك مع أهله بالدرجة الآولي وليس مشاكل بينكم

لعل وعسا من الزمن يتغير الوضع ويكبروا العيال ويحس وهو بروحه يتحرك ويصير عندك بيت

[مالتيزرس]

حبيبتي صدقهم اهلج اكيد بيتضايجون من العيال لانه لهم ابو ومكلف وملزوم فيهم والمفروض كل ماايي اييب وياه ماجلة مير للبيت وعياله يصرف الهم ..انتي انغزيه فالكلام قوليله ييب لعيالك ع الاقل يطلعهم العصر يخفف شوي عن اهلج يوديهم يمشيهم فالالعاب ..الله يهدي سره ويصلح بينكم

[ناروتا]

لا تروحين محاكم لان ممكن تصل السالفه للطلاق
ووجودك في بيت اهلك غلط في غلط وما منه حل او فايده, اهلك مش مجبروين بالانفاق عليكي وعلى عيالك, هذا بالاضافة الى ان الزوج يتنصل من المسئولية شوي شوي وسهل جدا يخونك وكثير اشياء غلط تترتب على وجودك عند اهلك
استغرب ويييييين دور الأهل في حل خلافات الزوجين !!!
المفروض ترجعي بيتك حتى لو غرفة , وتحاولي تحلي المشكلة بطرق أخرى , مثل انك تتكلمي مع ابوه او احد له كلمه في العيله وتطلبي حقوقك, يتأجر لكم بيت مثلا , او اي حل ثاني غير وجودك في بيت اهلك

[افناان]

زوج لا مسؤول

دخلي حد كبير و عاقل في الموضوع و السؤال المطروح لين متى يبغي يعيش تحت جناح اهله ؟؟

[cute uae]

زوج لا مسؤول

دخلي حد كبير و عاقل في الموضوع و السؤال المطروح لين متى يبغي يعيش تحت جناح اهله ؟؟

[Ward-uae]

اختي ليش خذتي كل العيال معاج؟
كيف تبينه يكون مسؤول وانتي ما تعطيه فرصه متى آخر مره قعد مع اليهال بدونج وتحمل طلباتهم وتصرفاتهم
عيالج أكيد يسوون هذي التصرفات في بيت أهله اختي حسسيه بالمسؤولية مب بالكلام بس حتى بالأفعال

[ماسه حساسه]

ممكن مع الوقت يتعود ولا يزورج فارجعي مع زوجج وطنشي اي شي يصدر من أهله وعامليهم بالحسنى عشان الأجر وشجعيه شوي شوي على الاستقرار والله يخليكم لبعض ويبعد عنكم كل مكروه

[سار90]

اختي الله يحفظكم بس نصيحة ردي .. الله فوقهم شونسوي

[khaleejiya]

احس ريلج مستانس من هالوضع بالعكس وفرتي عليه وايد مصاريف :\ مفروض تقعدين على راسه انتي وعيالج

[زم_قمر_ان]

ارجعى انتى وعيالج الريال مرتاح الحينه

ﻻﻻ تتنازلي عن حقوقكم

[Cobon]

انتي مب غلطانة هذا حقج و نص اختي
بس انتي جايفة كيف الوضع الحين لا يسأل ولا يصرف

بس بقولج شي ترى هو الحين مرتاح و مكيييف بدون حشرة و قرقعه
انتي ارجعي غرفتج و خليه يجوف الوضع
و حتى لو عيالج في الحجرة خليهم وياه و يلسي ف الصالة مع اهل ريلج
خلى يستحملهم شوي يمكن يحس ع دمه
و قعدي ع قلبببببببببببببببببببببببببببببببببببببببببببببببب ببببه انتي و عيالج
بالنسبة لاهل ريلج دخلي من اذن و طلعي من اذن
هذا الحل الوحيد

[حرم الحميري]

هو يرتاح ومضيجه ع خواتج حق شوه يبا يجوفهم يجوفهم فبيته يشلهم ويردهم قصورها بعد يوم بغاهم يا قعد فبيت مب بيته وهو متبخل ع بيت لهم روحج مسوتله سالفه

[راعية مواجيب]

الله يسهل عليج

[غرووب 22]

لا اله الا انت سبحانك اني كنت من الظالمين