خطيبي يهددني !!

[امونه ^^]

السلام عليكم و رحمة الله وبركاته ..

شخباركم عزيزات ^^
انا الصراحه من بعد فترة طويله وانا افككر عجزت افكر وابي بنات عاقلات ينصحوني
مشكلتي مع خطيبي .. شي غريييب !!!!!
يهددني


يههدني من الحين بعد الزواج ما يبيني اقرب صوب تلفوونه
ولا افكر امسك البيبي ماله قلت له وانا عيل انت ما بتزخ فووني قالي عادي مابيه
بسسسس لييششششششششش

قلت له شو عندك بالتلفوون قال سوالفي انا وربعي ما احححب حد يقراهاا
انا عن نفسسي وافقت =(
و من الحييين بدييت اشك فيه و بتصرفاااته
ويقوولي اياني وياج تحاولين تنبشين من وراي ما بيحصل لج خير
يعني انا ما حس انها ييبها بسسلوووب بتهديد ..
هو ساعات صج ماعنده اسسلوب ابد

انا اذا احس اني ما بترتاح وياه والله بفركش كل شي
انا بعدني صغيره ولاحقه ع الزواج
انصحووني ابقى معاه ولا اتركه لغيري ؟!

والشي الثااني هو يشتغل فبوظبي ويبا يحطني ند هله فراس الخيييمة
ما يرد الا فالاسبووع يووومين و باجي الايام فبوظبي يبات فشقة ويا الشباب
قالي يبيني فبيت هله مستحيل هو يطلع لان راتبه اصلا ما يسسسد
انا نصحتني وحده اني اتمسك فيه و اجبره يقعد عندي على طوووول ><

بس انا قلت حرام المساافة بعيييده ؟؟!
سوالي هوه هل في خطر ان الريال يبات ويا شباب فشقه
او ممكن يلقا فرصته ان يسوي اي شي وا...الخ

انا شرطت عليه يعد ويايه على طوول تدرون شو رد عليه
طرش مسج
هالفيس

^^


؟؟ شوو يعني ماعررررف الريال مصر انه يبات هناك والله مب عسب المسافه
قال اول شي عسسب تشتاقين لي قلت له بشتاق وانت عندي لا تحاتي عققب قال ضباب
قلت له ضباب ما يينا الا شهري بالسسنة
يعني اكتشفت انها اعذاااااااااار + سالفة الفوووون = شك قسسسم بالله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ابتسامتي غير]

ألصراحه يشكك

بس ما احب اقولج اتركيه او تمي معاه وحدج بس تقدرين تقولين اذا هي او لا

عموما التفتيش ورا الزوج ما وراه الا المشاكل عني ابدا ما افتش وما احب هالاسلوب بس موب هو ايي يقولي لا تفتشين لان تلقائي بشك وشوفي نفسج اذا تقدرين تعيشين بهاي الطريقه

استخيري

[احلى بلوشية]

انا كنت شراتج .. والحمدالله فسخت الخطوبة الاوليه ..
كان يمسك فوني ويدش ع كلللللللل شي ولما انا ابا اقبض فونه شو يسوي يتناقز هاهاها
وايد يخاف ويخرط شوي جفتي كيف كلن يرا الناس بعين طبعه وعقبها سمعت وايد كلام.. وجي وودرته بعد فتره ..

وعسالفة خطيبج .. على الاقل احسن من الرياييل الي ينبشون في مبايلات حريمهم ومايخلون حريمهم يقبضون فونهم صح ..؟

يعني مابنبش في اغراضج ( واثق منج )
ولا تنبشين في اغراضي ( ثقي فيه )

[فديتني دلوعه]

ذكرتيني بوحده ايام الملجه جي كان يقول لها طبعا هي تمت تشك وطلع شكها في محلللله شوفي الصح وسويه ولا حاولي تكلمينه

[امونه ^^]

ألصراحه يشكك

بس ما احب اقولج اتركيه او تمي معاه وحدج بس تقدرين تقولين اذا هي او لا

عموما التفتيش ورا الزوج ما وراه الا المشاكل عني ابدا ما افتش وما احب هالاسلوب بس موب هو ايي يقولي لا تفتشين لان تلقائي بشك وشوفي نفسج اذا تقدرين تعيشين بهاي الطريقه

استخيري

انزين فديتج انا ما مداني انبش شي والله بس هو ليش يقوول جي
ولا انا ما احب التنبيش ..

انا صليت الاستخااره و حلمت به و قالي الشيخ اتمسسك فييه
لان فيه خير
قالي بتصير مشاكل بس عديييها ^^

[امونه ^^]

انا كنت شراتج .. والحمدالله فسخت الخطوبة الاوليه ..
كان يمسك فوني ويدش ع كلللللللل شي ولما انا ابا اقبض فونه شو يسوي يتناقز هاهاها
وايد يخاف ويخرط شوي جفتي كيف كلن يرا الناس بعين طبعه وعقبها سمعت وايد كلام.. وجي وودرته بعد فتره ..

وعسالفة خطيبج .. على الاقل احسن من الرياييل الي ينبشون في مبايلات حريمهم ومايخلون حريمهم يقبضون فونهم صح ..؟

يعني مابنبش في اغراضج ( واثق منج )
ولا تنبشين في اغراضي ( ثقي فيه )

هو واثق فيني وما يفكر يزخ تلفوووني
وانا وااثقه فيه ولا فكرت اسويها واخذ تلفووونه
بس هو فتح لي باب الشششك ><
><
><

[فخوره ب بلادي]

حبيبتي اول تهديد كلنا نعاني منه تغاضي عنه وادعي له واستودعي الله بصره وسمعه
والثاني ادعي الله ان ينقلونه ويرقونه ويسهلون عليكم ان شاء الله لا تحطين في بالج جيه ترا مب كل الرياييل واحد خليه في ه اليوميه يستانس وياج ولا يشوف فيهن غيرج ولا يسمع صوت غيرج
موفجه الغلا وربي يسر امورج

[نصراء]

الله المستعااان

[امونه ^^]

ذكرتيني بوحده ايام الملجه جي كان يقول لها طبعا هي تمت تشك وطلع شكها في محلللله شوفي الصح وسويه ولا حاولي تكلمينه

انا عالله و على صلاة الاستخاره
يارب يبعده عني ان كان ما وراه غير المشاكل
شو هالززززمن اممحق صار الريال يتزوج كاسم
لكن لا يتحمل مسوولية ولا يراعيي عواطف زوجته
ولا يلتزم

والله يا بناااات ان انفسخت خطبتي هاي ابد ابد مافككر بالزواااج
مابي اتزوج ولا اييب المشاكل لعندي اسموحلي يا شباب البلاد صرتو مب ويه زواج
خلني معززة مكرمة عند هلي اقسم بالله ابرك

انا ما اقدر ارفضه حاليا لان لاسباب خاصصه
بس ادعولي يا بنات اذا ما وراه غير الهم ربي يبعدني عنه

[ماسة الذوق]

الغاليه تبين رايي اذا بدايته جذي الله يعينج يوم بتصيرين عذمته ومدام بعدكم عالبر وانتي تقولين بعدج اصغيره الريال غيره الف ريال لكن راحتج وسعادتج مالها عوض حطي الحروف عالنقط وفكري زين قبل اتخاذ اي خطوة

[بيبي قيرل]

أونه لاتفتشين بتلفوني .. حبيبتي أنا ماقولج فتشي بس دام هو فتح السالفة يعني أكيد 100 بـ% أنه وراه شي .. أونه ربعي .. انا مالجة والله لما امسك فون ريلي مايعصب ولا يقول لاتفتشين بس انا مبوني ماحب افتش فيه بس ساعات أمسك عشان اطالع الصور ... انا شراته عادي لويمسك فوني ماشي فرق بينه ..

بس لو ياني وقال مابيج اتقربين صوب البي بي بصراحة بحط مليووووووووون بالمليوووون خط أحمر بالشك ..

صلي استخارة وماعليج من كلام حد .. واخذي نصيحة الكبير يمكن يفيدونج .. وأكيد لهم خبرة ..

والله يسعدج الغلا

[امونه ^^]

أونه لاتفتشين بتلفوني .. حبيبتي أنا ماقولج فتشي بس دام هو فتح السالفة يعني أكيد 100 بـ% أنه وراه شي .. أونه ربعي .. انا مالجة والله لما امسك فون ريلي مايعصب ولا يقول لاتفتشين بس انا مبوني ماحب افتش فيه بس ساعات أمسك عشان اطالع الصور ... انا شراته عادي لويمسك فوني ماشي فرق بينه ..

بس لو ياني وقال مابيج اتقربين صوب البي بي بصراحة بحط مليووووووووون بالمليوووون خط أحمر بالشك ..

صلي استخارة وماعليج من كلام حد .. واخذي نصيحة الكبير يمكن يفيدونج .. وأكيد لهم خبرة ..

والله يسعدج الغلا

شوفي انا بقولج في نوع يحب يتحفظ بخصوصياته شراتي مافي فوني شي
بس ماماحب حتى هو يشيله بس بعد لو يطلبه بعطييه ..

ياما ناس كانو قبل الزواج زينين وتغير الحال
ووياما ناس كانو شينين و غيرتهم الدنياآ
صحيح انا بصلي الاستخاره و ما عليه من حد بس قلت اسالكم
يمكن حد مر بحله نفسس حاآلتي
انا عن نفسي احب نفسي و لو احببه بس بقوله اسسمحلي راحتي اهم منك ^_^

انا مره يلس ياي خذيت فونه
قالي لا تنبشينه بتزعلييين ^______^
قلت ما بخرب جوي وحطيت الفوووون


برجع اصلي الاستخاره خامس وسادس وسااابع و بنجووف الترتيب
وربييوفقج و يسعدج و يا ريلج والله يتمم عرسج على خير يارب

[بنت الشـمال]

عليج بصلاة الاستخارة وقيام اليل

حبيبتي اقري صورة البقرة واستخيري ربج

وعسى ربي يوفقج.

[امونه ^^]

الغاليه تبين رايي اذا بدايته جذي الله يعينج يوم بتصيرين عذمته ومدام بعدكم عالبر وانتي تقولين بعدج اصغيره الريال غيره الف ريال لكن راحتج وسعادتج مالها عوض حطي الحروف عالنقط وفكري زين قبل اتخاذ اي خطوة

[امونه ^^]

عليج بصلاة الاستخارة وقيام اليل

حبيبتي اقري صورة البقرة واستخيري ربج

وعسى ربي يوفقج.

ان ششاء الله