يهددني يبا يتزوج علي

**تبون الصدق** · 2012-03-23, 00:38

السلام عليكم يابنات
بخبركم قصتي أنا تزوجت مرتين أول مرة يوم جان عمري 19 سنة ويبت بنت وولد وتطلقت من ثلاث سنوات ...
ومن سنتين وكمن شهر تزوجت للمرة الثانية لكني كنت الزوجة الثانية ولي منه بنتين ربنا يحفظهم لي ويحفظلكم عيالكم ..
ومشكلتي معاه إنه دوم يهددني إنه يبا يتزوج علي الثالثة وحجته إنه يبا أولاد مع إنه ماشاءالله عنده خمس أولاد وبنت من الزوجة الأولى
أبا نصايحكم خواتي إيش لازمن أسوي ماعرف الصراحة هو بس يهدد ولا صدج يبا يعرس...يوم يقلي خلاص بعرس ويوم ثاني يقلي لا انا بتمصخر معاج حبيبتي معقولة بعرس .....أباج تغارين علي وتدلعيني أكثر ... وربنا يشهد علي إني بدلعه وايد ومخليتنه أهم شي فحياتي

المزيد من آخر المواضيع من نفس القسم:

**شيخه بمعانيها** · 2012-03-23, 00:46

عجيب امرج

خذتي الريال من حرمته والحين خايفه يعرس عليج

كمآ تدين تدان

**فروله2020** · 2012-03-23, 00:46

والله شو اقولج بس يمكن يبا يختبرج شو شعورج او رد فعلج

**تبون الصدق** · 2012-03-23, 00:51

المشاركة الأصلية كتبت بواسطة شيخه بمعانيها

عجيب امرج

خذتي الريال من حرمته والحين خايفه يعرس عليج

كمآ تدين تدان

والله ياختي عجيب أمرج إنتي مب أنا .... منو قالج إني خذيته من حرمته أنا تزوجته بموافقتها لنها ربنا يشفيها مريضة وماتروم تقوم فواجباتها معاه
وعلى فكرة أنا وايد أحترمها وأحيانا أستشيرها فأشياء تخصني أنا وريلي

**تبون الصدق** · 2012-03-23, 00:52

المشاركة الأصلية كتبت بواسطة فروله2020

والله شو اقولج بس يمكن يبا يختبرج شو شعورج او رد فعلج

يمكن والله أعلم ... لكنه الصراحة مصخها يعني يختبرني ماقلنا شي لكن ياختي يوم الريال بيختبر زوجته بيختبرها مرة ومرتين وثلاث مب ألف مرة

**my best life** · 2012-03-23, 01:04

حبيبتي اساليه بهدووء شو السبب و على اي اساس يهددج بالزوااج
و الله يسعدج

**تبون الصدق** · 2012-03-23, 01:13

المشاركة الأصلية كتبت بواسطة my best life

حبيبتي اساليه بهدووء شو السبب و على اي اساس يهددج بالزوااج
و الله يسعدج

هو دوم يتجج يبا أولاد وإني ماييب غير بنات مع العلم إن عندي ولد وبنت من ريلي الأولي

**&شموخ انسانه&** · 2012-03-23, 01:14

عليه بالعافيه بالثالثه والرابعه

**تبون الصدق** · 2012-03-23, 01:19

المشاركة الأصلية كتبت بواسطة &شموخ انسانه&

عليه بالعافيه بالثالثه والرابعه

ربنا يسامحج....

**تبون الصدق** · 2012-03-23, 01:37

تخيلو أمس حلمت إنه شعري طاح وقمت أصيح فالمنام ... ويوم نشيت من الرقاد كلمته عن المنام قام يضحك علي ويقولي هيه هاذا معناه إني بتزوج عليج

**بنت خورفكان 3** · 2012-03-23, 01:56

بقولج شي ان الاسلام حلل للشخص يتزوج 4
ومهما سويتي عمره الريال مايتراجع عن قراره
انا اعرفهم مايملي عينه غير التراب
يعني الولد حجه او يمكن يطلعلج 100
حجه وحجه
علي قولتهم الحريم مثل الفواكه

انا ريلي يقولي تخيلي اني تزوجت عليج
تعرفي شو رديت عليه خبرته ذيك الساعه اللي
اكتشف فيها بس خيانتك بفرك انته وعيالك وبخذ لي
واحد غيرك
تعرفي شو صار فيه عصب واحمر وازرق
وقال خيبه صج انتقام
قلت اكيد ليج اضيع عمري علي عيال نهايتهم بخلوني
وحيده او علي وهم اسمه الحب والذكريات
احسن لي اعيش الواقع
ومن ذيك الساعه حرم يفتح لي الموضوع
بس انا ريلي يحبني .الله اعلم بريلج

**كرعونه1** · 2012-03-23, 01:57

حبيبتي ريلج مزواجي ، اغلبيه الرجال الي ياخذون الثانيه يزيد ولهم اكثر
عشان الثالثه وبعدها الرابعه خلاص تعودو وشافو كيف حياتهم مع الثانيه
مبسوطين و الحبيبه مغرقته في اكبر دلع فليش مستغربه يطمع ويقول ياخذ
الثالثه مدامه قدر يتزوج علا الاولى كل شي متيسر وبيقلج انتي مدامج رضيتي
تيي فوق الاولى خلاص ارضي تيي فوقج ثالثه .

**A+k** · 2012-03-23, 02:42

خل يتزوج شو المشكلة الشرع حلل له اربع
دام يقدر خليه براحته

**اسيرت شوق** · 2012-03-23, 03:41

اول شغلة المفروض الحلم ما تذكرينه
ثاني شغلة البنات الي قاعدات يردن على الحرمة بطريقة مب حلوه حطن عماركن بدالها يعني بالله عليكن شو هالرمسه تبن حد جي يرد على مشاكلكن
ثالث شغلة اقولج لا تعبين عمرج وياه ترى الريايل ياحبهم للمغايض يبون يستفزون الوحده واهم يدرون ان ما عندهم امكانيات للزوجة اليديدة الي يبونها
طنشي الموضوع وكلي امرج لله اذا عرس ترى مب نهاية العالم ليش تعبين عمرج عليه مرده بيرد لج صاغر
والله يشفي زوجته الاولى مسكينة
وعسى الله يهدي ريلج

**munamoor** · 2012-03-23, 04:13

اول شئ انه يبغي اولاد ترى قوله له أثبتت الدراسات بان الرجل هو المسؤول اذا الحرمة حملت بولد او بنت
و شدراه اذا تزوج الثالثة بتييب له اولاد الاستاذ يعلم الغيب لا سمح الله ( استغفر الله شو هالرياليين)

و ثانيا بما انه هو تزوج الثانية خذيها مني عادي يأخذ الثالثة و الرابعة شرات واحد من الأهل حلف لحرمته انه يصونها العمر كله و لا يخليها تذرف دمع و برغم من ذلك بسبب المرض تزوج عليها و بذلك تدهورت حالتها الصحية و تزوج الثالثة على الثانية و يوم قالت له ليش انا مقصرة في حقك رد عليها و قال حتى الاولى ما قصرت و راح تزوج الثالثة و بعدها بست شهور تزوج الرابعة

يعني حبيبتي لا تزعلين و لا شئ و الحمد لله ان حرمته الاولى زينة وياه و الله يشفيها ترى صدق الرياييل ما منهم أمان الصراحة

الموضوع: يهددني يبا يتزوج علي

أدوات الموضوع

عرض

يهددني يبا يتزوج علي

المزيد من آخر المواضيع من نفس القسم:

المواضيع المتشابهه

خطيبي يهددني !!

بناات ريلي يهددني بالطلاااق . .

يهددني الجزء الثاني