انانية ....

[دروب خلي]

هلا خواتي

حابة استشيركم في موضوع

عرست وانا صغيره ، ويبت عيال ، وحطيت بالي على ريلي ( حب الطفولة ) ،
وحطيت بالي على امه وابوه واخوانه وخواته ومرت ابوه بعد ، وكنت كل يوم اتحمل الظيم واسكت لاني احبه ،
ماكنت اخبر هلي بمشاكلي وماتصلبهم وانا تعبانه ، كنت انظف واغسل واكوي واطبخ واراجع المدارس واحل الواجبات وارتب وازهب .. الخ .. ،
وكل يوم عن يوم قلبي يعطيهم وماياخذ منهم ، كنت اتمنى القى حضن امي يوم اتعب وتنسيني التعب ، كنت محرومة من المصروف والطلعات ، ومحرومة من اكبر شي الي هو ( حنان الحب وعطفه علي ) الي ينسي كل وحده همومها ،
سكت وتحملت سنين ، بس للاسف تعبت ومرضت ، وفضلت صحتي على حياتي وياهم ، وقررت انفصل وارتاح ، وفعلا انفصلت بس مارتحت ،
لانهم ما يبوني ارتاح نهائيا ، ويضاربوني على حضانة عيالي ( انا الام ) حملت وتعبت وربيت وسهرت الليل واعتنيت .. الخ .. ،
بعد مفارق الحبيب بعد تفرقوني من عيالي ( فلذات كبدي ) ، اذا هذا الي تبونه وبتخلوني في حالي ( فالكم طيب ) ، خذوا العيال وامانه في رقبتكم ليوم الدين ، وكلت ربي لا اله الا هو فيكم ، والي بيصير فالعيال ( اوله كتبت رب العالمين واخره اهمالكم ) .
طبعا انا موظفه وعشان اسد فراغ وجود عيالي في حياتي اليومية ( قررت الاتي ) اكمل دراستي ( دبلوم ) وبعدها ( باجلر ) ومن اخلص اتفرغ ( للماستر ) .
طبعا انا عندي طمووووح مب طبيعي ، صح عطيت وقتي وصحتي لناس ماعرفوا قيمتها ، لكن حان الوقت ، اني اتفرغ لنفسي واكون انانية ، ابغي ادرس واترقى في دوامي واكون حياتي من يديد .

شليت فكرة الزواج من بالي مؤقت لين اخلص دراسة وبعدها يصير خير ( اذا ربي كاتب الزواج بتزوج )

حاليا انا اهيء نفسي للحياة اليديده الي ابغي الناس تضرب فيني المثل وتقول فلانه وين وصلت بطموحها ( حققت امانيها ) .

صح بكون انانية في تصرفي بس هذا ما يمنع انانييتي بالي تعرضت له قبل .


اتمنى منكم تدعوون لي بالتوفيج ، واذا عندكم نصايح اتشرف بها ، اما اذا عندكم ردود تسم البدن بعد ماعندي مشكلة لاني قررت اني ما اعصب ولا ازعل من اي شي بعد هاليوم .

بعطيكم مثال ( تعرضت للاهانه في مكان دراستي ) بس بنات حثالة شوي عليهم ، طبعا انا ما عبرتهم ولا عطيتهم ويه لاني ما انزل من مستواي لمستوى اقل مني ، ههههههه ووحده من ربيعاتي بعد ماصلينا فالممر شفت البنات ( الحثالة ) وشافتهم وانقهرت ويلست تاكل في عمرها ، ليش ما تشتكين وليش وليش ، قلتلها يا حبيبتي الحين بسير وبشتكي وحالتي لله ( اولا البنت ترمس من وراي ) ثانيا عندها نقص ولا ما بترمس ، قلتلها انا ما بنزل نفسي لها وبسير اتضارب ولا اشتكي لانه اكبر احتمال يرد الموضوع فوق راسي ، برايه ترمس وتقول من وراي وانا مطنشة ، يكفي انها تشل ذنوبي برمستها عني .. وفوق هذا الحمدلله انا مب ناقصني شي وخلها ترمس وتشبع ،،


حياكم الله ، اختكم دروب خلي ،،

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[nayla79]

الله يوفقج ان شاءالله بس على أي ساس يأخذون العيال شرعا لج دامج ماتزوجتي
لأحول ولاقوة إلا بالله الله
الله يحفظهم ويردهم فحضنج ان شاء الله

[*نيويورك*]

الله يفقج لما تطمحين
وماعتقد ان الطموح وحب العلم انانية بالعكس شئ طيب

والى الامام دائما

[دروب خلي]

الله يوفقج ان شاءالله بس على أي ساس يأخذون العيال شرعا لج دامج ماتزوجتي
لأحول ولاقوة إلا بالله الله
الله يحفظهم ويردهم فحضنج ان شاء الله

الي مافي قلوبهم رحمه ( يسون اساس للي ماله اساس )
يزاج الله خير اختي على ردج

[دروب خلي]

الله يفقج لما تطمحين
وماعتقد ان الطموح وحب العلم انانية بالعكس شئ طيب

والى الامام دائما

اللهم آمين يارب
يزاج الله خير اختي على ردج

[الأنامل]

بالعكس أختي هذي مب أنانية .... هذا يسمونه ... طموح .... تحقيق الذات .... بالعكس انتي لو كملتي دراستج بتقدرين

تسوين أشياء تمنيتيها قبل ... أنا نفسج ناويه أبتدي حياة جديدة بكمل دراستي و حابه ريلي يفتخر فيني .... أنا وااايد

ضيعت سنين من عمري و ما حابة أندم بعدين .... و ألحين طموحي نفسج أكمل دراستي .... و اللي انتي ناوية تسويه

ما راح يضرج أو يضر غيرج ... و انتي ما عليج من كلام الناس ترا كلامهم لايودي و لا ييب ... خلاص انتي فكرتي

بغيرج من قبل و اهتميتي فيهم بس للأسف هذا ما بين بعينهم .... بس ألحين لازم تفكري بمستقبلج انتي بس علشان

ما تندمين بعدين ... و ربي يوفقج انشاء الله و أتمنى من كل قلبي انج تستمري بالدراسه لأنه بالنهاية شهادتج

سلاحج ... هذا شعاري بهالدنيا ..... و لا تنسي تطمنيني عليج ... بالتوفيق انشاء الله .

[USA Online]

موفقه ختي
لاحول ولا قوه إلا بالله

مبارك عليكم الشهر الكريم يا بنات ^^

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ

وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

[سوارة]

[دروب خلي]

بالعكس أختي هذي مب أنانية .... هذا يسمونه ... طموح .... تحقيق الذات .... بالعكس انتي لو كملتي دراستج بتقدرين

تسوين أشياء تمنيتيها قبل ... أنا نفسج ناويه أبتدي حياة جديدة بكمل دراستي و حابه ريلي يفتخر فيني .... أنا وااايد

ضيعت سنين من عمري و ما حابة أندم بعدين .... و ألحين طموحي نفسج أكمل دراستي .... و اللي انتي ناوية تسويه

ما راح يضرج أو يضر غيرج ... و انتي ما عليج من كلام الناس ترا كلامهم لايودي و لا ييب ... خلاص انتي فكرتي

بغيرج من قبل و اهتميتي فيهم بس للأسف هذا ما بين بعينهم .... بس ألحين لازم تفكري بمستقبلج انتي بس علشان

ما تندمين بعدين ... و ربي يوفقج انشاء الله و أتمنى من كل قلبي انج تستمري بالدراسه لأنه بالنهاية شهادتج

سلاحج ... هذا شعاري بهالدنيا ..... و لا تنسي تطمنيني عليج ... بالتوفيق انشاء الله .

تسلمي اختي على ردج
ويزاج الله خير

ربي يوفقني ويوفقج ويوفق كل وحده تطمح لتحقيق اهدافها ،،،

[دروب خلي]

موفقه ختي
لاحول ولا قوه إلا بالله

مبارك عليكم الشهر الكريم يا بنات ^^

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ

وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ

آمين يارب
علينا وعليج حبوبة

يزاج الله خير على ردج ،،

[laila226]

الله يوفقج ان شاء الله

[دروب خلي]

الله يوفقج ان شاء الله

آمين يارب

يزاج الله خير على ردج ،،

[عيالي وبس]

بالعكس الي سويتيه صح والله ايوفقج انصحج ما تتغيرين من ناحية الناس ولا اديرين بال لحد دامج ما تغضبين رب العالمين الدراسه يبالها ذهن صافي ونفسيه مرتاحه وعيالج حاولي حتى لو اهلهم خذوهم بين فتره والثانيه اتجوفينهم هذا حقج شرعا والله ايوفقج بدراستج وبشرينا يوم بتخلصين الباجلر

[دروب خلي]

بالعكس الي سويتيه صح والله ايوفقج انصحج ما تتغيرين من ناحية الناس ولا اديرين بال لحد دامج ما تغضبين رب العالمين الدراسه يبالها ذهن صافي ونفسيه مرتاحه وعيالج حاولي حتى لو اهلهم خذوهم بين فتره والثانيه اتجوفينهم هذا حقج شرعا والله ايوفقج بدراستج وبشرينا يوم بتخلصين الباجلر

هذا الي ناوية اسويه .. ومن عيوني ببشركم

يزاج الله خير اختي على ردج ،،

[ام سعيد101]

الله يوفقج في حياتج العلميه والعمليه وانتي كنتي في اختبار وابتلاء ومأجوره ان شاءالله وكملي دراستج بالعكس هذي مب انانيه من حقج تكونين مستقله ماديا وبتشوفين عيالج مب على كيفه يحرمج منهم