مرت حميي والتقليد

**ضيقة القلب** · 2011-04-18, 02:41

السلام عليكم
شحالكم أنا في خاطري كلام أبا اقوله
طبعن مااعتبرها مشكله بالعكس هههه مجرد فضفضة
أنا طبعي احب حد يقلدني لان اللي يقلدج دليل علي ذوقج الرفيع ههههه
من عرست ودخلت بيت هل ريلي حرمة حميي تكرهني لييش والله مادري
ووايد اشيا سوتها أتدل انها تكرهني بس أنا طنشت بالقو هههههه بالعكس اسولف واضحك وياها ولا بينت لها شي والحين هي مضاربه ويا مرت حميي الثاني بعد ماكانو ربع الروح بالروح طبعن أنا مالي خص في الضرابه
لان ريلي محذرني انه علاقتي وياهم من بعيد لبعيد معن أنا قلبي مافيه شي عليهن ويعلم الله أني احبهن واعتبرهم خواتي وانا ودي اكون وياهن شرات الخوات
بس ماقدر علي المشاكل
المهم سالفتي هي تقليد مرت اخو ريلي
هي كارهتني ودائما تحسسني انه مستواها اعلي مني وكله تمدح عمرها قبيلتها معن قبيلتي معروفه واعلي عن قبيلتها بس والله أني ولا مره يبت طاري قبيلتي ولا لبسي ولا اي شي
هي نقدر نسميها خقه علي ألفاظي
المهم سالفة كرهها لي هاي سالفة ثانيه ماابغي ادخل فيها

انززززين ياطويلات العمر هاي إلحرمه تحب وتقلدني وأشكره جدااااامي اي شي سويته قلدت لو بشرب فنيان. قهوه هي تنش تشرب

ماعلينا قلتلكم أنا عادي عندي احب حد يقلدني

علي فكره أنا وهي حملنا فنفس الشهر وبنيب ولد ههههههه وبنسميهم نفس الاسم ككككككك تتخيلون لهدرجه هع

المهم نحن بننتقل بيتنا اليديد وهم معانا اتخيلوا خواتي يوم بدينا اناثث
هم اختاروا نفس صبغنا ونفس الثريات والليتات والستائر

ويوم يينا علي غرفة النوم نحن رحنا أندور علي فكره هم من زمااااااان يدورون ويتنقون وماياخذون
وانا وريلي قررنا ناخذ الشبريه روحها والكبت تفصيل ويا التواليت وفصلنا وخلصنا هني هي عصبت وقالت لريلها أبا نفسهم
وللأسف بيشترون نفسنا بالضببببببط
عاد قلنا قلدي في اللبس العباه الشنطه بس فالاثاث هاي قويه
يعني هم مقلدين في كل شي
ونحن مخططين نفصل علي كيفنا اخر شي يقلدونا
ماينفع جي حلاته كل واحد يسوي غير عن الثاني
هي تقدر تروح وتختار بس مادري احس شغل غياض
ريلي مقهور مايروم يقوله لا تاخذ نفسنا لانه اخوه العود وبيزعل
وهو المفروض من نفسه يعرف مب حلوه
شكلي وايد رمست بس خبروني شو اسوي وياها
يعني أكيد بنقهر حتي فالاثاث قلدتني >< *

المزيد من آخر المواضيع من نفس القسم:

**الريـم2009** · 2011-04-18, 02:49

الله يهديها يارب وماعليج منها ومثل ماقلتي اللي يقلدج دليل على ذوقج الرفيع

**سوارة** · 2011-04-18, 02:49

كيف تعرف انتوا شو تختارون؟؟
مثلا انا وحرمة حميي نفس الشي الحينه يالست ناثث وهي قالت من تخلصين الجبس بيي اشوف شغلج ؟؟ وقلت لها اوكي وبعطيها رقم الشركه بس قلت لها لا تسوين شراتي عادي يعني اكيد كل وحده تبغي تتميز
وهي فصلت المطبخ وعطتني رقم المحل وانا بسير افصل بس اكيد غير عنها
فانتي عادي قوليلها لا تخلين فيها حساسيات
وفي النفس الوقت بدون مشاكل

**Dunia Obaidy** · 2011-04-18, 02:50

والله العظيم نفس مشكلتي ويا مرت حميي..ومب عارفة كيف اتصرف...لانه الوضع استوى ممل اكثر عن الازم

**الأحلام الملونة** · 2011-04-18, 02:55

الله يعينك الصراحة 00000

**ضيقة القلب** · 2011-04-18, 03:28

أوكي تاخذ من نفس المحل والمكان بس مب نفس الأثاث بالضبط
لو هي قالت. عطيني افكار بعطيها وانا والله دليتهم ع جم محل وأقولها روحي هني وهناك
أنا قلت لريلي أني بقول لها وهو ماطاع قال كيفهم بس مب لهدرجه
ومٌثل ماقلتوا كل وحده تحب تتميز
وانا اتوقع لو اهلها شافو نفس الشي عادي تقول هم قلدونا لانها صارت قبل
المشكله ريلي مب مخلني أقولها او انغزها هي. المفروض تعرف

**دلع أهلاوي** · 2011-04-18, 04:44

الله يهداها عافانا الله وايد ناس جي ترتيب الغرفه بيختلف والكفر مع السجاد والباقي بيكون شي ثاني عنها انتي بس لا تخبريها افكارج

**يدوه صغيره** · 2011-04-18, 16:09

ههههههههه

الله يعيينج عسسوله

وربي يهديها إن شاء الله

**نجمة راكـ** · 2011-04-18, 16:47

حطي غرفة نومج الجديمة ، وقوليلها: ما بفصل شي اللين ما انتي تفصلين لني واااااااايد أحب ذوقج ، وأبغي نكون نفس الشي................. وشوفي يمكن يفيد

**أم منيره** · 2011-05-10, 11:56

والله نفس حالتي بستخففف زين فيه حد طلع نفسي يعاني الله يهديهن

**كيوت ومن** · 2011-04-18, 09:09

ولاجنه سوت شي دااااام كل شي بتقلدج فيه ليش يسون غرفه شراتكم خلي يستخدمون غرفتكم احسن
حشى شو هالنااس
انتي رمسيها وقولي لهاااااا رجاء ابي شي خاص فينا وكل وحده وذوقها

**مهرووووووه** · 2011-04-18, 09:15

اشكره عيني عينك

*** متوآضعه *** · 2011-04-18, 09:29

انزين انتي ليش ما ترمسينها بهالموضوع ..؟

قولي انا احب اكون مميزه فكذا وكذا وكذا بطريقه حلوه

خبريها اذا تبيني اساعدج فالاختيار تخبرج << بما انج تقولين انها تحب ذوقج وجي

والا بالاحرى انتي ليش تخبرينها كل اللي تسوونه

اقضوا حاجاتكم بالكتمان وخلااااص انتهينا ..

لا تاخذيها بحساسيه ولا تكوني كاتمه فقلبج عليها

صدقيني حبوبه اعتبريها اختج وبتتصافى القلوب ..

ونصيحتي لج بما انج مضايقه من الوضع انصحج ترمسينها باسلوب لبق وقولي انج مب عايبنج اللي يالس يستوي وخبريها اذا انتي تحبين ذوقي انا مستعده اساعدج ..

وبخصوص الاثاث انا بخبرج موقف صارلي

لما قررنا نطلع بيت بروحنا قلت لريلي ابا كل شي يديد بما انه كل اللي كان فغرفتنا فبيت اهل ريلي مستخدم وقديم وانا رضيت بهالشي ..

الحمد الله ربي فرجها على ريلي وحصل مبلغ يقدر ياثث فيه الشقه

اخترنا الاثاث واتصل حمي فريلي وقاله خذو الفيزا كارد مالي وادفعوا منها عشان يحصل عروض عليها وعطوني انا الكاش .. المهم خبرناه سير المكان الفلاني وادفع لانه اوردي كنا مختارين الاثاث ومخلصين

انصدمت لما عرفت انه مرت حمي عصبت ليش انه احنا اخترنا هالاثاث << وسبحانه الله ريلها زل السانه وقال انه حرمته عصبت وجي عشان انه غالي وما ادري شو ..

انا اهنيه

بصراحه انصدمت من تصرفها هذا ..

ليش تعصب ؟؟؟

وربي امرها غريب ..

بس انا الحمد الله طنشت ولا سمعت كلام حد .. ولا زعلت منها ...
بس تعلمت مب كل شي ينقال ..

**رب ارحمني** · 2011-04-18, 09:38

شدي حيلج بديكورات غرفتج

حزتها بينعرف منو اللي مقلد الثاني ههههههههههه

بس تحملي تخبرينها و إلا حتى تراوينها

اسميها بتنجلط و بييلها إنهيار عصبي خخخخخخخخخخخ

**MEMOIR** · 2011-04-18, 09:48

الله المستعان

الموضوع: مرت حميي والتقليد

أدوات الموضوع

عرض

العرض المتطور

مرت حميي والتقليد

المزيد من آخر المواضيع من نفس القسم:

المواضيع المتشابهه

تصوير حميي ^^ تعالو شوفوا ,,,,,,

حميي علة عالقب

لحقووووووووووووووووو على حميي الصغير~