التسوق في المانيا

**deblomasya** · 2009-12-31, 23:49

شحالكن بنات ؟

مبروك عليكن السنه اليديده

ويعلها سنة خير عليكن وتتحقق فيها امالكن ان شاء الله

بنات بتنشدكن

انا ناويه ان شاء الله اسير ميونخ عقب سبوعين اذا الله اراد

وناويه اتسوق هناكي من كل شي

بجامات نعول الله يعزكن جنزات بديات واهم اهم اهم شي ابا اخذ شنط

فحبيت اسالكن اذا فيه حد مقيم هناكي ولا حد قد ساير شهر 1

هل بيكون الكولكشنات للملابس كلها شتويه ؟ يعني مابحصل شي صيفي وينلبس في بلادنا؟

وعشان الشنط نفس الشي بيكون كولكشن شتوي مبالغ فيه يعني ولا بيكونن عاديات شرا لي هنيه فبلادنا؟

ترا انا ماعرف عشان جيه حبيت اسال

انا صح سايره المانيا كذا مره بس سايره فالصيف وشهر 11 و شهر 3 و 4

لكن في هالفتره من السنه ماقد سرت هاي اول مره بتكون ان شاء الله

المهم بنات الله يخليكن خبرني

تشجعني اسير اتشرا من هناك ؟ يعني بحصل شي حلووو؟

وبيكون شي تنزيلات عشان السنه اليديده ولا ؟

بليز يالخبيرات ردن عليه

المزيد من آخر المواضيع من نفس القسم:

**افغانيه** · 2010-01-01, 00:02

مرحبا حبوبه

بغيت اغراض من المانيا

بكلمج عالخاص

تروحين وتردين بالسلامه ان شاء الله

لا تنسين الكاكاو من الكافهوف

**deblomasya** · 2010-01-01, 00:46

فالج طيب فديتج

انتي امري بس

واترياج عالخاص

الله يسلمج ياربي

وثانكس عالمرور الحلووو

^^

***ريان*** · 2010-01-01, 01:25

عزيزتي تروحين وتردين بالسلامه ... انا اختي بتروح بعد اسبوعين .. وتعرف هناك المحلات ..أسألها وابلغج ..

**بنت الإمارات~** · 2010-01-01, 01:34

الملابس اكثرها شتويه بتحصلين هالفتره ...

وعن الشنط بتحصلين كل الانواع

**deblomasya** · 2010-01-01, 02:07

بنت الامارات

ثانكس فديتج عالمرور

^^

**راعية الورد** · 2010-01-01, 09:53

افاااااا محد رد ع الموضوع يفيدنا

انا اليوم باذن الله بروح المانيا طياراتي على الساعة 2 فليل

باخذلي لفة على اسواقهم وبخبرج باذن الله

**MAHA21** · 2010-01-01, 16:08

هاي خيتو انا امس راده من المانيا بس ما كنت ف ميونج كنت ف دلسلدورف وبون

عموما اللبس شتوي من الخاطر والشنط حلوات مب انهن مال اشتا عادي يعني اللي متعودين عليه

بس انا السوق ببألمانيا موووووووووووووووووووووووول ما عيبني مب ستايلي وماحب البس موديلاتهم اصلا بلادنا احلى وارخص بس اتشريت من محلات الماركات

**بدر0البدور** · 2010-01-01, 21:16

سفرة موفقة الغالية

**AL-Doomah** · 2010-01-01, 22:08

مرحبا ختيه

انا كد سافرت ألمانيا فالشتا

بس كولون وبون مب ميونخ

وملابسهم كلها شتويه ^^

**أم مزونة** · 2010-01-01, 22:39

ربي يوفقج

**دانة_بوظبي** · 2010-01-02, 00:11

هلا أختي ... الصراحة ميونخ حلوة في هالوقت ... الثلج روووووعة انا كم مره رحت ميونخ بهالوقت ..

بالنسبة للأسواق أكيد أتعرفين كارستاد .. واحد مكان الهيرتي وواحد في المارين (أغلبه ماركات) وبتحصلين الشتوي طاااااااااااااااغي... بس في صيفي
أما الشنط في كولكشن صيفي وشتوي (ما يخصه يعني ) وعلى فكرة ينزل كولكشن الخريف هالوقت ..
إن شا الله أكون أفدتج
تروحين وتريدين بالسلامة إن شا الله ...

**Vaio** · 2010-01-02, 00:39

هلا الغاليه من الكريسمس لين الحين نفس الاسعار يعني اسعار التنزيلات وبعد النيو يير بينزلون فالاسعار اكثر لان يبون اينزلون كولكشن الخريف لان اللبس اللي فالاسواق كله شتوي اصلا بضايع المانيا رخيصه وما فيها زود ولبسهم ماينفعلنا اما الجو فاروع من الروعه ساعات مطر وساعات سنو الي ماحضر النيو يير هنيه فاته نص عمره على العموم انا موجوده في ميونخ اي شي انا حاضره توصلين بالسلامه
وبالنسبه للشنط كلهن لوث وصغار اللي فالبلاد احلى وافخم في محلات مسووين تنزيلات فالماكسميليان وفي لا بس كولكشناتهم جديمه
وتبين الصدق حبيبتي من عقب الهرمس ماتمزر عيني شنطه

**Vaio** · 2010-01-02, 00:42

المشاركة الأصلية كتبت بواسطة Vaio

هلا الغاليه من الكريسمس لين الحين نفس الاسعار يعني اسعار التنزيلات وبعد النيو يير بينزلون فالاسعار اكثر لان يبون اينزلون كولكشن الخريف لان اللبس اللي فالاسواق كله شتوي اصلا بضايع المانيا رخيصه وما فيها زود ولبسهم ماينفعلنا اما الجو فاروع من الروعه ساعات مطر وساعات سنو الي ماحضر النيو يير هنيه فاته نص عمره على العموم انا موجوده في ميونخ اي شي انا حاضره توصلين بالسلامه
وبالنسبه للشنط كلهن لوث وصغار اللي فالبلاد احلى وافخم في محلات مسووين تنزيلات فالماكسميليان وفي لا بس كولكشناتهم جديمه
وتبين الصدق حبيبتي من عقب الهرمس ماتمزر عيني شنطه

**ايقاع المطر** · 2010-01-02, 01:19

تروحين وتردين بالسلامه اختيه

انا حاليا بالمانيا

والملابس ي شتوي وفي صيفي بس يغلب عليه اللبس الشتوي طبعا

وبالنسبه للاسعار في الكرسمس وايد كانو منزلين بالنسبه لي حسيت السعر نازل

اما بالنسبه للجناط انا ماعيبوني ابدا يعني ذوقهم غير عن ذوقنا احس

ربي يوفقج بالسفر وتردين ونرد بالسلامه يارب

الموضوع: التسوق في المانيا

أدوات الموضوع

عرض