التسوق في المانيا

**misslord** · 2008-06-29, 09:31

السلام عليكم ...
اشحالكم
بغيت أستفسر للي راحت ألمانيا أبي أعرف محلات اللي يبيعون القطع ( القماش ) والدلال مثلكم عارفين اهل الامارات ياحبهم للقطع والدلال أحس أمي بتستانس بس ابي اماكن حلوه يعني مثل أغراض جاشنمال .. ومشكورييييين

المزيد من آخر المواضيع من نفس القسم:

**Be mine** · 2008-06-29, 10:47

الصراحة ما أذكر إني شفت محلات دلال.. يمكن حد ثاني يفيدج

**صـدى الأمل** · 2008-06-29, 11:21

الدلال أظن في قسم الأدوات المنزلية في المحلات الكبيرة في المارين

**misslord** · 2008-06-29, 12:25

OK Thankx a lot

**barkosha** · 2008-06-29, 12:58

الغاليه ... في محلات في المانيا عباره عن مراكز من كذا دور ... في مركز اسمه kareshtadt بتحصلين عنده

**misslord** · 2008-06-29, 17:09

مشكووووورين ع الردود .. واذا حد يعرف محلات القطع لا يبخل علي بلييييييييييز

**مس_دايت** · 2008-06-29, 23:11

الله ماكنت ادري انه فيه مكان ايبيعون قطع ودلال ....... بس حلو الفكره يوم بروح المانيا بيلس ادور هذا القطع والدلال ................ انا انسانه اموت على القطع

**بدر0البدور** · 2008-06-29, 23:24

up

up

**Unpredictable** · 2008-06-30, 01:15

بتلقين الدلال + قطع في Karstadt هو له 3 افرع بس واحد منهم والي اذكر فيه القطع غيروا اسمه لو انتي سايره ميونخ قبل بدلييج اي واحد

و بعد في دلال في kaufhof

واذا عندج مترجمين هناك او معارف خلهم يدلونج على محلات في فريج الاتراك يقوولون في محل يبيع قطع غاويه =)

ادل بعد خياط في المرين ان شالله يكون موجود و مادري لو يبيع قطع مب متاكده على العموم جربي هالثنين ^_*

**الطرف الكحيل** · 2008-06-30, 02:03

في مجل اسمه ... (( كافوف )) .. بتلقين عنده قطع

ويمكن تحصلين .. دلال ..

وانشالله اكون اني فدتج بشي ..

**misslord** · 2008-06-30, 08:33

مشكوريييييييين والله ما قصرتوا 

**خواطر©** · 2008-06-30, 09:54

عليج بمحل kaufhof

وان شاء الله تلاقين مرادج...

بس بلادنا فيها كل شي.. وتخافين هالاشياء تتكسر في الشحن؟؟

**غاوية عشق** · 2008-06-30, 10:14

شوفي هالرابط وا نشالله يساعدج

تروحين وتردين بالسلامه

http://uaewomen.net/showthread.php?p...=1#post6964420

**دانة جميرا** · 2008-06-30, 10:58

مرحبا ختيه ..

بالنسبه لدلال فا بتحصلينهن في محلات الادوات المنزليه وبعد المراكز مثل كرستادا او كرشتاد على حسب التسميه اما الكوفهوف فا مابتحصلين عنده صح عندهم من كل البضايع بس مافيه دلال .. وشوفي الهيرتي بعد..

اما القطع فا بتحصلين في كرستاد كل افرعه " المارين ولا منشن فريهات " والهيرتي فقط .. الكوفهوف مايبيعون قطع فقط ملابس جاهزه .. وكذالك عندج دوناكو الصراحه لا يعلى عليه وعنده قطع ماركات عالميه وكذالك قطع المصممين واذا سرتيله بيرويج كاتلوج المصممين موديلات كل القطع اللي ماخذينهن عنه مصممين عالميين وفي منهم عرب لبنانيين " على فكره القطع الغاويات مايتمن العرب يفورون عنده يشلون كل ماتشوفه عيونهم فا اخر الصيف مايتم الا الاشياء العاديه ولا المميز خذوه وتم منه وار ولا وارين وبتحصلينهن مفرورات في سلال حذال طاقات الخام ".. والصراحه قطعه مايعولن لا يقفطن ولا يختربن فالغسيل انا ما اخذ الا من عنده خصوصا الويل والحراير والشيفونات بما اني ماحب البس القطن مايساعد جو لبلاد ..

ان شاء الله قدرت افيدج .. اتروحين وتردين بسلامه ان شاء الله .. والسموحه عالقصور

**misslord** · 2008-06-30, 12:27

مشكورة اختي دانة الجميرا ع الرد والله ما قصرتي كفيتي ووفيتي بس بسالج وين دوناكو اول مرة أسمع فيه ... ومشكورين يالغلا

الموضوع: التسوق في المانيا

أدوات الموضوع

عرض