اكره حرمة اخويه

[هادية الطبع]

انا بقولج 3 اشياء:

- اولا: اخووج غلطان غلطه كبيره !! و التبني حرااااااااااااااام مثل ما قلتي .. اذا وايد خايف على الولد هوه و حرمته فـ يقدر يكفله !! ماشي فرق !!! لكن ينسبه انه يكون ولده .. هاي كبيره و حرام !!!!

- ثانيا: من كلامج (( بس انا ما ارضا حد يشل اسم ابويه ويشاركنا باجر في الحلال )) لا تخافين من هالنقطه! تقدرين تعترضين حزتها في المحكمه انه مب ولده وانه ماشي شهود انه الولد ولد اخوج !! و ترا الـ DNA يطلع كل شي .. فـ لا تخافين من هالنقطه. حتى احين تقدرين تعترضين، بس انا ما احبذ هالشي لازم تتكلمين ويا اخوج في هالموضوع ويا اخوج ...

- ثالثا: انتي قلتي انج مب معترضه على الولد .. بس احين مب متقبلتنه و ما تبينه في البيت، احس تناقض، و تراه ياهل 5 سنين !!! و ماله داعي تتحجبين عنه و انه يضايق وجودكم !!! ياهل والله ياهل !!! لو عمره 10 سنين بنقول .. بس حليله 5 سنين !!!!!! لا تخلين معارضتج للتبني يكرهج بـ ( الـطفـــــــل ) ترا ماله ذنب، مب هوه اللي غاصب اخوج ينسبه بـ اسمه .. و اذا خايفه من باجر مثل ما تقولين، ترا يعرف يصلي ، و لين ما يكبر بيعرف الصح من الغلط ان شاء الله ، و بيعرف انه حرام يشوفج !!

الله يعينكم والله و يهدي اخوج ان شاء الله ..

ما عندي رد على النقطتين الاولى والثانيه بس برد على النقطه الثالثه

نعم انا مب معترضه على الولد عادي اخويه يربيه ويهتم في امره ويكفله بس يكون بعيد عنا وعن بيتنا لو تلاحظين انا ما اتكلمت ليش اخويه يصرف عليه ولا منوه سمح له يعلمه بحاسبه كل هالامور ما اتكلمت عنها , لانه اعرف انه ياهل ماله ذنب في الي حصل له برايه يربيه ويعلمه ويكسب فيه اجر بس مب ينسبه لاسمه واسمنا .

اختيه اعاتبه على موضوع النسب والتبني الحين هو ياهل باجر بيكبر وبيدخل بيتنا حاله حال اخوانه يوم بيون في المستقبل صح ولا لا وخاصه اذا شاف اسمه مرتبط بسم اخويه هل معقوله ما بيشارك اخوانه في الحلال والنصيب ؟ هل معقوله امه بتقوله مالك حق ؟

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فلانه الفلاني]

حبيبتي !!! طبعا ما بيشاركهم !!!! ماله حق !!! و انتوا تقدروون تثبتون هالشي !!!! ترا الحلال مب منه و الطريج يتوزع !!!

[هادية الطبع]

والله يا اختي انتي مب مكبره الموضوع ولا شي بالعكس الموضوع كبير وما ينسكت عنه ويزاج الله خير انج تنبيهينه انا لو مكانج بسوي نفس الشي ويمكن اكثر بعد

تسلمين ويزاج الله خير

[هادية الطبع]

حبيبتي !!! طبعا ما بيشاركهم !!!! ماله حق !!! و انتوا تقدروون تثبتون هالشي !!!! ترا الحلال مب منه و الطريج يتوزع !!!

اذا الولد تسجل في الجنسيه محد يقدر يقول ما يشارك في الحلال
انا ما ابغي اسبق الاحداث كل شي في علم الغيب الموضوع الحين يتعلق في النسب وانه مش محرم علينا باجر اذا كبر بيدخل يا اخوانه بيتنا انا نظرتي وايد مستقبليه
افكر في بناتي وانا بعدني ما عرست
اتعرفين شو افكر اقول هو مش محرم على بناتي لو وحده من بناتي حبته شو بيكون موقفي وردي هل بوافق ولا برفض ؟؟!!
كلمت اخويه في هالموضوع قلت له هو ما بيكون ولد عم عيالي واخاف وحده من بناتي اتحبه او هو يحب وحده من بناتي هل بوافق عليه اذا كان ريال والنعم فيه ولا برفضه
وايد نظرتي مستقبليه صح

[Sos01234]

اللي عليج وسويتيه بارك الله فيج وكان لازم تنكرين المنكر وهو تأكد بنفسه ان هالشي حرام، وخلاص طنشيه وحاولي تعاشرين حرمة اخوج بالمعروف وتفهمينها تعاليم الاسلام زين/ خلاص اللي صار صار وغلطت وهي كافره والحين اسلمت والله قال "قل للذين كفروا إن ينتهوا يغفر لهم ما قد سلف" والرسول عليه الصلاة والسلام قال { أما علمت أن الإسلام يهدم ما كان قبله ، وأن الهجرة تهدم ما كان قبلها ، وأن الحج يهدم ما كان قبله }

عدلي علاقتج مع اخوج وحرمته عشان عياله يحبونكم/ وحتى الولد ماله ذنب في غلطة امه، خلج رحيمه والولد بعده صغير مافيها شي لو كشفتي شعرج جدامه، الدين دين يسر اختي لا تعقدينه على حرمة اخوج وتكرهينها في الاسلام، والحرمه معاها حق انها تخاف على مصلحة ولدها وتباه يتعلم وسط مجتمع اسلامي، والرسول صلى الله عليه وسلم قال : ( الدين النصيحة ، قلنا : لمن يا رسول الله ؟ قال : لله ، ولكتابه ، ولرسوله ، ولأئمة المسلمين وعامتهم ) يعني ديننا كامل معتمد على النصيحه، الرسل عليهم الصلاة والسلام مرسلين لدعوة الناس للاسلام بالنصيحه، وللنصيحه أيضا شروط كما قال علماءنا حفظهم ورحمهم الله/

اولا حاولي تتقربين من حرمة اخوج وتحييبنها فيج وعقب ما تقوى علاقتكم ابدي فهميها تعاليم الاسلام وبتفهمج على طول وبتسمع كلامج وابدي عقب لمحي لها انج صعب تاخذين راحتج ويا ولدها اذ كبر وجي عشان تحس انه صعب تكمل في البيت وياكم وشوي شوي فهميها انه ما يجوز تخلي الولد على اسم ريلها لانه عقب اذا يبتي بنات بيتحسبونه ولد عمهم وهو مب ولد عمهم، وصدقيني بتسمعج وبتبدا تفكر ويمكن تغير رايها، المهم تكسبينها بأخلاقج اختي، لان الغلط مب غلط الحرمه اخوج تزوجها وهو يعرف بكل شي ورضا انه يسجله بإسمه يعني خلاص، حاولي تفهمين اخوج شوي شوي وبيفهم بس عقب ما تكسبين حرمته صوبج وتقنعينها بهالشي.. النصيحه لها أحكام

والله يوفقج ويستر عليكم.

[هادية الطبع]

اللي عليج وسويتيه بارك الله فيج وهو تأكد بنفسه ان هالشي حرام، وخلاص طنشيه وحاولي تعاشرين حرمة اخوج بالمعروف وتفهمينها تعاليم الاسلام زين/ خلاص اللي صار صار وغلطت وهي كافره والحين اسلمت والله قال "قل للذين كفروا إن ينتهوا يغفر لهم ما قد سلف" والرسول عليه الصلاة والسلام قال { أما علمت أن الإسلام يهدم ما كان قبله ، وأن الهجرة تهدم ما كان قبلها ، وأن الحج يهدم ما كان قبله }

عدلي علاقتج مع اخوج وحرمته عشان عياله يحبونكم/ وحتى الولد ماله ذنب في غلطة امه، خلج رحيمه والولد بعده صغير مافيها شي لو كشفتي شعرج جدامه، الدين دين يسر اختي لا تعقدينه على حرمة اخوج وتكرهينها في الاسلام، والحرمه معاها حق انها تخاف على مصلحة ولدها وتباه يتعلم وسط مجتمع اسلامي، والرسول صلى الله عليه وسلم قال : ( الدين النصيحة ، قلنا : لمن يا رسول الله ؟ قال : لله ، ولكتابه ، ولرسوله ، ولأئمة المسلمين وعامتهم )

اولا حاولي تتقربين من حرمة اخوج وعقب ما تتعدل علاقتكم ابدي فهميها تعاليم الاسلام وبتفهمج على طول وبتسمع كلامج وابدي عقب لمحي لها انج صعب تاخذين راحتج ويا ولدها اذ كبر وجي عشان تحس انه صعب تكمل في البيت وياكم وشوي شوي فهميها انه ما يجوز تخلي الولد على اسم ريلها لانه عقب اذا يابت بنات بيتحسبونه اخوهم وهو حرام يتكشفتن جدامه ومن هالكلام، وصدقيني بتسمعج وبتبدا تفكر ويمكن تغير رايها، المهم تكسبينها بأخلاقج اختي، لان الغلط مب غلط الحرمه اخوج تزوجها وهو يعرف بكل شي ورضا انه يسجله بإسمه يعني خلاص، حاولي تفهمين اخوج شوي شوي وبيفهم بس عقب ما تكسبين حرمته صوبج وتقنعينها بهالشي..

والله يوفقج ويستر عليكم.

مشكوره اختيه على النصيحه

ترى انا مطنشه الموضوع ما حب اعيش في جو فيه شد اعصاب ومكهرب طول الوقت قررت افتح صفحه يديده معاها عسب اكسبها واكسب اخويه معاها صح انه علاقتي في اخويه مب اوكي عقب سالفة النسب بس اهم شي اننا انكلم بعض وبينا كول ومسجات
وان شاء الله الامور بتتيسر بينا

[بسكووته]

الغالية تسمحين لي أقول رأيي

إنتي طرقة كلامج و سردج للموضوع ابدا مو منطقية

كيف انتي تحكمين عليها بانه إسلانها مو بحقيقي و مو من خاطرها و انه مصلحة

الله يهدي من يشاء و الله هداها للإسلام فالمفروض إنج تكلمينها بهدوء و تكونين

أكبر مثال لها و قدوة حسنة للإسلام انتي موضوعج ناتج عن كرهج لزواج المواطنين من الاجنبيات

بالعكس أخوج سوا خير في حياته ما احد ممك يسويه يعني يتزوج اجنبية و يكون سبب في هدايتها للإسلام

أكيد شي جدا كبير عند الله

بالنسبة للتبني الله و أعلم و من يدري لربما يكون الولد ولد اخوج و ما يبغي يخبركم الله و أعلم

كل بني آدم خطاء و خير الخطائين التوابون فليش إنتي حاشرة نفسج بالموضوع قالج أخوج

إنسي الموضوع خلاص إنسي الموضوع اللي عليج سويتيه و هو إنج نصحتيه و خلاص

الحرمة حتى لو ماكان عندها ولد و ما كانت هالمشكلة أكيد بتكرهيها لمجرد انها أجنبية

الله يعين بصراحة و يألف قلوب أمة محمد

دورج تكونين لها صديقة و تعلمينها قواعد الإسلام و تهدينها كتيبات و تساعدينها

و لا تقولين لها إنتي يديدة فالإسلام و ما تعرفين شي بالعكس شجعيها و قولي لها أنه

الله غفور رحيم و ربج بيستر عليج دنيا و آخرة و الخطأ وارد

إنتي وضحتي له السالفة و هو فهم عليج و خلاص يظل القرار له هو !!!

لا تدققين بالموضوع لربما يطلع الولد ولد اخوج و هي ما تبغي تتكلم و إذا عصبتيها ممكن تبوح بكل شي

و عقب تتغير نضرتكم لأخوج و يقل إحترامه عندكم ....يوم القيامة كل واحد يتحاسب على عمله

اسمحيلي اختي هاديه بس بعلق على نقطه ذكرتها الاخت ام دانوه

و الي هي سالفه كره المواطنه لفكرة زواج المواطن من برع البلاد

الصراحه اختي ام دانووه

نحن كمواطنات لنا الحق نغار على شباب بلادنا

انتوا كوافدين أكيد بتتحسسون من الموضوع كل ما انذكر
اذا انتوا عادي عندكم تهدون بلادكم و اهلكم و ناسكم و تاخذون حد غريب عنكم

فنحن أغلبنا نبا نتم اهني في بلادنا و ناخذ حد من شبابنا

الصراحه ما أتخيل نفسي آخذ شخص من دوله عربيه او حتى خليجيه ثانيه


مول مول ما اتخيل نفسي

و لا تتحرون أغلب الشباب ياخذون من برع لشي زود في الحرمه الغريبه

هو مجرد حب تغيير لا أكثر و كل ممنوع مرغوب

و الحمد لله أغلب بناتنا متربيات و متعلمات و راعيات بيت وواجب و مب ناقصتنهم أخلاق زينه أو شكل

و اسمحولنا مره ثانيه

بس اذا انتوا عادي عندكم ترضون بالغربه و الغريب


فنحن ما نرضى و هذا شي من حقنا

و من حقنا نرمس و نعبر عن شعورنا


لا تحاولون تسلبون هالشي منا و اطالبون بغلق هالمواضيع

مادري ليش أحس أغلب المنتديات الاماراتيه الاداره فيها تغلق أي موضوع يتعلق بالزواج من اجنبيات أونه حفاظا على مشاعر الجنسيات الأخرى

بس في المنتديات الاماراتيه؟؟!!

و نحن كاماراتيات يعني ما عندنا مشاعر موليه ولا شوه الموضوع؟!!

أتمنى حد يجاوبني

مالنا حق نرمس بعد؟!!

[دبي]

عفيه عليج عيبتيني وخليج قويه في الحق ، لكن لاتحاولين تكبرين المشاكل عشان ماتضيعين أخوج من إيدج وهو راح يندم مائه بالميه نفس السالفه عندنا وكله بعد ما الانسان يكبر شويه ويعقل يحس نفسه غلط غلطه كبيره ماتتصلح

[هادية الطبع]

اسمحيلي اختي هاديه بس بعلق على نقطه ذكرتها الاخت ام دانوه

و الي هي سالفه كره المواطنه لفكرة زواج المواطن من برع البلاد

الصراحه اختي ام دانووه

نحن كمواطنات لنا الحق نغار على شباب بلادنا

انتوا كوافدين أكيد بتتحسسون من الموضوع كل ما انذكر
اذا انتوا عادي عندكم تهدون بلادكم و اهلكم و ناسكم و تاخذون حد غريب عنكم

فنحن أغلبنا نبا نتم اهني في بلادنا و ناخذ حد من شبابنا

الصراحه ما أتخيل نفسي آخذ شخص من دوله عربيه او حتى خليجيه ثانيه


مول مول ما اتخيل نفسي

و لا تتحرون أغلب الشباب ياخذون من برع لشي زود في الحرمه الغريبه

هو مجرد حب تغيير لا أكثر و كل ممنوع مرغوب

و الحمد لله أغلب بناتنا متربيات و متعلمات و راعيات بيت وواجب و مب ناقصتنهم أخلاق زينه أو شكل

و اسمحولنا مره ثانيه

بس اذا انتوا عادي عندكم ترضون بالغربه و الغريب


فنحن ما نرضى و هذا شي من حقنا

و من حقنا نرمس و نعبر عن شعورنا


لا تحاولون تسلبون هالشي منا و اطالبون بغلق هالمواضيع

مادري ليش أحس أغلب المنتديات الاماراتيه الاداره فيها تغلق أي موضوع يتعلق بالزواج من اجنبيات أونه حفاظا على مشاعر الجنسيات الأخرى

بس في المنتديات الاماراتيه؟؟!!

و نحن كاماراتيات يعني ما عندنا مشاعر موليه ولا شوه الموضوع؟!!

أتمنى حد يجاوبني

مالنا حق نرمس بعد؟!!

انا عن نفسي اشوف لنا حق نرمس ونعبر عن شعورنا وراينا من غير محد يدخل ويطلب منا نغير راينا
خاصه انه هوية عيال البلاد ضاعت بسب الزواج من الاحنبيات حتى اشكال الاماراتين اتغيرت اشوف لابد من وجود قوانين تحد من هالزواج

[هادية الطبع]

عفيه عليج عيبتيني وخليج قويه في الحق ، لكن لاتحاولين تكبرين المشاكل عشان ماتضيعين أخوج من إيدج وهو راح يندم مائه بالميه نفس السالفه عندنا وكله بعد ما الانسان يكبر شويه ويعقل يحس نفسه غلط غلطه كبيره ماتتصلح

الله يعافيج والله ردج فرحني وايد
ان شالله شورج وهداية الله

[عذبـة المنطوق]

طبعا ما غلطتي
معروف وواظح ان التبني بدينا حرام

مادري والله بس انا من السالفه حسيت ان ولده بس طبعا ما بيقول لان يخاف عليكن من الغلط ويعرف ان غلطان
والا ليش رضا ياخذه ويربيه لو هو مب ولده وليش مصر يسجله باسمه!!!!!!!!
مادري والله ماريد اظلمه بس هذا اللي استنتجته من السالفه


الله يهديه ويصلح باله هالاجنبيات قوايا باجر على اقل خلاف بتشل عياله وبترد بلادها

الله يهديه

[هادية الطبع]

طبعا ما غلطتي
معروف وواظح ان التبني بدينا حرام

مادري والله بس انا من السالفه حسيت ان ولده بس طبعا ما بيقول لان يخاف عليكن من الغلط ويعرف ان غلطان
والا ليش رضا ياخذه ويربيه لو هو مب ولده وليش مصر يسجله باسمه!!!!!!!!
مادري والله ماريد اظلمه بس هذا اللي استنتجته من السالفه


الله يهديه ويصلح باله هالاجنبيات قوايا باجر على اقل خلاف بتشل عياله وبترد بلادها

الله يهديه

لو ولد اخويه جان يوم كانت معصبه قالت واعترفت ولا بتقول بترجع بلادها ولو ولده اخويه ما بيشد حيله وبيكلم السفاره عسب يشل اسمه من الولد صح ولا غلط ولا بيسأل المشايخ لانه بيكون مقتنع انه ولده فليش يسألهم عن النسب ؟ ولا بيقولي بخليه بعيد عنكم ولا يشوفكم ؟؟ وبعدين اذا ولده ليش ايب العوار حق راسه ويخلي اهله يضايقون منه ؟ اذا لا سمح الله طلع ولده بالعكس بنستر عليهم ولا بنفضحهم وبنربيه وبنعامله شرات ولدنا وبنحطه في عيونا الثنتين بس اخويه حلف وقسم انه مب ولده

[الولهـانه]

الله يهدييييه

[زهر الرمان]

هاديه الموضوع صعب وانتي ما غلطتي بالعكس نبهتيهم للحرام
وهم حابين يتمون على الحرام لجل مصالح دنيويه ,,
خلاص يا اختي اكثر مما تكلمتي وياهم في هالموضوع لاتتكلمين وحسابهم عند رب العالمين
بالنسبه لعيشتهم وياكم حاولي تكسبينها وتصادقينها ومع الأيام فهميها شوي شوي عن الإسلام
والمحرمات فيه لعل وعسى تقتنع وتاخذين الأجر ,, والله يصرف شرها وشر ولدها عنكم ,,
أما بالنسبه للميراث بعد عمر طويل ,, فالمحكمه ما بتمشي الأمور بهالسهوله ,,
محتاجين شهود حتى لو كان الولد مسجل في الجنسيه ,, أنا كنت وكيل عن العايله
أتابع ورثة الوالد في في المحكمه ,, ومحد يقدر يشارك فالورثه إذا كان عليه علامات أستفهام
فأطمّني أختي.

[جواهر الصحراء]

كلاااامج صحيح 100 % ، بس ما تحسين انج واااااااااااااااااايد ادخلتي في حياته ، زياده عن اللزوم علشان جيه طبيعي ما بيخليج تتطلعين ويا حرمته لانه عارفنج وعارف افكارج ، وهو ما يبا المشاكل ويا حرمته ، خلاص انتي رمسيته بما فيه الكفايه واتصل بنفسه وسمع الفتوى باذنه ، اللي عليج سويته وما قصرتي بس خلاص دورج انتهي ، وهو ماشاء الله صار ريال 26 سنه ويعرف الصح من الغلط ، خليييه ومع الايام بيعرف انه كلامج صح