اكره حرمة اخويه

[هادية الطبع]

الغاليه معاج حق
بس في شي غلطي فيه اسلوبج كان اجباري
انتي قلتي هي توها مسلمه يعني ماتعرف شي
المفروض تحبيبينها بالاسلام مب تكرهينها فيه
وتفهمينها مب خوفينها
المفرو من قبل تتبعين اسلوب انج ترابعينها
عشان تحبج وتتعلق فييج واي شي تقولين لها اياه تتفهمج اكثر
وتسمعج وتتفهم لما تقولين لها عن الاسلام
احس اسلوبج كان يالله بسرعه سو اوامر وبس اخوج ريال
خلاص لازم ترضين بالامر الواقع رمسي امج او ابوج عسب يقنعون اخوج بسالفه الولد
لان ماحس هم بيسمعونج لما ترمسين
هذا رايي السموحه

ان شاء الله الامور بتتغير للأحسن
اختيه انا ما اتكلمت معاها الحوار الي بيني وبينها كان بمسج واحد منها وانا رديت على كلامها بمسج هي خايفه على مستقبل ولدها عسب جي ما تبغي الاسم يتغير
سبق وكتبت ما بتكلم في الموضوع مع اخويه مره ثانيه خاصه اني اتكلمت معاه في موضوع النسب 3 مرات عقب مول ما اتكلمت
اخرتها بيعرف الصح من الغلط كل شي بيطيح على راسه قضية النسب مب بسيطه .
فيها ورث وفيها محارم .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هادية الطبع]

يبي يدلعها و يسوي عمره جدامها شهم و ان هو ريال البيت .. و يحسب انها اتغربت و هدت اهلها عشان سواد عيونه

لا تعليق

[ام_نونا]

الله يهديه صج بلاهم بنات البلاد الله يهدي شبابنه

[احب عيالي]

والله يا اختي الله يجزيج خير يوم تكلمتي لانه محسوووب عليج وهذا غلط وحرااام واسالي اهل الدين والذكر والمشايخ وبيفتون بفتوه شرعيه ... اخوج الله يجزيه خير اذا كان بيربي الولد تربيه اسلاميه صحيحه بس بعد لازم ينتبه على مووووضوع التبني
الله يعينكم صراحه شي يقهر وااايد
الله يعينكم ويهديه يارب

[meme123456789]

ماشاء الله عليج يبين عليج فاهمه وعاقله وكلامج عين العقل
بس سؤال وين امج وابوج مالهم رايي او مب ع قيد الحياة؟؟

الله يهدي اخوج ومب الحين بيندم عقب شرات ماقلتي

[مـــــريم]

عين العقل ما ادري ليش انقهرت ..كسر خاطري اخوج..
الرياييل يهال والله.

[هادية الطبع]

الله يهديه صج بلاهم بنات البلاد الله يهدي شبابنه

آمين

[هادية الطبع]

والله يا اختي الله يجزيج خير يوم تكلمتي لانه محسوووب عليج وهذا غلط وحرااام واسالي اهل الدين والذكر والمشايخ وبيفتون بفتوه شرعيه ... اخوج الله يجزيه خير اذا كان بيربي الولد تربيه اسلاميه صحيحه بس بعد لازم ينتبه على مووووضوع التبني
الله يعينكم صراحه شي يقهر وااايد
الله يعينكم ويهديه يارب

الغاليه قبل لخبر اخويه انه حرام تنسب واحد لاسمك طرشت ايميل حق وزارة الاوقاف والشؤن الاسلاميه وعندي الفتوه كامله في الايميل لين الحين عقب خبرت اخويه عسب يتأكد ويصدق انه كلامي صح , اخويه يربي الولد الحمدالله والولد يدرس الدين ويتعلم الدين بعد وهالشي الي قالوله المشايخ ربه وعلمه الدين واكسب فيه اجر بس تنسبه لاسمك حرام
انا مش معترضه انه يربي الولد انا معترضه على التبني والنسب

[دمعة شقى]

الله يهدي اخوج يارب ..

وكلامج كله صح ..

[هادية الطبع]

ماشاء الله عليج يبين عليج فاهمه وعاقله وكلامج عين العقل
بس سؤال وين امج وابوج مالهم رايي او مب ع قيد الحياة؟؟

الله يهدي اخوج ومب الحين بيندم عقب شرات ماقلتي

اختيه الوالد مثل ما كتبت في الردود القبليه الوالد كبير في العمر الله يطول بعمره ويالله بنفسه ما يدري لانه محد خبره لا الوالده ولا اخويه وانا مابا اخبر الوالد عسب ما يزعل اخويه مني خلاص دام نبهته هو حر
اما الوالده موقفها سلبي اتعرف انه حرام التبني بس ما نبهت اخويه ولا خبرته خلته على عماه ويوم انا عرفت عاتبيتها ليش ما نبهته ولا خبرته ردت عليه ما تبغي تسمع مني نصايح انا مب امها عسب انصحها ولا هي اصغر عيالي عسب اكلمها بالموضوع شو تبغيني اسوي خبريني ؟

بعض الخوات يتحسبوني مكبره الموضوع انا مب مكبره الموضوع بالعكس طرحت الموضوع عشان نتناقش واعرف سلبياتي في حواري وكلامي مع اخويه وحرمته وابغي اعرف كيف اتصرف مع حرمة اخويه اذا يت البيت والحمدالله لقيت اجابات وافيه ونصايح حلوه ومفيده يزاهم الله خير

[هادية الطبع]

عين العقل ما ادري ليش انقهرت ..كسر خاطري اخوج..
الرياييل يهال والله.

الرياييل مب يهال لو يهال مثل ما ياخذون الاجنبيات بالرغم من انه يعرفون ماضيهم الاسود بياخذون المواطنه .
بس الموضوع اذا يخص الاجنبيه يستون شرات اليهال لكن اذا يخص المواطنه يعقلون وتشوفين كلامهم حكم عادي يفتون بعد

[سيده طموحه]

ما غلطتي يوم نبهتيه
الساكت عن الحق شيطان أخرس
الله يهديه

[سيده طموحه]

اختيه الوالد مثل ما كتبت في الردود القبليه الوالد كبير في العمر الله يطول بعمره ويالله بنفسه ما يدري لانه محد خبره لا الوالده ولا اخويه وانا مابا اخبر الوالد عسب ما يزعل اخويه مني خلاص دام نبهته هو حر
اما الوالده موقفها سلبي اتعرف انه حرام التبني بس ما نبهت اخويه ولا خبرته خلته على عماه ويوم انا عرفت عاتبيتها ليش ما نبهته ولا خبرته ردت عليه ما تبغي تسمع مني نصايح انا مب امها عسب انصحها ولا هي اصغر عيالي عسب اكلمها بالموضوع شو تبغيني اسوي خبريني ؟

بعض الخوات يتحسبوني مكبره الموضوع انا مب مكبره الموضوع بالعكس طرحت الموضوع عشان نتناقش واعرف سلبياتي في حواري وكلامي مع اخويه وحرمته وابغي اعرف كيف اتصرف مع حرمة اخويه اذا يت البيت والحمدالله لقيت اجابات وافيه ونصايح حلوه ومفيده يزاهم الله خير

والله يا اختي انتي مب مكبره الموضوع ولا شي بالعكس الموضوع كبير وما ينسكت عنه ويزاج الله خير انج تنبيهينه انا لو مكانج بسوي نفس الشي ويمكن اكثر بعد

[فلانه الفلاني]

انا بقولج 3 اشياء:

- اولا: اخووج غلطان غلطه كبيره !! و التبني حرااااااااااااااام مثل ما قلتي .. اذا وايد خايف على الولد هوه و حرمته فـ يقدر يكفله !! ماشي فرق !!! لكن ينسبه انه يكون ولده .. هاي كبيره و حرام !!!!

- ثانيا: من كلامج (( بس انا ما ارضا حد يشل اسم ابويه ويشاركنا باجر في الحلال )) لا تخافين من هالنقطه! تقدرين تعترضين حزتها في المحكمه انه مب ولده وانه ماشي شهود انه الولد ولد اخوج !! و ترا الـ DNA يطلع كل شي .. فـ لا تخافين من هالنقطه. حتى احين تقدرين تعترضين، بس انا ما احبذ هالشي لازم تتكلمين ويا اخوج في هالموضوع ويا اخوج ...

- ثالثا: انتي قلتي انج مب معترضه على الولد .. بس احين مب متقبلتنه و ما تبينه في البيت، احس تناقض، و تراه ياهل 5 سنين !!! و ماله داعي تتحجبين عنه و انه يضايق وجودكم !!! ياهل والله ياهل !!! لو عمره 10 سنين بنقول .. بس حليله 5 سنين !!!!!! لا تخلين معارضتج للتبني يكرهج بـ ( الـطفـــــــل ) ترا ماله ذنب، مب هوه اللي غاصب اخوج ينسبه بـ اسمه .. و اذا خايفه من باجر مثل ما تقولين، ترا يعرف يصلي ، و لين ما يكبر بيعرف الصح من الغلط ان شاء الله ، و بيعرف انه حرام يشوفج !!

الله يعينكم والله و يهدي اخوج ان شاء الله ..

[هادية الطبع]

الغالية تسمحين لي أقول رأيي

إنتي طرقة كلامج و سردج للموضوع ابدا مو منطقية

كيف انتي تحكمين عليها بانه إسلانها مو بحقيقي و مو من خاطرها و انه مصلحة

الله يهدي من يشاء و الله هداها للإسلام فالمفروض إنج تكلمينها بهدوء و تكونين

أكبر مثال لها و قدوة حسنة للإسلام انتي موضوعج ناتج عن كرهج لزواج المواطنين من الاجنبيات

بالعكس أخوج سوا خير في حياته ما احد ممك يسويه يعني يتزوج اجنبية و يكون سبب في هدايتها للإسلام

أكيد شي جدا كبير عند الله

بالنسبة للتبني الله و أعلم و من يدري لربما يكون الولد ولد اخوج و ما يبغي يخبركم الله و أعلم

كل بني آدم خطاء و خير الخطائين التوابون فليش إنتي حاشرة نفسج بالموضوع قالج أخوج

إنسي الموضوع خلاص إنسي الموضوع اللي عليج سويتيه و هو إنج نصحتيه و خلاص

الحرمة حتى لو ماكان عندها ولد و ما كانت هالمشكلة أكيد بتكرهيها لمجرد انها أجنبية

الله يعين بصراحة و يألف قلوب أمة محمد

دورج تكونين لها صديقة و تعلمينها قواعد الإسلام و تهدينها كتيبات و تساعدينها

و لا تقولين لها إنتي يديدة فالإسلام و ما تعرفين شي بالعكس شجعيها و قولي لها أنه

الله غفور رحيم و ربج بيستر عليج دنيا و آخرة و الخطأ وارد

إنتي وضحتي له السالفة و هو فهم عليج و خلاص يظل القرار له هو !!!

لا تدققين بالموضوع لربما يطلع الولد ولد اخوج و هي ما تبغي تتكلم و إذا عصبتيها ممكن تبوح بكل شي

و عقب تتغير نضرتكم لأخوج و يقل إحترامه عندكم ....يوم القيامة كل واحد يتحاسب على عمله

اختيه انا بسألج

لو عندج اخو او ولد يبغي يتزوج مواطنه عندها ولد من علاقة غير شرعيه بس الله هداها وتابت هل بتقبلينها زوجه لأخوج او زوجه لولدج ؟؟ جاوبيني بصراحه

انا عن نفسي ما احاسبها على ماضيها ولا فتحت لها الموضوع احاسبها على النسب الي ما تعرف حكمه في الاسلام والي رافضه تغير الاسم من خوفها على مستقبل ولدها بالرغم انه ولدها بيكون في امان وما بينقصه لا علم ولا شهاده هي تتحسب اذا شلينا النسب من ولدها بيعيش من غير هويه وجواز ولا بيدرس you Understand

اعرف انه ربي هو الي يحاسب الانسان على اخطاءه وزلاته افهموا يا بنات النسب والتبني اذا معترضه ومب عايبنها تطلب انه نوضح لها ليش حرام وشو الحل المناسب للمشكله مب تجادل على شي بالباطل وتزعل وتعصب وتقول برجع بلادي

وليش اكرهها لانها مجرد انها اجنبيه ؟؟ ما يخصه هالكلام
اجنبيه والنعم فيها ومسلمه والنعم الف بس مب تجادل وترفض مثل ما قلت لج عليها تطلب التوضيح وتسأل لين اتعرف الصواب

مثل ما قلت لج انا كارهه الزواج من الاجنبيات اذا كان الاختيار غلط ومب مدروس مثل زواج اخويه وكل خطواته مب صحيحه واول بدايه عيز يدفع عن ايجار الشقه ثاني شي اعتقد الاجنبيه لها اقامه في البلاد ولازم بين فتره وفتره تجدد صح ولا انا غلطانه ؟ غير علاجها وغير امور ثانيه كل هالامور يبغيلها مصاريف

مش اخويه الي دخلها في الاسلام هي حبت حياة وعيشة المسلمين طبعا هذا على كلام اخويه حبت تدخل في الاسلام اذا اربيعا تها الاجنبيات يعلقون على لبسها الحالي هل معقوله ما بتتأثر بكلامهم .

الي ما ترضينه على نفسج لا ترضينه على عيال الناس اتأكدي ما بيطلع ولد اخويه لو ولد اخويه جان يوم كانت معصبه قالت واعترفت ولا بتقول بترجع بلادها ولو ولده اخويه ما بيشد حيله وبيكلم السفاره عسب يشل اسمه من الولد صح ولا غلط ولا بيسأل المشايخ لانه بيكون مقتنع انه ولده فليش يسألهم عن النسب ؟ ولا بيقولي بخليه بعيد عنكم ولا يشوفكم ؟؟ وبعدين اذا ولده ليش ايب العوار حق راسه ويخلي اهله يضايقون منه ؟