اكره حرمة اخويه

**هادية الطبع** · 2009-07-16, 02:28

المشاركة الأصلية كتبت بواسطة سكـون

أولا أهنيج اختي ع عقليتج وطريقة سردج للموضوع وتحليلج للأمور والرؤية المستقبلية لي عندج ^_^
المشكلة وايد عويصة ولها تداعيات ع أخوج وعايلتج وعيال أخوج المستقبليين ..
الزواج من أجنبية مب شي سهل والمفروض انه أخوج يفكر ف الموضوع 1000 مرة قبل لا يخطيها
والأدهى انه عندها ولد غير شرعي ... المشكلة انه بعض الشباب متسرعين ف قراراتهم وعواطفهم
امشيتهم ولا يفكرون بالمستقبل ،،، بس ألحين طاح الفاس بالراس وأخوج خذها والحلو ف الموضوع
انها اعتنقت الإسلام وان شاء الله يكون عن اقتناع تاااام
انتي عزيزتي غلطتي ف المسج لي طرشتيلها اياه لأنه كان ف لحظة انفعال والكلام كان قوي ومنفر بنفس
الوقت ... هالأسلوب مب حلو وخاصة لوحدة توها داشة الإسلام ،،، اعذريها عزيزتي إذا ردت عليج بطريقة
بعد انفعالية " انتي حطي نفسج ف موقفها يمكن بتردين بنفس الأسلوب" وبعدين هي توها يديدة ف الإسلام
وثقافتها الإسلامية تكاد تكون معدومة وأكيد بعدها بتكون متأثرة بالثقافة المسيحية وفكرة الحلال والحرام
بعدها مب واضحة عندها وف خاطرها تقول شو فيها إذا زوجي تبنى ولدي!!... انتي خذيها بالهداوة والمسايسة
وخلج ذكية ودايما حاولي اتخلين الكرة ف ملعبج
انتي حاولي تكسبين أخوج بالتقرب والتودد من زوجته وسكري ع الموضوع فترة وخلكم حبايب
وشوي شوي دخليها ف جو الإسلام أكثر ويوم بتحبج اشرحيلها موضوع التبني وانه ما يجوز وليش بطريقة
عقلانية ومنطقية وقوليلها انه ولدها ما بتنهضم حقوقه وانتي ما شاء الله عليج انسانة واعية وعاقلة وأكيد
بتقدرين اتوصلين لها المعلومة وتقنعينها بجو هادي بعيد عن المشاحنات لأنه الإنسان ما بيقتنع إذا كان تحت
ضغوطات وف جو مكهرب
وبالأخير اختي خلاص حاولي تتعايشين ويا الوضع عسب ما تصير قطيعة أرحام

تسلمين اختيه

والله يا اختيه انا ما كلميتها في الموضوع ولا فتحت لها اياه وكل كلامي مع اخويه عقب اخويه هو الي قالها الموضوع جان ترسل لي مسج منفعله ما تبغي حد يدخل في الموضوع لانها خايفه على مستقبل ولدها
بالرغم من اني ما اتكلمت معاها يوم قريت مسجها جان ارد عليها مثل ما قريتي في الموضوع انه الغلطه غلطة اخويه مب غلطتها بس الي نرفزني يوم قالت ما تبغي حد يتكلم في هالموضوع مره ثانيه الي هو موضوع النسب ومثل ما قلت انا مقررره ارابعها يوم بتتحول عندنا جريب وبحاول ان شاء الله اوضح لها ليش حرام باسلوب حلو ولطيف ومقرره اشتريلها هديه زواجها بعد كل هذا عشان افكر في عيال اخويه يوم بيون في المستقبل وان شاء الله خير

**" كلي شموخ "** · 2009-07-16, 02:34

فديت هالولد غمضني واااايد ويحليله ويصلي بعد

هيه صح نسيت اقول ما يحتاي تلبسين الشيلة جدامه لانه وااااايد اصغير

ودمتي بوووود

**cute uae** · 2009-07-16, 02:34

المشاركة الأصلية كتبت بواسطة هادية الطبع

صح كلامج
اخويه بعد منهم مب احسن عنهم

يقولي اشتغلي لكن حرمته ما يباها تشتغل شفتي كيف ؟؟ عجبي عجب
اقوله عيل حرمتك ما تشتغل ليش تطلب مني اشتغل عشان اشل نفسي بنفسي اقوله تراني ماحب الاختلاط , بالرغم اني اشتغلت لكن ما كان فيه وايد اختلاط المكان الي اشتغلت فيه اكثر شي نسبة البنات عن الشباب

الله يخليج أخوي بعد منهم .. ماخذ مغربية و ما يباها تشتغل .. و كل يوم تتضارب وياه تبغي تشتغل و تقوله ليش خواتك يشتغلون و انا ما تخليني أشتغل!!

**صدى المحبه** · 2009-07-16, 02:37

عندج حق من حقج ترفضين انه ينسب لاخوج لانه بالتالي بينسب لابوج انتي
معاج حق في كل كلمه بس شو انسوي مع شباب البلاد الي ميتين على ها الاجانب

**غرشوبة ال غرشوب** · 2009-07-16, 02:39

الله يهديه0000 وكم عمر محمد؟؟

**هادية الطبع** · 2009-07-16, 02:43

المشاركة الأصلية كتبت بواسطة cute uae

الله يخليج أخوي بعد منهم .. ماخذ مغربية و ما يباها تشتغل .. و كل يوم تتضارب وياه تبغي تشتغل و تقوله ليش خواتك يشتغلون و انا ما تخليني أشتغل!!

شفتي كيييييف

شو السر الي يخليهم يرفضون حريمهم يشتغلون واحنا عادي ؟

**هادية الطبع** · 2009-07-16, 02:44

المشاركة الأصلية كتبت بواسطة صدى المحبه

عندج حق من حقج ترفضين انه ينسب لاخوج لانه بالتالي بينسب لابوج انتي
معاج حق في كل كلمه بس شو انسوي مع شباب البلاد الي ميتين على ها الاجانب

باجر بيعرف انه الله حق
الله يهديه

**هادية الطبع** · 2009-07-16, 02:45

المشاركة الأصلية كتبت بواسطة غرشوبة ال غرشوب

الله يهديه0000 وكم عمر محمد؟؟

عمره 5 سنوات

**هادية الطبع** · 2009-07-16, 02:46

المشاركة الأصلية كتبت بواسطة أبنةأمنة

الله يعينكم ترا اللي سواه مصيبة مابحس بخطورة اللي سواه الا بكره,,,,,,,,,,,

علي العموم انتي سويتي اللي عليج..........

خليه للايام ........

تري هي اللي بتعلمه ........

وخليج من اليوم وطالع لطيفه معاه ومعاها تراكم ابتليتوا فيها ,,,,,,,,,,

وكان الله بعونكم.

هذا الي بسويه اخيته مشكوره على النصيحه

**فريدة** · 2009-07-16, 02:47

المشاركة الأصلية كتبت بواسطة هادية الطبع

شفتي كيييييف

شو السر الي يخليهم يرفضون حريمهم يشتغلون واحنا عادي ؟

ممكن الثقه ؟؟؟؟

**هادية الطبع** · 2009-07-16, 02:52

كلي شموخ فديت هالولد غمضني واااايد ويحليله ويصلي بعد

هيه صح نسيت اقول ما يحتاي تلبسين الشيلة جدامه لانه وااااايد اصغير ودمتي بوووود

الحين عادي اتم جدامه بدون شيله بس باجر يوم اخوانه بيون بيتغير الوضع وبيختلف
اتخيلي يدخلون اخوانه عليه يسلمون على عمتهم الي هي انا

عادي يبوسني على خدي اما هو لا شو بيكون موقفه بعدين ؟؟؟
طبيعي اول ما اشوفه بغطي راسي عنه
واذا دخلوا على الوالده سلموا عليها ولاعبتهم هو لا كل شي بيكون معاه رسمي الحين الوالده تلاعبه لانه صغير بس يوم بيكبر كل شي بيتغير وخاصه انه الوالده شديده في هالاشياء .

**هادية الطبع** · 2009-07-16, 02:56

المشاركة الأصلية كتبت بواسطة فريدة

ممكن الثقه ؟؟؟؟

وضحي اكثر
الثقه فينا ولا فيهم ؟؟

**دلوعتهـ^.^** · 2009-07-16, 02:57

احس كلامج كله صحححح والله يهدي اخوج

**~3ho0od~** · 2009-07-16, 03:06

الغاليه معاج حق
بس في شي غلطي فيه اسلوبج كان اجباري
انتي قلتي هي توها مسلمه يعني ماتعرف شي
المفروض تحبيبينها بالاسلام مب تكرهينها فيه
وتفهمينها مب خوفينها
المفرو من قبل تتبعين اسلوب انج ترابعينها
عشان تحبج وتتعلق فييج واي شي تقولين لها اياه تتفهمج اكثر
وتسمعج وتتفهم لما تقولين لها عن الاسلام
احس اسلوبج كان يالله بسرعه سو اوامر وبس اخوج ريال
خلاص لازم ترضين بالامر الواقع رمسي امج او ابوج عسب يقنعون اخوج بسالفه الولد
لان ماحس هم بيسمعونج لما ترمسين
هذا رايي السموحه

**cute uae** · 2009-07-16, 03:22

المشاركة الأصلية كتبت بواسطة هادية الطبع

شفتي كيييييف

شو السر الي يخليهم يرفضون حريمهم يشتغلون واحنا عادي ؟

يبي يدلعها و يسوي عمره جدامها شهم و ان هو ريال البيت .. و يحسب انها اتغربت و هدت اهلها عشان سواد عيونه

الموضوع: اكره حرمة اخويه

أدوات الموضوع

عرض

المواضيع المتشابهه

أنا و................................................. ....حرمة اخويه

منقهره من اهل حرمة اخويه...

توزيعات حرمة اخويه الغالي

حرمة اخويه والخدامه

ولد أخت حرمة اخويه توفي ... تعالوااا ندعيله