هل تأيدين الزواج من طريق مواقع الزواج ومن وافد ؟؟

[ام_جمعه]

الكل ياااااااخذ نصيبه فالدنيا
والله يوفق الكل انشالله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حنيييييييين]

أنا لا أويد الزواج من النت لا ن أغلب المشتركين في مواقع الزواج أشخاص لا يرغبون في الزواج الا من رحم الله يريدون التسليه في بنات الناس فقط

[the_me]

أنا لا أويد الزواج من النت لا ن أغلب المشتركين في مواقع الزواج أشخاص لا يرغبون في الزواج الا من رحم الله يريدون التسليه في بنات الناس فقط

i agree with u100%

[هدوء القلب]

حنييييييييييييييييييييين صح لسانج

[رومانسيـه]

الصراحه ... ما أأيد الاثين

والسموحه

[منى_منى]

مشكورة لكل غالية شاركت في موضوعي بس حسيت انه فعلا في فرق بين الواقع والبنات الي ابدن رايهم ما ادري شو راي البنات الثانيات

[غاوية..]

موضوع حلو ..... انا صراحة ما اشوف لا الجنسية ولا الاصل ولا الفصل انا اهم شي عندي ان يفهمني وافهمه وما ادري ليش عندي ميول للوافدين اكثر.... احسهم يحسون بمشاعر البنت ويعرفون شو يعني الحب ويقدرون البنت ويحترمونها خاصة لو كانت خليجية عكس شبابنا الأغلبية اللحين بس يتسلون يتزوجون ويتمون معاها لمدة شهر او شهرين او اكثر لين ما يشبعون وبعدين يطلقونها او يسوون علاقات عشان كذا العنوسة زايدة في الامارات واخر شي كل وحده بتاخذ اللي في نصيبها ولعلمكن ان الاماراتية لو خذت وافد مايسحبون الجواز منها معلومة اكيدة بس الريال مايعطونه الجنسية إلا بالواسطة او تتريا لين ما الشيوخ ينزولون قرار ويعطون كل واحد الجنسية ومع الايام كل شي بيتغير معلومة اكيده لان يوم بيشوفون العنوسة زايدة وماقدروا يحلونها بيسمحون كل شي وبيتغير كل شي .......

ويسلموا على الموضوع الحلو .......

[منى_منى]

موضوع حلو ..... انا صراحة ما اشوف لا الجنسية ولا الاصل ولا الفصل انا اهم شي عندي ان يفهمني وافهمه وما ادري ليش عندي ميول للوافدين اكثر.... احسهم يحسون بمشاعر البنت ويعرفون شو يعني الحب ويقدرون البنت ويحترمونها خاصة لو كانت خليجية عكس شبابنا الأغلبية اللحين بس يتسلون يتزوجون ويتمون معاها لمدة شهر او شهرين او اكثر لين ما يشبعون وبعدين يطلقونها او يسوون علاقات عشان كذا العنوسة زايدة في الامارات واخر شي كل وحده بتاخذ اللي في نصيبها ولعلمكن ان الاماراتية لو خذت وافد مايسحبون الجواز منها معلومة اكيدة بس الريال مايعطونه الجنسية إلا بالواسطة او تتريا لين ما الشيوخ ينزولون قرار ويعطون كل واحد الجنسية ومع الايام كل شي بيتغير معلومة اكيده لان يوم بيشوفون العنوسة زايدة وماقدروا يحلونها بيسمحون كل شي وبيتغير كل شي .......

ويسلموا على الموضوع الحلو .......

معاج مية في المية والي زاد الزود انه لو تقدم واحد مواطن ويكون اسمر (خال) يرفضون الاهل لييييييييييييييييييييييييييش بحجة انه اسمر وكانه مب بشر لان استوالي هذا الموقف وانا راضية فيه مب لاني مب حلوة او عاقة عمري عليه بالعكس الكل يقول عني حلوة ولله الحمد بس انا ميولي للسمر وايد لكن الله المستعان
مشكورة الغلا على المرور

[بدروه]

امم بقول رايي بس لا تقولون عنصريه لكن هو قناعه ذاتيه مني ..

ما احبذ ان وحده موااطنه تاخذ وافد .. لانه بتظهر مع الايام ولا الشهور مشاكل واختلاف فالثقافه امبينهم.. لحـد يقول لي: لا هم بيرومون يتخطون هالشي ولا ما اددري شوو، صدقوني صعبه ..

الااااا اذا كانت هي تحبه وتموووت فيه والعكس صحيح واثنينهم راضيين بالتغير اللي بصير ف هاا شي راجعلهم ودامهم مرتاحين خلاص خلهم يعيشون حياتهم بس لازم يفكرون بعد فمستقبل عيالهم وكيف بكون.. بس ماا يندرى لييين 20 سنه لجدام يمكن يكون عادي الوحده توافق على واحد امه من جنسيه معينه غير الاماراتيه والعكس صحيح بالنسبه للشاب(الله أعلـــــم).


بس أنا (نوو وووي ) افكر اخذ واحد من برع البلاد( الا من خليجيين عادي.. لول) ونفس ما قالن البنات : حلاة الثوب رقعته منه وفيه،،

ونفس ما قلت لكم ما عندي تفرقه عنصريه يعني بس مجرد شي مقتنعه فيه.



وكـــــــــل وحده حـــره فتفكيرها و مافي وحده تفكيرها صح والثانيه غلط لانه كل واحد مقتنع برايه ويشوف انه يناسبه

[الكنـاري]

مستحيل اتزوج عن طريق النت لانه مستحيل يكونون صريحين اما عن الوافد فبنات ابلادهم اولابهم ونحن غير ولد البلاد ماناخذ شو نتنازل عن عيالنا عيب يابنات وهذا قسمه ونصيب عيل بنت البلاد تاخذ بكستاني صرااااااحه لا تعليق وانتو احكمو؟

[منى_منى]

مستحيل اتزوج عن طريق النت لانه مستحيل يكونون صريحين اما عن الوافد فبنات ابلادهم اولابهم ونحن غير ولد البلاد ماناخذ شو نتنازل عن عيالنا عيب يابنات وهذا قسمه ونصيب عيل بنت البلاد تاخذ بكستاني صرااااااحه لا تعليق وانتو احكمو؟

صح مية مية

[فطمطم]

لا من النت ولا من واااااااااافد
لا والف لا

[منى_منى]

مستحيل . .
لا من النت ولا وافد . .

اسعدني مشاركتج الغالية

[rosy2]

للرفع

[أحلى حبوبة]

الصراحة مادري ليش البنات مايتقبلون فكرة وافد !!
اذا عن النت اوكي ما اايد لأنه مايندرى شو شخصية الانسان فالحياة الواقعية

وقال سبحانه وتعالى : (( وجعلناكم شعوبا وقبائل لتعارفوا)) , ولافرق بين عربي ولا اعجمي الا بالتقوى

يعني واااايد من عيال بلادنا يسوون الحرام و يتعرفون و كل شي بس يوم ايي يبى يتزوج يدور وحدة صالحة وتخاف ربها مادري شو بلاهم

وعادي تحصلين واحد ولو هو هندي والا باكستاني والا اوروبي والا من اخر العالم يخاف ربه ويتقي فالله

وقال تعالى : ((وعسى أن تكرهوا شيئاً وهو خيرٌ لكم وعسى أن تحبّوا شيئاً وهو شرٌّ لكم))

(البقرة 2/216

انا عندي اهم شي الدين والاخلاق الصراحة وانا عن تجربتي تقدم لي واحد وافد ووافقت عليه وماشاء الله عليه ماعليه كلام و ادب و دين بس الله اييسر واللي كاتب لنا رب العالمين محد يعرفه