أخوي وزوجته

**أموووول** · 2008-10-20, 18:53

بنات حبيت اخذ رايكم بمشكله تخص مرت اخوي والله المسكينه كاسرة خاطري كل يوم والثاني خلاف مع اخويي واخوي الله يهدية انسان جدي وايد وهي انسانه مرحة يعني عكس بعض واول ما تزوجو وايد يختلفوا ف اراء ومع الايام وايد تغيرت مرت اخويي والحين صار على زواجهم 4 سنوات وعندهم و3 عيال مثل القمر الله يحفضهم بس بعدهم على مشاكلهم ومحد يعلم فيها الا الله سبحانه وتعالى وانا الا دايم زوجة اخويي تفضفض لي وتشكيلي من اخويي ومن معاملته على اتف الاسباب يعصب وما تقولولي ما يحبها هو يموت فيها ويغار عليها وايد .البارحة متصله فيني تبكي تقولي اخوج قالي سيري بيت اهلج وهي طبعا ما حبت تروح تقول اعيش في نار ريلي ولا جنه اهلي المسكينه تحبه وايد قلتلها لما بيرجع من الدوام كوني عادية ولا كانه صاير شي وفعلا صار جي بس اليوم قبل ساعه متصله تبكي تقول اتصلت فيه اقولة انت وين وحشتني قالها انا رايح العين مع ربعي قالتلة انزين الله يحفظك بس كنت انتظرك نسير نشتري اثاث حق البيت الجديد عصب عليها وسكر التلفون في ويهي ..
بنات شخصية زوجة اخوي وايد ضعيفه احسها وايد تخاف من اخوي وتعاملهم وايد جدي وهو شخصيته قوية ..بعدين ساعات اخوي يقعد يعارها فيني انا حتى تقولي ساعت اكرهج من كثر ما يقولها اذا احترق عنها الاكل روحي شوفي اختي تطبخ حق عايله ومن هالكلام تقولي ما ادري شسوي عشان ارضية .
الا ابي اقولكم عنه انا اقترحت عليها لما بيرجع اذا كان هادي تكلمه بهدو تقوله يا حبيبي حبيت افاتحك بموضوع اذا فاضي ومب تعبان ممكن اكلمك اذا تعبان اناجل لباجر (تقوله شوف انت دايم تقولي سيري بيت اهلج وانا ادوس ع كرامتي عشان عيالي وعشان حبي لك واستحمل كل اهاناتك انت تشوف نفسك ما تباني الحين بشل اغراضي سايرة بيت اهلي وطلبك على العين والراس اما تشوف نفسك تحبني وتقدرني انا بتم بس بشرط تحترمني وتعاملني معامل الزوج الحنون المتفهم لان الانسان اعيش مرة وحدة وما اقدر اعيش مع شخص كل يوم خلاف بيني وبينه ما يسويلي اي احترام حتى عدال الخدامة يهزبني )
انا قلتلها جي تقوله انا ما ابي اخرب بيت اخوي بس المسكينه اخويي مستغل ضعفها وضعف شخصيتها وقلتها تكلمه بشخصية قوية تبين له انها هي عادي عندها تعيش بي وبدونه ..للعلم انا اعرف اخويي مستحيل اخليها تروح بيت اهلها لانه انسان ما يحب حد يرمس عنه انسان معروف وايد يحترم اهل زوجة اخويي ما بيقصر ف بنتهم بس قلت اخليها تسوى هالحركة عشان تحسسه انه ف اي وقت ممكن يخسرها شو رايكم بقتراحي عليها ودعواتكم لها وحق اخويي بالسعادة ولا تنسوني

المزيد من آخر المواضيع من نفس القسم:

**سكون العين** · 2008-10-20, 19:32

الله يكون في عونهم الغاليه

وإقتراحج عليها صح لأن رياييل هالزمن يبالهم عين حاره شوي

**mao** · 2008-10-20, 19:36

عزيزتي اذا تحسين انه الحركه ممكن تنفع فتوكلي ع الله

لكن بعد جااولي ترمسين انتي اخووج وتقوليليه يحس ف حرمته شويه

مسيكنه

الله يعينها ويوفقها ويوفقج ان شااء الله

وف انتظار الاخبار الطيبه

**مريوم المهيري** · 2008-10-20, 19:44

الله يعينها .. (أيما امرأة ماتت وزوجها عنها راض دخلت الجنة)

خليها تصبر وتعامله بالطيب وحسن العشره دوم بحيث انه يكون راضي حتى لو مابين لها انه راضي

يمكن حرمة اخوج وضحت له من البدايه انها ايد وايد وايد تموت فيه وهالسبب مخلنه يتغلى شوي عليها ف خليها

تصبر وتستغفر وتدعيله بهالهدايه تبشر بالجنه

واقتراحج حلو ... بس بعد بقولج :

انتي خلي امج تدعي لاخوج ان الله يسخر قلبه على زوجته لان دعاء الام له تأثير بعد

ولاتسير بيت اهلها دام لا يضربها ولا شي

**اماني سيف** · 2008-10-20, 20:06

الله يهدي ريلها ياااااااااارب .

**A+k** · 2008-10-20, 20:12

لازم تكون شديدة معاه شوي

لانه هو ماينفع وياااااه الطيبة

خل تسير بيت اهلها يمكن يحس شوي ع دمه

والله يصلح امبينهم يااااااااارب؟؟.

**أموووول** · 2008-10-20, 20:30

لا حبيبتي هو في حياتهما مد ايده عليها

**shaikha75** · 2008-10-20, 20:37

الله يسعدهم ويسعدج بالزوج الصالح

**um a7mad1** · 2008-10-20, 20:47

alaah ye3een

**مي الاماراتية** · 2008-10-20, 20:54

بطلع شوي عن موضوعج بس ماشالله ماشالله ماشالله عليييييييييج اول مرة اشووف اخت ريل حقانيه .. مع انج اخته بس حقانيه ومتعاطفه وحاسه بمعاناة مرت اوج وحابه تساعدينها... الله يكثر امثالج والله ... اللي يسخر قلبها لها ويبعدهم عن المشاكل ويفرح قلبج بخبر يسرج ...

بس حرام يعايرها فيج ... لما يمدحج يدامها انتي تمدحي فيها وقووولي بالعكس تراها جذه وجذه ... صدقيني عقب بينتبه عليها اكثر وبيحس بجيمتها^_^

**المــــدام** · 2008-10-20, 20:59

أنا انصحج انج ماتتدخلين بينهم، خليهم يحلون مشاكلهم بروحهم يمكن تشورين عليها براي بحسن نيه وينجلب على راسج، هي أدرى بطبع ريلها وهي المفروض تكون متأقلمه معاه اذا هو من أول يوم تزوجته عصبي وهذا طبعه، وبعدين اذا هو قارنها فيج هذي مشكلته مو مشكلتج، ليش يقارن حرمته بخواته، أنا اقول اشتري راحة البال ومردهم بيتصالحون *****الله.

**أموووول** · 2008-10-20, 21:02

المشاركة الأصلية كتبت بواسطة المــــدام

أنا انصحج انج ماتتدخلين بينهم، خليهم يحلون مشاكلهم بروحهم يمكن تشورين عليها براي بحسن نيه وينجلب على راسج، هي أدرى بطبع ريلها وهي المفروض تكون متأقلمه معاه اذا هو من أول يوم تزوجته عصبي وهذا طبعه، وبعدين اذا هو قارنها فيج هذي مشكلته مو مشكلتج، ليش يقارن حرمته بخواته، أنا اقول اشتري راحة البال ومردهم بيتصالحون *****الله.

معج حق اختي بس انا اسوى جي بعد عشان اخويي يالله الله يسعدهم

**mu3anah** · 2008-10-20, 21:10

الله يعينها ويهدي ريلها+ويألف بين قلوبهم

**الضياء** · 2008-10-20, 22:11

الله يهديهم ويصلحهم

**miss-bentuae** · 2008-10-20, 22:41

الله يكون في عونهم الغاليه

الموضوع: أخوي وزوجته

أدوات الموضوع

عرض

أخوي وزوجته

المزيد من آخر المواضيع من نفس القسم:

المواضيع المتشابهه

خايفة من الحج إحتمال أسير مع أخوي وزوجته أنصحوني أأجل ولا أتوكل

قصة المحتال وزوجته

اخوي وزوجته

قصة الزوج وزوجته ..||~