طريقة الكيرلي للشعر

[waham]

هلا خواتي حبيت اعرف كيف اسوي شعري كيرلي فالبيت وشو الكريم اللي لازم احطه له عشان يثبت الكيرلي ممكن اللي يسوون يخبروني طريقه اللف وهو مبلول والا جاف لازم بليز

المزيد من آخر المواضيع من نفس القسم:

• خلطة عصير البصل السحرية لتطويل الشعر حصري
• طريقة استخدام المايونيز لترطيب الشعر
• ابرز فوائد بذور الكتان للشعر
• طريقة عمل شامبو طبيعي للعناية بالشعر الجاف...
• افضل خلطة طبيعية لعلاج قشرة الشعر نهائيا
• افضل خلطات زيت الارغان الفعالة للعناية بالشعر
• ماسك طبيعي لترطيب وتغذية الشعر الجاف حصري
• خلطة البيض والزبادي لاستعادة صحة وجمال الشعر...
• 3 أسباب تجعل زيت جوز الهند معجزة للشعر حصري
• 6 أسباب تجعل زيت الزيتون رائعًا لشعرك حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خيوط النور]

UPUPUP

[حريه]

غناتي انتي شعرج شو نوعه..يعني هو اصلا كيرلي وجاف ولا كيف؟!!!

المهم اذا هو اصلا كيرلي وتبينه ما يقب فالحر مثلا بخبرج ،،

من عقب ما تغسلينه وهو مبلل حطي فيه كريم بانتين((بس ما يكون واااااااااايد مبلل) وتمي لولوي كل خصله تقريبا بصبعج عالسريع، وطبعا بيكون بعده شوي خرسان الشعر ،نشفيه عالخفيف بهوا الاستشوار وخلاص،،جذي بيكون كيرلي بس بطريقه مرتبه ،هذا اللي انا اسويه حتى فالاعراس وكل حد يتخبل عليه يتحرون اسوي فالصالون،،

وان شاء الله تظبط معاج الحركه ،،^^

[waham]

غناتي انتي شعرج شو نوعه..يعني هو اصلا كيرلي وجاف ولا كيف؟!!!

المهم اذا هو اصلا كيرلي وتبينه ما يقب فالحر مثلا بخبرج ،،

من عقب ما تغسلينه وهو مبلل حطي فيه كريم بانتين((بس ما يكون واااااااااايد مبلل) وتمي لولوي كل خصله تقريبا بصبعج عالسريع، وطبعا بيكون بعده شوي خرسان الشعر ،نشفيه عالخفيف بهوا الاستشوار وخلاص،،جذي بيكون كيرلي بس بطريقه مرتبه ،هذا اللي انا اسويه حتى فالاعراس وكل حد يتخبل عليه يتحرون اسوي فالصالون،،

وان شاء الله تظبط معاج الحركه ،،^^

انا شعري اختي جاف وخاطري اسويه مجعد كيرلي

[عنب]

انا بعد ابا بس شعري سايح كيف اسويه !

[أسيرة الماضي]

للرفع

انا بعد شعري سايح وأبي اسوي كيرلي

[Cute_Barbie]

up up up

[حريه]

انا شعري اختي جاف وخاطري اسويه مجعد كيرلي

غناتي يعني مثل ما قلت لج وان شاء الله تظبط معاج الحركه ،،انتي نفس حالتي،،بس مشكلتة غافتي تقب فالحر ويوم اسوي الطريقه اللي خبرتج عنها ،،الحمدلله الامور تكون طيبه،،^^
goodluck sis

[حريه]

السايح اعتقد بس ينفع معاهم الفير،لكن ما انصحكم واايد يخرب الشعر،،^^

[لمسات..]

للرفع

انا بعد شعري سايح وأبي اسوي كيرلي

[missuae3003]

حبيبتي .. اكتبي في جوجل .. وبتلقين الطريقه بالصور

[عسيَل]

انا شعري روحه كيرلي ما يحتاي هههههه

تقدرين تحطين الرولات

[اناحلوة]

نقلت لكم هاي الطرق ....



الطريقه:


إذا كنت تبغي شعرك كيرلي
وهو مبلل أمسكي خصله صغيره وأمسحي عليها
بـجل الشعر وأرفعيها فوق ضروري فوق بتسألون ليش
لأنها إذا لفيتيها من تحت والخصله مارفعتيها لأعلى راح يكون الشعر ماهو
ملفوف من عند الجذور تلاحظين أنه بيبدأ بلألتفاف
من نصف الخصله وعلى العكس إذ رفعتيها لأعلى ثم بديتي اللف
يكون اللف من الجذور ويعطيك منظر الكيرلي
وطريقة اللف هي بقلم عادي علشان يطلع اللف صغير
بعد ماتلفينها أسحبي القلم وضعي مشابك الشعر(البنسه)
إذا خلصتي من لف شعرك
خليه فتره طويله وبعدين شوفي جمال شعرك
طبعاً هو تغيير عن الأستشوار ويعطي جمال أكثر
أما إذا أردتي أن يكون شعرك كأنه معمول بالفير
نفس الطريقه لكن أجعلي الخصله أكثر وأبدأي
اللف وهذه ممكن تعملينها بمناسبات كشبكه
أو حفله تخرج وهكذا


أتمنى أن أكون أفدتكم ولو بشيء بسيط
وأتمنى منكم التفاعل وأضافة طرق جديده
تقبلو تحياتي،،،

----------------------------------------------




عندي لكم طريقه للكيرلي انا من زمان اعرفها لكن من الاستفسارات اللي عن الكيرلي قررت اني انزل لكم الطريقه عشان افيدكمو حتى اللي شعرها صعب يضبط و يصير كيرلي راح تضبط معاها =)



و الحلو فيها ان تقدرين تسوينها بروحج بالبيت و تطلع روعه

و تقدرين تتحكمين بشكل الكيرلي .. صغار او كبار =)


****


اول شي راح نحتاج هالأشياء =)

1
كاب حراري من براون Braun و ترى حده حده زيييين و يهبل و رووووعه
و مايخترب يظل معاج مده طويييييييييييله .. انا اللي عندي كان مال عمتي و عندها اياه من اكثر من 10 سنين تخيلوا ؟؟

(( قولو مشالله لووول ))

و هذه صورته =)





2
هذه اللفافات للشعر تتحكون بطيها و فردها .. تلقونها بمحلات الشعر .. (( بنات الكويت تلقونه بالأذينه ))





3
فوم + جل خفيف جدا + رشاش لحماية الشعر من الحراره





4
سيبراي .. عذروني ماصورته لان خذته مني بنت خالتي



الطريقه شلووووووووون ؟؟



1 لازم الشعر يكون نظيف و لاتحطون عليه بلسم =) و خلوه مبلل بنسبة 75% .. يعني نشفو اغلبه و خلو فيه بلل شوي لكن حرصوا على ان الفروه تكون ناشفه مو مبلله


2 نحط الجل اللي لونه وردي من CLAIROL مجموعة herbal essences ريحته حلوه خفيف حييييل و مو مثل الجل العادي اللي يمسك الشعر حيييل ... نوزعه على الشعر لكن مو وايد منه .. شوي بس =)


3 ناخذ الفوم ( الموس ) انا استخدم اللي من كادوس .. و انا هم حاطه من ويلا اللي ياختي تستخدمه .. انتو اخذو الفوم اللي يناسبكم و شرط انه يكون ULTRA strong .. اخذو منه بحجمم كف اليد و حطوه على الشعر و لا يلامس الفروه



4 الحين شنو نسوي ؟؟ نبدي نلف الشعر .. مثل الخطوات اللي مبينه بالصوره ..

A

ناخذ خصله و نمشطها بمشط مفرق الأسنان .. أو ممكن تمشطونها يأصابيعكم
(( اذا تبون الكيرلي يكون كبار اخذو خصل كبيره .. و اذا تبونه صغار اخذو خصل صغيره .. و تحكمو انتو بحجم الخصله ..))




B




C

الحين تاخذون الأطراف و تلفونها على بعض نفس الصوره و تتبعون الطريقه على الشعر كله
مع مراعاة ان الخصل كلها تكون بنفس اتجاه اللف ( هذه خطوه مهمه جدا لكي يضبط الشكل الصح )





5 الحين ناخذ السيبراي من بوتس من ماركة botanics و نرش على الشعر الملفوف الي راح يكون مرفوع كله لي فوق عشان يحمي من الحراره =)


6 ناخذ الكاب الحراري و نحطه على حراره متوسطه و قعدو لين تنشف الخصل تماااااااااااما !! =)


7 نشيل الكاب و نقعد بالخصل لمدة ساعه كحد أدنى و ممكن تطولون أكثر =)


8 الحين نرد نحط الكاب لمدة ربع ساعه بس


9 نبدي نفل الخصل مثل الصوره .. نفتح أطرافها و نفرها لين تنفتح الخصله و نكرر الخوه على كاااامل الشعر وبتستانسوووووون من الشكل اللي مبين




10 نرش السيبراي على الشعر لكن مو بكثره =)


و نعيماااااااااااااااااااااا و شكلكم بيكون غجري و حلو
:


ملاحظه : اللي شعرها بسرعه يضبط بالكيرلي تحط بي خطوة الفوم و خطوة الرشاش اللي يحمي من الحراره =)



و بس =)

ان شاء الله الموضوع عجبكم =)