سمعت ربيعتي بتضيع

**كبريــاء** · 2008-08-23, 19:27

السلام عليكم ورحمة الله وبركاته

بنات بعرض لكم مشكلة ربيعتي..خلاص سمعتها بتضيع وهي مظلومه

ربيعتي مشاركه فمنتدى..وفي واحد من الاعضاء مطلع عليها رمسه انها ظاهره معاه..لكن والله العظيم واقسم بربي ان البنت مظلومه اهي لاتعرفه ولا رمسته لا بالمسن ولا بالموبايل..بس اهي مستغربه كيف يعرف اسمهاااا واسم اهلها..والله يا بنات البنت مب عارفه شو تسوي..الريال بيفضحها بشي اهي ما سوته..واهي حلفت لي انها ماتعرفه ولا تعرف اهو منو ولا من وين ولا شو اسمه..يابنات خبروني شو تسوي ..والله اهي خايفه توصل الرمسه لاهلها واهلها متشددين..وتقول انهم ما راح يصدقوها,,عاد انتو تعرفون ..مثل هالاشيا مب شوي..هاي سمعه..والبنت بتروح فيها وهي مظلومه,والله..

بنات اللي عندها حل تخبرني..وادعوا الله يفرج همها..

واسمحو لي

المزيد من آخر المواضيع من نفس القسم:

**داري uae** · 2008-08-23, 19:31

الله يستر عليها ان شالله
والله ماعرف بشو انصحج الغالية
ان شالله بنات المنتدى يعطونج حل للمشكلة

**رويــانــة** · 2008-08-23, 19:33

السلام عليج

دام انه عرف اسمها واسم اهلها فتأكدي انه وحدة تعرفها هي الل عاطتنه هالمعلومات ويمكن وحدة معاهم فالمنتدى

قولي لها ترسل رسالة لراعي الموقع تشتكي هالعضو وبعدين تطلع من المنتدى خير شر ولا ترجع له والله الغني عن منتدى مثله

والله يستر عليها وعلينا أجمعين يارب

والسمووووووووحة
الله يكون في عونها

**الغر الحشيم** · 2008-08-23, 19:37

تراسل إدارة المنتدى و هم بيتصرفون وياه و بيحلون المشكلة

الله يستر عليها دنيا و آخره

**فتاة راك** · 2008-08-23, 19:39

هاأأأأأأأي
نتيجــــــ،،،،،،،،،،ـــــــــــــــــــــــــة
الاشتــــــ،،،،،،ـــــــــراك في منتديات
الشبــــ،،،،ــــــــــأأأأأأأأأأأأأأأأأب
الله يهديكم

**نورا1** · 2008-08-23, 19:39

حسبي الله نعم الوكيل
انا عندى حل مادرى ينفع ولا لا لان وحده استوالها نفس الموقف
تقول حق اهلها ان وحده عطته اسمها وعنوانها وهى وثقت فيها بس البنت
الله يسامحها ونصيحه لا تشتركون فى منتديات فيها شبااااااااااب

**جوري خجول** · 2008-08-23, 19:41

صح خلها تشتكي لراعي لمنتدى ويطردونه
وهي خلها اتودر المنتدى دام فيه جي ناس ماعندها لا ذمة ولا ضمير
النت متروس منتديات وحسبي الله عليه

اوخلها تتحذر من اعضاء المنتديات وماتعطي حد اي معلومات عنها حتى لو كانت بنت
امحد يوثق فحد هالايام

**هواجيس مشتاقه** · 2008-08-23, 19:42

المشاركة الأصلية كتبت بواسطة رويــانــة

السلام عليج

دام انه عرف اسمها واسم اهلها فتأكدي انه وحدة تعرفها هي الل عاطتنه هالمعلومات ويمكن وحدة معاهم فالمنتدى

قولي لها ترسل رسالة لراعي الموقع تشتكي هالعضو وبعدين تطلع من المنتدى خير شر ولا ترجع له والله الغني عن منتدى مثله

والله يستر عليها وعلينا أجمعين يارب

والسمووووووووحة
الله يكون في عونها

**أنسة بشورة** · 2008-08-23, 19:42

نصيحتي لها انها تلجا لرب العالمين وتكثر من الاستغفار وتظهر من هالمنتدى

مب تنسى خليها تكثر من الاستغفار واذا رامت خلها تصدق باللي عندها

والله يستر عليها وعلينا

**الـصـمـت** · 2008-08-23, 19:43

وعليكم السلام ورحمة الله وبركاته

اذا هي ما تعرفه ولا احتكت وياه كيف بيعرف عنها كل شي...

يمكن هي متعرفه على بنات في المنتدى ومن ضمنهم (هو)

يعني هو مسجل بنك نيم بنيه وبنك نيم ريال...

على العموم غاليتي الموضوع فيه وايد مبهمات فمن

الصعب انه نلاقي حل مناسب للموضوع... بس قبل ما يصير

شي البنت لازم تتحرك يعني تخبر حد من أهلها خواتها

أو اخوانها أو أمها أو أبوها بما انه هو مصر انه

يفضحها صحيح انه موقف الاهل بيكون صعب عليها لكن

ما باليد حيله ... وربنابينصرها دام انها مظلومه...

ربي يستر على بنات المسلمين

**×العنود×** · 2008-08-23, 19:43

هذي وحده حاقده عليها لاعبه الدور وعايشه في رعب ... او انها عاطيه معلوماتها لواحد عسب تستسلم ربيعتج وتتعرف عليه
الحل انها ما ترد عليه وما ترسله اي شي عن طريق المنتدى....وتخبر عليه مدير المنتدى يوقف عضويته ويطلع رقم كمبيوتره ( اللآي بي) وبيقدرون الاتصالات يعرفون منو هو ...

**domy.7zena** · 2008-08-23, 19:45

الله يسترررررررر عليها مسكييينه وهـ الانسان الله بيراويه فخواته وان ماعاقباه فدنيا بيعاقبه فـ الآخره الله لاايسامحه .. وقوليلها انها ماتشترك فمثل هـ المنتدياااات واتمنى انها اعتبرت..~

**MshakeL** · 2008-08-23, 19:49

يمكــن تكون وحده تعرفها مشتركه بأسم واحد وتسوي هالحركات عشات تخوفها

أووو ان وحده من اهله تعرفها شخصيا و دخلت من اسمه وقالت هالرمسه عشان تستفزهاا
وااايدين سووها من قبل

**جوجيتّ** · 2008-08-23, 19:54

المشاركة الأصلية كتبت بواسطة الغر الحشيم

تراسل إدارة المنتدى و هم بيتصرفون وياه و بيحلون المشكلة

الله يستر عليها دنيا و آخره

**الوضيحيه** · 2008-08-23, 19:59

الله يعينها

مثل ما قالو البنات خلها تخبرإدارة المنتدى

الموضوع: سمعت ربيعتي بتضيع

أدوات الموضوع

عرض

سمعت ربيعتي بتضيع

المزيد من آخر المواضيع من نفس القسم:

المواضيع المتشابهه

ساعدوني ربيعتي بتضيع مني

لغتنا بتضيع

ربيعتي بتضيع

انا منهاره خلاص سنه من عمر ولدي بتضيع بنات راك دشن

توني سمعت في الجزيرة..اللي سمعت نفس الشي تخبرنا