ربيعتي بتضيع

[زهرة ذابلة]

السلام عليكم ، شحالكم بنات ، إن شاء الله بخير

أنا بخبركم عن مشكلة ربيعتي وأتمنى أنكم تساعدوها

ربيعتي أصغر عني بجم من سنة، عمرها 21 سنة، مشكلتها أنها تحب واحد من ثلاث سنوات

لا والله ما تحبه، الا تموت فيه، مستعدة تعطيه عمرها لو يباه

تحبه بجنووووووووووون عمري ما شفته، وتتم تصيح صياح لو زعلته أو غلطت عليه

المشكلة أنه هو في البداية قردنها ليما حبته وبعدين حس بتأنيب الضمير وحاول يخليها تكرهه عسب تنساه، بس هي أبدا مستحيل تنساه، وكذا مرة يوم يودرها تسير تنتحر، حتى صحتها تعبت من كثر الحبوب

هو صحيح يباها تكرهه بس مب جي، يعني مستحيل يمر يوم من غير ما يجرحها أو يهينها
الريال ما يحبها بس بنفس الوقت خايف عليها أن يصير فيها شيء لو ودرها

والله ثم والله أن ربيعتي هاي أطيب منها ما شيء، تحب الخير لغيرها قبل عمرها، ووحدة محترمة وحنان الدنيا كله فيها، بس مشكلتها مع هالإنسان ما تروم تودره

والله ما في حد تحمل كثر ما هي تحملت، ثلاث سنوات صياح ومذلة وجروح، وهي متحملة وساكته، كل هذا لأنها تحبه بجنون، ما حد يقول لي خليها تودره، لأنها رابطها فراقها بهالإنسان بموتها

هي إيمانها مب وايد ضعيف ولا وايد قوي، يعني تصلي وتقري قرآن وتذكر الأدعية، حتى أنها طول شهر رمضان كانت تدعي أن الله ينسيها هالإنسان

بس ما نسته، لو شو ما قلت لكم عن حبها ما بتصدقون، لدرجة أنها كتبت له من دمها كلمة احبك وزينت الصفحة بدمها وكتبت اسمه الكامل من دمها، ووايد أشياء ثانية سوتها، بس عمرها ما باعت شرفها ووهو بعد محترم ما يطلب منها هالسوالف
هو يعاملها على أساس أنها إخته وهالشيء يذبحها، لأنها تباه يكون من نصيبها وما تفكر تاخذ حد ثاني غيرها

وعلى فكرة ربيعتي هاي بالجامعة وناجحة بدراستها ومحبوبة من الكل، لأني مثل ما قلت لكم وايد طيبة، بس هالإنسان ما تروم تودره

والله حاولت معاها بدل المرة مليون وما شيء أمل

فقلت أعرض مشكلتها في هالمنتدى يمكن الخوات يقدرون يساعدونها

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[الحسن كله]

اسمحيلي اختي بس اللي تسويه ربيعتج غلط..وكيف تفكر تنتحر عشان انسان وتنهي حياتها وتغضب ربها؟؟..لو ايمانها بالله قوي ماسوت هالشي..حاولي تذكرينها بهالشي يمكن تتوب..وتبعد عن هالمحرمات وتذكر ربها وتستغفر عن اللي سوته ترى الدنيا زواله..شو فايدتها من هالريال لو انتحرت واغضبت ربها..الله يهديها ان شا الله

[$$ أم سعود $$]

حبيبتي سمحي لي اقول لج انه ربيعتج بعدها ما طلعت من مرحلة المراهقة
ما في حب الا الحب في الله
ومافي حب اعظم من حب العبد لربه
معقولة تموت نفسها عشان انسان !!
الله يهديها يارب

[دلوعه حمودي]

خبريه ان مافي ريال في العالم يستهل حب جي هي اصل لو تزوجته مابترتح عنده خليها تزوج غيره وبعد الزواج وانجب العيال بتنسه وتعيش حياته سعيده من غير حب واحد مايستهل

[زهرة ذابلة]

ما حد يعرف ربيعتي غيري، يعني لو خيرتها بين فراقها عن هالشخص وبين موتها، والله بتختار الموت، ربيعتي وأعرفها عدل

[الذربة]

ما حد يعرف ربيعتي غيري، يعني لو خيرتها بين فراقها عن هالشخص وبين موتها، والله بتختار الموت، ربيعتي وأعرفها عدل

هذا مب حب .. هذا مرض نفسي للأسف ..

الحب شيء جميل وحلو (الحب الحلال طبعاً) .. ويحلّي حياة الإنسان ..

بس الحب اللي يؤدي للانتحار (وكتابة اسم الحبيب بالدم!) .. هذا ما يسمونه حب .. الحب ما يعذب .. ولا يؤدي للموت والانتحار .. بالعكس ..

يمكن هي تعاني من نقص عاطفي في البيت .. أو جفاف مشاعر وعواطف من ناحية أهلها .. ولهالسبب تدور الحب برع البيت .. ومتعلقة في شخص ما يحبها ..

أنا ما أسميه حب .. أسميه تعلق مرَضي .. والتعلق المرَضي مشكلة .. وإلها حل إن شاء الله ..

خليها تقتنع أول شيء بإن اللي هي فيه مرض مب حب .. وبعدين بتسهل مهمة النسين وتجاوز المشكلة ..

بالتوفيق ...

[فراولةAD]

وان انتحرت شو بيستوي بها غير جهنم

[فراولةAD]

المشكلة أنه هو في البداية قردنها ليما حبته وبعدين حس بتأنيب الضمير وحاول يخليها تكرهه عسب تنساه، بس هي أبدا مستحيل تنساه، وكذا مرة يوم يودرها تسير تنتحر، حتى صحتها تعبت من كثر الحبوب

هي إيمانها مب وايد ضعيف ولا وايد قوي، يعني تصلي وتقري قرآن وتذكر الأدعية، حتى أنها طول شهر رمضان كانت تدعي أن الله ينسيها هالإنسان

كيف ايمانها هب ضعيف وفكرت بالانتحار على سبت وااااحد ولا وبعد مايحبها وان ماتت عقب جهنم يعني لا تطووول دنيا ولا اخره استغفر الله بس الله يهديها ويغفر لها

[لمساتي حياتي]

ودريها عن تختربين انتي بعد 0000000000

[زهرة ذابلة]

ربيعتي الحين متصلة فيني وتصيح، لأنها عطت حبيبها اليوم صورة من صورها، وهو قالها أنه بيحرق الصورة عسب ما حد يشوفها، بس هي مب مقتنعة، تقول أنه هو قاسي عليها ومايبا يتذكرها عسب جي يبا يحرق الصورة، والله قطعت قلبي بصياحها، ماعرف شسوي معاها

[بنت الطنيجي]

ربيعتي الحين متصلة فيني وتصيح، لأنها عطت حبيبها اليوم صورة من صورها، وهو قالها أنه بيحرق الصورة عسب ما حد يشوفها، بس هي مب مقتنعة، تقول أنه هو قاسي عليها ومايبا يتذكرها عسب جي يبا يحرق الصورة، والله قطعت قلبي بصياحها، ماعرف شسوي معاها

شو عطته صورتها !!!!! هاي شوووووووووووووووووو!!! استغفر الله !!!

أقسم بالله ان هاي مب صاحية !! ريال ما يبغاها و ما يحبها و يبغي رضى الله تعالى !!! و هاي ما تفكر و لا تحس !!

أقول لج شيء ... خليها تدش منتدانا و بنك نيمي ... قولي لها أنا (( بنت الطنيجي )) أبغيها هني تكتب شعورها و مشكلتها !! لأن ابغي افهمها ها شو يعتبر بالاسلام !! شو يعتبر بالمجتمع !! شو يفهم الريال اللي تكلمه !!

صور و خرابيط ... الحمد الله أن الريال ولد ناس .. لو كان ذيب و الله جان خرب سمعتها بنشر الصور.. خلي تخاف ربها شوي !! هذا مو حب هذا ادمااااااااااااااااااااااان اعوذ بالله !!!



الله يهديها ان شاء الله ..

[بنت الطنيجي]

أسمي ساااااااااااالفة !! أشوف ها المواضيع كثرت ها الأيام !!!


صاروا البنات يركضون وراء الشباب !! الله المستعان ...لا فكروا بالكرامه و الاخلاق و الحيا و المستحى ... !!! صدق بنات ما يفكرون غير بلحظة الحب الميته

أختي الغالية ... بما أنج اربيعتها الروح بالروح .. فحاول تفهمينها أن اللي تسويه غلط .. و الريال اللي يشوف البنت تركض وراه ما يعطيها سالفة .. خليها تثجل شوي و علميا فيه حب حلال و فيه حب حرام !! دايما اسأليها انسان ما تعرفينه و لا يعرفج و بينكم حب و مصخره هذا شو يعتبر (( حب حلال أو حرام ))..

فهميها و اسأليها انتي تتعبين صحتج و تنتحرين من أجل انسان !!! على بالج ها الشيء من الاسلام ؟؟ على بالج لو انتحرتي ها الريال بيحبج ؟؟ قولي لها بالعكس راح يحقد عليج لأنح مو مؤمنه و لا تعرفين الدين ..

قولي لها .. اذا تبغين ها الريال يخطبج ادعي بينج و بين ربج .. و ماله داعئ كل ها الحركات اللي تخلي الريال يكرهج و يآخذ فكره مو زينه عنج ..

بما أنج اربيعتها الروح بالروح ..حاولي تشغلينها بالدراسة و اطلعي معاها .. رمسيها أغلب الوقت علشان تنسى ها الأمور ... حاولي تعرفين هي شو تحب تسوي !! شو هواياتها !! و خليها تطور حياتها و تغير الجو و تطلعينها من اللي عايشه فيه ..

للأسف صديقتج ضعيفة الايمان و لازم تقوي أيمانها ...و أنصحيها بالاستخاره .. قولي لها صلي استخاره لما تحسين بأنج تبغين ترمسين مع ها الريال ...

خليها تصلي استخاره و تدعي ربها لو ها الريال خير لها يتقدم و يخطبها و لو شر لها رب العالمين يبعدها عنها .. و ان شاء الله راح تنسى كل شيء


أدعوا لها بالهداية وربي يهدي الجميع ان شاء الله ...




ربي يحفظكم ان شاء الله من كل سوء و مكروه..



دمتي بود

[زهرة ذابلة]

[QUOTE=بنت الطنيجي;10574440][SIZE="5"]



أسمي ساااااااااااالفة !! أشوف ها المواضيع كثرت ها الأيام !!!


صاروا البنات يركضون وراء الشباب !! الله المستعان ...لا فكروا بالكرامه و الاخلاق و الحيا و المستحى ... !!! صدق بنات ما يفكرون غير بلحظة الحب الميته

بس ربيعتي ما كانت تركض وراه، هو اللي كان يركض وراها في البداية، ليما خلاها تحبه، كان عباله أنها بتحبه فترة وبتنساه، ولما شافها متيمة بحبه، بدأ يبتعد عنها تدريجيا عسبة تنساه، ودوم أقولها تعالي وياي وجي، تقول مستحيل حبيبي الحين بيتصل فييني، ولو مر يوم وما رمسته، استحالة تظهر من باب غرفتها والصراحة ياما قريت قصص عن بنات يحبون شباب، بس شراتها ما شفت
ليل نهار صياح، ولو رمستها أو قلت لها شيء، بس عندها ردين، لو تحبيني لا ترمسيني بهالموضوع، أو تقولي بعد اليوم خلاص ما بقول لج عن أي شيء
والصراحة هي ما عندها حد غيري أنا، صدقوني أنها إنسانة بغاية الطيبة، لا تزعل من حد وتسامح الكل
بس ما تروم تودر هالإنسان

[بنت الطنيجي]

[QUOTE=زهرة ذابلة;10574639]

[SIZE="5"]



أسمي ساااااااااااالفة !! أشوف ها المواضيع كثرت ها الأيام !!!


صاروا البنات يركضون وراء الشباب !! الله المستعان ...لا فكروا بالكرامه و الاخلاق و الحيا و المستحى ... !!! صدق بنات ما يفكرون غير بلحظة الحب الميته

بس ربيعتي ما كانت تركض وراه، هو اللي كان يركض وراها في البداية، ليما خلاها تحبه، كان عباله أنها بتحبه فترة وبتنساه، ولما شافها متيمة بحبه، بدأ يبتعد عنها تدريجيا عسبة تنساه، ودوم أقولها تعالي وياي وجي، تقول مستحيل حبيبي الحين بيتصل فييني، ولو مر يوم وما رمسته، استحالة تظهر من باب غرفتها والصراحة ياما قريت قصص عن بنات يحبون شباب، بس شراتها ما شفت
ليل نهار صياح، ولو رمستها أو قلت لها شيء، بس عندها ردين، لو تحبيني لا ترمسيني بهالموضوع، أو تقولي بعد اليوم خلاص ما بقول لج عن أي شيء
والصراحة هي ما عندها حد غيري أنا، صدقوني أنها إنسانة بغاية الطيبة، لا تزعل من حد وتسامح الكل
بس ما تروم تودر هالإنسان

حبيبتي الغالية ... أنتي قلتي بلسانج (( ما كــــــــــــــــــــــانت تركض وراه)) يعني فعل ماضي و الحين شيء ثاني .. هي تركض وراه و هو خلاص مايبغي ها الشيء يستمر !!

ووصل فيها الأمر للانتحار .. تجبر نفسها لمحادثته .. ترسل له صورها ... وين الدين و ين الكرامه وين حق الاهل والنفس وووووووووووووين !! كل هذا نسته ..

تبغي بس تعيش بالوهم اللي هي خلقته لنفسها .. الصراحة اربيعتج يبغي لها تأهيل نفسي من اول و يديد .. هي انسانه كبيره و أكيييييييييييييد تعرف شو الحلال و الحرام و شو الزين و الشين !! يعني اللي تسويه هي تفهمه و عاقله فيه و تعرف كل حركاتها .. بس الشيطان قاعد يزين لها الأمور .. هي على بالها ان الانتحار و التعب النفسي و الصحي و ارسال الصور راح يرد لها ها الشاب .. لكن الواقع شيء ثاني .. الشاب يآخذ عنها فكره مو زينه و مستحيييييل يرد لها ..

مستحييييييييل ريال يفكر يحب او يتزوج بنت جذي مستحيييييييييييييل !!! فهميها و عقليّها ...


أو خليها تدخل بنك نيمي و تكتب مشكلتها أنا ما عندي مشكله .. خليها هي اللي تكتب احساسها و مشكلتها .. أنا ابغيها تطلع كل اللي بخاطرها و صدقيني البنات بيفيدونها ...

لكن انتي تكتبين و نحن نحط لج رد و لما تروحين تتفاهمين معاها تقول لج ما راح اكلمج مره ثانية و بزعل منج !!!! يعني كلامنا ماله فايده أبدااااااا..


دمتي بود

[الأصالة]

ما في ريال يستاهل ها لحب كله صدقيني

يعني قردنها وبعد ما حبته يبي يتركها

شفتي كيف مالهم امان

الله يهديها يارب