تغيرتي يافلانه

[حرم المهيــري]

بنات بخبركن مشكلتي

البارحه ريلي قالي بنسير العين مليت من جو بوظبي وبنقعد اسبوع قتله اوكي(نحن عندنا قسم خاص في بيت اهلي واهله رغم انه عندنا بيتنا الخاص)

المهم سرنا و عيننا من الله خير طبعا هو كله عند اخواني (وعلاقته فيهم حلوه خاصه ان ماعنده اخوان شباب )

المهم الفليل قالي : نحن بنسهر في البيت ما بنظهر مكان واذا بتنامين نامي وانا ع صلاة الفجر بتصلبج اوعيج للصلاه(هو خايف لان انا توني طالعه م المستشفى من ايام بس) وسألته مته بترقد ؟ قالي عقب الصلاه

المهم سرت ارقد و رقدوا عيالي وصدق اتصلبيه ع وقت الصلاه و قالي سايرين المسيد وسألته مته بتيي قال : ع طول عقب الصلاه

المهم صلوا وردوا البيت و ما اتصل و لا شي هني انا زعلت الصراحه اول مره يطقع لي واول مره يوعد ويخلف مارقدت م القهر

وحدر الغرفه الساعه سبع وشي تم يرمس وان سكت وقال : اذا فيج شي بشلج الدختر !
طنشته

عقب سأل : شفيج قتله : اذا مب قد الوعد لاتوعد قال : كيف؟؟ شرحت له الموضوع وهني (........تناقشنا.......) لين تزاعلنا

وظهر سار بوظبي و ماخبرني بس من وصل طرش مسج(وصلت بوظبي وبصراحه تغيرتي يا فلانه)

المهم اخوي درى ان ريلي سار بوظبي وشايفنه يوم ظهر بس احتار ليش؟؟؟ ف سار وقال حق امايه والصبح سألتني و بعد الحاح منها خبرتها

وماقصرت حرجت و خبرت اخوي العود وقالي : (كيف اصلا هان عليج تخلينه يقبض خط وهو فيه رقاد ونحن افتشلنا فيه ولان نحن اقنعناه يسهر هو مبونه مايبا الخ

وقال : انتي كله تدلعين وتتغلين ونحن محد فينا مسوي حق حرمته شرات اللي يسوي فلان لج ونحن وياه ويتصلبج و يخبرج وين نحن وين بسير الخ و24 ساعه وياج عالخط وقالي ان ماراضيتيه ترانا كلنا زعلانين لان هو كان بيترخص عننا بس نحن جبرناه يتم ويسهر ويانا لان كلنا اجازه ولعلمج قال رجعنا م الصلاه و شفنا مباراه اعاده للفريق اللي هو يحبه واذا ماتصدقين سألي فلان وفلان وفلان اللي هم خواني وقالوا صح)

هني حسيت بالذنب وطرشت له مسج بس مارد،، عقبها بساعه اتصلت حميتي وسألتها عنه قالت راقد كان سهران البارحه وقالت لا تغدا ولاتعشى هني قلبي عورني عليه

عقب طرشلي مسج وقال انا كنت راقد عشان ماتقولين بعد مطنش(وقالي تغيرتي يافلانه)

المهم قتله تعال العين ماطاع .. والحين والله مضايجه خاصتن ان خواني يقولون انتي الغلطانه والريال ماعليه قصووور وحاشمنج بس انتي ماحشمتيه وانا ماحب هالكلام وامي زعلانه وتقول : (انا ماعلمتج تكونين قاسيه)

المهم انا طرشت له مسج تعال و ماطاع

الحين مب عارفه كيف اراضيه وشرايكن مب من حقي ازعل هو طنشني نزين والله يجزيها الجنه اللي بتعطيني حل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نااعمه]

انتي وايد حساسه اختي تعودي اتطوفين في هالامور البسيطه نحن البنات وايد نفكر في هالامور الصغيره بس هم شوي غير عنا يعني عادي عندهم هو مب ملزوم خطوه بخطوه يقولج كل شي وبعدين يوم تاخر جان انتي اتصلتي سالتي عنه يعني مب حلوه في حقه جدام الريال حتى لو كانو اخوانج كل شوي يتصل بج يخبرج كل شي خطوه بخطوه شو بيقولون عنه؟؟
جان اتصلتي انتي وقلتي له وينك تاخرت احاتيك وخذتي علومه لا تستوين جذي الريال بيطفر صدقيني خليج كوول وطوفي هالامور البسيطه واحمدي ربج ريلج حشيم يتصل او يطرش مسج غيره والله حريمهم ولا يعرفون وينهم الحرمه تموت وهي تتصل وهو يشوفها تتصل ومطنش

انا اقول انتي اتصلي وتدلعي عليه وقولي له ولهانه عليك وانا اسفه غلطت بس تعرف اني احبك وما لي غنى عنك وكفايه امي واخواني هزبوني خلاص لا تقسون عليه كلكم انا تعبانه وما اتحمل صدقيني بيرجع

[بنت النوووور]

طرشيليه مسج تغيب وتتغلى يعني دلع ولا هههههه


حياتي ادري انك زعلان واذا ما رضيت الحين تراني بزعل منك واذا زعلت منك بمرض

[Fafi]

الله يصلح اما بينكم يالغاليه و لا يحرمكم من بعض .. اللهم آمين
و إنتي خفي اشويه عليه .. ترا الرياييل يسهووون و ينسوون ساعات ..
و يمكن فقير قال ما بتصل لها لأنها راقده خلها ترتاح .....

إنتي طرشيله مسج حلووو

حقك علي إن كنت زعلان .. يا بعد عمر و قلب غاليك
برضيك مهما يكون يا فلان .. حتى ولو راضي براضيك

قلبي بك امولع و حيراان .. محتار ما يدريبك اشفيك
و يقول لك إن كـــان غلطـــان .. إرضى عليه الله يخليك

و الله يسعدج

[حبيبه ريلي]

طرشيليه مسج تغيب وتتغلى يعني دلع ولا هههههه


حياتي ادري انك زعلان واذا ما رضيت الحين تراني بزعل منك واذا زعلت منك بمرض

ههههههههاي حلوه هاي عيبتني ^^
لو انا ريلج وشفت هالمسج برضى ههههههههههههههههههههههههههههاي

[وا إسلاماه]

عزيزتي ...
أخبريه أنك مرهقة و مازلت متعبة و قد يكون ذلك قد سبب لك ضغطا نفسيا ...
أخبريه أنك بحاجة إلى أن يتحملك في هذه الفترة لتجتازي ما مررت به ..
أخبريه أنك معه ستكونين أفضل حالا ...
أخبريه بأنك آسفة و أنك بحاجة إليه ...
أعذريه إذا لم يتحدث معك فلديه الحق ...
أو إذا رفض أن يتحدث معك أخبري أخوك أن يتصل به ليعزمه على الغداء أو العشاء و من ثم ستجدين الفرصة للتحدث معه ...
دعواتي لك بالتوفيق إن شا ء الله

[بنت القمر.]

انا عندي خطة ثانية شو رايج تتصلين له واتقولين له ما طاع



خلي حد من اخوانج يوصلج لبوظبي وسيري فاجايه قوليله ما قدرت ع بعدك اكثر عن جي يتك بس اكشخي وجي بيستانس وبيعرف انه ما يهون عليج زعله وجي ما اعرف بس جي بيستانس اكثر احس ومنه ضميرج ما بيانبج

[awashy]

الله يصلح اما بينكم يالغاليه و لا يحرمكم من بعض .. اللهم آمين
و إنتي خفي اشويه عليه .. ترا الرياييل يسهووون و ينسوون ساعات ..
و يمكن فقير قال ما بتصل لها لأنها راقده خلها ترتاح .....

إنتي طرشيله مسج حلووو

حقك علي إن كنت زعلان .. يا بعد عمر و قلب غاليك
برضيك مهما يكون يا فلان .. حتى ولو راضي براضيك

قلبي بك امولع و حيراان .. محتار ما يدريبك اشفيك
و يقول لك إن كـــان غلطـــان .. إرضى عليه الله يخليك

و الله يسعدج

[x REEM x]

الله يصلح امبينكم ،،،، سيري له بوظبي ،، بس بدون ما تخبرينه

بالتوفيق حبوبة

[BenToooH]

طرشي هالمسج

حياتي ادري انك زعلان واذا ما رضيت الحين تراني بزعل منك واذا زعلت منك بمرض

ههههههههه عيبني!!
بس زيدي عليه شوي
حياتي ادري انك زعلان أنا آسفة وحقك عليّ بس اذا ما رضيت الحين تراني بزعل منك واذا زعلت منك بمرض!





حاولي ترمسينه وتعتذرين منه ولو حسيتي انه ما رضا حاولي تقنعين حد من اخوانج يوصلج عنده وودي وياج باقة ورد واعتذريله فيس تو فيس أكيد بيرضى ^_^
صح وخليها مفاجأة لا يدري انج رايحة عنده!! ولو درا ان اخوج اللي موصلنج اكيد ما بيقول شي ^_^

[عسل مر]

الله يصلح اما بينكم يالغاليه و لا يحرمكم من بعض .. اللهم آمين

[مهرة بلا فارس]

سيري له ابوظبي .. صدقيني بيرضى

[خدن امورد]

الغالية الصراحة انا اشوف الموضوع ما كان له داعي تكبرينه وريلج ما يستاهل مثل ما فهمت من موضوعج عالعموم اللي صار صار وردي بوظبي وراضيه لانه ما ترومين تراضينه بالمسجات يلا زهبي عمرج وسيري عند ريلج كله ولا ريلج الغالية انتي وايد تحسستي من هالشي وهو ما يقصد انه يخلف ..

يلا راضيه وبشرينا وادعيلنا بالازواج الصالحين واذا صار بينا زعل تنصحينا هههههههه

[حزن قلبي]

انا ما الومج الصراحة، انتي توج طالعة من المستشفى و حالتج النفسية اكيد تعبانة،
و ريلج لازم يتفهم هالشي و ما له داعي انه يضرب خط لبوظبي ، باين عليه عنيد،
بس الحلو انه كان مع اهلج مب مع ربعه او حد غريب، و دايما الرياييل يقولون بيي بعد ساعة و يدبلوها ساعتين.
طرشي المسجات الحلوة اللي كاتبينها البنات و بعدين فهميه انج تعبانه نفسيا و ان شاء الله بيتفهم.
و سالفة ان كل شوي يقولج انتي تغيرتي، قوليله انج ما تغيرتي بس يبالج وقت لين ما تتعافي و انج مستوية عصبية بعد السالفة.

[سلواه]

امممم


روحي له ابوطبي وسوي مفاجاه حقه

فكري شئ يسعده خلي يحس انه يستاهل بعد منج شئ


لا طرشي له مسج اتقولي انج بتمرضين اذا مارضى ومادري شو

جي بضغطين عليه اكثر واكثر ..

حسسي انج مهتمه فيه وانج من حبه له سويتي جي

وقولي له انج مارح تتسرعين مره ثانيه وانج بتسمعين سبب بعدين بتحكمين


الله يسعدج