بليز شو الحل .. ؟؟

[أسرة الاحزان]

بسم الله الرحمن الرحيم

هذي مشكله وحده من ربيعاتي انا وعدتها اني اشوف لها حل ..

انا قلت لها الي عندي بس هي مب مقتنعه

المشكله هي كالتالي .. الاخت كانت تحب واحد وقطعوا بعض فتره .. بس بعدها رجعت له مره ثانيه ... وهي سالته من البدايه في شي جديد صار بحياتك قال لها لا انا بعدي باقي عليج .. ومستحيل اني احب وحده غيرج.. المهم بعد فتره لاحظه انه متغير عليها
وهي شكت فيه انه يعرف وحده ثانيه .. المهم بعدها عرفته هو منو يكلم
وطلعت ربيعتها .. بس هو طبعا قال لكل وحده مابيج تقولي لاي حد اني ارمسج او اعرفج ..
بس كل شي انكشف .. وواجهوه مع بعض .. بس قال لها انا ماحبج احب فلانه .. وقعد يحلف بهالشي .. واقعد يقول لثانيه انه كلمها بس علشان اساعدها وبس .. وقال لها جي تجازيني لاني قاعد اساعدج .. طبعاا هي انهارت اعصابها ع الاخر .. لانها تعرفه من فتره طويله وصعب عليها هالشي ..وحتى الثانيه طلع يرمسها من فتره طويله .. يعني الثنتين رايحين فيها ..

وهو خايف انه توصل السالفه لخاله ...

انا قلت لها تتركه وطنشه لانه مايستاهلها ولا يستاهل الحاله النفسيه الي هي فيها .

صح انه الشي الي هي سوته غلط كبير لما كلمته

بس الي عندها حل تقول ... لانها هي فصخه خطوبتها علشانه .. بعد النصايح الي عطاها لها ..

يعني حياتها ادمرت ع الاخر

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bow]

من الاااسااااااس ليش ترمس واااحد غريب

خلص تقطع علاقتهااا وتغير ارقاامهاااا

وخليهااا تستغفر ربهااا احسن الهااا من هالمصخره

الله يهديهااا يارب

[نور قلبي...]

نصحها أنها تبتعد عنه،،،، كشفته ع حقيقه وبعدها متعلقه فيه!!!!

سبحان رب العالمين كشف لها سره،،، يمكن عشان ترد تراجع نفسها وتفكر زين بعلاقتها فيه



وهاي فرصه إلها انها تقطعه وتبتعد عنه،،، خلها ادوس ع قلبها ،،، وتصبر وتدعي ربها والله بيسرلها امرها وبتقدر تبتعد

عنه،،،،

وطاعه الرحمن ابرك من كل شي ومن علاقات ما منها فايده،،،،

[أسرة الاحزان]

قلت لها نفس الكلام ..

بس هي تفكر انها تنتقم منه ..

[ميعاد الحب]

قلت لها نفس الكلام ..

بس هي تفكر انها تنتقم منه ..

خلاااص اذا حاابه هالطرييج خل اتم فييه ليش اتقولين اعطوني حل

وهي اساسا تبا تنتقم ؟؟؟ شو فايدة حلولنا

وبعدين شو هالتفكير السطحي تنتقم وماتنتقم

وين عايشين احناا

باجر يوم بتنفضح وبتستويلا مشاااكل خل الانتقااام ينفعهاا

الله يهديها ويستر علييها دنيا وآخرة

مادري كيف تتجرؤون وتطرحون مثل هالمواضيع

لا واللي يقهر ان كشفته ع حقيقته وبعد اترد اترمسه امحق حب

سوري ع الرد بس صدق عييب اللي تسويه فعمرها وين اهلها وين ابوها واخوانها

ولا خلاااص !! على الدنيا السلاااام

[*كـراميل*]

اى نوع من الحل مطلوب ؟
الموضوع منتهي اساسا
باقي لها ترجع لرب العالمين
واتشوف مستقبلها بعيد عن هالسوالف

الله يهدينا جميعا

[الثور76]

الله يهديها ويستر عليها .. وخليها تقطع علاقتهااااا فيه ...

[ME_ME]

ههههههههه

اسمحيلي والله بس شي يضحك

بس عفوا مافهمت هي تبا حل حق شو؟؟؟؟؟؟؟؟

[موني بوظبي]

حياة الحب والعلاقات العاطفيه اللي ما يجمعها زواج ..

مب طبيعيه وتجر الانسان لحالات نفسيه واكتئاب هو في غنى عنها !!

قوليلها تصبر على اللي فيها وترجع لربها وتستغفر ..

وخبريها ان الزواج ان شاء الله بينسيها هذا الشخص واهله =)

[يقين بوظبي]

فديتج..ما فهمت..يعني هي كانت مخطوبة..وبعدين فصخت من خطيبها بسببته...وألا كيف؟؟؟
وبعدين جذا وإلا جذا....الحل باين من عنوانه...هذا الريال ما بياخذ هذي ولا هذي..؟؟؟
الريال بياخذ وحده حشيم...ما ترمسه..ويعالم..هي وياه من زمان على قولتج....شو أستوى!!!!
خلونا صريحين.مرات عاطفة القلب تطغي على العقل...تراها مسكينة ضحية..والريال هب مفتكر...لا تضيع نفسها وياه..لأنه اصلا ما يحبها يتسلى عليها...يقضي وقته..وساعة الجد للزواج...بيرفسها ما يبغيها..بياخذ وحدة محترمة...!!!!
وشو بعد تنتقم...هي اللي بتضيع..اليال ما بيهمه شي...البنت اللي سمعتها مثل الزجاج..إذا أنكسر خلاص ما ينلحم.....!!!
والسموحة كلامي جارح ويعور..بس لأني أحبها شرات ختيه...
ويا بخت من بكاني وبكى علي...ولا ضحكني وضحك الناس علي

[الريوف]

هل هي فعلا تبا الحل ..!!!

الحل باين ومعرووف بدون ماتدوروونه عند غيركم ..

واذا تخاف ربها وتخاف من الفضيحة .. انصحها لا تنتقم ولا شي ,,

وربي يهديها ويهدي بنات المسلمين جميعا

[كيمو }..]

انزين شو المطلوب احين ؟!

ما اقصد الاهانه او اني افتح مجال للضرابه او المشاكل هني

بس انتي تقولين انها تركته .. انزين شو المطلوب عقب ما تركته ؟!

لا حول ولا قوة الا بالله .. البنية اساسا الطريق اللي مشت فيه غلط

ولازم تتحمل عواقب فعلتها

قوليلها خافي ربج وتحملي الامانه والمسؤولية اللي عطوج اياها هلج ((هذا هو الحل))
وبلا انتقام ولا هم يحزنون .. وين عايشين نحن .. فمسلسل ولا فلم ؟!!

ياربيييي

أنا مستغربه كييييييييف لين احين البنات يرمسون شباااب

مب معقوله ما يعرفون المشاكل والمصايب اللي اتي من ورا هالسالفه !!!!

لا حول ولا قوة الا بالله

شوفي اختي

قولي حق ربيعتج تبتعد عن هالطريق .. وتمحي هالشخص من حياتها

ولو ما سمعت كلامج بكل بساطه ابتعدي عن حياتها !

[ام ميدوو]

حبيبتي هالعلاقات معروفه شو نهايتها......يعني مستحييل ياخذها وان خذاها ما بيحترمها او يقدرها...غير اللي ايي من الباب طبعا.... واحسن شي تنساه ولا توهم نفسها بهالحب...لأنه في هالزمن ماشي حب شي زواج وتكويين اسره وبعديين ايي الحب مع العشره....بس اللي هي تعرفه مب حب لا تعلق عمرها وايد وتضيع عمرها انصحييها باجر بتندم لأنها ضيعت وقتها.....انا اعرف وايد كانت نهايتهم انهم افترقو وتحسروا ع العمر اللي ضاع وغيرهم تزوجو بهالطريقه وآخرتها كله مشاكل وشك واحترام معدوم.....ولا تضايج بعمرها خله تستغفر ربها واتوب

[حزن قلبي]

رفضت الحلال يوم ياها عند باب بيتها و خطبها.
و الحين حتى اللي بالحرام ما يباها .
الله يستر على بناتنا.
هذي السوالف ما بتلقولها حلول هني.
الحل عند رب العالمين.

[الأيام]

المفروض تنساه وتقطع علاقتها فيه الله يهديها