غرفة الولادة

**ام ثلاثة بس** · 2008-06-15, 21:40

السلام عليكم بالحوامل

بصراحه بدخل في الموضوع على طووول انا الحين في الشهر الثامن واحلم كوابيس بأدوات غرفة الولادة
غرفة الولادة مسببتلي رعب ماتتصوروونه منو يخاااف منها

والله روووع وخصوصا اذا كانت الدكتورة وحش

لنه مستشفى الوصل سببلي رعب وخصوصا اللي يكونن مناوبات من نيرسات والا دكتورة كلهن سوا
وانتي وحظج

بنات حمسوووني انا خايفة وابا حد يشجعني انه مابقى شي

والله يستر ويسهل عالجميع
انتظر ردودكن

المزيد من آخر المواضيع من نفس القسم:

**غـــزل** · 2008-06-15, 21:47

الله يسهل عليج اختي ويخفف ألام الولاده

ماعليج انتي توكلي على الله
والدكتوره مامنها فايده اصلا فالولاده هي عليها تمسك البيبي بس
وانتي شدي حيلج كلها ساعات والبيبي بين ايدج وبتنسين كل التعب

**بهلولة** · 2008-06-15, 21:51

اختي لازم تفكرين بشي واحد انه كلما اشتدت الام الولاده هذا معناه انج قربتي تفتكين وبتلتقين بولدج او بنتج عن قريب
لا تنسين سورة الزلزلة والاستغفار والدعاء لج ولوالديج وكل الي تحبينهم في ذيج اللحظات

**ام ثلاثة بس** · 2008-06-15, 22:07

فديتكن حبيباتي والله انكم طمنتوني
اشكرج اختي غزل
اشكرج اختي بهلوله

**twinckle** · 2008-06-15, 23:17

الغالية التسهيل من الله,,, توكلي على الله و ما بيهمج شي في الدنيا.. تذكري ان كل هذا فيه اجر ان شاء الله

الله يقومج بالسلامة

**ام ثلاثة بس** · 2008-06-15, 23:19

مشكوورة اختي توينكل
حلو اسمج

**bulbula** · 2008-06-15, 23:20

الله يسهل عليكي يا رب

**ام ثلاثة بس** · 2008-06-15, 23:34

شكككرا اختي بلبولة على دعواتك

**أم أحمد02** · 2008-06-16, 14:29

اختي انا مربيه في الوصل 3 مرات ولله الحمد اول مره كانت الممرضه واللي تساعدها بس شو البيبي تعب وضعفت
دقات قلبه والله بدال ما تيني دكتوره يابولي 3 او اربع من التعب ما اذكر الإ دكتوره على يمني ويساري ووحده بين ريلي وحده تهوس على بطني وعقبها ربيت طبيعي بس بالشفط.. وارتحت انهم اهتموا فيه وما اهملوني .. وثاني ولاده ولله الحمد بس الممرضه ويايه وتساعدني والتساهيل من الله .. والخياطه يتني طبعا دكتوره والثالث نفس الشي الممرضه والله سهل الولاده والخياطه بعده يتني الدكتوره..

والحين حامل في آخر الرابع والله يسهل يارب وان شاء بربي في الوصل .. لا تحاتين توكلي على الله ودايما حزة الولاده اذكري الله لانه محد يقدر يساعدج ويهون عليج غير ربج.. الله يسهل عليج.. اهم شي انج ما تكونين زايغه ومتوتره عشان ما يستوي بج مثل ما استوا بي اول مره .. لاني كنت وايد زايغه وكنت اسمع وحده في الغرفه الثانيه تصارخ.. من جيه ارتبكت وزغت اول مره بس ثاني مره حاولت اطنش كل شي واركز على ذكر الله وان الله بس هو اللي بيساعدني والحمدلله تسهلت اموري ..

**اتعبني@غروري** · 2008-06-16, 15:43

الغالية انا كنت شراتج ميته خوف من غرفة الولاااده بس حزتها صدقيني ما بيكون فبالج شيء غير انج تفتكين من الويع واتشوووفين نظر عينج لا تحاتين حبيبتي ذيج الساعه ما بتخافين من شيء .. والله يسهل عليج يارب .. واتشوفين البيبي بصحه وعافية لا تحاااتيــــــن ,,, استانسي .. ولا توسوسيين ...

**الزين كله** · 2008-06-16, 15:58

اول شي الله يسهل عليج وثانيا انا من جريب مربيه هناك ولا تحاتين كلهم زيناااااااااااات من نرسااات و دكاتره .. ونتي عليج المسؤوليه العوده...

**حرم المهيــري** · 2008-06-17, 06:42

وكلي امرج لربج وحاولي ماتعبين اعصابج وف حزتها استرخي قد ما تقدرين ترا كلها لحظات و من يحطون البيبي ع صدرج بيخوز التعب

**shamoOo** · 2008-06-17, 08:13

المشاركة الأصلية كتبت بواسطة غـــزل

الله يسهل عليج اختي ويخفف ألام الولاده

ماعليج انتي توكلي على الله
والدكتوره مامنها فايده اصلا فالولاده هي عليها تمسك البيبي بس
وانتي شدي حيلج كلها ساعات والبيبي بين ايدج وبتنسين كل التعب

**BinKhadim** · 2008-06-17, 08:17

انا الحمدلله ربيت مرتين في مستشفى الوصل ... والحمدلله كانوا النيرسات وايد متفهمات ويمسحولي على ظهري طوول الوقت ... بس ما حبيت شي واحد عندهم وانشاء الله باخذ حذري منه المرة الياية .... عقب ما ربيت ببنتي الصغيرة وكل شي كان اوكية يابولي قروب من المتدربات وكل شوي وحدة تهوس على بطني واتعرفين انا توني مربية وزاد علي النزيف ... وعقب ما طلعت من الاربعين سرت عند حرمه تمسحني من حطت ايديها على بطني حست ان بيت الضنا عندي نازل وعلى طوول سألتني اذا كنت شالة شي ثجيل والا حد مهوس على بطني في الاربعين ....

**ام ثلاثة بس** · 2008-06-17, 11:31

ام احمد
اتعبني غروري
الزين كله
حرم المهيري
شموووه
بنت كاظم

اِشكركم على ردودكم الطيبة وبصراحه شجعتوني شوي لنه تعرفون النفسية كيف تكون بصراحه من ندخل الثامن
بنت كاظم بصراححه الله يعينج زين يوم نبهتيني على هالنقطة شو يتحرون الناس فار تجارب

الموضوع: غرفة الولادة

أدوات الموضوع

عرض