ممكن تجاوبوني؟؟؟

[عاشقة تومي]

السلام عليكم ورحمة الله وبركاته



اشحالكم يا بنات؟؟



بس عندي سؤال بسيط وابا خواب ع هالسؤال


ليش البنت تملج وعرسها بعد3أو4اشهر؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هنوده1]

ما عرفت قصدج اختي شو قصدج يعني ليش ما تعرس علطول

ما ادري يقولون ان فترة الملجه زينه عشان تتعرفين فيه على ريلج وبعد في وايد حريم يقولون الافضل اني اتعرف عليه وقت الملجه عدل عشان اشوف اذا كان يناسبني ولا لا حتى في وايد حريم يطلقون ايام الملجه وبعد يقولون الافضل ان فترة الملجه ما تطول عشان بعض الريايل ما يتحملون اكيد عرفتي شو قصدي وفي وايد يسو............ قبل العرس فالافضل انهم يعرسون بسرعه

[نااعمه]

عشان تتعرف على ريلها ويوم الدخله يدخل عليها ما يقعدون 4 شهور عقب العرس يتعرفون على بعض الناس مب حيوانات ياخذون بعض عمياني تعال وادخل في يوم او اسبوع يباله تهئ نفسي هالشي ولازم تملج عشان ترمسه ويتفاهمون على اسلوب حياتهم مب ينصدمون في بعض عقب العرس
وبعد عشان يعيش معاها ايام الزهاب وظمان اكثر مب البنت تجهز والريال يصرف وخلاف مافي التزام يخليهم يعرسون بس لو مالجين في التزام والمصاريف ما بتروح عالفاضي

[عاشقة تومي]

انا عن نفسي ملكت الاربعاء وعرست بالخميس وماكنت ارمسه بس مسجات بينا
واول مره اشوفه بحياتي وما كنت متأقلمه معه وبعدها تعودت عليه وبس

[ليماا]

مثل ماقالوا البنات فترت تعارف .......

[قايده الغزلان]

فترة تعارف + انه مب كل الرياييل عندهم بيزات انهم يعرسون بعد الملجة على طول

بعض الامور محتاجة تخطيط ومحتاجة وقت يعني انا واحد من اهلنا ملج وتم 7 شهور تقريبا لانه بيته مب زاهب ومستحيل يخطب البنت كل هالفترة مب حلوة بين الناس

وانا بعد نفس الشي ملجت ولين عرست 6 شهور لانه البيت ما كان زاهب ومحتاج وقت

يعني فيه ظروف تحكم الموضوع

[سر حبي]

ماعرفت شو المقصود من هالموضوع الصراحه

والسموحه منج الغاليه

[البرجوانة]

مثل ما قالوا البنات عسب تتعرف عليه

[ام الحلوين2]

أنا بين الملجه والعرس كان 7 شهور ، ولا شافني ولا شفته ( منقود عند أهلي هذا الشي) بس كان بينا إتصالات ، درسنا بعض عدل خلال هالفتره ، وبصراحه أحلى فتره هي فترة الملجه

[نسايم الشوق]

تحميل صور

الله اوفقج اختي
موضوعج وسؤالج حلو
اختي اذا كان الزوج او الي متقدملج معروف من اهلج او معرفه تامه فيه مافي اي مشكله
اما اذاكان غريب الصبر زين بتعرفون عنه اكثر واكثر تطمنين مناحيته واهلج يعرفون مصلحتج اكثر
وحتى الي متقدملج يمكن افكر وغير رايه انه مايبا البنت اشياء كثيره اختي

انا اقول الصبر والتفكير والصلاه والاستخاره في كل شيء مفتاحج وراحت بالج

[عاشقة تومي]

تسلمو ع مروركم حبيباتي

[عاشقة تومي]

أنا بين الملجه والعرس كان 7 شهور ، ولا شافني ولا شفته ( منقود عند أهلي هذا الشي) بس كان بينا إتصالات ، درسنا بعض عدل خلال هالفتره ، وبصراحه أحلى فتره هي فترة الملجه

صح كلامج
بس معظم افهالي عاااااااااااااااااادي عندهم ان البنت تطلع مع ريلها

اوكي مب مشكله ماقلنا شي

بس اذا البنت حملت من ريلها ؟؟؟؟؟؟

وهي بعدها ما سوت العرس


شو شعور الاهل؟
والناس وهي بعدها ما انزفت

[عاشقة تومي]

ما عرفت قصدج اختي شو قصدج يعني ليش ما تعرس علطول

ما ادري يقولون ان فترة الملجه زينه عشان تتعرفين فيه على ريلج وبعد في وايد حريم يقولون الافضل اني اتعرف عليه وقت الملجه عدل عشان اشوف اذا كان يناسبني ولا لا حتى في وايد حريم يطلقون ايام الملجه وبعد يقولون الافضل ان فترة الملجه ما تطول عشان بعض الريايل ما يتحملون اكيد عرفتي شو قصدي وفي وايد يسو............ قبل العرس فالافضل انهم يعرسون بسرعه

صح كلامج حبيبتي
وتسلمي ع مرورج

[حزن قلبي]

مثل ما قالن البنات تعارف، و انا اجوف انه احسن عن العرس الفجأة و بعدين تستوي مواقف في الايام الاولى و تخلي الحرمة و الريال متضايجين من بعض.
اما السبب الثاني لين الريال ما يزهب البيت و الحرمة تاخذ راحتها في الزهاب و المشترى و التخطيط للعرس ويا ريلها.

[Fafi]

هاي أمور تقليدية ... ووو فيها انج تتعرفين على الريال وو تقدرون اجهزون حق العرس مع بعض و لبيتكم أو حتى المكان اللي بتسكنون فيه ...

و تتهيئين نفسياا له هذااا أهم شيء ... و في وايد بنات يفسخون الملجه أو حتى الريال لأن في ها الفترة ما يتوالمون فأنا أحس إنه أحسن من إن الوحده تتزوج و بعدين تطلق لأنهم ما اتوالمووو ...

و إلا قبل كــان الريال يدخل على حرمته و ما يشوفها إلا هذيج الليله خاصه إن النظرة الشرعيه موجوده و اموصي عليها الرسول صلى الله عليه و سلم .. بس عاداتنا و تقاليدنا كانت متعصبـــة ..

بالتوفيق