ممكن مساعدتي؟؟

**مهندسة كيفي** · 2007-01-31, 04:19

السلام عليكم

شخباركن يا حلوات ويا امورات

بصراحه بخاطري اكمل ماجستير شسوي طموحي واايد كبير

صج محدن يشجعني لكن الحمدلله عندي امل اني بحقق امنياتي

بغيت تساعدوني تقولون لي اي الجامعات الي بها برامج ماجستير باسعار معقوله خبركم ابويه ربي يطول بعمره على قده

واذا في جامعات بالانتساب او دراستها عالنت خبروني

وجزاكن الله كل خير صديقاتي وخواتي

المزيد من آخر المواضيع من نفس القسم:

**فطومـة** · 2007-01-31, 04:23

اختي الغالية

بنت عمي درست الماجستير في البحرين وخلصت

ما شاء الله

الفال لج

وتقدرين تسالين في الجامعة نفسها احسن لج

**مهندسة كيفي** · 2007-01-31, 04:25

في البحرين ماشاء الله عليها

يا اختي ابوي استحاله يوافق ادرس برا

**M.M** · 2007-01-31, 04:27

انا بعد اريد اكمل وبتسوون خير لو تخبرونا وتكون الجامعه في البلاد

**فطومـة** · 2007-01-31, 04:29

والله مادري اذا ما تقدرين تقنعينه او احد من اخوانج يقنعه

عيل اسالي في جامعة الامارات روحي بنفسج واستفسري ولا تضيعين الوقت

الله معاج عزيزتي

**مهندسة كيفي** · 2007-01-31, 04:49

لا حبيبتي مابي جامعة الامارات لاعت جبدي وانا ادرس عندهم مااااااااااااابي

مستحيل ابويه يوافق عسب صيفي بالكويت ما رضا بيرضا بالبحرين

ربي يستر ويسهل

تصدقي ساعات اقول بس لاتضحكين بنزل اعلان عشان احد يرعاني ويتبرع لي بنفقات دراستي

>>وايد تحلم هالبنت خخخخ

تسلمين يالغلا

**susu** · 2007-01-31, 08:23

حبيبتي شو تخصصك؟؟؟؟..........إذا حابه عندك الجامعة البريطانيه في دبي توجد في قرية المعرفه دراستها اكثر عن ممتازه ............بس هي أشوي غاليه يعني برنامج الماجستير يطلع مال 80 ألف وهي جامعة معترف فيها من قبل التعليم العالي..........ويوجد رعاه لبرنامج الماجستير يتكلفون بمصاريف دراستك ...إذا كان تخصصك موجود في الجامعة قدمي عن طريق الانترنت...........وإنشاء الله الله بيوفقك

**الحور الغيد** · 2007-01-31, 09:03

~::~

مرحبا حبوبة ..

ليش ما تسيرين جامعة الشارجه .. اربيعتي تدرس عندهم ماجستير

والحين جريب تخلص .. اتصلي ابهم واتخبري منهم وبعد حسب ...

التخصص اللي عندج .. والتقدير اللي حصلتي عليه عقب تخرجج

وحصولج ع الباكالوريوس وغير ها اظن لازم تييبن تزكية من الجامعة

اللي درستي بها .. على حد علمي المهم انا ما بتوهج بها السالفة والاحسن

انج تتصلين وتستفسرين عن التفاصيل بروحج ..وربي يوفقج ..

:22 (12):
~::~

**مهندسة كيفي** · 2007-02-01, 03:10

فديتكن والله ما قصرتن .. عساني ما انحرم منكن

المشاركة الأصلية كتبت بواسطة susu

حبيبتي شو تخصصك؟؟؟؟..........إذا حابه عندك الجامعة البريطانيه في دبي توجد في قرية المعرفه دراستها اكثر عن ممتازه ............بس هي أشوي غاليه يعني برنامج الماجستير يطلع مال 80 ألف وهي جامعة معترف فيها من قبل التعليم العالي..........ويوجد رعاه لبرنامج الماجستير يتكلفون بمصاريف دراستك ...إذا كان تخصصك موجود في الجامعة قدمي عن طريق الانترنت...........وإنشاء الله الله بيوفقك

يالغاليه تخصصي هندسة معمارية شو شويه غاليه وااااااايد غاليه من وين لي 80 الف والله لو يبيعوني ما اسوى ربية ..

والله حاله وحوسة

**الحور الغيد** · 2007-02-03, 09:19

~::~

اييج راي حاولي تحصلين لج وظيفة الين تستقرين ماديا

ومن عقب تقدمين ع الماجستير .. والله انه اربيعتي جي

سوت .. والحينه ربي وفقها وجريب تخلص ان شالله ...

عسى الله ييسر لج أمورج يارب وكل بنات المسلمين

~::~

**أمووون** · 2007-02-03, 13:53

والله يا مهندسة لو ظروفج تسمح جان الدولة ما بتقصر...

وزارة التعليم العالي انا حصلت منها بعثتين... ماجستير ودكتوراه... سرت امريكا حق الماجستير والحمدلله خلصت.. ومن خلصت عطوني بعثة دكتوراه... بس ما كنت متحمسة لأنها في استراليا وانا طلبت بريطانيا... وما سرت.... والله يسهل واسير عن طريق دوامي...

بس الدراسة في البلاد وايد غالية... ومثل ما قالولج البنات.. الجامعة البريطانية احيانا تسوي منح دراسية.. انتي قدمي وشوفي حظج.. وان شاءالله تتوفقين خصوصا انه الهندسة مجال مطلوب ماشاء الله...

الله يوفقج ان شاءالله

**الظاهريه** · 2007-02-03, 14:22

مرحبا اختي

نصيحتي لج انج اول شيء تتوظفين وعقب تكملين الماجستير على حسابج

لأنه اذا خذتي الماجستير وما عندج خبره قبل ما بتحصلين وظيفه بسهوله

اظمني الوظيفه وعقب كملي دراستج وربي يوفقج

**أمووون** · 2007-02-03, 14:48

اختي شوفي هالرابط

http://www.uaewomen.net/showthread.php?t=30736

**أمووون** · 2007-02-03, 14:50

المشاركة الأصلية كتبت بواسطة الظاهريه

مرحبا اختي

نصيحتي لج انج اول شيء تتوظفين وعقب تكملين الماجستير على حسابج

لأنه اذا خذتي الماجستير وما عندج خبره قبل ما بتحصلين وظيفه بسهوله

اظمني الوظيفه وعقب كملي دراستج وربي يوفقج

صح.... لأنه هالشي استوالي يوم خلصت ماجستير... يوم اقدم يقولولي Over Qualified

يعني اكثر من المطلوب....

**أمينة** · 2007-02-03, 15:21

إختي انا ربيعتي تكمل ماجستير في جامعة ولونغونغ الاسترالية في دبي اعتقد كل فصل تدفع 11 الف درهم

الموضوع: ممكن مساعدتي؟؟

أدوات الموضوع

عرض

ممكن مساعدتي؟؟

المزيد من آخر المواضيع من نفس القسم:

المواضيع المتشابهه

ممكن مساعدتي في عمل ملف انجاز

ممكن مساعدتي

ممكن مساعدتي......؟؟؟

ممكن مساعدتي ؟؟

ممكن مساعدتي بأفكاركم .