ورق x ورق ... ... طاووس رقم 1 ... ...

[منّايه]

السلام عليكم

اليوم لا حشرات ولا حيوانات ..
هالمره طيور

" طاووس - رقم 1 "
لأني بحط طاووس ثاني إن شاء الله قريب بس بطريقة ثانيه

ومثل كل مره .. لازم دوائر ورق .. السبب ؟ لأنه كل حد يقدر يدبر دوائر .. بس بعدين بحط طرق ثانيه غير الدوائر "إن شاء الله"


تابعوا الصور والخطوات .. وإن شاء الله مثل كل مره .. سهله

في البداية 3 أحجام مختلفه من الورق بألوان مختلفه ..


لصقوا الدوائر بهالطريقة ورسموا أو شكلوا عليها بألوان glitter إذا تحبون أو خلوها مثل ماهي " بتكون ريش ذيل الطاووس"


بتحتاجون الأشكال اللي في هالصورة لجسم الطاووس .. الجسم .. الرقبة .. الراس .. والمنقار ..


تلصقونهن وتركبون عيون بهالشكل .. أنا استخدمت فصوص خاصة بالورق ..


هاذي الدوائر الملونه اللي بستخدمها للريش عقب ماركبتها ولونتها

تقدرون تحطون فصوص على الأطراف أو لمعه ذهبية


لأنه الشكل هالمره كبير .. فماحطيته على علبه مثل كل مره
حطيته على بطاقة ...
نبتدي نلزق الدوائر على بعضها .. بس خلوا مكان حق الجسم



وفي النهاية .. تلصقين الجسم .. وهذا الشكل النهائي



بس حبيت أقول أني أدري في بنات يقدرون يرسمون .. وفي بنات يقدرون يسوون أشيا وايده أحلى ومانقدر نتصورها وفي ألوا ثانيه أحلى .. وفي وفي ..

القصد من المواضيع اللي أحطها اهنيه أنه نعطي مجال حق اللي ولا مره جربوا شغل الورق أو هالسوالف عشان يقدرون يفهمون الطريقه ويبدعون براحتهم بعدين .. عشان جذه اللي أنا أحطه تقريبا أبسط طريقة لشكل معين بدون تعقيدات بألوان واضحه وأشكال بسيطه ..
شوي شوي تقدرون تزيدون وتغيرون .. وقريب بحط لكم أشكال معقدة ..


وشكرا على المتابعة .. وإن شاء الله كان درس خفيف على المعده

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الدمعه الحزينة]

بصراااااااااااااااااااحة يعطيج العافية
ونتريا اليديد دوم

[الوزيرة]

كل يوم شي مميز ويديد ..

ما شاء الله عليج ..عيني عليج باردة ..

[امثال]

يعطيج العافية ونتريا اليديد دوم

[المستقلة]

[flymengo]

روووووووووووووعة ياويلي

وعن قريب بوفر هالاشياء للحابة بناااااااااااااااات تخبرني

[flymengo]

روووووووووووووعة ياويلي

وعن قريب بوفر هالاشياء للحابة بناااااااااااااااات تخبرني

[sweeto0o]

تسلم يديج حبوبه

يبالنا نسوي حق اليهال بيستانسون عليهن

(^^.)

[نانوني]

مشكورة الغلا على الدرس ابصراحه طلع طاووس.....

في انتظار الدرس الياي......

[شماوفطوم]

بصراااااااااااااااااااحة يعطيج العافية

[سانتاريتا]

بارك الله في هذي الانامل
مشكورة الغالية نتريا اليديد

[بنت الجواسم]

كلمة روعه اشويه.... ماشاء الله عليج اختي

سلمت أناملج .^_^.

[شماريخ]

روووووووووووووووووووعه
وجونااااااااااااااااااااان
يسلموووووووووووو خيتووووووووووووو

[منّايه]

بصراااااااااااااااااااحة يعطيج العافية
ونتريا اليديد دوم

مشكوره حبوبه

كل يوم شي مميز ويديد ..

ما شاء الله عليج ..عيني عليج باردة ..

تسلمين الغاليه .. وإن شاء الله بين كل فتره وفتره شي يديد إذا الله راد .. بس تابعوا

[منّايه]

يعطيج العافية ونتريا اليديد دوم

مشكوره عزيزتي .. وتابعي .. بتجوفين اليديد إن شاء الله ..

مشكوره حبوبه

روووووووووووووعة ياويلي

وعن قريب بوفر هالاشياء للحابة بناااااااااااااااات تخبرني

يا ويلي أنا .. انتي الأروع ..
هيه شعليهم .. حصلوا المكان
يبالهم البنات والله لأنه كله يسألون عن الأغراض ..
يالله ننتظر تفرينهن عشان الكل يطبق
وعشان نفتك نحن بعد من الطلب من برع البلاد ..