عندي صداع نصفي

**بنت القمر** · 2008-03-31, 15:50

السلام عليكم و رحمة الله وبركاته خوات.
الله لا يبليكن في شر
أنا صار لي من فترة أعاني من صداع نصفي وأبي وحدة تدلني على طبيب متخصص في أي إمارة

ومشكورااااااااااااااااااااات

المزيد من آخر المواضيع من نفس القسم:

**S&MTrade** · 2008-03-31, 22:36

السلام عليكم

اختي حبييت افيدج امايه وربيعتيه فيهن صداع نصفي ..

انا قريت دوا وفاد مع الهنتين بطريقة عجيبة ورهيبه ..

يبي كوب خل ابيض + كوب ماي نفس المقدار

وحطيهم ع الغاز ليش يثور .. المحلول ..

يوم تشوفينه ثار .. صكي الغاو وحطيه في طاسة ..

وتنشقيه 75 مرة .. ورى بعض .. شمي شمي شمي 75 وخلي حد يعدلج بدون ماتوقفين وبتحسين راسج مع كل شمه تفجج .. بس غمضي عيونج لانه الخل حار ..

وفي طريقة امايه تسويها بعد .. يبي زنجبيل يابس واطحنيه بروحج .. وخذي شوي وخلطيه ويا ماي ورد وخلي الخلطة ثقيلة .. ووزعيه ع يبهتج .. الزنجبيل حار .. ومفيد

وللامانة كل هالخطات مجربة ..

**حزينة الامة** · 2008-03-31, 23:29

اختي انصحك احتجمي بترتاحين وايد

**بنت القمر** · 2008-04-01, 00:41

المشاركة الأصلية كتبت بواسطة الغلـــــا

فديتج انا نفس الشي وما خليت دار لا شرق ولا غرب وللاسف ماله علاج بس يقولون لي اكل اشياء محدده على حسب فصيلة دمي ولازم اهتم في رقادي ومااعصب وابعد عن الكمبيوتر والتلفزيون

العصبيه آه من العصبيه لو ما العيال ما استوت العصبية
أما بالنسبه للكمبيوتر تعلقت فيه أكثر من شاركت في المنتدى

**بنت القمر** · 2008-04-01, 00:48

المشاركة الأصلية كتبت بواسطة S&MTrade

السلام عليكم

اختي حبييت افيدج امايه وربيعتيه فيهن صداع نصفي ..

انا قريت دوا وفاد مع الهنتين بطريقة عجيبة ورهيبه ..

يبي كوب خل ابيض + كوب ماي نفس المقدار

وحطيهم ع الغاز ليش يثور .. المحلول ..

يوم تشوفينه ثار .. صكي الغاو وحطيه في طاسة ..

وتنشقيه 75 مرة .. ورى بعض .. شمي شمي شمي 75 وخلي حد يعدلج بدون ماتوقفين وبتحسين راسج مع كل شمه تفجج .. بس غمضي عيونج لانه الخل حار ..

وفي طريقة امايه تسويها بعد .. يبي زنجبيل يابس واطحنيه بروحج .. وخذي شوي وخلطيه ويا ماي ورد وخلي الخلطة ثقيلة .. ووزعيه ع يبهتج .. الزنجبيل حار .. ومفيد

وللامانة كل هالخطات مجربة ..

يزاج الله خير على هالوصفة الطيبه

المشاركة الأصلية كتبت بواسطة حزينة الامة

اختي انصحك احتجمي بترتاحين وايد

أختي تعرفين حد يسوي حجامه

**قلب راك** · 2008-04-01, 00:51

أنا بعد ياني الصداع وماقدرت أداوم ،،
سرت خذت ابره مسكنه ،،
بس بعدني أحس بنغزات ولوعه ،،

**حزينة الامة** · 2008-04-01, 10:00

هيه بنت اختي بنت القمر اعرف حرمتين يسوون حجامة بعجمان والشارجة خبيرات ماشاء اللهاذا تبين بطرشلج رقمهم

**يارب احفظني** · 2008-04-02, 08:21

اختي عليج بالرقيه الشرعيه واستخدمي هالدوا انا استخدمه لما اتيني نوبات الصداع النصفي على طول يشيل الاعراض والالم اسمه NARAMIG

**UAEcat** · 2008-04-03, 15:00

انا صار لي سنين اعاني من الصداع النصفي

اكتشفته اول مره يوم كنت بالجامعه بعد طبعا ماسويت صورة للمخ وتحاليل واكدوا لي انه صداع نصفي وعطوني ليستة اكلات انتبه منها والاحظ شاللي يهيج عندي نوبة الصداع

وعقبها اكتشفت اني اصدع من وااااااااايد اكلات منها :

التشوكليت والكولا والمكسرات والعنب والمانجو و بعض المعلبات والنودلز والبصل النيئ و .....

قمت مااكلهم وقلت النوبات وايد

بس فيه مسببات ثانيه ماهي بيدي احيانا مثل ضوء مفاجئ او تغيير لمواعيد الاكل مثل رمضان او تغيير مواعيد النوم واحيانا في نهاية الدورة

بس حمد لله اسيطر عليه

النوبه بالبدايه تكون زغلله بعيوني واعرف على طول ان النوبه جايه اخذ بسرعه حبتين بنادول

وللعلم لو خذتي البنادول او اي مسكن بهالمرحله بتكون النوبه المها قليل ومحتمل

بس لو انتظرتي عقب مايبدا الصداع القوي للاسف ولا مسكن راح يخفف

هذا من خبراتي مع هالسنين كلها

والله عقب الصداع اقعد يومين ايديني متخدره وفيني لوعه وتعبانه حدي كل عضلاتي تؤلمني

واثناء النوبه ماداني اشوف نور او اسمع اي صوت او ازعاج

اتمنى اكون افدتج وصدقيني علاجج بيدج تعرفين مسبباته وتبتعدين عنها كثر ماتقدرين ولازم حياتج منتظمه ومواعيد اكلج ونومج اهم شي مع الحاله النفسيه طبعا

وسلامتج حبوبه

**::قصـــــايد::** · 2008-04-03, 15:02

ياااااااالله عل ربي يشافيج ان شالله ختيه ..

**الياقوتة10** · 2008-04-04, 01:47

اختي انا في نفس الصداع النصفي وتدوم انوبة الصداع عندي 3 ايام ونصحوني ابتعد عن نفس الاكل اللي ذكرته الاخت وضيفي بعد على قائمة الاكل الممنوع الموز والجبن الابيض

**بنت القمر** · 2008-04-05, 17:12

المشاركة الأصلية كتبت بواسطة UAEcat

انا صار لي سنين اعاني من الصداع النصفي

اكتشفته اول مره يوم كنت بالجامعه بعد طبعا ماسويت صورة للمخ وتحاليل واكدوا لي انه صداع نصفي وعطوني ليستة اكلات انتبه منها والاحظ شاللي يهيج عندي نوبة الصداع

وعقبها اكتشفت اني اصدع من وااااااااايد اكلات منها :

التشوكليت والكولا والمكسرات والعنب والمانجو و بعض المعلبات والنودلز والبصل النيئ و .....

قمت مااكلهم وقلت النوبات وايد

بس فيه مسببات ثانيه ماهي بيدي احيانا مثل ضوء مفاجئ او تغيير لمواعيد الاكل مثل رمضان او تغيير مواعيد النوم واحيانا في نهاية الدورة

بس حمد لله اسيطر عليه

النوبه بالبدايه تكون زغلله بعيوني واعرف على طول ان النوبه جايه اخذ بسرعه حبتين بنادول

وللعلم لو خذتي البنادول او اي مسكن بهالمرحله بتكون النوبه المها قليل ومحتمل

بس لو انتظرتي عقب مايبدا الصداع القوي للاسف ولا مسكن راح يخفف

هذا من خبراتي مع هالسنين كلها

والله عقب الصداع اقعد يومين ايديني متخدره وفيني لوعه وتعبانه حدي كل عضلاتي تؤلمني

واثناء النوبه ماداني اشوف نور او اسمع اي صوت او ازعاج

اتمنى اكون افدتج وصدقيني علاجج بيدج تعرفين مسبباته وتبتعدين عنها كثر ماتقدرين ولازم حياتج منتظمه ومواعيد اكلج ونومج اهم شي مع الحاله النفسيه طبعا

وسلامتج حبوبه

المشاركة الأصلية كتبت بواسطة الياقوتة10

اختي انا في نفس الصداع النصفي وتدوم انوبة الصداع عندي 3 ايام ونصحوني ابتعد عن نفس الاكل اللي ذكرته الاخت وضيفي بعد على قائمة الاكل الممنوع الموز والجبن الابيض

والله ما عرف شو أقول فاجأتوني بس ان شاء الله بسوي أشعة
ومشكورين على المرور

**بنت القمر** · 2008-04-05, 17:14

المشاركة الأصلية كتبت بواسطة ::قصـــــايد::

ياااااااالله عل ربي يشافيج ان شالله ختيه ..

شكراً على المرور

**nougat** · 2008-04-05, 17:23

اختي العزيزة شفاك الله من هذا المرض
الحقيقة انا ايضا عندي الصداع النصفي ويسمى بالشقيقة
اختي انا اصبت بهذا المرض من حوالي سنة ونصف بس الحمد لله الان بدأت اتغلب عليه

اولا السهر انسي شي اسمه السهر وحاولي تنظيم نومك
تاني شي انا اخذت دواء والله اخذت حبتين بس والان الحمد لله
انا كنت احس انا نصف وجهي بيحترق وكنت ما اقد البس الشيلة احيانا

وانصحك اذا جاتك الحالة تطفي الضو وتغمضي عيونك حتى نصف ساعة اللي تروح الحالة
واذا عندك عيال عوديهم على الهدوء احسن شي
لأنك رح تتعبي معاهم
الله يخلينا عيالنا هما اللي جابولنا الصداع النصفي
آه نسيت شي تاني ما تفكري بشي التفكير يجيب الصداع

وربي يشفينا يارب

**بنت القمر** · 2008-04-05, 19:58

المشاركة الأصلية كتبت بواسطة nougat

اختي العزيزة شفاك الله من هذا المرض
الحقيقة انا ايضا عندي الصداع النصفي ويسمى بالشقيقة
اختي انا اصبت بهذا المرض من حوالي سنة ونصف بس الحمد لله الان بدأت اتغلب عليه

اولا السهر انسي شي اسمه السهر وحاولي تنظيم نومك
تاني شي انا اخذت دواء والله اخذت حبتين بس والان الحمد لله
انا كنت احس انا نصف وجهي بيحترق وكنت ما اقد البس الشيلة احيانا

وانصحك اذا جاتك الحالة تطفي الضو وتغمضي عيونك حتى نصف ساعة اللي تروح الحالة
واذا عندك عيال عوديهم على الهدوء احسن شي
لأنك رح تتعبي معاهم
الله يخلينا عيالنا هما اللي جابولنا الصداع النصفي
آه نسيت شي تاني ما تفكري بشي التفكير يجيب الصداع

وربي يشفينا يارب

صدقت في كل كلمه وخصوصاً الأطفال الله يبارك فيهم هاذيله مو بس ييبو الصداع هاذيله ييبو الضغط والله المستعان

الموضوع: عندي صداع نصفي

أدوات الموضوع

عرض

عندي صداع نصفي

المزيد من آخر المواضيع من نفس القسم:

المواضيع المتشابهه

خاطرة انا كتبتها بعنوان نصفي الثاني

بسرعه بنج كامل والا نصفي ؟!

بنج كامل ولا نصفي

المتبقي من البضاااااااااعه ......يلا نبغي نصفي للعيد .....................