ريلي والماضي

[حلوه بس متينه]

حاولي ترمسين ريلج عشان يتنازل باي طريقه حرام تخربين بيت الحرمه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كيوت مره]

إنتي ما تخافين من الله

بكل اختصار هذا ردي على رسالتج وموضوعج

وريلج يسوي عمره عنده غيره وما ادري شو ؟؟؟ وين رجولته وغيرته من زمان ؟؟

وكما تدين تداااااااااااااااااااااااااااااااااااان

[نور ندى]

انتو مب فاهمين ها البنت وايد شايفه عمرها وقالت لي انه ريلها يعرف عن ماضيها وقالت له عن ريلي قبل لا يتزوجون يعني صارحته بكل شيء ويوم قلت انا لريلي ها الشيء قالي خاطري اشوف ردة فعل ريلها يوم ييون للمركز ونشوف شو بيسوي اصلا هدا مب ريال
وهو منقهر انه ليش هي تتصل وتحاول تدخل الشيطان في عقلي وتقولي ديري بالج عن ريلج وفتحي عيونج عليه ترا ما يبين انه يسوي تجي ومن ها الكلام واللي قهر ريلي زياده انها قدفته قالت انه كان عنده بنت عايشه وياها وها الكلام مب صحيح الحينه يوم ينادوها للمركز بتتفاجا وتسمع كل الكلام اللي قالته لي جدام ريلها وريلي وخلها تعتدر وما تحاول تخرب بييت مستقر هي كل اللي همها تفرقنا وتستانس بس هي تحلم

[بنوتة80]

غلطانة وستين غلطانة ..... بتخربون بيت البنت وهي ربي سترها بالزواج

وانتي اشلج بالماضي .... الماضي ما عشتيه وياه فما يخصج فيه

عيل انتي صارحيه بماضيج > سوري عالدفاشة بس انقهرت من فضولج

اقصد بماضيج حتى بأفكارج يوم كنتي مراهقة اكيد كنتي اتفكرين بفارس الأحلام .............. الخ

صدق ان الحريم ما فيهم عقل يخربون بيتهم بإيدهم .. بدل ما تحمدين ربج على الزوج والعيال والبيت ...

ناس تتمنى اللي عندج وانتي الله يهديج ..

خلي ريلج يسحب القضية لأن مثل ما انتي اتخافين على بيتج تراها مثلج

الله لا يبلينا بهالفضول

[بنوتة80]

هي كل اللي همها تفرقنا وتستانس بس هي تحلم

لا الغالية هي ما دقت عليج الباب وقالت لج

انتي اللي رحتيلها ... واتصلتي فيها وسألتيها اسئلة دقيقة


وسامحيني عالقسوة بس انتي اللي بديتي معاها ولا هي ما درت بج

[نور ندى]

يلي مستحيل يتنازل عن القضيه لانه يبغي رد اعتبار لانها شوهت سمعته

[بنوتة80]

لا حول ولا قوة الا بالله

انتي اللي خليتيها تتكلم


الله يستر على الجميع ....

[سويت قيرل]

نور
إستغفري ربج وإعترفي لزوجج إنج الباديه
لو ما دورتي عليها لما حصلت ها المشكله
برآي ذمتج يمكن يتراجع عزيزتي
الايام دول لا تنسين هذا شي

[ميميه88]

انت ي غلطانه ودمرتي بيتج وبيت الحرمه جان لازم اتقولين له باسمها او انها هيه اللي خبرتج ويعني ونبشتي ماضيه وتهاوشتي وياه شو استفدتي لاتحاسبين الريال على ماظيه اذ تبين اتحاسبينه حاسبيه من اللحظه اللي دخلتي فيها بيته اصلا مالج حق صراحه تسرعتي

[أم كاكي]

الله يسامحج سويتي مشكلتين

مشكله انج خلقت مشاكل لبيتج مضى عليها الدهر

والمشكله الثانيه بتخربين بيت البنت

حاولي انج اتقولين حق ريلج انج اتني اللي اصريتي انها اتخبرج وانه البنت مالها ذنب

مب قصدها اتخرب بيتج

وقوليله.. انج بتنسين اللي صار ..

وحرااام اتخرب بيتها وهي في بداية زواجها..

وخبرينا شو بيصير

[law]

يلي مستحيل يتنازل عن القضيه لانه يبغي رد اعتبار لانها شوهت سمعته

وانتي الي سويتيه شو اسمينه بقاموسج العجيب مب بعد تشويه سمعه
والي ريلج بسويه شو اسمه؟؟؟
بصراحه لا تزعلين انتي غاوية مشاااااااااااااكل بس الله يهديج انتي وريلج
ترى الدنيا دواره

[نااعمه]

بصراحه تصرف غلط في غلط انتي تخربين بيتج بنفسج

ليش تفكرين فيها ابا اعرف؟!! هو نساها انتي تذكريته فيها ليش؟بعدين هو لو يحبها ما بيبهدلها في مراكز الشرطه وهي تستاهل ليش تتكلم وتقول كل شي المفروض تراعي شعورج وما تقول هالكلام عنبو الستر زين لو ما تخاف عليج او على زوجج خليها تخاف على عمرها الله ستر عليها وريلج ستر عليها هي تفضح عمرها يالسه وتخبرج كل شي!!

المهم انتي لا تقعدين كل شوي تتكلمين عنها وتفكرين فيها كفايه الي صار لها من وراج يعني مافي ريال ماله ماضي بصراحه لو كل وحده بتقعد تحاسب زوجها على ماضيه ما بنخلص ماضي يعني شي خلص شي حريم يتعبون عمارهن عالفاضي عيل لو تعرف على وحده الحين شو بتسوين!!

[نور ندى]

البنت كلمتني وقالت ريلي طلقني البارح بس احسها جدابه كيف يطلقها وهي حامل اصلا ما يستوي الطلاق شرعا

لا وطلعت تعرف اسمي في المنتدى وعرفت السالفه من اللي كتبته هني كيف ما ادري
هدا يدل على انها متابعتني وتبحث عني وتبي تعرف كل اخباري شو هااااااااا
قالت لي انا في بيت اهلي وانتي السبب في خراب حياتي وووو صراحه احسها جدابه لو صدق طلقها ما بيكون لها خلق اصلا تدش النت

[M & S]

اختي انتي مايحقلج تحاسبيه على ماضي انتي ماكنتي موجوده فيه من الاساس
وبعدين كل انسان يغلط وريلج كفر عن غلطته انه صان بيته وحاشمج وماكلم وحده بعد ماعرستوا
عيوني انتي الحين مب بروحج ولازم تنسين تراج انتي الغلطانه بعد مب بس هوه لانج نبشتي بالماضي
يعني سامحيه وفكري في بنتج هيه بتكون الضحيه واذا ريلج بعده على علاقات ماكان ودا تلفونه الشرطه لان هاي مب سهله وراها مصايب
بس عاد غاليتي تعوذي من ابليس وانسي الماضي واللي صار حتى لو كان صعب حطي في بالج انه هذا ريلج وبو عيالج وبتنسيج
الله يجعل بيتج عامر ويفتح لج ابواب رحمته

[ظبيانيه_قمررر]

غلطااااااااااااااااااااااااااااااااااااااااااااااا نه مليووووووووووووووووووووووووووووو
ووووووووووووووو
وووووووووووو
ووووووووو
ووووووو
ووون بـ100000000000000000000000%

بس تدرين والله لو كنت مكانج عادي اسوي الي سويتيه
نحن متفهمين انج سويتي جي يالغلا من زووووووووووود حبج له
وغيرتج الزايد هعلييييييييييه
بس فكري معاي..
لو هو يا بروحه وخبرج بماضيه هل كنتي بتطوفينه له؟ الجواب لا
هل كنتي بتشكين فيه؟ الجواب هيه

هل كنتي بتطنشين السالفه وجنه ماصار شي؟؟ الجواب لااااااااا

بتسألين عمرج دوم ليش خبرني السالفه؟؟ الجواب هيه
يعني فكري فيها لو خبرررررررج بتزعلين وبتشكين وبتقولين ليش خبرني وجي
واذا ماخبرج بتزعلين وبتنقهرين وبتقولين ليش ماقال لي؟؟
يابنت الحلال امبين انه ريلج خاطره يحافظ عليج ويحبج ويخليج مستقبله الحاضر
ليش تنبشين في ماضيه وانتي هب مستفيده شي الا القهر والمغثه
ف انا اقول لو تحطين عقلج في راسج
وتخلينه يتنازل لانه حرام البنت معرسه يمكن تخربين بيتها؟؟
مافكرتي ف هالشي
ربي يهديج يارب ويخوز عنج وساويس ابليس
ويهنيج في حياتج ويبعدج عن المشاكل ياررررررب