الله يكون في عون المعرس

[ام بسمة]

مراااااحب خوااتي
هذي اول مشاركة لي في هالمنتدى
وصلني عبر الايميل هالقصيدة الموقف جريئ وااايد وما اتخيل وحدة تنحط فيه
فحبيت اعرضه لكم وانا ما ادري اذا كان متكرر او لا المهم هو عيبني فحبيتكم تشاركوني فيه

تخيلووووووو في وسط الحضور يدخل واحد ويقول قصيدة في العروسة للمعرس شنو بيكون ردة فعلــــــــهــ؟؟


القصيدة تقول:


أبد ما جيت أبــــارك لك ولكن جيت باوصيك

على الله ناوي(ن) تدخــل بها اللـــيله ... معذبتي

ترى لولا الظروف اللي عطّـتك وحدّت محاكيك

قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي

كذا شـاءت بنا الأقـــــدار تحرمني لجل تعطيك

كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك

تدللــــــــها..تدلعــــــــها ..تنسّــــيها مصاحبتي

أنا من كثر مااغليها أحس اني بديت أغلـيك

ولاتسـأل بأيـة حـق والا وش مناســــــبتي

لأنك لو بتسألـني بتسمـع شي مـــــــا يرضيك

لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك

وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك

وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك

تحمّلــها وإسألـها :ياعمـــــري ليـــه عصّبـتي

وبالك أسمع انك يوم تضربهــا وهي تشكيك

ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك

وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك

يقــــــول انه بيــنــتظـرك لوشـيّـب وشـيّــــبتي

وانا مجنونها اللي مـا نساهــــــا وانششت مايمديك

تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك

ولو انك في مــكاني ما تفكر في محــــــاسبتي

كفاك اني تركت الليــــله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـــك

أنا جيتك عشــان أخاطـبك واسمع مخـــاطبتي

توصّــــى ... وانتبه... واحرص عليها والله يهنيك

ترى كل الكلام اللي طلع من ضيقي وكبـــتـــي

ولكن ما قدرت اني أقوله وانت مايخفـــــيك

أخـــــاف اني اذا قلته تقوم وتقطـــع رقبــتي


كلام خطير وصدق الله يكون في عون المعرس

منقووووووووووووول و انتظر تعليقاتكم

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام بسمة]

يالله ست زيارات ولا رد؟؟

[دلوعه الغالي]

بصراااااااااااااااااااااااحه ماعرف شو بيكون شعوووري احس اني بستانس يوم اعرف انه حد يحبني لهدرجه واما الريل خليه يولي مابفتكر فيه هههههههههههههههههههههههه لا اسميني بموت من الخوف

[فواحة عطر]

الله يكون في عون المعرس احس بيجتله

[المريه]

لو المعرس تأثر في كلامه شان خلاله العروس حقه ههههههههههههههههه

[ام بسمة]

بصراااااااااااااااااااااااحه ماعرف شو بيكون شعوووري احس اني بستانس يوم اعرف انه حد يحبني لهدرجه واما الريل خليه يولي مابفتكر فيه هههههههههههههههههههههههه لا اسميني بموت من الخوف

مشكورة حبيبتي على مرورج الطيب
وصدقتي لو كان فيه واحد يحبني هالكثر ببيع الدنيا علشانه

[ام بسمة]

الله يكون في عون المعرس احس بيجتله

شرفني مرورج الغلا و مشكوورة

[ام بسمة]

لو المعرس تأثر في كلامه شان خلاله العروس حقه ههههههههههههههههه

هيه والله صدقتي انا اقول وش يبا فيها بعد كل هذا شلون بيعيش معاها الله يعين الجميع و مشكككورة حبيبتي على ردج و مررورج شرفني

[فيء]

موقف صعب ...

بس ما عليكم الرياييل عذابهم يوم وإلا يومين ، وبيركضون يدورون على حبيبة ثانية وثالثة وعاشرة...

ماتدرون قلوب الرياييل فنااادق .. كل جناح فيه ستين وحده ... خخخخخخخخخخخ

[ام بسمة]

موقف صعب ...

بس ما عليكم الرياييل عذابهم يوم وإلا يومين ، وبيركضون يدورون على حبيبة ثانية وثالثة وعاشرة...

ماتدرون قلوب الرياييل فنااادق .. كل جناح فيه ستين وحده ... خخخخخخخخخخخ

صح لسانج الغالية وصدقتي والله
مشكووورة حبيبتي على المرور

[أموولة الدلوعة]

ياحظها اللي لقـت من يحبهـا لحد الجنـونـ

الغاليه

أألف شكر لجْ

وسلمت يمناج ع القصيدة الرائعه والنقل المميّز

لاتحرمنيا من الجديدْ

مودتي
اموله

[أموولة الدلوعة]

موقف صعب ...

بس ما عليكم الرياييل عذابهم يوم وإلا يومين ، وبيركضون يدورون على حبيبة ثانية وثالثة وعاشرة...

ماتدرون قلوب الرياييل فنااادق .. كل جناح فيه ستين وحده ... خخخخخخخخخخخ

ههه عجبني هالردْ

لاهنتي يالغاليه

وفعلاً هذا حالهمْ ^.^

بس نحن الي رايحه عليناَ ^.^

[أم_حمده]

صح لسانه ..
وتسلمين حبوبه

[أم خلوفي99]

بصراحه القصيده أكثر من رائعه .......وهذا الشاعر شكله بايعها ههههههههه الله لو في هالأيام حب مثل جي !!!!!!! صدق شجاع وجريء ويحب من خاطره مب مجرد كلام ......والظاهر الظروف اللي فرقتهم كانت واااااااايد قويه ....

[منــــــايــــــا]

الله يعين المعرس والعروس عل كلام العاشق المتيم ويعينه على عشقه
الحبيب متيم على الآخر والريال اذا عشق صعبه عليه ينسى
اما اذا كان محب فبيكون الموقف سهل عليه وبينسى
لاتلومونه والله لو انا مكان المعرس ما الومه وتحمل من العروس واحطها بعيوني
لانها اكيد كانت مخلصه له بس الظروف اقوي منها ووافقت على المعرس
مشكورة اختي على القصيده والله يعطيج العافيه