أدرس .. وعرسي قريب ..

[noorae]

مراحب بنات ..


شخباركم ؟؟

عساكم بخير ..


بغيت شوركم ..

أنا أشتغل وادرس في نفس الوقت ..

وباقيلي سنة ونص لين أتخرج ..

انا عندي شهادة دبلوم عالي .. وتخرجت ..
بس الحين رديت اكمل عشان اخذ البكالوريوس ..

وعرسي قريب ..
ان شاء الله بيكون 20 / 5 ..

وهالكورس الحالي يمكن نخلص 15 / 5 ..

بشو تنصحوني .. ؟ آخذ الكورس أو لا ؟

حد يقوللي ما بيمديج .. عشان موضوع التجهيزات والزهاب ..
وبعدين بكون مرهقة .. خصه اني اشتغل وارد من الدوام ع الكلية ..

وحد يقوللي حرام تضيعين على عمرج كورس ..
وعقب بيتأخر تخرجج ..


انتوا شو رايكم ..؟؟

ان شاء الله بستخير .. بس هذا ما يمنع إني استشير بعد ..

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أصغرتاجرة]

خذي كوورس احسن

[عنب]

أول شي استخيري ربج

وإذا بتاخذين هالكورس خلصي امورج من الحين عشان عقب ما تنضغطين

[reeman]

خذي الكورس احسن حرام يضيع عليج الكورس انا اعرف وحده من صديقاتي كان عرسه عقب الفاينل بيومين وخذت الكورس كامل ولا ضيعته على عمرها ^_^

[سكون دبي]

والله العرس ما بينفعج


الدراسة اهم

انا عرست قبل سنتين وكنت ثانوية عامة وما باقي على الامتحانات الا 3 شهور وكملت وقلت في خاطري الريل ما بيفيدني كثر شهادتي

[الحلوووه19]

خذي الكوووورس ..

حرااام عليج ما بقى شي ,,,

خلصي عقب عرسي واايد أحسن لج لا عوار راااس و لا شي ..



و الله يسر أموررج

[عيناويه_طر]

كملي فدييتج .. انا شراتج باجلي سنه ونص وأجلت العرس سنه يعني بس بيبقالي نص سنه
ولا تضيعين ع عمرج فكري باجر اذا صار عندج عياال اكيد بتتعبين ..
فأحسن تتعبين وانتي توج معرسه ولا تتعبين بالعيال >> يمكن تفكرين توقفين عسب الربا وها السواالف ..
لا اطولين المشواار ع عمرج ..
واستخيري وتوكلي على الله .. موفجه حبيبتي

[حرم الشيخ.]

والله العرس ما بينفعج


الدراسة اهم

بصراحه شوفي اللي يناسبج ....بس لي تعليق ع سكون دبي,,,منو اللي قال أن الدراسه أهم,,,ترى الله خلقنا واللي شرع علينا الزواج,,,الزواج في نظري أهم من الدراسه,,الدراسه ملحوق عليها ,,,,و في شي ثاني بعد أن الأمر يعتمد ع الريال اللي بتاخذينه,,,,,يستاهل التضحيه ولا لأ,,,لأن البعض يموت و ينقهر إذا بس حس أن زوجته تفوقت عليه,,,و عادي يمنعت من الدراسه...

[نور حياتي]

خذي الكورس

وف الويك اند سيري اتزهبي بتخلصين عادي

انا بنت خالو عرست و قبل العرس بيومين كان عندها امتحان و بعد العرس ب3 ايام داومت وحليلها والله

ع الاقل انتي بتخلصين الكورس و بتكون عندج إجازة

اهم شي دراستج ترى

وربي يوفقج .........

[noorae]

خذي كوورس احسن

مشكورة اختي ..

أول شي استخيري ربج

وإذا بتاخذين هالكورس خلصي امورج من الحين عشان عقب ما تنضغطين

المشكلة إن الكورس بدأ .. مافي مجال إني أخلص أموري الحين ..
بس الله ييسر ..

خذي الكورس احسن حرام يضيع عليج الكورس انا اعرف وحده من صديقاتي كان عرسه عقب الفاينل بيومين وخذت الكورس كامل ولا ضيعته على عمرها ^_^

مشكورة اختي ..

والله العرس ما بينفعج


الدراسة اهم

انا عرست قبل سنتين وكنت ثانوية عامة وما باقي على الامتحانات الا 3 شهور وكملت وقلت في خاطري الريل ما بيفيدني كثر شهادتي

مشكورة اختي ..

[ميرة دبي]

كملــــــــــــي عسب تخلصــــــــــــــــين ولاتضيعني ع عمرج

حاولي تنظميــــــن أوقاتج

[noorae]

المشكلة إني أدرس وأشتغل في نفس الوقت ..


يعني الصبح أطلع اروح الدوام .. وارجع الظهر اسير الكلية ...
وارجع اسير الكلية على طول .. وارجع من الكلية تقريبا 8 ونص ..

وايد أفكر .. أي ريل بيتحمل ان مرته في بداية الزواج برع البيت من الصبح لين الليل !!

[الدوسريه]

كملي فدييتج .. انا شراتج باجلي سنه ونص وأجلت العرس سنه يعني بس بيبقالي نص سنه
ولا تضيعين ع عمرج فكري باجر اذا صار عندج عياال اكيد بتتعبين ..
فأحسن تتعبين وانتي توج معرسه ولا تتعبين بالعيال >> يمكن تفكرين توقفين عسب الربا وها السواالف ..
لا اطولين المشواار ع عمرج ..
واستخيري وتوكلي على الله .. موفجه حبيبتي

[ريـم زايـد]

..حبيبتي ..

انا عرسي فالصيف شهر يونيو بعد .. بإذن اللـهـ

وادرس حاليا وكان تخرجي فالصيف .. يعني لو خذت صيفي بتخرج ..

بس بسبة عرسي .. بيتأخر تخرجي كورس ..

وحاليا انا ادرس .. عسب اخلص ما فكرت اني اوقف .. بس

مقسمه وقتي .. للزهاب والمشاري .. والدراسه والحمدلله ربج يســر ..

لا توقفين وتخربين على عمرج .. والله يوفق الجميع ان شااء الله

هذا رايي واسموحه .. حاولي تدرسين وتقسمين وقتج

لان فالفتره اللي بتوقفين فيها بتملين ..

[موااجع]

خذي الكورس وااااااااااااايد احسن والتجهيزات مايبالها وايد وقت عادي لا تحاتين
.
.
.