ضرب الزوجه

[المستشارة غادة]

السلام عليكم
بإختصار
اذا تعرضتي لعنف زوجي
كضرب ، او فحش في الكلام من قبل الزوج
ولم تلجأي لأهلك من اول مره وجعلتم الموضوع قضيه لا يستهان بها
تأكدي بأنك
في طريقك الى الجنون او الطلاق البائن
ولن يشعر الرجل وقتها بأنه خطا بل تستحقين لأنك سكتي
فلا تترددي اذا لم يعرف اهلك الى الان ان تبليغهم

المستشاره غاده

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كوثر قمر]

وعليكم السلام ورحمة الله وبركاتة
جزاكم الله خيرا

[غلآ نفسي]

انا ما اايد هالشي

صحيح ما ارضى باجر بنتي ريلها يمد ايده عليها واباها تقولي

هذي مشاعر اي ام طبيعيه

بس انتي ممكن تحسسين ريلج بالغلط وتحسسينه انه عندج ظهر وسند واهل

اما تسوينها سالفه وتخبرين الاهل ما ينفع

باجر انتي وريلج تردون حق بعض ويرجع كل شي مثل ما كان

بس اهل الزوجه ياخذون موقف من هالزوج

ف هالشي مب حلو احس

بس طبعا اكييد كل ام ما تتحمل ان بنتها تنضرب

بالتوفيق

[رسايل غلا]

الصحيح هو أنه المفروض من البداية الزوجة ما تسمح لزوجها يمد ايده، أما أنها تروح تخبر أهلها وتنشر الموضوع ما بتستفيد شي صح ان الاهل سند وعزوة بس ليش تخسر حياتها الزوجية
وهي ممكن تحل الموضوع بنفسها من بدايته!

[حرم الحميري]

الصراحه صدقها المستشارة وايد اجوف حريم يسكتن لين ما يتمكن الريال ويطنشها لانه يعرفها مابترمس والحرمه اوهنها ما ابا حد يدخل او اخاف يطلقني او عشان عيالي واخر شي تتعقد وادش طب نفسي والعيال يتشتتون ويستوون عصبين وتصرفاتهم تتغير من اللي يجوفونه الحوار مطلوب اذا ما فاد لازم حد يدخل واذا مادخلتو الاهل بدخلون منو الغريب اذا انقطع حبل النقاش بيكون زواج ع ورق لاعشره ولا اهتمام ولا تربيه

[mouzan7mod]

ما أأيد هالشي ، الوحدة تأدب ريلها بإسلوبها
مب شرط أقول لآهلي عن زوجي و أكسر صورته جدام أهلي و أهله
غلط هالشي ، باجر ممكن يعايرون عيالي بأن أبوهم ضرب أمهم و أهانها
المفروض الزوجه تحط له حد بإسلوبها و ماتكون ضعيفة و تسلم نفسها له

[مونتاج]

الله المستعااان

[غلآ نفسي]

الصراحه صدقها المستشارة وايد اجوف حريم يسكتن لين ما يتمكن الريال ويطنشها لانه يعرفها مابترمس والحرمه اوهنها ما ابا حد يدخل او اخاف يطلقني او عشان عيالي واخر شي تتعقد وادش طب نفسي والعيال يتشتتون ويستوون عصبين وتصرفاتهم تتغير من اللي يجوفونه الحوار مطلوب اذا ما فاد لازم حد يدخل واذا مادخلتو الاهل بدخلون منو الغريب اذا انقطع حبل النقاش بيكون زواج ع ورق لاعشره ولا اهتمام ولا تربيه

بروحج قلتيها

(( حبل النقاش ))

خل هالنقاش يكون بينها وبين ريلها

مب لازم اهل الزوجه يعرفون

مهما كان وشو ما يصير بينج وبين ريلج مردكم بتردون حق بعض اصلا

بس الناس والاهل ما ينسون

وبعدين الوحده بأسلوبها تروم تحسس الريال بغلطته وتحسسه تراه عندي اهل وسند

مب لازم الكل يعرف

والسموحه

[رسايل غلا]

بروحج قلتيها

(( حبل النقاش ))

خل هالنقاش يكون بينها وبين ريلها

مب لازم اهل الزوجه يعرفون

مهما كان وشو ما يصير بينج وبين ريلج مردكم بتردون حق بعض اصلا

بس الناس والاهل ما ينسون

وبعدين الوحده بأسلوبها تروم تحسس الريال بغلطته وتحسسه تراه عندي اهل وسند

مب لازم الكل يعرف

والسموحه

مع كلام اختي غلا
ليش لازم كل ما يستوي شي نركض حق أهلنا ونخبرهم ونحملهم الهم وساعات يكونون ما يملكون شي يسوونه بس يتمون حزينين علينا، كل زوجة تقدر من بداية حياتها الزوجية تخلي ريلها يحترمها ويقدرها في كل صغيرة وكبيرة وما يفكر يمد ايده عليها، الاهل نلجأ لهم لو ما لقينا فايدة.

[فدا تراب زايد]

الزوجه الحكيمه مستحيل تفضح ريلها جدام اهلها او اهله او اي كان
بالعكس لازم تحسسه انه غلط في حقها غلط كبير و ان هي قويه قدرت تتحمل الاهانه منه
و من نفسها هي قررت تستر عليه

بهالطريقه الزوجه بتكبر في عينه لان فعلها بيدل على قدرتها على حل المشاكل بعقلانيه وحكمه

الريال مايحب الحرمه الضعيفه بالعكس يميل للحرمه الي ادير حياتها و تقدر تحل مشاكلها بنفسها

احيانا (السكوت يكون أبلغ من الكلام)

[قيثارة إماراتي]

وعليكم السلام ورحمة الله وبركاتة
جزاكم الله خيرا

[بنوته ظبيآنيه]

صادقه

[أم علي..]

لاحول ولاقوة الا بالله

[almal3ka1]

يعل ايده الكسر و

لا بكسر ايدينه و ريله

هاللي ناقص بعد

[موجوع قلبي]

الله المستعان