مطلقة تعبانه

[مشكلتي]

مشكلتي عندي اكتئاب حاد ها الأيام انا مطلقة من تسع سنين وايد عانيت خلالها لأني كل ما اتمنى شيء ما يصير حتى الأصدقاء فقدت أعز صديقاتي مب وحدة ثنتين ثلاث ما صار لي أحد ركزت على عيالي الإثنين بنتي كبرت وبدت مراهقتها وصارت تبعد عني شوي شوي أنا فاهمة انه شيء طبيعي للي في عمرها وولدي روحه في أبوه ما في على لسانه إلا بابا بديت أحس بالوحدة وحدة متعبة كلمت كم خطابه ودفعت مبالغ كبيرة بس ما شيء فايدة تخيلوا من سنة كله اقتعد في غرفتي أطلع اليهال وأرجع والله حتى الكلام ما أدري صار صعب بالنسبة لي تفكيري صار نفس تفكير بنتي والله مب قادرة اتناقش مع الناس اللي بعمري في الدوام انطوائية وإذا تكلمت مع أحد ارتجف وعادي أبكي أتمنى اموت وأتمنى أسير الطب النفسي مرة ثانية حتى ولدي ذوي احتياجات مب قادرة اعتني فيه ودوم شو أريد منه إذا من صغري ما في ريال بحياتي من صغري ما حسيت انه رجل لي سند لي ظهر منهارة واكتب وأنا أصيح محتاجة أرجع للطب النفسي يمكن يعطوني أدوية أنسى العالم كله

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[السنقباســـية]

السلام عليكم اختي مادري ليش تححسني بنفسي .... بخبرج شيء ... مع انا متزوجه بس جني مب متزوجه لانه مب معاي والي تحسين فيه احس فيه مرات انسى الكلام؟!!!!!!!!!!!!!! ممنوع اطلع ممنوع اسوي شيء ممنوع حتى امسك التلفون؟ تخيلي .......... وفوق هذا ماشي فلوس او مصروف الحمدلله على كل حال ......



..................................
الوحدة صعبة جدا خصوصا لو كنت مع حد بس جنه محد وياج !!! .... ع فكرة ممكن تتزوجين وبكل سهولة بس انتي افكارج جداااااااااااا سلبيه نفسي تقريبا والي خلاني اعيش في متاهة احس اني ابا اجتل نفسي اليوم قبل بكرا ....... واتمنى الموت .... هالكلام كله مايفيد ........ لا ينفعنا ولا يفيدنا في شيء


......................
أولا : حافظي على صلواتج ( بخشووووع )
ثانيا : استغفري ( يرسل السماء عليكم مدرارا ويمددكم بأموال وبنين ) يعني الله ما بيعطيج عيال الا اذا تزوجتي! يعني الاستغفار بيجلب هالشيء ان شاءالله
ثالثا: خذيلج دورات الطاقة الايجابية (الطاقة البشرية ) وتعملي عن الشاكرات الي في الجسم الانسان الي اذا ضعفت تسبب لج مشاكل ف الجسم ....
رابعا : لا تمين في فراغ ....... اشغلي نفسج في الداوم / بزنس / الخ الخ الخ من الامور خلج بزنس وومن ماعندج وقت تحكين راسج ..
خامسا : دورة لحفظ القرآن الكريم ( شوفي كيف النفسية )
سادسا : الرجل لن يضيف اي شيء على حياتج فقط عشان تكملين حياتج خلي لحياتج معنى قبل لا ادخلين اي انسان وان دخلتيه خليه من الكماليات وليس الاساسيات الي اذا رحل متي /اكتئبتي / راحت طاقتج
سابعا : اشكري الله دائما على النعم ( ولئن شكرتم لأزيدنكم )
ثامنا : ودري عنج الطب النفسي والادوية والي ينسيج العالم وغيره ...... ( كله خرابيط ) اخوي مسوي جيه في عمره لا عايش ولا ميت مرات اتمنى ربي يرحمه بأخذ روحه والله استغفر الله بس شفت كيف حالته وما اتمنى اي حد تكون حالته جيه
تاسعا : الموت مب بايدنا الي بأيدنا انه نحيا حياة لعبادة الله ان رضيتي ربج ... ربج بيرضيج .... وان مارضييتيه بتلقين الي ما يسرج ..
عاشرا: الدنيا دار فناء .... اذا بعد هذا كله ما لقيتي الزوج الصالح ... حطي في بالج باجر احنا رايحين والجنة فيها احلى من 100 رجل في هالدنيا ....





فقط لا تيئسين

[سماءالأفق]

الله يفرج كربك يارب ,,حاولي حبيبتي الإستغفار حتي لو مقصره والإستغفار بيقربك من ربك ,,وخلي لو نصف ساعه من الثلث الاخير من الليل تناجي فيها ربك بالتبجيل والاستغفار والحمد ثم الدعاء وإن شاء الله بتشوفي
النتيجه

[mao]

ماشاء الله الاخت السنقباسيه كفت ووفت والله انا متزوحه وساعات تمرزعلي ايام اكون فيها حزينه ومكتئبه بس ارجع وبقوه لنيي رجع لربي هو الوحيد الي يفهمج ويعرف شو في داخلج حاولي تغلبين الحزن والياس الي بداخلج خليه مثل اتحدي ادخلي دورة حفظ للقران بيفيدج وايد اغلبي الشيطان يلي بداخلج واكيد لا تنسين تدعين الله يرزقج بالزوج الصالح يارب

[مالتيزرس]

الله اييسر امرج ويفك كربتج ةيرزقج الزوج الصالح عاجلا غير اجل ..الله يرزقج السعادة ةيزيح همج

[رسايل غلا]

اختي انتي محتاجة ترجعين لرب العالمين وتشكين له كل همومج واحساسج هو بس اللي يقدر يساعدج مشكلتنا انه نحن ما نطلب الشي بثقة دوم عندنا شك بإنه اللي نباه ما بيستوي, ثقي في رب العالمين واطلبي منه اللي تبينه وصدقيني ما بيردج
لا تدورين على ريل ولا ترمسين خطابات وتهينين نفسج لمجرد الرغبة فالزواج, حاولي تغيرين أسلوب حياتج
تقربي من بنتج حتى لو هي بعيدة عنج خذيها وياج للسوق مثلا قوليلها اشتري لج لبس حابة اعرف شو بتختارين وشو ذوقج, حتى لو ما عيبج اختيارها قوليلها حلو خليها باسلوبج تقرب منج وتكون وياج
وحتى ولدج قربي منه بنفس الطريقة بالكلمة الطيبة والحنان, ظهري ولا تنعزلين عن الناس وتيلسين تفكرين وايد, وودري عنج الأطباء النفسيين لا تبلين عمرج فيهم ترى مب كلهم يساعدون شرات الناس الا يعطون ادوية صعب تتخلصين منها لو خذتيها.

غيري حياتج وتفكيرج ورب العالمين بيسهل كل أمورج وبترتاحين.

[almal3ka1]

انتي اللي مختاره تردين ورى و تعيشين بالماضي


او بمعنى اصح , تبين حد يطبطب عليج


محد بيطبطب عليج لو انتي ما طبطبتي عنفسج


انتي تقدرين تساعدينها


اللي يباج يندل كيف يحصلج مب انتي تدورين


ها نصيب و رزق


انتي عندج عيال و العيال روحهم زينه الدنيا


و لو يبون يسيرون عند ابوهم خل يسيرون عشان بعد ما يكبرون ما يقولولج انتي السبب

[أم خليفة11]

صباح الورد يااا وردة اول شي يشرفني اني اكور صديقتج شو رايج ؟؟؟

راسليني عالخاص و لو حبيتي انا احب العلاقات الاجتماعية النظيفة و عساج تطلعين من هالجو يا عمري ،،

ثانيا حطيها حلقة في اذنج انه مافي احد في هذه الدنيا مرتاح فديتج و الدنيا كلها تكاد تكون مصالح و حسابات ،
تتمنين الموت ليش خير ياطير يا قلبي غيرج تطلق و بدون عيال و غيرج متزوجات و يتمنون نتفة الياهل،
النظرة السوداوية هذه عقيها و لا تفكرين بهالطريقة موووووول لا عمرج تحسبين حسابات خاطىة.
الريال و الزوج مب كل شي في هالدنيا ،، و عسى ربي يرزقج الزوج الصالح اللي يملي عليج حياتج و ا كان هذا هو العلاج و لو أنه أكيد لو تزوجتي كنتي بتقولين كلام ثاني .
حاليا انتي تمرين بعاصفة تقلبات مزاج ربما يكون طبيعي و ربما يكون حاد و هالشي طبيعي عند كل الناس بغض النظر عن الزواج و الطلاق ،
حاولي تطلعين و تغيرين جو و كوني علاقات صداقات مع بنات زينات تغيرين معاهم جو و تنعشين حياتج.

[ماحد شراتي]

ربي ييسرلج كل امورج

اختي حاولي تطلعين من الدائرة اللي انتي فيها ... تعرفي على بنات لا تعزلين نفسج عن العالم

[Black eye.s]

اختي انتي محتاجة ترجعين لرب العالمين وتشكين له كل همومج واحساسج هو بس اللي يقدر يساعدج مشكلتنا انه نحن ما نطلب الشي بثقة دوم عندنا شك بإنه اللي نباه ما بيستوي, ثقي في رب العالمين واطلبي منه اللي تبينه وصدقيني ما بيردج
لا تدورين على ريل ولا ترمسين خطابات وتهينين نفسج لمجرد الرغبة فالزواج, حاولي تغيرين أسلوب حياتج
تقربي من بنتج حتى لو هي بعيدة عنج خذيها وياج للسوق مثلا قوليلها اشتري لج لبس حابة اعرف شو بتختارين وشو ذوقج, حتى لو ما عيبج اختيارها قوليلها حلو خليها باسلوبج تقرب منج وتكون وياج
وحتى ولدج قربي منه بنفس الطريقة بالكلمة الطيبة والحنان, ظهري ولا تنعزلين عن الناس وتيلسين تفكرين وايد, وودري عنج الأطباء النفسيين لا تبلين عمرج فيهم ترى مب كلهم يساعدون شرات الناس الا يعطون ادوية صعب تتخلصين منها لو خذتيها.

غيري حياتج وتفكيرج ورب العالمين بيسهل كل أمورج وبترتاحين.

اوافق الرأي...