بلييز ساعدوني شو اسوي

[الطواشة]

يا بنات والله تعبت و ربي وانا اكتب و مقطعه عمري من الصياح .
هالمرة انا جد محتاجة حل ..

ريلي صارله فترة يسب ابوي ..
ابوي الناس يسموونه فلان الغبي .
و ريلي كل يوم طايح فيه بنت الفبي طالعه على ابوج الغبي ..
المهم انا ما اتحملت وقلت لا تغلط ابوي احسن منك ..
طبعا ابوه ما يصرف هلى امه و ما يعطيها سالفه بس زوجته الثانية مدلعنها يطلعها و يسرف عليها و هو يشتري ماجله .. انا ما قلت ابوك جي قلت نا الومك دامك عايش في بيت مكركب ..

قام و ضربني ضرب مبرح و خشمي نزف دم .. وقال مابا اجوفج اتصلي في ابوج و لا اخوانج خله يشلونج .

قلتله من زينك تصرف علي ما عندي شبابيص ولا لبس و لا شي مثل العالم و الناس .. و لا تغلط على اهلي ..

وقلت انا ما خليت الخدامه في هالبيت الا عسب امك مواعينها و اغنامها اللي تروح و تبيني اهتم فيهم ..

قالي غصبن عنج تخدمينها ..

و قالي ما بصرف عليج و احلمي اصرف عليج ..

انا ما اقدر اقعد و لا اقدر اخبر اهلي لان بيكبرون الموضوع و ابوي عادي ينشر خبري كل مكان ..
و امي اخاف يصير فيها شي لانها مريضة ..
ماعرف شو اسوي اخاف اخبر ابوه يعصب علي اكثر ..

اللحينه اتصلت في اخوي قلت خاطري ايي بوظبي مر علي و تركت له رساله و طرشت ع الواتساب بسير قالي الله يوفقج 😢

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دانه الكون]

لو رحتي المستشفى و اخذتي تقرير يفيد بتعرضج للضرب
راح يفيدج
سواء اذا بتشتكين عليه حاليا او لاحقا

و المصروف غصبن عنه
و اذا مب برضاه
بالقانون

[مالتيزرس]

لو رحتي المستشفى و اخذتي تقرير يفيد بتعرضج للضرب
راح يفيدج
سواء اذا بتشتكين عليه حاليا او لاحقا

و المصروف غصبن عنه
و اذا مب برضاه
بالقانون

مع الاخت احتفظي فالتقارير عسب تشهد لج باجر ضده فالمحكمة ..
طايح بج ضرب لانج ساكتة وخيفانة من اهلج ..لاحبيبتي المسألة يوم توصل للضرب لاتسكتين وخير ان شاءالله خبرتي اهلج خليه يتادب راكب راسج جايفنج ساكتة عسب جذة يضربج حبيبتي خبري اهلج ماعليج منه خليه يوقف حده صدق مايستحي ع ويهه

[الطواشة]

اي مستشفى اروح في بوظبي خواتي ساعدوني احس اني انذليت ابي اشتري هالمرة كرامتي

[دانه الكون]

اي مستشفى اروح في بوظبي خواتي ساعدوني احس اني انذليت ابي اشتري هالمرة كرامتي

اي مستشفى حكومي/عندهم طورائ
و اكيد في قسم للشرطه داخل المستشفى

تقدرين تسالينهم و راح يفيدونج

[قلبي بزي]

قطعتي قلبي الله يعينج

[Ward-uae]

الا الضرب يعني هو شافج تنزفين وما ركض ييب ثلج او يداويج او يسألج اوديج المستشفى
المشكلة انه عادي ينسجن فكلمي عمج وخليه يشوف ضربه لانه السالفه مب شوي عادي يسويلج عاهه

[مالتيزرس]

روحي مستشفى خليفة حكومي سيري او برجيل او النور هذا خاص ويتعاملون بثقة تلاحقي عمرج وزخي عليه دليل ..شو هو الدنيا فوضى عنده وانتي الله يهداج ساكته عليه ..هذا باجر بيجتلج وبيقول اهلها بيسكتون ومابتخبرهم ..الله يهديج بس خلج قوية ولاتسكتين عن حقج ..عيب ريال يمد ايده ع حرمة هاي مش رجوله..
وليش حبيبتي ماتخبرين اهلج ..خلي الموضوع يكبر حبيبتي نعم خليه يكبر ويوصل للمحاكم ولاتخافين منه هذا مااستحى يمد ايده ع بنت ناس خليه يوقع تعهد مايمد ايده خير شر ..انتي عندج كرامة وبنت ناس مب خدامة عنده تطعمين غنم .اقولج خبري اهلج خل يشتكون عليه وخبريهم ماينفق عليج وماعندج ملابس

[افناان]

مرحبا حبيبتي ، شو السبب اللي خلاه يسب الوالد ؟؟ و ثاني سؤال بينكم عيال او لا ؟؟ اذا الجواب نعم كيف اسلوبه مع عياله ؟؟

[الطواشة]

مرحبا حبيبتي ، شو السبب اللي خلاه يسب الوالد ؟؟ و ثاني سؤال بينكم عيال او لا ؟؟ اذا الجواب نعم كيف اسلوبه مع عياله ؟؟

بدون سبب جذي بس .. من بداية العرس تم جي يسب على كل مشكلة .. لان ابوي ف يوم العرس قاله معرس يابس وماعرف شو السبب .. مثلا اذا حرقت وانا اكوي يقولي غبي طالعه على ابوج .. بنت فلان الغبي .. و كذا ..

عندي طفلين سنتين و نص و الثاني 8شهور .. و اسلوبه ويا عياله دلع في دلع و عمره ما مد اييده عليهم

[الطواشة]

روحي مستشفى خليفة حكومي سيري او برجيل او النور هذا خاص ويتعاملون بثقة تلاحقي عمرج وزخي عليه دليل ..شو هو الدنيا فوضى عنده وانتي الله يهداج ساكته عليه ..هذا باجر بيجتلج وبيقول اهلها بيسكتون ومابتخبرهم ..الله يهديج بس خلج قوية ولاتسكتين عن حقج ..عيب ريال يمد ايده ع حرمة هاي مش رجوله..
وليش حبيبتي ماتخبرين اهلج ..خلي الموضوع يكبر حبيبتي نعم خليه يكبر ويوصل للمحاكم ولاتخافين منه هذا مااستحى يمد ايده ع بنت ناس خليه يوقع تعهد مايمد ايده خير شر ..انتي عندج كرامة وبنت ناس مب خدامة عنده تطعمين غنم .اقولج خبري اهلج خل يشتكون عليه وخبريهم ماينفق عليج وماعندج ملابس

حبيبتي دخلت اهلي قبل من زمان ماشي فايدة بروحه يا لعندي وردني و حلف ما يمد اييده و لازم اناا اصبر و اتحمل بس ماشي فايدة .. كم مرة ضربني و ندم و يمسك ايدي يصفع عمره .. اللحينه لا انا ابلعه و لا هو كارهين بعض

[الطواشة]

الا الضرب يعني هو شافج تنزفين وما ركض ييب ثلج او يداويج او يسألج اوديج المستشفى
المشكلة انه عادي ينسجن فكلمي عمج وخليه يشوف ضربه لانه السالفه مب شوي عادي يسويلج عاهه

لا هو ما جاف لان لفيت ويهي و عمي ما اقدر اخبره لان ريال مسوي عملية زرع كلى و عنده سكر و عادي يعصب عليه و مب زين لصحته .. مب قادرة امشي اصلا

[oranaise]

الله يهديه ويعينك
اقول اذا ممكن تخبري اخوج يوضع له حد

[دانه الكون]

انا اعرف وحده

اتقول لريلها ..لو فيك خير مد ايدك علي
و دفانك راح يكون في بيتك

والله بدون مبالغه هههه

و الريال متروع (اول مره اشوف مثل هالحاله )

[افناان]

بدون سبب جذي بس .. من بداية العرس تم جي يسب على كل مشكلة .. لان ابوي ف يوم العرس قاله معرس يابس وماعرف شو السبب .. مثلا اذا حرقت وانا اكوي يقولي غبي طالعه على ابوج .. بنت فلان الغبي .. و كذا ..

عندي طفلين سنتين و نص و الثاني 8شهور .. و اسلوبه ويا عياله دلع في دلع و عمره ما مد اييده عليهم

شوفي حبيبتي
انا من رايي دام الريال ما يشرب ولا عنده خرابيط و خيانات و زين حق عياله فالصلح خير ، اعتبري العصبية عيب من العيوب العادية و تكيفي معاها و اذا هدأ كلميه بخصوص الضرب ، اما انج تخربين بيتج عشان عصبيته لا و الف لا ، حالتج ولا شي بالنسبة للي ريلها يخونها و يجيب لها المرض الجسدي و المعنوي ،، ادعي له بظهر الغيب بالهداية و استغفري وااايد و مرده بيتغير لج باذن الله ، مهما يطول الليل لابد يطلع النهار ،، اعرف وحدة ريلها كان يضربها و هي حامل و صبرت عليه و الحين صار ما في احسن منه و كبر و عقل
عليج بالدعاء و الاستغفار و الله يصلحه لج و يسخره