اتسببت بخياطة في ويه ريلي

[Hanofi]

بدون مقدمات
انا واااااااااااااايد عصبيه وكذا مره قلت لريلي لما اتعصب ما يتمادى ويسكت عني وانا ارد اعتذر والله
بالاشهر الاخيره من مارس تقريبا كل مرة يستفزني اقوله تراني احس انك بتعصبني وانا ما بتعصب واسير عنه
المهم من يومين وااااااااااااايد عصبت وهو زادها كلام جارح رميت الي بايدي في ويهه واتسببت ب 3 غرز بالمستشفى
الحين شسوي بدون تأنيب وايد ترا هوه غلط علي خلاني ماحسيت شسوي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هنايف35]

العصبيه علاجها القران الكريم والصدقة والصلاه بأوقاتها حبوبة شكلج ما تسوين بعض من هالاشياء قعدي اقريلج جم سورة وراح ترتاحين من سالفت العصبيه نهائيا نحن لو ريايلنه يعصبون فينه بس مب لدرجة انمد ايدنا على ريايلنا الريال له احترامه مهما قال الا اذا مد ايده بالضرب هنيه حطيله خط احمر بس الصراحه اللي سويتيه شي قوي واعتقد راح يغير شي بمشاعر ريلج لانه المرءه طبعا الهدوء ولازم تكونين انثى قبل كل شي لانه الضرب مب من انواع الانوثه الله يهديج روحي خذيله هديه واعتذري له

[Hanofi]

حاولت اعتذر قالي لاتأمزين الأمور اكثر وتظغطين علي اطلقج
امي تقولي خلاص خليه ما اعرف وين الصح

[jumana]

صراحه ماعرف شو أقول أو أعلق


ماقدر أقول غير الله يهدي النفوس ان شاء الله، وتعدي الأمور على خير

[ليندااااا]

الله يهديج ويشفي ريلج
صراحة الله يعينه ويعطيه الصبر
مو لدرجة تضربينه الله يهديج 
الوحدة بس تضرب واحد من عيالها قلبها يعورها عليه وهو عيل صغير ينسى
كيف لو كان ريال طول بعرض
راجعي نفسج الله يهديج واتركيه هالفترة لين يهدأ
وخلج صبورة مع ريلج بالذات لان ما حد بينفعج من اهلج لو صار شي بينكم لا قدر الله

[رباب حمدان]

ولللللل

الله يعينج

[مالتيزرس]

الله يهديج بس ...
ادعي بسجودج الله يخفف عنج العصبية ..ترا باجر انتي راح تدفعين الثمن ويروح يدور وحدة يرتاح وياها بعيد الشر عنج ..حاولي تعامليه بلطف وكل ماحسيتي بالعصبية اتبعي التالي
1_اتوضي وضوء صلاة .
22_صلي لج ركعتين
3_غيري من يلستج اذا كنتي قاعدة ارقدي والعكس اهم شي تعيري ..

الله يهدي النفوس

[Hanofi]

الحين انا شسوي اخليه فتره بروحه والا احاول اراضيه؟

[المعآني]

راضيه وراويه التغيير بس بدون ضغط وتلصق زايد
اخذي له هدية مميزة وباقة ورد واكتبي له رسالة
و خلج متأثرة ودموعج بعينج مب كأنه اللى سويتيه عادي
و اعتذري له وخبريه انج تحبينه وتتمنين لو انها فيج ولافيه
ومن هالكلام .. واهتمي فيه هالفترة واستغفري كلما حسيتي بغضب وتوضي ..

[مالتيزرس]

راضيه وراويه التغيير بس بدون ضغط وتلصق زايد
اخذي له هدية مميزة وباقة ورد واكتبي له رسالة
و خلج متأثرة ودموعج بعينج مب كأنه اللى سويتيه عادي
و اعتذري له وخبريه انج تحبينه وتتمنين لو انها فيج ولافيه
ومن هالكلام .. واهتمي فيه هالفترة واستغفري كلما حسيتي بغضب وتوضي ..

كفت ووفت كنت بقول نفس كلامها ..
لاتتريين اعتذري له حار بحار

[future dreams]

لكل وحده تقول الحرمه مظلومه دايما وابدا
تدخل هنيه وتشوف انه حتى الزوجه مب معصومه عن الغلط وانه الزوج ينظلم احيانا ..

اسفه لكن انتي كيف طريتي وجه زوجج؟!
الله يعينه ويعينج عصبيتج بتوديج في مصيبه

[رومنسية 84]

الله يهديج بس ...
ادعي بسجودج الله يخفف عنج العصبية ..ترا باجر انتي راح تدفعين الثمن ويروح يدور وحدة يرتاح وياها بعيد الشر عنج ..حاولي تعامليه بلطف وكل ماحسيتي بالعصبية اتبعي التالي
1_اتوضي وضوء صلاة .
22_صلي لج ركعتين
3_غيري من يلستج اذا كنتي قاعدة ارقدي والعكس اهم شي تعيري ..

الله يهدي النفوس

[Yazi.90]

حبيتي يوم تعصبين اذكري الله وتعوذي من الشيطان
وقومي من مكانج اللي انتي فيه وتوضي وصلي ركعتين ،،

الله يعينج صراحه اللي صار مب هين ،،
بس انا اقول بيني حق ريلج انج ندمانه اشد الندم
و قولي له انج مابتعيدينها مره ثانيه و من هالكلام ،،
يا اختي لو اي واحد مكان ريلج كان بيطلق يمكن ولا بيقوم الدنيا ومابيقعدها
احمدي ربج على ريلج و احتويه وحطيه ف عيونج ،،

[ام لامية]

حبيتي يوم تعصبين اذكري الله وتعوذي من الشيطان
وقومي من مكانج اللي انتي فيه وتوضي وصلي ركعتين ،،

الله يعينج صراحه اللي صار مب هين ،،
بس انا اقول بيني حق ريلج انج ندمانه اشد الندم
و قولي له انج مابتعيدينها مره ثانيه و من هالكلام ،،
يا اختي لو اي واحد مكان ريلج كان بيطلق يمكن ولا بيقوم الدنيا ومابيقعدها
احمدي ربج على ريلج و احتويه وحطيه ف عيونج ،،

لو كان واحد من ريايلنا كان طلق مرته بلحظتها
عندك جوهرة وما تعرفين قيمتها
الاعتذار شوي عليه حبي على راسه وتأسفي وطلبي السماح ترى اللي سوتيه مو شوي الله يشفيك من العصبية

[أهلي عزوتي]

هههههههه
كيف يا في بالج تضربين الريال ،،اللهم استرنا بسترك
أني شكلج مو حاطه لنفسج حدود و تتحججين بالعصبية

أنا أفكر في الريال المسكين اكيد نفسه مو هاينه عليه ،،و أقول بعد كيف رقعتوا السالفه انج انتي ضربتيه !!!! و الا طاح بروحه !!!!

الله يعين ريلج و عيالج و اهلج كلهم

الانسان يحط لنفسه ضوابط في الحياه ما يتصرف باللاوعي و انه ما عليه من غيره و مطنش ،،و اذا فات الفوت يتحجج ..باشياء تافهه

مشكله باجر اذا اذيتي حد من عيالج اذيه تقتلج لوم