ريلي ضربني جدام أهله

[Yazi.90]

حبيبتي اتصلي ف اهلج وخبريهم دام اهله ماسوو شي ،،

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الطواشة]

مابا ادخل اهلي ف السالفه لان لو دخلت السالفه ما بتتسكر

[لحنْ #]

اختي تقولين يضربج ، يعني هاي مب اول مره .. الفرق ان هالمره الاولى اللي قدام اهله
يعني شو ؟ يعني الموضوع تطور ، ليه تطور ؟ لان يشوفج ضعيفه
ف لا تستغربين فديتج يوم تشوفين هالموقف يتكرر ومب قدام اخته وامه بعد ، قدام اهله كلهم ..
ماقول الا الله يستر عليج

[love rak]

اختي شو معناته ما ب تتسكر السالفه ؟؟؟؟ هل اهلج موقفهم ضدج ؟ والا ضعيف ؟ والا شو بالضبط ؟

اختي انتبهي ها يضرب ركزي بارك الله فيج ...
اختي مثل ما قالولج أتصلي باهلج وخلي واحد عاقل يدخل

[love rak]

من قرايتي لمواضيعج السابقه .. شكله ريلج عنده ديون ومضغوط وانتي ما تقدرين هالشي ..وبديتي شكلج تطفرين من الحالة الاجتماعية واطفرين ريلج وياج ...
حبيبتي صلي ع النبي وحاولي تيلسين يلسة فيها نقاش جاد مع ريلج عن أحوالكم المادية وتستعيدون الأيام الحلوة الي بينكم .. وتحاولين تصبرين عليه وطبعا بوجود شخص عاقل بينكم يوقفه عن حده وما يمد ايده .. ولا تنرفزين ريلج وتخليه يمد ايده ..

[Cobon]

طنشيه ولا تعطينه ويه خير شر
ولا تلصقين فيه مول
ولا ترمسينه
خليه يحس بغلطته
مب من مسك ايدج رضيتي بسرعه

بس لا تطلعين من بيتج

[jumana]

أنا احترت يعني مرة تبين تتطلقين ومرة ماتبين تخبرين الأهل لانه السالفه مابتتسكر والحل يعني ؟

الحل في ايدج ... إنتي خليتيه يتمادى بالضرب من البدايه ... المفروض هالشي مايصير بس إذا تعود خلاص عادي عنده


لازم تاخذين موقف حازم ومب يعني قال تعالي تسيرين له ...تفاهمي وياه وقولي حقه بتمد ايدك مره ثانيه بخبر هلي

[jumana]

أنا احترت يعني مرة تبين تتطلقين ومرة ماتبين تخبرين الأهل لانه السالفه مابتتسكر والحل يعني ؟

الحل في ايدج ... إنتي خليتيه يتمادى بالضرب من البدايه ... المفروض هالشي مايصير بس إذا تعود خلاص عادي عنده


لازم تاخذين موقف حازم ومب يعني قال تعالي تسيرين له ...تفاهمي وياه وقولي حقه بتمد ايدك مره ثانيه بخبر هلي

[bnooota]

أمه واخته كانو ماسكينه و يهدونه
اليدديد ان تم يحاول يطلعني من الغرفة ان خلاص ماصار شي .. بس انا قلتله كلام رد عصب قلت ابيك تعتذرلي جدام اهلك .. هو ما يبا يبيين لاهله هو الغلطان ..

اخته و امه من بعدها ما مرو يجوفوني .. اكيد ريلي مانعنهم ..


انا مقررة أطلق دوم كان يضربني ف الغرفة و اايوم جدام اهله و من فترة كله يصارخ علي جدامهم والحل الطلاق بس كيف وهو مايبا يوديني بيت اهلي

السلام عليكم أختي
الله يعينج و يهدي ريلج - في برنامج حماية المراه و الطفل - كلميهم - يحتفظون على سرية الشخص و يبدوروونلج حل - و لو ريلج ما منه فايدة - ها بيكون في صفج إذا حصل طلاق لا سمح الله - و اللي سمعته إن الريال اللي يضرب حرمته يدفع غرامة 70 الف - غلطتج سكتي من الاول. خبري اهلج و خذي المشورة من اهل الخبرة و الله يوفقج

[[..دانــة..]]

ما تقعدين دقيقة
ولازم أهلج يعرفون
لا تسكتين لهالشي ابدن من أولها عطيه العين الحمرا
عسب ما يكررها مره ثانيه

[احلى بعفويتي]

اختي حطي الموضوع كامل مافينه نظلم الريال هاي ايام مباركه وادعي الله يسرلج امورج

[أم زمرده]

اللهم افتح لنا في شهرك الكريم أبواب فضلك، وأنزل علينا فيه بركاتك، ووفقنا فيه لموجبات مرضاتك،،، يا مجيب دعوة المضطرين

[مالتيزرس]

الله يهداج اليوم ضربج جدااام اهله ..بلجر بيضربج جدام خلق الله فالشارع ..هذا ماحشمج جدام اهله بيحشمج جدام الناس ..لازم توقفينه عند حده لاتكوني باردة لانه باجر بيستقوى عليج بيقول عايبنها الضرب وساكته خبري ابوج اخوج او امج لاتسكتين غناتي ..انتي طلعاي من بيت اهلج بكرامتج مرفوعة راس الغلا مش تنذلين وتنضربين ليش وين قاعدين بغابة

[رومنسية 84]

زين شو ردت فعل الام والاخت؟ معقول سكوووت ..

شلي اغراضك اختي والعيال الصبح عند بيت هلك ... وبس ...

ماتطعلين من بيتهم الا ومتعهد انه مايضربك ... غير هذا مايفيد .. هذا رأي انا .. بس انتي ادرى به

لان هذا يمكن يمكن ... يظن انك عااادي او ماتتكلمين.. او نظرته سلبيه اتجاه اهلك ...

ثاني شي يمكن في المستقبل يضربك جدام العيال .. بعدين شلون بيحترمونك ! عيب هذا الشي اختي .. انتي اهم وزوجه .. وهله

مثل اهلك ... مايصير

[khaleejiya]

اختي ممكن نعرف شو السبب اللي خلاه يعصب عليج؟؟