ريلي ضربني جدام أهله

[الطواشة]

ضاقت فيني الدنيا ...

ضربني جدام امه و اخته ..
و قالي ما ابيج ..
و عقب ساعات قال رقدي الولد و تعالي ألصقي فيني ...

هذا اي نوع من البشر .. والله ياحريم ان لين اللحين ما حطيت لقمة ف حلجي من الهم .. و ما طلعت مالي ويه أطالع امه و اخته بعد اللي صار ... ما اقدر اسامحه ماعرف شو اسوي عطوني حل..

ما خبرت حد من اهلي ... مافيني المشاكل اتزيد

بقولكم ليش صفعني و لحق وراي للغرفة عقب امه و اخته تمو يمسكونه ..

بس لان صرخ علي قلت تبي اتصارخ علي تعال بنسير للغرفة ..
وقام و ضربني ... يصارخ من دون سبب عصبي من الصيام

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dxb_love]

الصيام مو عذر , الله يعينج اختي

[زم_قمر_ان]

الله يهدي سركم إذا هذي أول مره لا تخبري حد من اهلج بس لازم تاخذي موقف وتخليه يعتذر ويجيب لج رضوه وحاولي قدر الامكان إذا كان معصب لا تكلميه ولا تناقشيه ابدلما يهدأ والله يستر عليكم

[رسايل غلا]

يعني لو كان صايم ترى الصيام مب عذر عشان يمد ايده عليج
والمفروض اي حرمة ريلها يمد ايده توقفه عند حده
مب كل ريال ياخذ حريته ويضارب ع كيفه لازم انتي بعد
تحاولين جهدج تخلينه يحترمج, خليه يحس انج قوية مب ضعيفة
عشان هو بنفسه اييج ويعتذر وما يمد ايده مرة ثانية
وقفي جدامه وقفة جادة وقولي بكل هدوء: تبا تسوي اي شي سوه هني والباب هذا مسكر
جدام أهلك تحترمني مثل ما أنا أحترمك جدام أهلي.
حتى لو عصب وحاول يمد ايده مرة ثانية تمي ع كلامج هذا ولا تلينين
او بس تيلسين زعلانة تتريينه يراضيج من نفسه وهو يمكن مب حاس فيج.

والله يهديه ويصلحه

[السنقباســـية]

لا حول ولا قوة الا بالله شو صاير فيهم هالرياييل ...... لازم تكلمينه لانه صدق صدق صدق الرياييل مول مايحسون ومايعرفون انج مضايقة وايدين يتحرون عادي والحرمه تنسى ......الخ
لازم اتكلمينه وتقوليله انه هالشيء لا يرضي ربك ولا اهلك ... ولا اهلي ... كيف يمد ايده !!!! وين الاحترام والمعزة والعشرة وبينكم ولد ماشاءالله ... مايصير جيه ... ليش الرياييل جيه ( يوم يبا شيء صار احسن انسان ف الدنيا وبعد هالشيء او قبله !!! ولاااااا همهم ) ... يعني الحرمه كيف تييك وانته تعاملها جيه ؟ هو عادي عنده يحب مايحب زعلها ما زعلها عادي يلا تعالي وخلاص جيه شو!!!!!!! وين الاحساس والمشاعر والانسانية

حسبي الله ونعم الوكيل ربي يهديه و ان شاءالله يتصلح الي امبينكم .... ويراضيج والمفروض جدام امه واخته ..... الوحده ماترضى جيه ع نفسها ..

[Yazi.90]

انزين وين اهله عنج وين امه شو موقفهم يوم ضربج جدامهم ؟
اللي يمد ايده على حرمه مسكينه لا لها حول ولا قوه مب ريال اساسا
ماقول الا الله يبرد حر مافيج ويهديه ان شاءالله

[اشراقة أمل]

زين شو ردت فعل الام والاخت؟ معقول سكوووت ..

شلي اغراضك اختي والعيال الصبح عند بيت هلك ... وبس ...

ماتطعلين من بيتهم الا ومتعهد انه مايضربك ... غير هذا مايفيد .. هذا رأي انا .. بس انتي ادرى به

لان هذا يمكن يمكن ... يظن انك عااادي او ماتتكلمين.. او نظرته سلبيه اتجاه اهلك ...

ثاني شي يمكن في المستقبل يضربك جدام العيال .. بعدين شلون بيحترمونك ! عيب هذا الشي اختي .. انتي اهم وزوجه .. وهله

مثل اهلك ... مايصير

[love rak]

اختي لا تسمحين بالضرب ابدا وراي من رأي حياة بائسة
لانج صدقيني اذا سكتي ورضيتي بسهولة بالمستقبل الله يعينج
هالشي الله ما يرضيه والدنيا رمضان

[love rak]

اتحصلينه ندمان من جي قالج تعالي الصقي فيني

[love rak]

نشي اقري سورة البقرة واستغفري وايد وصلي استخارة بأي قرار اتفكرين فيه .. قومي ادعي واذللي لرب العباد .. طلعيلج من النت دعاء لزوج وكل يوم اقري
ونصيحة لا تستفزين ريلج ولا تردين عليه جدام اهله .. ولو حتى بدأ يغلط يمكن هو من النوع العصبي وايد .. حاولي اتغيرين السالفه بضحك

[الطواشة]

أمه واخته كانو ماسكينه و يهدونه
اليدديد ان تم يحاول يطلعني من الغرفة ان خلاص ماصار شي .. بس انا قلتله كلام رد عصب قلت ابيك تعتذرلي جدام اهلك .. هو ما يبا يبيين لاهله هو الغلطان ..

اخته و امه من بعدها ما مرو يجوفوني .. اكيد ريلي مانعنهم ..


انا مقررة أطلق دوم كان يضربني ف الغرفة و اايوم جدام اهله و من فترة كله يصارخ علي جدامهم والحل الطلاق بس كيف وهو مايبا يوديني بيت اهلي

[اشراقة أمل]

اهاااااااااا يعني هو دايما يتعدى .... عيب

اتصلي على هلك تلفون ..وخبريهم القصة .... او انتي تعرفين العنوان ... انتي حرمه عاقله وكبيره خذي العيال وخذي تاكسي وردي بيت اهلك ...

وخلاص ....هو بينصدم من القرار ...يمكن الله يهديه ويحب يرجعك ... يمكن لا ... انتي وقرارك ...انتي رايحه بيت هلك ... مب رايحه بيت غريب ...

بس انتي وقرارك .....

[المعآني]

لا الغالية لا تطلعين من بيت ريلج بتاكسي وغيره
خلي اهله يكلمونه بدون لايعرف انج مكلمتنهم
واذا مافاد حاولي تييبينه بدلعج باسلوبج بدموعج
مانفع دخلي حد عاقل من اهلج بكلمه .. لكن حركة
نطلعين من نفسج هاي تنرفز الرياييل وتخليه يعند ولا بيراضيج ..

[ملاآك قلبكـ،،]

دام من اول مره سكتي
كان لازم هالشي يصير
لانج فتحتيله المجال

قبل فالحجره
الحين جدام اهله
باجر فالشارع
وقفيه عند حده الحين

لانج اذا سكتي بيتعود
بالذات هو مانعنج تزورين اهلج وهذا مب من حقه ابدا

[اشراقة أمل]

مااتصور ان حرمه زوجها يضربها في كل مكان ... تنزل له بحركات ودلع ... معناها مب بني ءادم هذه! هو يمكن يحتقرها بعدين ... يقول كل ماضربتها كل ماتحسنت اكثر! مب كل الناس اختي عقليه وحده في ناس مستهدين في ناس لا ....

انا اعرف زميله لي أيام الدراسه زوجها اخر شي ضرب ابوها ! من كثر ماهو مب مسوي سالفه لحد! والحين طالبه الطلاق ....

مااعرف ليش اذا الحرمه ساكته معناها هي احسن وهو الله يهديه .... زين ليش ماهو يكون مراعي للحرمه ... ويحترم زوجته الكريمه وام عياله

ليش الحريم في هذا الزمان تعلمن ويشتغلن وغيره ... عشان يستمر الزوج بالضرب والكبت لهن ...


فرضي مره ضربها (في حال كانت صادقه من ناحية الضرب اذا كان مبرح) ضربها بصوره شديده .. راحت عينها لا انصابت بصوره قويه او صابها ارتجاج

من بينفعها بيطلقها .. وبيتزوج وحده ثانيه ... وانتهت قصة الزوجه الباره !!!

وتكتب قصتها هني في المنتدى مره ثانيه .. وبنعلق انه رياييل مافيهم خير ... واصبري مثواك الجنه!!

ماتصور خواتي الإسلام طلب من المراه تصبر ولكن ليس الى هذا الحد ( في حال كان ضرب مبرح واهانات)

ثاني شي هي بهذه الطريقه تعتبر ماعندها هل .. يعني مايحترم ان ماخذنها من بيت .. ولها هل ...

بعدين بيتعدى حتى على هلها !


والضرب هذا في الأخير شو سببه ! ليش يضربها ... هل هو يقلد أصدقائه يعني يضربون حريمهم وماثرين عليه....

هل هو طبعه عدائي .... او يريد يتزوج عليها ... في كثير أسباب ....

هي تعرفهم ....


هي بنفسها بعد ماضربها يوم طلبها كانت متضايقه ... لانها انسان مب عبده!!! مب الى هاي الدرجه المراه ...

واذا ضلينا نصور المراه على أساس عبده ... خلاص ليش العبدات يربن عيال المستقبل ... ندور نساء حرات اكثر

كيف عيالها بيحترمونها! مااعرف

تعتقدون ان احترام الام و الاب من المسلمات ...

لا طبعا ... في أسباب تلعب دور ...