جنس الجنين

[^ام سلطان^]

مرحبا بنات شحالكم

انا سرت اشيك في العياده
لان ينزل علي افرازات بنيه

انا بالأسبوع 12 بالضبط
قالت لي كل شي تمام واحتمال الإفرازات بسبب
الحركه والتعب
قالت لي تبين تعرفين الجنس
قلت لها اذا يبان قولي
تمت تشوف وعقب قالت لي
ماشي بين جدامي فاجزم انها بنت
الحمدالله خير وبركه
هل خلاص اعتمد على الله ثم على كلامها

تجاربكم بنات بخصوص الأسبوع 12

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

ربيعتي كان يقولون لها اكيييييد بنت ، ويوم ربت ماتشوف الا ولد خخخ ^^ ف هالشي بالذات انا ماصدق كلام الدكاتره فيه
خليها ع الله ، اهم شي الطفل يكون بصحه ويولد بشكل طبيعي وسليم
الله يسعدج :*

[الورقا]

احس توه الناس في الاسبوع ال ١٢ ما ايكون واضح يمكن في المرة الياية بتكون الصورة اوضح وبتقدرين تعتمدين على كلامها

[^ام سلطان^]

ربيعتي كان يقولون لها اكيييييد بنت ، ويوم ربت ماتشوف الا ولد خخخ ^^ ف هالشي بالذات انا ماصدق كلام الدكاتره فيه
خليها ع الله ، اهم شي الطفل يكون بصحه ويولد بشكل طبيعي وسليم
الله يسعدج :*

والنعم بالله ..هي والله كنت خايفه من هالافرازات والحمدالله كلهم خير وبركه

احس توه الناس في الاسبوع ال ١٢ ما ايكون واضح يمكن في المرة الياية بتكون الصورة اوضح وبتقدرين تعتمدين على كلامها

صح يالغلا بس يوم قلت لها كيف عرفتي قالت مأسوف شي يُبين بين ريولها ماعرف حق هالدكاتره الله يحفظنا ويرزقنا السليم المعافى

[مالتيزرس]

انا يوم سرت فالاسبوع 14 كان مب مبين ..وعقبها بثلاث اسابيع سرت قالت لي بنت ..
حتى بنتي البجر بعد نفس الشي مابينت الا فالخامس ..فطبيعة البنت ماتبين بسرعة

[^ام سلطان^]

انا يوم سرت فالاسبوع 14 كان مب مبين ..وعقبها بثلاث اسابيع سرت قالت لي بنت ..
حتى بنتي البجر بعد نفس الشي مابينت الا فالخامس ..فطبيعة البنت ماتبين بسرعة

الله يخليهم لج ويبارك لج فيهم

ترى هي يمكن استعيلت بالموضوع بس كلهم خير وبركه

[عواش2015]

اتريي كمن اسبوع وخليها اتجيك بعد
الله يسهل علينا

[^ام سلطان^]

اتريي كمن اسبوع وخليها اتجيك بعد
الله يسهل علينا

باْذن الله يالغلا بسير ع موعد مارآح اشيك ثاني مره والله يكتب اللي فيه الخير ويعطينا الصالح المعافا البار ويسهل علينا وعليجً 💕

[الجوري1991]

انا فالاسبوع ال12عرفت جنس البيبي وقالت الدكتوره ولد وشفت وياها فالسونار مبين وتاكدت منه فالاسبوع 15 .. دايما الاولاد يبين العضو بسرعه ..الله يرزقج بلي تتمنينه حبيبتي

[لؤلؤه دانه]

اتريي لين تدخلين الثالث وردي اتاكدي افضلج وبنت ولا ولد كلهممم نعمه من عند الله

[^ام سلطان^]

انا فالاسبوع ال12عرفت جنس البيبي وقالت الدكتوره ولد وشفت وياها فالسونار مبين وتاكدت منه فالاسبوع 15 .. دايما الاولاد يبين العضو بسرعه ..الله يرزقج بلي تتمنينه حبيبتي

الله يوفقج ويحفظ لج إياه يارب ويسهل عليج

اتريي لين تدخلين الثالث وردي اتاكدي افضلج وبنت ولا ولد كلهممم نعمه من عند الله

بسير ع موعدي بالحكومي عقب وكلهم خير وبركه والله يوفقج يالغلا

[^ام سلطان^]

رديت لكم عقب ماكملت 21 أسبوع وسويت سونار تفصيلي
3D وطلع الجنس عكس اللى قالت لي الدكتورة

يعني فعلا بنات لا تسوون سونار جنس الجنين الا بالاسبوع 20 افضل

والله يوفقكن

[Umm_sel6aan]

نفسي في حملي اللي قبل
قالت لي الدكتوره بنت في نص الثالث
و في الرابع قالو ولد

[راقية بطبعها]

انا أحس الدكتورة الشاطرة يبين عندها من الأسبوع 13
طبعا اذا كان البيبي مب مسكر ريوله
لكن الأدق و الأكيد في الأسبوع 15 يكون صح ان شاء الله
أنا فيني فضول باجر بدخل الاسبوع 13 أفكر أسير أجيك
بس بعد اقول لو أصبر أسبوعين احسن
في بنتي عرفت اول ما دخلت الرابع يعني الاسبوع 14 وكان صح

[طيبة*قلب]

يعتمد على شطاره الدكتوره
بولدي الدكتور قلي بنت وورانا شي انها بنت
طبعا انا مارحت لدكتور الا لاني تعبت وبيوم جمعه
بعدها بشهر رحت لدكتورتي في البدايه ولدي مسكر مايبي يفتح
جلست الدكتور تحرك تحرك مافي قالت كذا مقدر اقلك بنت او ولد
وتضغط على بطني بشويش وتحرك وكان على خصيته الحبل السري
قالت مو واضح لان على مكان العوره الحبل السري خلته يتحرك وبان