نظرات الحريم!

[رسايل غلا]

السلام عليكم ورحمة الله وبركاته
صباح/مساء الخير

من زمان ما طرحت موضوع بس مازال نفس الموقف يتكرر جدامي عسب هالشي قلت اتناقش وياكم فيه.

أكيد كل حرمة تغار على ريلها وما تباه يطالع حد غيرها لكن تصرفات بعض الحريم تقهر وتضحك في نفس الوقت ما أدري ليش جي يسون؟!
المهم بقولكم الموقف, كنت أمس في المستشفى سايرة عشان الموعد مالي ومب متفيجة حق اي شي ثاني لأن الموعد هذا كان وايد مهم
يلست عالكرسي اتريا فدشت وحدة وريلها, شي طبيعي او عادي يوم حد يدش من الباب الواحد يرفع راسه او يلتفت ويطالع منو دش
ما نقدر نتحكم في هالتصرف, المهم انا رفعت راسي وجفتهم وعقب نزلت راسي عادي ويلست اطالع في التيلفون, وهم كانوا جدام الغرفة اللي عند الرسبشن يوم رفعت راسي مرة ثانية احصل الحرمة نفسها اللي ويا ريلها تخزني بعيونها وكل شوي تلتفت اطالعني وعقب اتلف اطالع ريلها!!

نعم خير اختي شو عندج تخزيني؟ حسيتها شوي وتيي لين عندي عسب تسألني, ما اهتميت الها ولفيت ويهي.
الحين سؤالي ليش الحريم جي؟ كل وحدة تتحرى البنات يطالعن ريلها ولا معجبات ولا أي شي!!! شو مشكلتهن؟
ليش الوحدة ما تكون واثقة من نفسها ومن ريلها, كله يفكرن اذا الوحدة صدت بالغلط وجافت ريلها يعني بتم اطالعه طول الوقت
وبتسوي حركات وانها تباه, شو هالتفكير صدق خاطري اعرف؟!


حد يقدر يجاوبني على هالسؤال يا حريم وهل فيه وحدة فيكن تفكر جذي؟
بس قبل لا تجاوبن مابا وحدة تقول لو كنتي معرسة ولو كنتي مكانها...الخ لأنه هذا مب منطق ابدا.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سـكـر]

خخخخخخخخخخخخخخ

هذا الموضوع كنت اعاني منه قبل لا اتزوج وعقب ما تزوجت اطلع ويا عيالي وتخزني وحده بعينها نعم نعم يعني واضح اني ام ليش تخزيني

حتى انا متزوجه وسوري ع هالكلمه ( عندي ريال ) شو أبا في ريلج

عزيزتي صاحبة الموضوع ما عليج منهن وادري الحركة جدا مزعجه وتوتر بس هذا دليل عدم الثقه

الله يعافيهن

[Fa.R]

وعليكم السلام ورحمة الله وبركاته

تخيلت الموقف قعدت اضحك


الله يهدي الجميع


فالنهاية كل واحد عليه يغض بصره عن الثاني

[مالتيزرس]

ماعليج يمكن بعض من الحريم ع ريلها حركات وتعرف انه مغازلجي فخلاص كل تفكيرها وتعميمها انه ريلها عينه مبققة ع البنات فشي طبيعي بييها فضول وتطااع البنت اللي يطاعها ريلها ..وبتخزها فعينها . ..
وجهة نظر لا اكثر ..

[كتكوتة حبيبي]

يمكن تشك بريلها عشان جي تتحسس من النظرات!
مع اني ماشوف لها لزمه هالحركات الحرمه لازم تثق بنفسها وبزوجها ...

[Yazi.90]

هههههههههههههههههه
ضحكتيني والله ترا الكل يعاني من هالشي ،،
ولا اذا عطيتي نظره بالغلط تيود ايد ريلها
سلامات ؟ ترا مابناكله
على قولتج والله النظرات تكون عفويه من غير قصد !

بس بيني وبينج ترا من حقها الحرمه تخاف خاصة هالوقت ،،
لان الحين موضة البنات يتصيدن المعرسين ،،
و مانعمم عالكل لان في بعضهن بنات حلال والنعم فيهن ،،
بس شو تقولين خلاص ( الخير يخص والشر يعم ) ياختيه

[أم زمرده]

اللهم صل وسلم على سيدنا محمد في الأولين وفي الآخرين، وفي كل وقت وحين، وفي الملأ الأعلى إلى يوم الدين

[Ward-uae]

شرات ما فيه حريم جيه فيه العكس رياييل يكونون هالشكل بمسمى الغيرة 

[رسايل غلا]

خخخخخخخخخخخخخخ

هذا الموضوع كنت اعاني منه قبل لا اتزوج وعقب ما تزوجت اطلع ويا عيالي وتخزني وحده بعينها نعم نعم يعني واضح اني ام ليش تخزيني

حتى انا متزوجه وسوري ع هالكلمه ( عندي ريال ) شو أبا في ريلج

عزيزتي صاحبة الموضوع ما عليج منهن وادري الحركة جدا مزعجه وتوتر بس هذا دليل عدم الثقه

الله يعافيهن

هههههههههههههههه صدق الله يعافيهن
يعني اذا هي ما عندها ثقة بنفسها ولا ريلها شو ذنب بنات الناس!!!

تسلمين عالرد الطيب يالغلا

[رسايل غلا]

وعليكم السلام ورحمة الله وبركاته

تخيلت الموقف قعدت اضحك


الله يهدي الجميع


فالنهاية كل واحد عليه يغض بصره عن الثاني

الله يهديهم
بس اذا الواحد مب قاصد ويت عينه عليهم بالغلط ليش يكون تفكيرهن جذي كله شك ومراقبة بدون داعي!
تسلمين عالرد الطيب يالغلا

[رسايل غلا]

ماعليج يمكن بعض من الحريم ع ريلها حركات وتعرف انه مغازلجي فخلاص كل تفكيرها وتعميمها انه ريلها عينه مبققة ع البنات فشي طبيعي بييها فضول وتطااع البنت اللي يطاعها ريلها ..وبتخزها فعينها . ..
وجهة نظر لا اكثر ..

حتى لو كانت تشك في ريلها الناس الثانيين مالهم ذنب تيلس تراقبهم واللي ذكرتها في الموقف ريلها اساسا كان مشغول مع اللي فالرسبشن
وهي اللي كانت يالسة تراقب بدون داعي كنت ابا اضحك صراحة من تصرفاتها حسيت بغباء الموقف

الله المستعان
تسلمين عالرد الطيب يالغلا

[احتاجك..]

ههههههه صح والله لا وساعات البنت اللي بدون ريال تكون ماشية روحها او ويا ريعها تخزج انتي وريلج هههههه هاي يديدة

[رسايل غلا]

يمكن تشك بريلها عشان جي تتحسس من النظرات!
مع اني ماشوف لها لزمه هالحركات الحرمه لازم تثق بنفسها وبزوجها ...

الثقة لازم تكون موجودة بين الطرفين وهالحركات فعلا ما لها لزمة لانها تخرب عليهم
الحرمة لازم تثق في نفسها وفي ريلها لانه لو قللت هالثقة حتى لو بدافع الغيرة هي
اللي بتخلي ريلها يطالع غيرها.

تسلمين عالرد الطيب يالغلا

[لحنْ #]

هههههههههههههههههه
ضحكتيني والله ترا الكل يعاني من هالشي ،،
ولا اذا عطيتي نظره بالغلط تيود ايد ريلها
سلامات ؟ ترا مابناكله
على قولتج والله النظرات تكون عفويه من غير قصد !

بس بيني وبينج ترا من حقها الحرمه تخاف خاصة هالوقت ،،
لان الحين موضة البنات يتصيدن المعرسين ،،
و مانعمم عالكل لان في بعضهن بنات حلال والنعم فيهن ،،
بس شو تقولين خلاص ( الخير يخص والشر يعم ) ياختيه

[فوااغي 11]

شوفي حبيبتي الحرمه تعرف وتحس اذا هالبنت تطالعهم او لااا انا كل ماطلع ويا ريلي لازم احصل هالاشكال اللي مايشلون عينهم عنا ويعرفون ان نحن حاسين بس لا حياة لمن تنادي وفي ناس بالغلط وينزلون عيونهم ولا كان شي صاار
بس صدق اختي المعرسات الحين يخافن على ريايلهم الحين البنات مب الكل يبققن عينهم ع الريال والريال مايصدق خبر ع طوول يطالع يعني في الزين وفي الشين ..

الله يرزق كل البنت الزوج الصالح