مشكلة ...

[مالتيزرس]

خواتي أنا اعاني من ربو يعني ضيجة فالصدر وماروم اتنفس وصفير ..وما اشم شي ولا أطعم شي ..
بتقولون لي وين المشكلة انيي ع صلب الموضوع .

يعني ما أقدر اتعطر ولا اتدخن اذا تعطرت وللا اتدخنت الله المستعان اتيني ضيجة وما أقدر اتنفس واحس بصفارة فصدري ..حتى الكريمات واللوشنات ماروم احطيهن ويوم أغسل ثيابي فتايد أحس الريحة تضرب فصدري وينكتم ..حتى عطوراتي ماتهنيت فيهن مكودات ع التسريحة ..خاطري اتعطر وأتدخن مثل الاوادم والناس ما اقدر احس فكتمة وأتم أكح طول الليوم ..الله لا يراويكم الحال صدق اللي جرب الربو بيحس فالمعاناة بعيد ااشر عنكم ..نفس الشي ما اقدر ادش المطبخ أشم ريحة شياط وطبخ لازم كمامات
الحمدلله ع كل حال .

اللي وياه هالمشكلة كيف يتصرف ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

مشكله صراحه ، ماعندي الحل
بس حبيت ادعيلج بأن الله يشفيج ويسهلها عليج ويسعدج :*

[مراسيل الوفاآ]

ماعرف اذا نوع العطر يأثر عليج بعد ولا، يعني لو ما تقدرين ع العطور المركزه
اختاري الخفيفه اللي اتم كمن ساعه وتقدرين اتدخنين ثيابج وتحطينهن ف الكبت
ولين ما تلبسين هالثياب بتكون الريحه ثبتت بس خفت مب بنفس قوه ريحتها اول
ما اتدخنينهن




الله يشفيج ويسهل عليج اختي

[الوردة الجورية]

اختي الدخون وااايد يأذي

بس العود بروحه احسه عادي بس على الخفيف

السباحة زينه حقج تفتح الشعب الهوائية نفس مفعول البخاخات

العطور العربية مثل دهن العود والمسك والورد الطائفي و المخمرية احس انهم بكميات قليلة عادي مايسوون شي

عكس العطور الفرنسية اللي احس اغلبها كيماويات و احس بغثيان من بعضها و مرات صداع

فاحط بس رشة او رشتين على الفساتين و قمصان النوم

[Yazi.90]

حبيبتي ماعندي علم ،،

الله يشفيج ان شاءالله ويعافيج

[ام عنوده]

من كم يوم شفت في اليوتيوب التشافي بسوره الرحمن
يسمعونها 3 مرات في اليوم وانشاء الله تلافين حل

[Ward-uae]

2 من عيالي شرات حالتج وانا احب الدخون والبخور حتى ما قدرت ارضعهم
ابخر البيت العصر واليهال يلعبوا برع في الحوش والكبت ابخره احط البخور شوي واشله
وملابس بنتي ملفتنهم بوراق من الشايع معطره من غير الغسال اول ضبط للغسالة احط صابون وارد اضبط الغسالة واحط داوني اليهال مكان الصابون مب مكانه حتى تطلع ريحه لكن ما يكون شرات ما هو مكتوب انه احطه في الشفط النهائي
البيت احط احيانا زيوت معطره في الميلس والحمامات والطابق الثاني لانه ادري اليهال مب وايد يكونون فوق واشغل بعد مكينة معطره للجو من لايف ستايل وما اخليه طول اليوم بين فترة والثانية
وعن الجسم عندج مسك من ياس من تسبحي وجسمج بعده رطب حطي شوي ومسحي ما بتكون الريحه قوية عليج
ماي الورد عجيب اشتري بخاخ من دايسو وعبيه ماي ورد وحطيه في الثلاجه من تسبحي رشي على ويهج او بعد الحف يبرد 
السبوح وتغير الصوابين والملابس تتبخر مع مسك وروايح زيوت في البيت تعطي انتعاش
ما غير الورد والشجر اللي ينحط داخل البيت وتمتص الروايح وتعطي طاقة إيجابية وراحه
وعن معجون الاسنان نوعي لا تستخدمي نوع واحد غيري بين فترة والثانية وفيه انواع للغسول للحلج وما غير المراجعات بين فترة والثانية لدكتورة الاسنان وشي معطر للفم طبي اسألي الدكتورة بتوصف يناسب لحالتج
نوعية الاكل تأثر بروايح الجسم اللي يكون أكلها حلبة يبين فخلي اكلج صحي

[(خيماويه)]

الله يهون عليج الغاليه

[مهرووووووه]

سيري عند دكتور تخصص حساسيه صدر
وان شاء الله فيه علاج لا تهملين نفسج اختي

[ورقة ناعمة]

2 من عيالي شرات حالتج وانا احب الدخون والبخور حتى ما قدرت ارضعهم
ابخر البيت العصر واليهال يلعبوا برع في الحوش والكبت ابخره احط البخور شوي واشله
وملابس بنتي ملفتنهم بوراق من الشايع معطره من غير الغسال اول ضبط للغسالة احط صابون وارد اضبط الغسالة واحط داوني اليهال مكان الصابون مب مكانه حتى تطلع ريحه لكن ما يكون شرات ما هو مكتوب انه احطه في الشفط النهائي
البيت احط احيانا زيوت معطره في الميلس والحمامات والطابق الثاني لانه ادري اليهال مب وايد يكونون فوق واشغل بعد مكينة معطره للجو من لايف ستايل وما اخليه طول اليوم بين فترة والثانية
وعن الجسم عندج مسك من ياس من تسبحي وجسمج بعده رطب حطي شوي ومسحي ما بتكون الريحه قوية عليج
ماي الورد عجيب اشتري بخاخ من دايسو وعبيه ماي ورد وحطيه في الثلاجه من تسبحي رشي على ويهج او بعد الحف يبرد 
السبوح وتغير الصوابين والملابس تتبخر مع مسك وروايح زيوت في البيت تعطي انتعاش
ما غير الورد والشجر اللي ينحط داخل البيت وتمتص الروايح وتعطي طاقة إيجابية وراحه
وعن معجون الاسنان نوعي لا تستخدمي نوع واحد غيري بين فترة والثانية وفيه انواع للغسول للحلج وما غير المراجعات بين فترة والثانية لدكتورة الاسنان وشي معطر للفم طبي اسألي الدكتورة بتوصف يناسب لحالتج
نوعية الاكل تأثر بروايح الجسم اللي يكون أكلها حلبة يبين فخلي اكلج صحي

نفس كلامها خلي حد يدخن ثيابج بالعود خفيف ,,, وانتي بعد غيري طريقة اكلج ترى في اكلات هيه تضر بالتنفس ,,,

جربي عسل ,,, انا اختى فيها الربو تأخذ عسل مخلوط بالسدر وايد مرتاحة الحين احسن عن اول ,,,, تاخذه الصبح ويا ماي دافي وحبه سودة والله يشفيج يارب

[مغربية بدبي]

الله يشافيك يا رب
احسن شي لا تقربي على الدخون والعطور العربية والعود لانو ريحتها قوية جدا بعدي عن اي شي ياذيكي واذا على ريحة جسمك استعملي صابون ريحتو حلوة وعطور الاطفال وباوردر وبظل ريحتك طيبة طول الوقت يعني مش بالضرورة تحطين عطر او دخون ريحة النظافة بحد ذاتها حلوة

اهم شي صحتك الباقي ما يهم بعدي عن اي شي ياذيك

[مالتيزرس]

يزاكم الله خير خواتي ..فعلا يوم ابخر البيت احس مخنوقة لازم افتح الدرايش واهوي الممكان ..حتى يوم نترس بترول والدريشة مبطلة بموت من الريحة ..
عيزت ماخليت عيادة ماسرتها ماشي حل يقولولي لا تتبخرين ولا تحطين عطورات ..والسيراميك لازم يوميا ممسوح فماي وديتول ..

[مغربية بدبي]

تعرفي مشكلتك اثارت انتباهي لشي انا اعاني منه وهو ريحة البترول ممكن يغمى علي منها واكره عطر العود والعطور القويه اللي فيها كحول بزيادة لانها تدوخني وتصيبني بصداع نصفي وكمان هالشي ما له علاج الا الابتعاد عن هاي الاشياء

[بسمة أمـل]

روحي للدكتورة وشوفي شو بتقول لج وحاولي تبعدي عن الاشياء الي تسبب لج الضيجة

[مالتيزرس]

تعرفي مشكلتك اثارت انتباهي لشي انا اعاني منه وهو ريحة البترول ممكن يغمى علي منها واكره عطر العود والعطور القويه اللي فيها كحول بزيادة لانها تدوخني وتصيبني بصداع نصفي وكمان هالشي ما له علاج الا الابتعاد عن هاي الاشياء

صحيح كلامج خيتو ..ماله علاج غير الابتعاد عن البخور والعطور ونحن مانستغنى عنها ..
الله كريم