عاجل بحل او نصيحه

[ام علي 4]

شو الحل ؟؟؟انتحر او اشرد بيت اهلي او شو أسوي عطوني حل أنا معرسه من عشرين سنه والحمد لله عمري ما ارتحت من المشاكل وضغط الأهل وضغط الشغل في بيت أهله مشاء الله 70 شخص في بيت واحد المهم واخيرن ظهرت بيتي الي من سنتين مستلمينه بعد مشاكل وروحه بيت اهلي لأَنِّي تعبت والله وعيالي بعد تعبو والله أنى ندمانه أني ظهرت ما يمر يوم بدون مشاكل الي هي وكلامه لي وهو بسبتج أنا في هم وبسبتج ما حصلت مصروف بيتي والبيت فقرني وما عندنا مصروف ومن وين نصرف ولو كنت في بيت اهلي ما صار في الي صار لانه من سنه عاطل عن العمل وما عندنا شي بس يتسلف وانا والله ما أرد على كلامه وقلبي يغلي غلي تعبت من المشاكل كان حلمي بيت وَيَا ريت ما سكنته والله ما مر يوم الا وهو مصيحني حرق قلبي بالمشاكل واللوم حتى عيالي مهمومين منه ومن صراخه ومن أمس يالسه أفكر شو أسوي بعمري واموت وارتاح من الوضع الي انا فيه وكنت بروح بيت اهلي مسكن بناتي في قالن ونحن وين نروح شو ذنبنا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مراسيل الوفاآ]

فعلا اختي البعض عندهم بنا البيت وتأثيثه هم ويكسر ظهور الاغلبيه لانهم يلجئون للديون
٢٠ سنه كافيه تخليج تعرفين ريلج وطبعه وتفهمينه، اذا شايفه انه وضعه صدق ما يساعد
شوري عليه انكم تردون بيت أهله لفتره بس وتأجرون بيتكم لين ما ترد بيزات ريلج اللي
صرفها ع البيت "خليه شرط" وعقب تردون بيتكم وخليه يدورله وظيفه لانه مسؤول عن
بيت وعيال وكثرة الديون بتعيشكم لفتره لكن ما منها مفر بيي يوم والكل بيطالبه وبتستوي
بدال المشكله، مشاكل

[لحنْ #]

فعلا اختي البعض عندهم بنا البيت وتأثيثه هم ويكسر ظهور الاغلبيه لانهم يلجئون للديون
٢٠ سنه كافيه تخليج تعرفين ريلج وطبعه وتفهمينه، اذا شايفه انه وضعه صدق ما يساعد
شوري عليه انكم تردون بيت أهله لفتره بس وتأجرون بيتكم لين ما ترد بيزات ريلج اللي
صرفها ع البيت "خليه شرط" وعقب تردون بيتكم وخليه يدورله وظيفه لانه مسؤول عن
بيت وعيال وكثرة الديون بتعيشكم لفتره لكن ما منها مفر بيي يوم والكل بيطالبه وبتستوي
بدال المشكله، مشاكل

+1

[يا معرفني]

الله يفرجها عليكم يارب .
ممكن تاجرون جزء من بيتكم تغطي بعض من مصاريفكم .. او ممكن تردون لبيت اهله لفترة .. الله يقويكم

[مالتيزرس]

لا حول ولاقوة الا بالله ..
الله يكون فعونج اختي صدق امتحان صعب ..

أكثري من قول حسبنا الله سيؤتينا الله من فضله انا الى الله راغبون
.

[ام علي 4]

فعلا اختي البعض عندهم بنا البيت وتأثيثه هم ويكسر ظهور الاغلبيه لانهم يلجئون للديون
٢٠ سنه كافيه تخليج تعرفين ريلج وطبعه وتفهمينه، اذا شايفه انه وضعه صدق ما يساعد
شوري عليه انكم تردون بيت أهله لفتره بس وتأجرون بيتكم لين ما ترد بيزات ريلج اللي
صرفها ع البيت "خليه شرط" وعقب تردون بيتكم وخليه يدورله وظيفه لانه مسؤول عن
بيت وعيال وكثرة الديون بتعيشكم لفتره لكن ما منها مفر بيي يوم والكل بيطالبه وبتستوي
بدال المشكله، مشاكل

المشكله ان الجناح الي كنا ساكنين فيه سكنو فيه غيرنا وعدلوه وقلت له رجعنا بس قال الحين قلتي هالكلام بعد فوات الاوان وموب حلوه ان نحن نرد بيتشمتون فينا بيقولون ما حصلو ياكلون مع العيشه مره في البيت العود احسن أني اموت يوع ولا المشاكل راح نص عمرنا من المشاكل وأقول الحمد لله على كل حال

[غلآ نفسي]

المشكله ان الجناح الي كنا ساكنين فيه سكنو فيه غيرنا وعدلوه وقلت له رجعنا بس قال الحين قلتي هالكلام بعد فوات الاوان وموب حلوه ان نحن نرد بيتشمتون فينا بيقولون ما حصلو ياكلون مع العيشه مره في البيت العود احسن أني اموت يوع ولا المشاكل راح نص عمرنا من المشاكل وأقول الحمد لله على كل حال

عيل ليش صرفتوا هالكثر حق البيت

لازم اول شي تشوفون اذا عندكم مبلغ محترم حق البيت وتاثيثه والا لا

حرام هالحاله غمضوني اليهال

بالتوفيق

[Ward-uae]

20 سنة وما رتبتوا مصاريفكم ؟
شكله ريلج متقاعد دوريله وظيفه قدمي له اون لاين من الفضاوة تصير مشاكل وضغوطات والعيال بيكبرون وبيساعدون ابوهم وانتي اصبري عليه وخفي عليه من الطلبات واذا تشكى صبريه انه فترة وبتعدي
اما انج تروحين بيت اهلج لا تطرين هالسالفة يعني صبرتي سنين واتوقع انه مرت ظروف ومشاكل اكبر وعدت ومب قادرة تصبرين شوي
اذا عندج عيال في مدارس خاصه حولي على الحكومي على السنة الياية
عندج بشكارتين تنازلي عنهم وتعاونوا بينكم وبين بعض
تأثيث البيت خليه تدريجي
اذا عندج شهادة اتوظفي وساعديه

[لحنْ #]

اسمحيلي اختي ، بس احس انج انتي اللي وصلتي عائلتج وحالكم ل هني ..
احس انج ضغظتي ع ريلج وايد " والله اعلم
يعني دامج ضغظتي ع ريلج وتبين تطلعين بيت بروحج ، كان رتبتي المبلغ اللي بيدينكم بين سعره وتأثيته
وكان عطيتيه مبلغ محترم يفتح فيه مشروع تعيشون منه دام ان ماعنده وظيفه .
يعني الغلط الاكبر انج تبين تهربين من اهله رحتي ضيعتي كل المبلغ عالبيت .. شو بيفيدج كبره الحين
اسمحيلي كلامي قاسي وممكن يزعلج لكن حسب الكلام الموجود حاليآ هذا اللي واضحلي
برايي لازم تنقذين الموقف قبل لا تخسرين اكثر .. حرام تضيعين مستقبل وحياه عيالج عشان بيوت واهله واثاث ومادري شو
، أجري قسم من بيتج وعيشي من الايجار
او اطلعو لبيت اصغر ايجار واجري بيتج كامل بمبلغ ، وعيشي
برايي لازم تضحين الحين انتي اكثر شي وتقبلين باقل الامور عشان تعيدين ترتيب حياتج وحياه عيالج وتساعدين ريلج ..

[رعود المزن]

الله المستعان

[ام علي 4]

20 سنة وما رتبتوا مصاريفكم ؟
شكله ريلج متقاعد دوريله وظيفه قدمي له اون لاين من الفضاوة تصير مشاكل وضغوطات والعيال بيكبرون وبيساعدون ابوهم وانتي اصبري عليه وخفي عليه من الطلبات واذا تشكى صبريه انه فترة وبتعدي
اما انج تروحين بيت اهلج لا تطرين هالسالفة يعني صبرتي سنين واتوقع انه مرت ظروف ومشاكل اكبر وعدت ومب قادرة تصبرين شوي
اذا عندج عيال في مدارس خاصه حولي على الحكومي على السنة الياية
عندج بشكارتين تنازلي عنهم وتعاونوا بينكم وبين بعض
تأثيث البيت خليه تدريجي
اذا عندج شهادة اتوظفي وساعديه

فديتج ريلي مفنش من الجيش ومو متقاعد وهو قدم في كذا وظيفه ولين الحين ما ياه الرد وبالنسبه للعيال في مدارس حكومية والبشكاره ما عندي ولله الحمد كانت عندي وحده وشردت اهلي هم يابوها لي يعلني فداج ما قصرتي على النصيحه الطيبه وبالنسبه للشهاده ما عندي لانى عرست صغيره ١٤ سنه ثاني اعدادي

[جنان الفجيره]

انزين سوي لج مشروع صغير تستفيدين منه ولا خليه يروح البرزه في بوظبي ربي يفتح عليكم ان شاء الله وكثري من الاستغفار تراه مفتاح الفرج و اندعي بقيام الليل واوقات الصلاه

[افناان]

عجبني اقتراح الاخت اللي قالت اجروا بيتكم او ملحق بيتكم بحيث يغطي مصاريفكم + البحث عن وظيفة و السعي لها

[ام علي 4]

اسمحيلي اختي ، بس احس انج انتي اللي وصلتي عائلتج وحالكم ل هني ..
احس انج ضغظتي ع ريلج وايد " والله اعلم
يعني دامج ضغظتي ع ريلج وتبين تطلعين بيت بروحج ، كان رتبتي المبلغ اللي بيدينكم بين سعره وتأثيته
وكان عطيتيه مبلغ محترم يفتح فيه مشروع تعيشون منه دام ان ماعنده وظيفه .
يعني الغلط الاكبر انج تبين تهربين من اهله رحتي ضيعتي كل المبلغ عالبيت .. شو بيفيدج كبره الحين
اسمحيلي كلامي قاسي وممكن يزعلج لكن حسب الكلام الموجود حاليآ هذا اللي واضحلي
برايي لازم تنقذين الموقف قبل لا تخسرين اكثر .. حرام تضيعين مستقبل وحياه عيالج عشان بيوت واهله واثاث ومادري شو
، أجري قسم من بيتج وعيشي من الايجار
او اطلعو لبيت اصغر ايجار واجري بيتج كامل بمبلغ ، وعيشي
برايي لازم تضحين الحين انتي اكثر شي وتقبلين باقل الامور عشان تعيدين ترتيب حياتج وحياه عيالج وتساعدين ريلج ..

مالت على البيت ما سوا فيه شي الا بس صبغه وسوا ستاير لبعض الغرف والاثاث بعده ما شريناه واخوانه واخوانى ما قصرو كل حد سوا شي يعنى كل واحد شرا شي وبالنسبه لريلي من النوع الي مستحيل حد يطلبه ويقول لا هاذا الشي الي لعوز حياتنا قال اهم شي. ما رد حد يمد ايده لي وهاذا الشي هو الي مدخلنا في دوامة الديون يتسلف عشان يعاون وانا يا ريت عندي مبلغ ما اعتمدت عليه بس نحمد الله ونشكره

[ام علي 4]

اهم شي ادعو لي ان الله يهدي ريلي ويرزقه بالوظيفه ويبعدنا عن المشاكل وما قصرتن فديتكم على النصائح الطيبه