سؤال للبدويات فقط

[soso888]

السلام عليكم

شو سر الخصر والارداف
شو تسووون

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ريح سهيل]

ناكل طبيعي فديتج لا فاس فود ولابيبسي ولا صناعيات فرش كله لبن وتمر

[soso888]

ناكل طبيعي فديتج لا فاس فود ولابيبسي ولا صناعيات فرش كله لبن وتمر

حليب البوش صدق يمتن ولا يضعف ؟ وسمعت بعد طريقه الجلسة انا ربيعة امي
مصريه وخواتها ماخذينهم عوامر وقالت يلستهم هي السبب صدق هالكلام ؟

[jameela200]

انا لاحظت بعد عليهم ماشالله ...

[رسايل غلا]

ماله علاقة بدو ولا حضر وكلنا نأكل نفس الأكل
هم طبيعة أجسامهم وبيئتهم جذي
فيه وايد طرق فالنت دوري وجربي وان شاء الله تستفيدين

[soso888]

ماله علاقة بدو ولا حضر وكلنا نأكل نفس الأكل
هم طبيعة أجسامهم وبيئتهم جذي
فيه وايد طرق فالنت دوري وجربي وان شاء الله تستفيدين

لا حبيبتى مب كلنا نفس الاكل انا دورت وطلع في اعشاب ياخذونها وقت الدوره والنفاس
بصراحه انا ما حب الخلطات وهالسوالف بس كنت ابى اعرف السر اذا حليب نوق او جلسه بس دام في خلطات مابا

[بريد الذكريات]

ههههههههههههههههه
ضحكتني سبحان الله طبيعة الاجسام ، انا بدويه
تمي يالسه على الارض وبتكبر ههههخهخخخخخخخ
ما اظن خلطات طبيعة الاجسام ،مثلا في العائله الي اجسامهن مخصره والي يكبر الجزء السفلي الاكثريه بصراحه يعني ﻻ خلطات وﻻ خرابيط

[رسايل غلا]

هههههههههه زين جربي هالاعشاب اللي يقولون عنها
مع اني واثقة انه نفس الأكل بس البيئة تختلف
والله يوفقج.

[غياهيب81]

صبااح الخيرات ,,
انا بصراحه دخلت بس عشان ارد ع سؤالج
وفي نفس الوقت ظحكني السؤال لانه غريب ,,
انا بسألج الحين البنات الي يسون رياضه او مدربات الرياضه كيف تكون اجسامهن ؟؟
طبعا تكون مشدودة والخصر منحوت والارداف مشدود ومرفوعه..
والاهم تكون عندها لياقه حتى لو كان جسمها مليان ,,
هذا ينطبق على بنت البدو ,,بنت البدو ماتلقينها لاويه ريلها قديما تلقينها قايمه بالبيت والي حوله وحتى في جيلنا الحالي ان كانت طالبه او موظفه او ربت بيت نفس الشي تلقينها حيه وتحيي الي حولها حتى لو عندها خدامات ماتلقينها قاعده لازم تشتغل وشغلها مش تقوم عقب ماتشبع رقاد وتروح المطبخ تسوي سويت وعقب تحطه قدام التلفزيون وتاكله كله,لا تلقينها بتلوف الزرع برا وبتلقينا بتشيك على نواقص البيت بنفسها بتلقينها تشوف الغساله وبتلقينها مع عيالها تشوف واجباتهم وبتلقينها تروح وتشتري نواقص البيت وبتلقينها ترتب في البيت يمكن حتى ماتنادي الخدامه تساعدها بختصار تلقينها شغاله طالعه دري ولا نازله تمشي رايحه يايه تشل بعض الاغراض مرات تكون ثقيله ,
والاهم اغلبهم ماخذين على عادات الاولين 3 وجبات فقط ماتلقين ياكلون بين الوجبات ولا تلقين الاكل الخارجي والغازيات وبالعاده الغدا ثقيل والعشا خفييف .
هذا بختصار نظام البدويه عندنا وتلقينها مهتمه ف نفسها وايد والاحلى بعد اذا كانت تمشي نص ساعه بالليل لان الاغلبيه الحين يمشون لو ربع ساعه ..

[غياهيب81]

طبعا بخصوص الاعشاب نحن اكثر شي نعتمده الحلول ,,
وهذا صحي حتى تلقينه يشل البطن لانه يشل الغازات والنفخات
يعني يحسن الجهاز الهضمي والنفسيه ..
الاكل ديما تلقينه بعد صحي يعتمدون على البهارات والاعشاب الطبيعيه مثل الزنجبيل والقرفه والهيل وغيره
وهذي الاشياء شوفي كم فوائدها ,,عكس الي ياكلن بيتزا وبرقر وسندويشات مجمده بس يدفونها ويعطونها الزبون..
الحين قارني بين بنات المدينه وبنات المناطق البعيده عن المدينه مثل النائيه تلقين الاخيره صحتها احسن
وحتى جسمها احلى وطبعا هذا الكلام ماينطبق على الكل ,,

[sa7el]

البدو وبدون زعل بشكل عام اكلهم مااااااصخ
يعني اكلاتهم مب شهية،، عشان جي ياكلون كميات بسيطة وبس
اما لو الاكل وطبخاتهم حلوة جان كلوا بزيادة وعادي
طبعا مب كل البدويات مخصرات شي ماشالله منهم مربرباااات من الخاطر وشي ضعاف
حالهم حالنا ،، البدو والحضر والعرب والبلوش والعيم والكل نفس الشي،، نظام الأكل وبس

عن عمري أحب البدويات (((بدون زعل يا بدويات مب تهجمون علي الحين)))


بس زيادة شوي عالرد

اللي لاحظته من ناحية اللياقة هم بنات الفجيرة وبالذات صوب كلبا وخورفكان،، يوم سالتهم قالوا لي من اليبال،، طالعين ونازلين (تغيير جو، أو غدا،، او رياضة) فديتهم انا مال بنات كلبا وخورفكان،،، أحلى بنات

[غياهيب81]

تحبينهن ما تحبينهن شي راجع لج حبيبتي, لكن مش من حقج تحكمين انهم بشكل عااام اكلهم مااااصخ ,,
اسمحيلي اهنيه عند هالكلمه على اي اساس تحكمين وتعممين الحكم انتي كلتي عند كل البدو ولا سويتي دراسه على هذا الموضوع ؟؟
ولا حد اصلا قالج انهن ماياكلن وايد لا فديتج انتي غطانه وغلطانه ,,
انا فوق ذكرت ان اغلبهن ماياكلن بين الوجبات هذي عاده مكتسباتنها من هلهم الاوليين ومنهم خالتي عمرها 37 يايبه 8 يهال وزنها ف الستين والله يابطنها
ماتقولين يابت الا واحد , اهي ماشيه على هذا النظام 3 وجبات وان صادف كلت العصر او المغرب خلاص ماتتعشى ,
ونحن كل شي نعرفه ونسويه المحاشي والعيوش والسويتات لكن لصار الشي مضر الواحد يبتعد عنه افضل ,
اما بخصوص المشي والرياضه الحمدلله اغلبيتنا عندنا عزب اما ع البحر ولا في البر نمشي عندها وفيها ,
واتمنى ماتزعلين من كلامي ..

[رسايل غلا]

انا احسكن وايد تبالغن في موضوع الحركة والأكل
ترى أمهاتنا وحريم وايدات يتحركن ويسون كل شي بروحهن
ومع ذلك أجسامهم عادية وحد منهن متأن وايد واكلهم صار خفيف الحين هالشي ماله علاقة بدوية ولا حضرية كلهم نفس الشي ياليت نفكر صح فديتكن

[دوا جروحه]

كله راجع لقالب كل جسم لايخص البدو ولا العيم ولا غيره , القالب هو اللي يتحكم
ليش انحصل وحدة رشيقة بس مافيها خصر جسمها مسطرة وفي متان ماشاءالله قالب جسمهم روعة خصر وكل شي
لايخص الاكل ولا الجنسية ولا الرشاقة ولا المتن اللي يخصه قالب وطبيعة جسمج وشو اللي قابل انه يمتن فيه وشو اللي لا بس الشي الوحيد اللي ممكن يغير شكل الجسم رياضة الاوزان وبس
وايد نسمع الاكلة الفلانية اتكبر المؤخرة والارداف بس مو للكل ليييش لان كل جسم الدهون تتركز فيه فمناطق معينة
وخلكم كووول ياحلوات ومانبا وحدة تجلب عالثانية نحن خواااااات مب شرط بالاجسام نحن خوات في الاسلام وفهالبيت الثاني
وسلامتكم

[Dalila79]

جمال الجسم ما يخصة بالاصل و لا الفصل ..... في الحركة بركة و بس ......