لين متى؟

[رسايل غلا]

السلام عليكم ورحمة الله وبركاته

بطرح اكثر من نقطة او موضوع للحوار هني بس اتمنى نستوعب الفكرة مع بعض وما نتكلم عن الحرية او غيره نبا نكون شوي عقلانيين ومنطقيين:

اول موضوع:
اشياء وايد نشتريها بمبالغ طائلة وهي في بلد الصنع ارخص من التراب مثل:
شنطة تشترينها بعشرة آلاف او بخمس وعشرين الف بس عشان الماركة! اوكي خلي السعر ما سألتي نفسج الشنطة هاي منو سواها وكيف يت لين عندج وانباعت بهالمبلغ؟
الماركة يا عزيزتي مجرد اسم لصاحبها اللي سواها وبنى عليها تجارته وخلاها مشهورة بطرق اي تاجر نفسه يعرفها, يعني ماركة الشنطة الفلانية مجرد اسم حق الاستايل والكشخة, انزين اي شنطة اصلا وين تتصنع؟
الشنط تتصنع في الصين وفي الفلبين يعني عند الآسيويين اللي البعض منكم فالأصل ما يتنزل يشتري شي من عندهم, صاحب الماركة كل اللي يسويه انه يصمم الشنطة ويعطي التصميم لهالبلدان اللي لها الخبرة في الصناعة هذي واحيانا ما يهتم بخامة المنتج واغلبيتها في هالبلد ما تنباع يمكن بـ 100 درهم ولأنها ماركة بيزيد سعرها لين 10 و20 الف لان صاحب الماركة محصل حد يقص عليه وعارف انه في ناس بتشتري حتى لو بمليون عشان الماركة.
يعني لا تيين انتي وتبيعين حق الناس شنطة اصلا اصلا رخيصة بمبلغ وقدره بس عشان انتي خذتيها بسعر غالي!!! ترى مب مهم اصلية ولا تقليد كلهن مصنوعات في آسيا وبسكم من الحماس الزايد هههههههههههه

النقطة الثانية:
العبي وآآآآآه من العبي ما اقول الا الله يرحمنا برحمته, والله العظيم اني ما قمت اشوف عبي كل اللي اشوفه مفارش طاولات وشباري متحركة مب قاصر الا اللحاف!!!
ما تمت قطعة الا وحطوها في العباة مب فاهمة وين بنوصل؟ ولين متى بنتم جذي نرمس عن الكشخة ونحن نعنقش؟! اي ستايل هذا اللي اييب فيه قطعة قماش مالت بتان واحطها في العباة وارقع من كل صوب؟ وين راحت العباة الحلوة والساترة خاطري اشوف ستايل حلو ومرتب, صح فيه وانا شخصيا اسوي بس ما توصل لدرجة انه عباة كاملة تكون ملونة ما يبين فيها اللون الأسود
وفوق هذا تييج وحدة تفصل وتقولج والله الخامة والموديل والقصة والتكلفة....الخ اي قصة واي تكلفة يا بنت الحلال الخامة من سوق البتان وبرخص التراب وقطع العبي معروفة انواعها واللي يفصل هندي مب فرنسي...ليش جذي؟!


فيه وايد اشياء تغصص بالواحد وتمر بدون نقاش ولا فهم بس لين متى؟ متى بنتعلم ما نعق فلوسنا على اي شي وما نخلي حد يقص علينا ليش اشتري سلعة بمبلغ ممكن اتبرع بنصه او ممكن اساعد فيه شخص اذا شفت عمري مب محتايتنه لهالدرجة, ليش ما اوفر لعيالي ومستقبلهم, ليش ما افكر في كفالة اكثر من يتيم او اسوي مشروع خاص فيني يفيد بلادي ويفيدني؟

انتظر رايكم وسامحوني عالاطالة

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

السلام عليكم
رغم اني ماحب اكتب وايد ، لكن ف شي باسلوبج شدني :$
بخصوص الماركات مابرمس وايد ، لاني ضد كلمه " ماركه " وضد اني اروح اشتري شي ب 5 الالف
وغيري يموت جوع
صح ان نفسي علي حق ، ومابحرم نفسي من شي .. لكن بالنسبه لي كل شي ف هالحياه له سعر محدد ..
مابشتري شنطه ولا نعال اكرمكم الله ولا حتى فستان بمبلغ 5 الف والا 10 الالف ! يندرج تحت قائمه " الاسراف " .

ثاني نقطه ، العبي
اولأ حبيبتي انا معاج بنقطه ان بعض المودلات تكون فعلا مقرفه واسمحولي ع هالكلمه ..
بصراحه من يوم دشيت هالمنتدى عمري ماشفت عبي تخبلت عليهم خخ
كله الوان وخرابيط ووو
لكن ابي انوه ل شغله ، احنا تعودنا من زمان ان العبايه يعني " سوده " لكن هالشي ماله اي علاقه بالشرع
الله امرنا نتحجب ونتستر هيه ، لكن ماحدد لون الحجاب ..
وانا بعد سمعت شيخ " سعودي " قايل هالشي ، صارت من العادات والتقاليد انها اسود لكن مايكون حرام لو لبستي ب لون دام انج مستره
مثل اخواتنا الفلسطينيات السوريات عباياتهم ملونه كامله ومحجبه واحسن حشمه
لكن ك " ذوق " صراحه ماحب الا الاسود انا ، احس فيها فخامه
مايمنع ان احط جي خط ملون او خطين .. لكن ماحب تكون وايد مبالغ فيها ك موديل او ك لون

متابعه :$

[شعاع امل]

مشكوره اختي رسايل موضوع الماركه دووووووم نتكلم عنه ونقول اختي ان هذا كله لزووووم الكشخه بس

في ناس يحبون يشترون شي غالي ....... يعني الغلي للغالي على قولتهم!!!! في ماركات جميله

يعني فعلا احصل بعض الاقمشه والشنط فعلا جميله!!!! وفي ماراكات مادري شو يفكرون اصحابها !!!!! يعني جدا رديئه ولكن اسمها معروف

واغلب الماركات اختي في china وافغانستان مصنوعه ........وفعلا حتى الفلبيين عشان الايدي العامله رخيصه وبعد الخامات مرات تكون رخيصه ومرات غاليه.....عادي

يعني في ماركات جيده عشان مانظلم وفي ماركات بس اسم .........ولكن في كل الاحوال في مبالغه في السعر يعني نعال ب 1000 مب معقول !!! ولا شنطه ب 5000 يعني ماعرف شو اقول

بس اذا الانسان غني هو حر هو ادرى بصرفه...........


وبالنسبه للعبايات نفس الشي........ولكن بخصوص الالوان انا احب يدخل اللون للعبايه بس بحشمه يعني من فتره شفت الوان مثل البيج ورماد على ازرق واسعه وحشيمه

يعني اتصور التتويع مريح في العبايه بس ضمن الحدود لان اللون الاسود حشيم بس مب حلو دوم دوم دوم بس

حديقه الالوان انا ضدها!!!!!!!

[رسايل غلا]

السلام عليكم
رغم اني ماحب اكتب وايد ، لكن ف شي باسلوبج شدني :$
بخصوص الماركات مابرمس وايد ، لاني ضد كلمه " ماركه " وضد اني اروح اشتري شي ب 5 الالف
وغيري يموت جوع
صح ان نفسي علي حق ، ومابحرم نفسي من شي .. لكن بالنسبه لي كل شي ف هالحياه له سعر محدد ..
مابشتري شنطه ولا نعال اكرمكم الله ولا حتى فستان بمبلغ 5 الف والا 10 الالف ! يندرج تحت قائمه " الاسراف " .

ثاني نقطه ، العبي
اولأ حبيبتي انا معاج بنقطه ان بعض المودلات تكون فعلا مقرفه واسمحولي ع هالكلمه ..
بصراحه من يوم دشيت هالمنتدى عمري ماشفت عبي تخبلت عليهم خخ
كله الوان وخرابيط ووو
لكن ابي انوه ل شغله ، احنا تعودنا من زمان ان العبايه يعني " سوده " لكن هالشي ماله اي علاقه بالشرع
الله امرنا نتحجب ونتستر هيه ، لكن ماحدد لون الحجاب ..
وانا بعد سمعت شيخ " سعودي " قايل هالشي ، صارت من العادات والتقاليد انها اسود لكن مايكون حرام لو لبستي ب لون دام انج مستره
مثل اخواتنا الفلسطينيات السوريات عباياتهم ملونه كامله ومحجبه واحسن حشمه
لكن ك " ذوق " صراحه ماحب الا الاسود انا ، احس فيها فخامه
مايمنع ان احط جي خط ملون او خطين .. لكن ماحب تكون وايد مبالغ فيها ك موديل او ك لون

متابعه :$

مرحبا بج اختي
صح كلامج يمكن ما نحب نقول ماركة هو اسم تعودنا عليه وصار شي ينذكر ف كل مكان, والواحد ما يحرم نفسه من شي لكن ما بشتري شي بمبلغ كبير وايد بس عشان اقول اني ماشخة او ستايل او اتفاخر جدام ربيعاتي لازم نفكر قبل ما نشتري.
بخصوص العبي كنت اقصد بكلمة ساترة يعني العباة بشكلها الجميل مهما ضفنا لها من الوان لأنه المهم هو الستر لكن كتبت هالشي من مناظر العبي اللي اشوفها فكل مكان وخصوصا في مكان شغلي من شكل العبي المقرف صرت اقول لو هالبنت مب لابسة عباة ابرك عن هاللي مسوتنه لأن الأجانب يطالعون باشمئزاز ويضحكون احيانا والبنات يتحرن عمارهن كاشخات, مرات يسألونا هل هذي الرسومات والمناظر من العادات والتقاليد في لبسكم؟ ما نعرف شو نجاوب هل نقول انها من اساليب العنقاش في مجتمعنا يعني نفس اسوأ لبس عندكم ولا شو نقول ؟

مشكورة حبيبتي عالرد

[رسايل غلا]

مشكوره اختي رسايل موضوع الماركه دووووووم نتكلم عنه ونقول اختي ان هذا كله لزووووم الكشخه بس

في ناس يحبون يشترون شي غالي ....... يعني الغلي للغالي على قولتهم!!!! في ماركات جميله

يعني فعلا احصل بعض الاقمشه والشنط فعلا جميله!!!! وفي ماراكات مادري شو يفكرون اصحابها !!!!! يعني جدا رديئه ولكن اسمها معروف

واغلب الماركات اختي في china وافغانستان مصنوعه ........وفعلا حتى الفلبيين عشان الايدي العامله رخيصه وبعد الخامات مرات تكون رخيصه ومرات غاليه.....عادي

يعني في ماركات جيده عشان مانظلم وفي ماركات بس اسم .........ولكن في كل الاحوال في مبالغه في السعر يعني نعال ب 1000 مب معقول !!! ولا شنطه ب 5000 يعني ماعرف شو اقول

بس اذا الانسان غني هو حر هو ادرى بصرفه...........


وبالنسبه للعبايات نفس الشي........ولكن بخصوص الالوان انا احب يدخل اللون للعبايه بس بحشمه يعني من فتره شفت الوان مثل البيج ورماد على ازرق واسعه وحشيمه

يعني اتصور التتويع مريح في العبايه بس ضمن الحدود لان اللون الاسود حشيم بس مب حلو دوم دوم دوم بس

حديقه الالوان انا ضدها!!!!!!!

مرحبا بج اختي

شوفي الغالية بخصوص خامات السلعة في صاحب ماركة هو من نفسه يختار خامة ممتازة ليش؟ عشان هو اجنبي وبيبيع حق الاجانب اللي عنده اول شي والأجانب وايد يدققون وفي كل شي, وفيه تاجر يقولج عادي شو ما كانت الخامة تراهم بيشترون عشان اسمي وماركتي, وفالتقليد اللي يقلدون يحرصون وايد عالخامة عشان يقدرون ياخذون عقلج ويخلونج تشترين حتى لو غالي.

العبي حلو يكون فيها الوان بس بشكل مقبول مب من كل بستان زهرة ومن كل محل قطعة ههههههههه

تسلمين عالرد

[أم عذور]

انا الصراحه ضد إني اشتري شي بالآلاف وبستعمله شوي وبغيره

من طبع الإنسان انه يحب يغير

ما اتخيل كل ما بغيت اغير اقط عشره ولا عشرين الف

حتى لو كنت اشتغل وراتبي فوق

وموضوع العبايه بالنسبه لي ادخل الوان بس مش ملفته وأفضل تكون للزيارات فقط

اما السوق فأسود فقط

[طيبة*قلب]

ماشاءالله الحمدلله
صح اني ماشاءالله تربيت ببيت عز
بس والله ماشاءالله اروح للأسواق الشعبيه والمولات
وماعندي مشكله اذا عجبني شئ واشتريه من سوق شعبي والبسه عند بنت شيخ
اهم شئ الراحه وماعلي من حد

وثانيا حرام فعلا ادفع مبلغ وقدره على شنطه وعندنا التقليد مب مقصر ومايطلع عن 500

دوم اقول من تحب وتذبح عمرها عشان تشتري ماركه وتشخ فيه عند الناس فيها خلل نفسي

والله ثم والله ماشاءالله شفت بعيني بنات عز يلعبون بالفلوس لعب ماعندهم هالفشخره

اهم شئ القناعه

[شعاع امل]

انا عند راي الاخت عذور خاصه ان مثلا في ملابس تكون فعلا غاليه وبتلبسيها في مناسبه

وفي ناس يستحون يروحون مره ثانيه بنفس اللبس!!!! فمااعرف شو اقول ؟بس بعد كل واحد يشتري شو بخاطره!!! الله يريح قلوب الناس

انا عن نفسي امي كانت ماتقصر علي وانا صغيره ضمن الحدود خاصه في العيد وفي المدرسه يوم في حفله او شي ويوم نروح زيارات البس لبس عادي تقليدي

يوم خلصت مدرسه ورحت جامعه ماقصرت علي بعد البس تنانير وجينزات من المولات والسوق عندنا يعني هي قليل كانت تلبس عشان خاطري

بس ماخسرت في عمري شي ب 1000 درهم بس الكل يقول لبسي زين بس بعد طفولي بس ماوصلت لالف في حياتي!!!!!

وكنت اطلع مع بنات حالتهم الماديه احسن بكثييييييير عني ويقولون مب مقصره امها عليها الحمدلله رغم ان لبسي رخيص

والعبايات اشتريها عاديه 100 150 200 من السوق المركزي ساده مرات فيها تطريز!!

والشنط ماشتري غالي اي شي بحدود 100 وخلاص واحب اليدوي يعني كروشيه وهاي الاشياء والقماش اكثر وفي كثير يمكن 50 درهم من هذا النوع ههههه

الحياه بسيطه بعد حلوه


والاخت طيبه بعها حق في ناس عندهم عز الدنيا بس متواضعين في ناس ماعندهم شي بس ماشاء الله خاقين خقه!!!

بس القناعه تنبع من الداخل

[امراه]

عليكم السلام والرحمه كلامج عيبنبي صراحه بس شو بتقول وكلن وفلوسه ولكني اشتري نعااال ب٢٠٠٠درهم ولله حرررام الله يهديهن هالحريم عساني مالبست ماركات ولاغيره بخذ لي ميه نعال وكل يوم وحده احسن عن نعال وحده ومادري كيف شكلها والمصيبه يوم اتي تاجره اتبيع تقليد بالف و٨٠٠ليش!!!!

[ماحد شراتي]

صدقج

خلي موضوع الماركات على صوب انا ما قهرني الا موضوع العبي
اووووووووووووووووفر الصراحه وشي يلوع بالجبد
الله المستعان

[Cobon]

بشكل عام السوق عرض و طلب
محد ضرب حد ع ايده و قال اشتروا
و اللي عنده بيزات بالعافية عليه يشتري اللي يبغيه
تفرق الحرمة اللي يالسة ف بيتها عن اللي تشتغل
و عن اللي راتبها راهي و زين و حلو


مثلا كنت اقول ل ربيعتي ممكن ادفع ع الجواتي و الشنط لانهم ماركات و اروم استفيد منهم لان بطبيعتي احب اتبادل ويا خواتي او ابيعهم عقب بس اني ادفع ع روج 300 درهم يعني 10 ارواج ب 3000 ؟ بشتر لي شنطة ب 3000 احسن

و سنتر بوينت عندهم ارواج حلوة و عملية لان طبيعة الارواج خاصة عندي تخترب و تذوب ههههههههههههه فهي يعيبها الارواج الغالية و الشنط العادية
وانا الارواج العادية و الشنط الغالية

يعني كل واحد له وجهة نظره

[nooraaaa]

احترم رايج وايد و كلامج عين العقل احسنتي

[رسايل غلا]

انا الصراحه ضد إني اشتري شي بالآلاف وبستعمله شوي وبغيره

من طبع الإنسان انه يحب يغير

ما اتخيل كل ما بغيت اغير اقط عشره ولا عشرين الف

حتى لو كنت اشتغل وراتبي فوق

وموضوع العبايه بالنسبه لي ادخل الوان بس مش ملفته وأفضل تكون للزيارات فقط

اما السوق فأسود فقط

تسلمين حبيبتي ع ردج وفعلا الواحد ما يخسر فلوس ع شي بيتغير فالنهاية

[رسايل غلا]

ماشاءالله الحمدلله
صح اني ماشاءالله تربيت ببيت عز
بس والله ماشاءالله اروح للأسواق الشعبيه والمولات
وماعندي مشكله اذا عجبني شئ واشتريه من سوق شعبي والبسه عند بنت شيخ
اهم شئ الراحه وماعلي من حد

وثانيا حرام فعلا ادفع مبلغ وقدره على شنطه وعندنا التقليد مب مقصر ومايطلع عن 500

دوم اقول من تحب وتذبح عمرها عشان تشتري ماركه وتشخ فيه عند الناس فيها خلل نفسي

والله ثم والله ماشاءالله شفت بعيني بنات عز يلعبون بالفلوس لعب ماعندهم هالفشخره

اهم شئ القناعه

انا بعد جذي وحتى ربيعاتي شراتي نشتري من اي مكان وحتى من الاسواق الشعبية
ما عندي اي استعداد اني اشتري شنطة او شي بمبلغ عود بس عشان ماركة وكشخة حتى لو املك فلوس الدنيا

تسلمين حبيبتي ع ردج وتواصلج

[رسايل غلا]

انا عند راي الاخت عذور خاصه ان مثلا في ملابس تكون فعلا غاليه وبتلبسيها في مناسبه

وفي ناس يستحون يروحون مره ثانيه بنفس اللبس!!!! فمااعرف شو اقول ؟بس بعد كل واحد يشتري شو بخاطره!!! الله يريح قلوب الناس

انا عن نفسي امي كانت ماتقصر علي وانا صغيره ضمن الحدود خاصه في العيد وفي المدرسه يوم في حفله او شي ويوم نروح زيارات البس لبس عادي تقليدي

يوم خلصت مدرسه ورحت جامعه ماقصرت علي بعد البس تنانير وجينزات من المولات والسوق عندنا يعني هي قليل كانت تلبس عشان خاطري

بس ماخسرت في عمري شي ب 1000 درهم بس الكل يقول لبسي زين بس بعد طفولي بس ماوصلت لالف في حياتي!!!!!

وكنت اطلع مع بنات حالتهم الماديه احسن بكثييييييير عني ويقولون مب مقصره امها عليها الحمدلله رغم ان لبسي رخيص

والعبايات اشتريها عاديه 100 150 200 من السوق المركزي ساده مرات فيها تطريز!!

والشنط ماشتري غالي اي شي بحدود 100 وخلاص واحب اليدوي يعني كروشيه وهاي الاشياء والقماش اكثر وفي كثير يمكن 50 درهم من هذا النوع ههههه

الحياه بسيطه بعد حلوه


والاخت طيبه بعها حق في ناس عندهم عز الدنيا بس متواضعين في ناس ماعندهم شي بس ماشاء الله خاقين خقه!!!

بس القناعه تنبع من الداخل

انتي نفسي تقريبا وانا ما عندي مشكلة اني روح بنفس اللبس مرة ثانية بس مب دوم لاني ما اهتم الناس ادقق ولا لاء
احب البس شي يناسبني حتى لو كان بسيط ووايدين يحبون ذوقي واختياراتي حتى وهي مب ماركة ومن يوم صغيرة انا واختي امي تلبسنا
لبس الكل ينبهر فيه وتعودت على اني اشتري اللي في خاطري بس بحدود ما اتعداها لانه الاسراف حرام

تسلمين الغلا عالرد والتواصل