ما اقدر اخذ حقي

[وله العيون]

السلام عليكم ورحمة الله وبركاته

انا انسانه انطوائية قبل كنت اجتماعيه واسولف واضحك بس يت فتره صرت انطوائية وابتعدت عن الكل ..ومن فترة رديت اكلم البنات وجي بس المشكلة ان دوم احصل منهم احباط وكلامهم يسم البدن بس ما اعرف كيف ارد عليهم ...

تيني وحده تقولي انتي ليش ما حملتي وليش ادريبج تخشين عنااا مع اني بس كملت 10 شهور ع الزواج وييلسوون يبطون جبدي ..واللي تقولي انا ادريبج انتي حامل وحاااااااااامل وحااااااامل وييلسون يتطنزون علي ..والمشكلة ما عرف شو ارد عليهم .!!!

وحده ثانية يوم اكلم ويا فلااانة تيي تقااااطع وتقوول حق فلااانه تعااالي بكلمج في موضوع ..انزين ما شي اعتبار بوجودي ولا شو !!

والثالثه تقوولي انتي شوو وايد ضعييييييييييفة ميييته مو حلو عليج بالمرةةةةةة

والرابعه يوم اسلم عليييها تشووفني بطرف خشششمها وتسووولف ويا كل الموجودين الا انا..

والخامسة لما نكون في القروب تسمع اراء الكل ولما انا اتكلم تقوول بيخلص الوقت لازم نطلع بسرعه قوولي اللي تبين تقولينه !!

اتنرفز من هالحركات اللي تصير وياي اصلا انا اطنش واتم سااااااااااااااااااااااااكتة وما ارد عليهم طبعي هاديه وطبع البنات اللي اكلمهم او اسولف وياهم فرفوشيات ويحطون على بعض بس انا غير عنهم ما اداني حد يكلمني بطريقة تنزل من مستواااي

اتمنى انكم تساعدوني كيف اقوي شخصيتي وارد عليهم برد يسكتهم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ward-uae]

انتي وايد حساسه وفكرة الحمل ماخذه تفكيرج
حاولي تغيري فتره تطلعي او تسافري او تشتغلي شغلي وقتج بشي
شخصيتج بتقوى على حسب الموقف اللي بتنحطي فيه

[ماحد شراتي]

الغلط منج عزيزتي
سمحتي لهم من البدايه انه يطاولون عليج
لو كنتي تردين على كل وحده باسلوب وتجعمينها ما كانت فلانه وغيرها يسوون اللي تقولينه
ما قتلج قلي ادبج او طولي لسانج لا كلنا نفرض شخصيتنا باسلوب واحترام
ابداي من الحين اذا وحده سالتج قوليلها ما يخصج واذا تبين تجاوبين قوليلها اقضوا حوائجكم بالكتمان وصدقيني بتسكت

[تناهيد جرح]

حبيبتي خلي عندج شجاعه شوي ساعدي نفسج
اذا هي قالت ما حملتي ردي عليها مثلا توني عروس ع شو مستعيله
جي باسلوب غشمره اونج واللي تقولج حامل وخاشه عنهم قولي لها ماشي ينخش هالايام يمكن اكون حامل وانتي تعرفين قبلي من لعوان هالناس
بس اونج بغشمره تقولين ولا انتي داخلج جد .. فشليهن وما بيتجرأن
يرد يسالن ولا يقولن وامشي واثقه ما عليج منهن وغيري القرووب اللي وياج
اذا مب مرتاحه ماشي شي شاط ولا تمين شاله هم ع شي ما يسوي حبيبتي

الله يسعدج دنيا واخره والله يوفقج

[شعاع امل]

اوكي هذا مع الوقت يتغير

بس انتي طلعي شو في قبلك اختي

يعني لو حد سالك عن حملك وانتي مضايقه خبريهم ليش تسالون .... الله للحين مارد

يوم بحمل بتدرون

يعني تعلمي تتكلمي شوي

لو حد سالك عن الضعف ضحكي وقولي عادي زوجي يحبني ضعيفه ههههههه

كلام عادي من دون زعل كثير

هم اذا اصحابك بيتحملونك لانهم هم يتحملون بعض

[مخترعه]

اذا سالولك عن الحمل
قولي انتضرتك تحملين واحمل عقبك

او اذا متزوجة قولي ابشري اليوم بخلي الليله حمرا وبكرا ببشرك بالحمل

[مونتاج]

دَعِ الأَيَّامَ تَفْعَل مَا تَشَاءُ وطب نفساً إذا حكمَ القضاءُ
وَلا تَجْزَعْ لنازلة الليالي فما لحوادثِ الدنيا بقاءُ
وكنْ رجلاً على الأهوالِ جلداً وشيمتكَ السماحة ُ والوفاءُ

[غرووب 22]

لا اله الا انت سبحانك اني كنت من الظالمين

[اسيرت شوق]

انتي قلتي ان هذا اسلوبهن مع بعضهم
وقلتي بس انا غير ما اتحمل
حبيبتي دوري لج ربيعات مثل طبعج اريح لج
صعب تغيري الناس
بس سهل تلاقي ناس مثلج يناسبوا اسلوبج وطبعج الهادي

[Fa.R]

هذيلا يبالهن وحدة لسانها طويل ههههههه

ردي عليها عادي ليش مستحية لا بعدني ما حملت !!
مش مستعدة أنا وريلي متفقين نبا ناخذ راحتنا لاحقين عالعثرة والمسؤولية !!
عطيها وووووحدة وسكتيييها

والثانية الي تقول يالله ماشي وقت بسرعة قولي الي عندج خزيها بعينج
و سمعي اهم شيء ما تنتظرين البنات يردن وعقب انتي !! غلط
ادخلي عرض وناقشي وعلي صووتج ما ينفع معاهن الا جي ..
أما انج تسكتين ولا تقولين رايج فالموضوع إلا عقب ما يسكتن ما ينفع

واي بنت انتي ما ترتاحيلها لا ترابعينها ولا تعقين عمرج عليهن

[Fa.R]

انتي قلتي ان هذا اسلوبهن مع بعضهم
وقلتي بس انا غير ما اتحمل
حبيبتي دوري لج ربيعات مثل طبعج اريح لج
صعب تغيري الناس
بس سهل تلاقي ناس مثلج يناسبوا اسلوبج وطبعج الهادي

صدقج

[ماحد شراتي]

هذيلا يبالهن وحدة لسانها طويل ههههههه

ردي عليها عادي ليش مستحية لا بعدني ما حملت !!
مش مستعدة أنا وريلي متفقين نبا ناخذ راحتنا لاحقين عالعثرة والمسؤولية !!
عطيها وووووحدة وسكتيييها

والثانية الي تقول يالله ماشي وقت بسرعة قولي الي عندج خزيها بعينج
و سمعي اهم شيء ما تنتظرين البنات يردن وعقب انتي !! غلط
ادخلي عرض وناقشي وعلي صووتج ما ينفع معاهن الا جي ..
أما انج تسكتين ولا تقولين رايج فالموضوع إلا عقب ما يسكتن ما ينفع

واي بنت انتي ما ترتاحيلها لا ترابعينها ولا تعقين عمرج عليهن

عاشت فطيم
معاها فالراي

[ورقة ناعمة]

اذا شافوا وحده ضعيفة تمادوا وكبر راسهم ليش ان شاء الله هالخوف بيقصون راسج ولا بيضربونج

دام محد يرووم يسوي لج شي عادي طنشي امشي وراسج مرفوع بعد في بنات 5 وعشر سنين ماحملوا ويوم حد يسالهم يردن رد بارد

يحرقهم حريق ,,, نصيب الله رايد ,,, وترد بطريقة تكره الوحده انها سالت انتي ليش تردين ع كل سوال طنشي واللي تقولج جسمج ضعيف

البسي لبس وبيني انج متخبله على جسمج اللي يحلمون فيه وعادي دوووووووووم عيشي هالثقة مب اي حد او اي شخص فيه

حالة نفسية بيأثر عليا ترى الامراض واااااايد النفسيات تتنوع اشكال وانواع وانتي عاد واااايد حساسه احينه 12 شهر وتوج معرسة وتزعلين

ماعليه استمتعي بها الايام وعيشي احلى لحضااتها واتركي عنج القيل والقال الناس ماتمل ولا بتمل بتعلق حتى عالقمر ,,,,

افرحي واستمتعي وعيشي وريحي نفسج ...

[UniQue Soul]

الله يعينج

[شعاع امل]

والله ياختي موضوع اخذ الحق موضوع شائك .....الشخصيه هذه من الواحد وهو صغير وتطور

يوم تكبر ممكن تسوي لك شخصيه بس تحتاج وقت ......

وبتحسين في البدايه انك انتي غلطانه مب هم لو رديتي خاصه لو في منهم زعل منك

يعني قصه ودوخه تحتاج اكثر من سنه

بس لازم تبدئين وان شاء الله خير

ومب ضروري بالكلام اخذ الحق ممكن اذا شي ماعجبك تعبير الوجه يعطي مفعول ........ عرفتي

بس اذا حسيتي اي حد كلامه مايعجبك او تستضعفك ......طنشيها على طول اختي .....لا تنتظري بعدين بتصير بلاوي

الشخصيه مثل المسؤوليه لو من الباديه مارديتي صح وماتكلمتي صح بضيعين

مثل يوم عندك طفل ماتربينه صح بعدين تتعبين ليين ماينصلح حاله

الناس بعدين تفهمك غلط وتشاتمك وكلام كبير ........مع الوقت بتحسين بالمسؤوليه