عاجل ؟؟

[بنت الشوامخ]

الله يسامحه ريلها ما منه امااان اعوذ بالله يعني هي مشترطه عليه قبل الزواج وهو محى هالشرط من راسه

بعدين حرام عليه اذا امها وابوها هي ماراح تساعدهم منو بيصرف عليهم

انزين ابوها مايوصل له معاش تقاعد ؟؟؟
خل تشترط عليه انها اذا طلعت من الدوام يعطيها شهريا مصروف ( تحدد مبلغ كبير شوي وبالتالي تعطي نصه لامها وابوها ونصه حقها ) واختها بعد تساعد بالمصاريف

او تخبره يصرف على امها وابوها شهريا دام انها هي كانت تصرف عليهم وهو غصب بيطلعها من الدوام

خل يحط نفسه بدالها


كل شي يتعوض بهالدنيا الا الوالدين ��

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ياقوتةخضرا]

الريال اللي مل فيه خير لأهل زوجته ما أظني بيكون له خير فيها !

[Ward-uae]

الشوونه للشخصين مع بعض جريب ال 8000 بس ترى
الشؤون ما يدفعون الا 500درهم بس للماء و الكهربا مب أكثر ،،،،
يعني ماء. كهربا و دريول والخدامة و راشن البيت و بترول السيارة

اذا حنا فوق العشرين وما تكفي ،،،، و الي تقول أن الحرمة مب ملزومة
بالصرف على الوالدين ،،،، منو قال أنها مب ملزومةبالصرف ،،،،

عيل ليش الأب و الأم صرفوا علينا ،،،،تراهم بعد مب ملزومين و الا شو الرأي
شو هالجحود ،،،، و قضى ربك الا تعبدوا الا إياه و بالوالدين أحسانا
قال صل الله عليه وسلم انت و مالك لأبيك ،،،

هذيلا عاشوا وعرفوا معنى الدرهم مب شرات عيال هاليومين لو مليون ما بيكفيهم وفوق هذا مديونين
عيال هاليوم لو يعرفوا حسن التدبير جان كفتهم الفلوس تعلموا من الشواب كيف كانت حياتهم
اللي عاش يتيم واللي يسافر بالسنين حق شو حتى يعيش اهله وخواته
الحمدالله البلاد ما قصرت عطت وتعطي وفوق كل هذا المشاكل والطلاق صار شرات شرب الماي الاستقرار يبني أسرة قوية وعيال ناجحين شوية تعاون مع احترام بيوصلون لحل

الوالدين خط احمر ومحد قال لا تبروا بأهلكم بس لو يعرفوا اهل البنت انها بتطلق بسبب دوام صدقيني حزنهم اكثر من هالفلوس بيقعدوا يحاتوها ويفكروا فيها ضعف عن قبل لا تعرس
متمسكه بدوامها تناقشه بأسلوب وباحترام واذا صدق انه شرط ومصدق في العقد وأخل الشرط يعتبر طلاق وتفهمه وتسأل اهل العلم وتخليه يسمع

[Fa.R]

بنات السالفه مش بس سالفه استقاله

هو مايباها تصرف ع اهلها باي طريقه

واللي تقول بياخذون من الشؤون انا معاها

بس الخدامه منو بيدفع معاشها ؟ والدريول والسياره لو اختربت واكل البيت والملبس وفواتير الكهربا والماي؟

هي واختها يتساعدن بهالشي

بس ريلها ابد مب راضي .. وهو بعد مايباها تكمل دراسه

والمشكله هي من عرست تتناقش معاه عشان مصروف اهلها بس هو مب موافق

وفهالفتره قام يهدد ان بيطلقها للعلم ان جزء من معاشه يروح لامه وابوه واخوانه ؟


يعني هي بطيعه وبتخلي امها وابوها بدون مصروف ؟

وجهة نظرية:

اختي بعض رياييل هالزمن الواحد ينخاف منهم !! كل وحدة تفكر في نفسها
إذا الريال كلامه منطقي وغير أناني وزوج يشارك حرمته هني بسمع كلمته
لكن مايخليها تشتغل ولا تكمل دراسة ولا تصرف على أهلها ليش إن شاء الله ؟؟ كيف تضمن عمرها
إذا على هالموضوع يهددها معنه أبداً ما يستاهل كل هالجدية وتوصل للتهديدات
قلنا أنك زوج يعني تشارك حرمتك في السراء والضراء .. يصرف على والدينه
وحرمته حرام عليها تصرف على والديها .. أنا لو أعرس بعطي والديني مهما كان
ولو أحتايو ما بقصر بس أن ريال يدخل حياتي ويتأمر أني ما أصرف ع والديني مستحيل طبعاً
.. وقلنا الحرمة اطيع ريلها بس ما توصل لـ هالمواصيل ..

[Fa.R]

الريال اللي مل فيه خير لأهل زوجته ما أظني بيكون له خير فيها !

صدقتي


ويهددها بالطلاق بعد ،

[Fa.R]

نفس رأيي سابقا اختي FatimaAhmed
وترى شرعا المرأة غير ملزومة بالانفاق لا على نفسها ولا على احد , وعليه لا يعتبر عدم انفاقها على الوالدين عقوق
وهي تقدر تتفاهم على حل مع زوجها
كله عندكم طلاق طلاق طلاق
اغلب المشاكل الزوجية حلها عندكم الطلاق
تشوف مفتى وتقرر بعدها

أنا ما يبت طاري الطلاق

ثانيا ما بفر عمري ع ريال جني مب جايفة خير وانسى والديني !!
هذيلا الي ييت منهم و الي ربوني !! > أنا إنسانة عندي ضمير مابخلي ريال
يهددني عشان وظيفة .. والإسلام كرم المرأة فـ وايد أشياء بس أنه يهدد بالطلاق
جني حيوانة ولا أداة إستعمال ما برضاها .. وبمنطقية الريال يستاهل الإحترام والتقدير
وينحط عالراس لو احترم حرمته ويعاملها بكل أدب وطيب ..


والصرف ع والديني من باب الجميل والإكرام و اعوضهم كل تعبهم الي تعبوه عليه
بس أنتي تقولين مش ملزومة وأدري بـ هالشيء لكن ما اتخيل والديني محتايين شيء
و مايرمسون من باب المستحى أو ما يبون يضغطون عليه وأنا حاطة راسي عالمخدة ولا
أعرف شيء عنهم > يدتية جي الله يحفظها ما تتكلم


^

رايي الشخصي

[ناروتا]

الشوونه للشخصين مع بعض جريب ال 8000 بس ترى
الشؤون ما يدفعون الا 500درهم بس للماء و الكهربا مب أكثر ،،،،
يعني ماء. كهربا و دريول والخدامة و راشن البيت و بترول السيارة

اذا حنا فوق العشرين وما تكفي ،،،، و الي تقول أن الحرمة مب ملزومة
بالصرف على الوالدين ،،،، منو قال أنها مب ملزومةبالصرف ،،،،

عيل ليش الأب و الأم صرفوا علينا ،،،،تراهم بعد مب ملزومين و الا شو الرأي
شو هالجحود ،،،، و قضى ربك الا تعبدوا الا إياه و بالوالدين أحسانا
قال صل الله عليه وسلم انت و مالك لأبيك ،،،

عزيزتي ترى بر الوالدين ليس فقط بالانفاق , البر له صور عديدةةةة منها حسن المعاملة والتقدير وطاعتمها والعمل على ارضائهما فيما لا يغضب الله, والمعاونة في امور الحياة وهنا لا اقصد ماديا ,والدعاء لهما الخ
للاسف الكثير من الأبناء ينفق على والديه لكن تلاقينه ما يحترمهم مثلا او ما يمشي على شورهم او حتى يقول كلمة " أف " الخ , فالبر يكون بكل شي وليس الانفاق فقط

اما مسألة الانفاق فهي صورة من صور بر الوالدين لمن تحقق له المال اصلا سواء الولد او البنت , وليست لزاما على البنت يعتبر الاخلال فيه عقوق وانما هو من باب الاحسن والمساعدة والاعتراف بفضلهما الخ
وعموما الانفاق يجب على من له القوامه وشرعا الرجال قوامون على النساء , يعني من واجب الاب و الزوج ان ينفق على زوجته وابناؤه
وفي حال تحقق للمرأة راتب فلها الانفاق على الوالدين من باب البر والاحسان

وانا مع Ward-uae , لو الاهل عرفوا انها بتطلق بسبب الوظيفه اكيد ما بيرضون

[حبيبة كلود]

يزول بدل الريال عشر وابركها من ساعه هاه من احين ياس يهددها صدقيني مب ريال هاه والحمدلله رب ماكتبلج عيال والأساس بين ع حقيقته

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[Al3'wya]

اختيه معاش الشؤون بيكفي اذا ما عندهم ديون والمعاش مب 4000 اذا شخص واحد 4 وشي وانا متأكده من هالكلام
الكهربا والماي اللي عنده الشؤون ما يدفع
اذا هو معارض على سالفة الشغل المختلط دوريلج شغلة ثانية واذا الشغل سبب مشاكل اجهاض من حقه
الشرط اذا انكتب في عقد الزواج انج ما تتركين الشغل هنيه اسألي احسن
الحياة مب عناد وهو مادام فيه خير لأهله اكيد فيه خير لج وبيساعد اهلج كل شي بطيب بينحل

حبيبتي انا معاج ان لهم معاش من الشؤون وقدره

بس بعد تعالي قسميها ع اللي موجودين فالبيت من دريول وشغاله وعامل يساعد ابوها لانه مقعد

غير هذا اكلهم شربهم لبسهم وفي اشيا خاصه لهم لانهم كبار فالسن

والبنت ماخذت السلفيه الا لانها تعدل فبيت ابوها باللي يتناسب مع وضعه


ووعن الماي والكهربا ترا ماتندفع كامله

والبنت تشتغل فمكتب يعني هي ما تشتغل تحمل اشيا ثجيله او شغل عملي " وبعدين انا ماطريت ان في اجهاض انتي من وين يبتيه ؟ "

الريال مب راضي يدفع فلس لاهل حرمته بحجه ان عندهم بنت ثانيه تقدر تساعدهم .. وكان معارض انها تسوي تعديلات فبيت اهلها اللي عشان هالشي تسلفت من البنك

مشكلتها من بدايه زواجها ريلها مايباها تصرف ع اهلها باي طريقه وكان تهديده بالطلاق بشكل غير مباشر و من فتره قصيره قرر ان يهددها بالطلاق بشكل علني

مع انها صارحته وحاولت تتفاهم معاه بس هو مايباها تصرف ع اهلها ؟ او حتى تشتغل مثل ما وضحتلج قبل انه مايباها تشتغل فشغل مختلط او غير مختلط او تدرس

والشرط كان من قبل الزواج ووافق عليه

[Fa.R]

حبيبتي انا معاج ان لهم معاش من الشؤون وقدره

بس بعد تعالي قسميها ع اللي موجودين فالبيت من دريول وشغاله وعامل يساعد ابوها لانه مقعد

غير هذا اكلهم شربهم لبسهم وفي اشيا خاصه لهم لانهم كبار فالسن

والبنت ماخذت السلفيه الا لانها تعدل فبيت ابوها باللي يتناسب مع وضعه


ووعن الماي والكهربا ترا ماتندفع كامله

والبنت تشتغل فمكتب يعني هي ما تشتغل تحمل اشيا ثجيله او شغل عملي " وبعدين انا ماطريت ان في اجهاض انتي من وين يبتيه ؟ "

الريال مب راضي يدفع فلس لاهل حرمته بحجه ان عندهم بنت ثانيه تقدر تساعدهم .. وكان معارض انها تسوي تعديلات فبيت اهلها اللي عشان هالشي تسلفت من البنك

مشكلتها من بدايه زواجها ريلها مايباها تصرف ع اهلها باي طريقه وكان تهديده بالطلاق بشكل غير مباشر و من فتره قصيره قرر ان يهددها بالطلاق بشكل علني

مع انها صارحته وحاولت تتفاهم معاه بس هو مايباها تصرف ع اهلها ؟ او حتى تشتغل مثل ما وضحتلج قبل انه مايباها تشتغل فشغل مختلط او غير مختلط او تدرس

والشرط كان من قبل الزواج ووافق عليه

هذا هو مصروف الشؤون ما يكفي !! فليش ريلها يضغط عليها يعني المفروض يستحي
ويساعدها > هاي المرجلة

[هيبة زايد]

أنا اشوف هالنوعية من البنات المفروض يشفقون على عمارهم
الريال تطيعه في كل شيء لكن يوم الموضوع يوصل للوالدين خط احمر
يباها تستقيل وقالها مش ملزوم يصرف ع والدينها عيل ينجب ولا يقعد
يهددها مسوي عمره ريال !!

انا وايد عصبت ....
الام والابو أهم شي ف هالدنـيا
خله يولي الريال
ودراستي وكدي وتعبي؟
شو بيفيدني هو؟ إذا من أولها جيه يمن عليه شو فايدته اسمه ريال بس
نفاد والله

والله وفي بنات يغمضن صراحه
يعبدن الريال عباده

[عاشقة السعادة]

الغالية خليها تستقيل بس خلها اتنبه ريلها ان عندها الوالدين محتايين للمساعدة بس ولا تسوي على عمرها مشاكل هي في غنى عنها...

[sama DXB]

هو بس شكله معاند لانها تصرف ع هلها

ماقول غير ماتو الرياييل

لو السالفة فيها اهله جان قطع مصروفها وماياب راشن البيت عشان اهله

اختي اتصلي ف مفتي الامارة وخذي رايه افضل من راي البنات

و الله يعافي والدينج ويعطيهم الصحة والعافية وطولة العمر

[سامية22]

للرفع