ميلسنا 2014

[Fa.R]

مراحب يا حلوات
مس شوكلت، انا بشرتي مختلطة، كانت احيانا تميل للجفاف قبل حقن الفيلر و البوتكس بس بعدهم احسها وايد تفرز دهون و تغير لونها للسمار
يمكن ارجع لكريمات لانكوم ، بس بترايا عروض و خصومات المهرجان تبتدي و بعدين بروح لباريس جاليري
بخصوص ابر الفيلر و البوتكس و الله محتارة هل عيادة سميحة لطفي بس اللي في الشارقة هاي المرة او اغير عيادة ثانية؟!

الاهتمام من ناحية التنظيف أولى عن الكريمات
دوم أغسلي ويهج بغسول يناسبج ولا تاكلين دهون غناتي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام احلى بنات]

يا الله هذا و رمضان بعده ما ابتدا و الميلس
الله يعين فرمضان كيف بيكون
عموما كل عام و الكل بخير

[mischocolat]

يا الله هذا و رمضان بعده ما ابتدا و الميلس
الله يعين فرمضان كيف بيكون
عموما كل عام و الكل بخير

من اخترب سيستم المنتدى والبنات هجروه
شو تستخدمين لبشرتج عقب ما سويتي فيلر ؟؟؟؟؟يمكن هالسر الللي لازم تبحثين فيه لان مب معقوله نوعية البشره بتتغير من جاف الى دهني بدون سبب لا وسمار بعد
تعرفين البشره الدهنيه اصلا يبان عليها سمار من تجمع الدهون فوق سطح البشره يمكن عشان جيه نحسين بشرتج اغمق

[Fa.R]

من اخترب سيستم المنتدى والبنات هجروه
شو تستخدمين لبشرتج عقب ما سويتي فيلر ؟؟؟؟؟يمكن هالسر الللي لازم تبحثين فيه لان مب معقوله نوعية البشره بتتغير من جاف الى دهني بدون سبب لا وسمار بعد
تعرفين البشره الدهنيه اصلا يبان عليها سمار من تجمع الدهون فوق سطح البشره يمكن عشان جيه نحسين بشرتج اغمق

أنا قبل ويهي كان جيه بس عالخفيف من تعالجت الروكتان استوى جاف تماماً
وخاز عني كله ^^

[ᗩ.ᗩ]

السلام عليكم خواتي

ما كملت كل الصفحات بس شدني ماسك اشوفان والطماط ..

كيف طريقته ؟ يعني الطماط الحب ؟

وبشو تنصحوني ؟

عرسي ان شاء الله بعد شهؤ وعاؤفين مشاغل رمضان والجفاف بسبب الصيام ربي يتقبله

بعوض بالماي بعد الفطور ان شاء الله لانه يعيد النضارة


ويا رب يفيد

[المها2009]

دورت بامريكا ماركة بوديرما ما حصلت بحصل بهولندا او المانيا

[mischocolat]

دورت بامريكا ماركة بوديرما ما حصلت بحصل بهولندا او المانيا

انتي مقيمه بأمريكا؟؟؟؟
عالعموم الماركه هاي منتشره باوربا اكثر
بس ممكن تاخذينها من مواقع اون لاين
شوفي هالكمن موقع
الموقع هذا امريكي

www.fragrancesandcosmeticsco.com

www.basharacare.com

WWW.AMAZON.COM

[mischocolat]

أنا قبل ويهي كان جيه بس عالخفيف من تعالجت الروكتان استوى جاف تماماً
وخاز عني كله ^^

اوكي الحين فهمت عليج
اذا تحسينه جاف وايد ابتعدي عن اي شي فيه رغوه ....لازم للتنظيف تستخدمين الميلك وتمسحين بالقطنه
الغسول الرغوي او الصابون العادي بيدمر لج بشرتج
انا احب ماركة لانكوم وكلارينس وجيرلان لهالنوع من البشرات
واذا الميزانيه ما تسمح بهالماركات فممكن تجربين لوريال لانها نفس مختبرات لانكون بس المنتجات ارخص طبعا

[قلبي بزي]

السلام عليكن
خواتي منو استحدمت كريم فيلاكوين فورت تركيز 4 بالمائة
لأن أشوف ويهي تظهر عليه بقع بنية فاتحة !!!!!
كم مرة نستخدمه؟ ومتى تظهر النتيجة؟
هو ينحط عالويه كامل ولا بس عالبقع؟

[mischocolat]

السلام عليكن
خواتي منو استحدمت كريم فيلاكوين فورت تركيز 4 بالمائة
لأن أشوف ويهي تظهر عليه بقع بنية فاتحة !!!!!
كم مرة نستخدمه؟ ومتى تظهر النتيجة؟
هو ينحط عالويه كامل ولا بس عالبقع؟

انتي متاكده من اسم الكريم؟؟؟؟؟
اول مره اسمع عنه

[munamoor]

لالا السكراب ما يزيت الويه بس لازم تعرفين ان السكراب يشل الطبقه الميته من على الجلد ويفتح المسام بالتالي الجلد يتنفس بشكل طبيعي فالبشره الدهنيه تبدا الزيوت تظهر بشكل ملاحظ لان المسام نظيف بينما المسام اللي مسكر وما يتنظف يظهر بشكل حبوب او بشره باهته ومافيها حياه لان كل شي محبوس تحت الجلد
المهم عقب السكراب عدل تستخدمين ماسك حسب نوع بشرتج يعني لو دهنيه يكون الماسك طيني وماص للدهون وعقب ما تغسلينه تمسحين بتونر عشان تسكرين المسام وما يتلوث
اكيد البشره الدهنيه يبالها مرتين او ثلاث سكراب وماسك بالاسبوع والغسول والمرطب وكل شي لازم يناسب نوعية البشره حتى المكياج

كل عام و انتي بخير ،،، و مبارك عليج الشهر❤

[الكتبيةالحلوة]

منورات بتجاربكن ..و اشكررررر مس شوكليت عالموضوع ..بصراحة انا مهملة نفسي من مدة طووويييييلة وطبعا أثر هذا في جسمي صار جاااف وبدت مفاصل جسمي تسود اكثر من ماهي سوده ..لكن برجع اسويلي جدول كنت اسويه قبل وهو اللي فادني بصراحة بس يباله شهر واكثر والنتيجة تدووم واايد ... اسوي حمام مغربي كل اسبوع مع صنفرة بكريم كاب واطحن فيه سفيد اب وهو اللي فادني واحس جسمي ارتاحله ..وبعدها احط من خلطة الزيوت(زيت زيتون+زيت لوز+زيت ورد+زيت سمسم+زيت قمح+جلسرين )واحلى شي زيت الورد يعططططر الجسم ,, اخلطها فجلسوليد احمر واحط بودرة سفيد اب الكمية اللي تبين او بس تخلينهن زيوت بدون كريم ..هاذي الخلطة بيضتلي المناطق السمراء وااااااااااااايد وااااااااااايد وفتحتني حتى اني والله والله تعودت عكلمة ابيضضييييتي !!!!..وقتها ما بخلت بنفسي كان شهر اهتمام مررركز بجسمي عطا نتايجه كنت اصنفر جسمي وااايد وهذا خلاااا زبببدة نااااعم بس الصنفرة بزيادة مب زينة خليها مرة فالاسبوع مع الحمام المغربي وصنفرة بالليفة المغربية مع صابون بعد روووعه نعوومة وقضاء على حبوب الجسم ..
سبوحي العادي كان بصابون سفيد اب .. هذا سري واللي من كل الاشياء اللي جربتها هو اللي عطاني نتيجة وبياااض ..في منكن ما يحبن السفيد اب ويقولن مضر لكن انا اقول الله اعلم وانا حبيته الصراحة وهذا الجدول اسويه شهر وارتاااح بعدهاا شهووور لانه فعلا شي شي ..بصراحة كان ودي اسوي موضوع لحاله لهالشي والتفصيل لانه يستاهل التجربة لكن دامني دخلت الميلس احطه مرة وحده ...موفقات

[قلبي بزي]

انتي متاكده من اسم الكريم؟؟؟؟؟
اول مره اسمع عنه

هيه المادة الفعالة هي هيدروكينون

[ams3a]

هلا مس جوكليت كل عام وانتى بخير
حبيت استفسر منج عن موضوع الفيشل كم مره يفضل اسويه نوع بشرتي مختلطه
وشو رايج فاونديشن شانيل كاستخدام يومي او اذا في ماركه ثانيه افضل
وبغيت تخبريني عن كريم علاجي لتحت العيون اتشوفينه زين من خلال تجربتج
ومشكوره

[ams3a]

السلام عليكم
مس جوكليت هل هاي معلومه صحيحه
ان نحن لازم نستخدم المرطب قبل وضع كريم الاساس حتى لو كان كريم الاساس يحتوي على مرطب
وهل ها الترتيب صحيح (مرطب كونسيلر فاونديشن بودره)
وفي حاله نستخدم واقي شمس كيف يكون الترتيب قبل الفاونديشن